ااه يا بلادي....الاجنبي والقطري؟؟؟

[Most Wanted]

اليوم خذت الوالده الله يطول بعمرها المستشفى الاهلي التخصصي وكان عندها موعد مع دكتور قطري ممتاز في تخصصه ودار بيني وبينه هالحوار

سالته دكتو ليش طلعت من مستشفى حمد ورد وقعد يشكي الحال يقول كنت رئيس القسم هناك وجابو لي دكتور امريكي يستلم راتب 10 اضعاف الراتب اللي انا استلمه وقعد يشتغل معاي سنه ونص ولا كان يسوي اي شي والشغل كله كان فوق راسي وبالنهايه حسيت بالظلم من الاداره وما حبيت اساله شنو الظلم اللي كان عليه لان معروف مؤسسة حمد الطبية شلون ادرتها وظلمها على الدكاتره القطريين والدليل هروب كثير من الاطباء الاكفاء الى مستشفيات خاصه.
رديت عليه وقلت انا رئيس قسم في مؤسسه من مؤسسات الدوله وجابو لي موظفين في قسمي ونفس الحاله رواتبهم اعلى من الراتب اللي انا استلمه بمراحل مع ان درجتي الوظيفيه اعلى ومسؤووليات اكبر وخبره اطول بس مشكلتي اني قطري والله يشهد علي اني حصلت عرض وظيفه بررع قطر كان ضعف اللي انا استلمه بس انا رفضته.

السؤال هني عن الخدمات الصحيه والاطباء الممتازين اللي يطلعون من حمد ويخلون المواطن يضطر يروح للمستشفيات الخاصه مثل حالتي اللي دفعت تقريبا 3500 ريال عشان العلاج وبسبب ان الدكتور طلع من مسشفى حمد والحمالله ان الحال ميسور بس اللي ما عنده شنو يسوي وين يروح يخلي الدكاتره يتدربن عليه


بالله عليكم لين متى خلاص كفايه ترى والله في قطريين متفوقين ولا حد ناصفهم ولا احد سائل فيهم



لين متى الاجنبي ماخذ حقه وزياده
لين متى القطري مظلوم في شغله
وامور كثيره الله العالم فيها

[عبدالله الخوار]

ليييين يتغيرون المسؤولين الحالييين الى مسؤولين اكفاء ..

تقريبا كل شي يشتكي منه المواطن القطري .. في كل وزارة في كل مؤسسة ؟؟

شسالفه .. محد يوصل كلام الشعب للامير الله يحفظه ؟؟

والا محد كفو يطلعهم من مناصبهم .. ؟؟

انا اشوف الدولة بخير .. بس يبيلنا صوت يوصل الشكاوي

بشكل صحيح ..

وتغير جذري في المناصب .. ويخلون عنهم .. كلمه عطه فرصه ثانيه

بخصوص مؤسسة حمد .. عمتي الله يرحمها .. ماتت بسبة غلط دكتور اجنبي

بالمنظار .. داشييين قصاب احنا مب .. مستشفى

اذكر دكتور من ال ثاني رقع في السالفه بس السالفه ما ترقعت

وتوفت بعد يومين من المنظار .. للعلم مافيها اي شي غير الربو

احسن دكاترة .. القطررييين واعرف دكاترة اقطرييين راحوا مسشتفيات

خاصه .. ومن هنيه مستشفى حمد راح وطي


بس خلها على ربك اخوي

[nor85]

حمد للاجانب في كل شيء المشكله مافي اداره عدله كل اداره اخس من اللي قبل

[!قطريـة بنت القمـر!]

كفيت و وفيت اخوي الخوار والظلم واقع وعسى الله يهديهم بس ....

[rakan-qatar]

انا حدث لي موقف مع طبيب بالخارج حيث دار حوار بيني وبينه انه لما لم يتم تشخيص حالتك معا انها بسيطه
قلت ما عندنا دكاتره متخصصين تعجب قلت الاطباء القطرين قليل واكثرهم اجانب فضحك قال وهل يعقل بدكتور ممتاز ان يغادر بلده والدكتور بشوش سبحان الله وهو نصراني هنا وخزوني بالابر وانا اصيح بدون بنج:) يقول كشف اعصاب

وعرفت ان الطبيب الممتاز لان تفرط فيه بلده وراتبه سوف يكون ضعف في بلادة
واحنا كل ما سوو فحص طلعو بيطرية ويسكتون اعتقد الحين ما قموا يفتشون خوف يطلع كلهم اطباء مواشي

عجبي يقهر ابن الوطن في وطنه

[زقرتي ومزاجي]

الشكاوي زادت هالايام في كل شي
من كيس الارز الى الاراضي الى الوظائف .. الكل بدأ يتذمر
معناها في خلل .. .. الله يرحمنا برحمته

[ولد الجزيرة]

ما تحسون الفوضى انتشرت في كل شي

فعلا هناك خلل في الموضوع


ممكن أحد الأسباب ذنوبنا فاسألوا الله المغفرة والتوبة

[professonal]

الله يفتح له باب الرزق ان شاء الله ويوسع عليه والارزاق بيد رب العباد وليس العباد

[سهم عربي]

امريكي يستلم راتب 10 اضعاف الراتب
لين متى الاجنبي ماخذ حقه وزياده
لين متى القطري مظلوم في شغله
وامور كثيره الله العالم فيها

هيمنوا على كل هيئات والوزارات !!

[زقرتي ومزاجي]

الله يفتح له باب الرزق ان شاء الله ويوسع عليه والارزاق بيد رب العباد وليس العباد


امين ان شاء الله

[هدوء العاصفة]

انا اعمل في احدى الجهات رئيس قسم اللي تحتي الراتب الاساسي اكبر من اللي استلمه. شي غريب مسئوليات اكبر وراتب اقل.

[khalid1975]

ما تحسون الفوضى انتشرت في كل شي

فعلا هناك خلل في الموضوع


ممكن أحد الأسباب ذنوبنا فاسألوا الله المغفرة والتوبة


رد يستحق التأمل ...

اللهم انا نسألك المغفرة من عندك ..

[مستثمره جديده]

حسبنا الله ونعم الوكيل .. الاجانب كلونا في بلادنا وصاروا يشاركونا في كل شي ماباقي الا الجواز يعطونهم اياه .. مناصب وعطوهم بيوت من افخم البيوت عطوهم سيارات فارهه وعلى اخر موديل وعطوهم رواتب اضعاف اضعاف رواتب القطريين وعطوهم تامين صحي وعطوهم وحتى المدارس صاروا يقولون لأبناء القطريين مالكم مكان والسبب انها مزدحمه بأبناء الاجانب .. حتى الطيران القطري طفش الطيارين القطريين وفضل الاجانب عليهم .. واذا صارت مشكله بين مواطن واجنبي يحاولون يطلعون المواطن هو الغلطان علشان مايزعلون الاجنبي .. يعني بالعربي صارت حقوق الاجنبي في دولتنا اكثر وافضل من حقوق المواطن المغلوب على امره والله ساعات الواحد يتمنى انه يكون اجنبي بس علشان يتمتع بالامتيازات اللي يتمتع بها الاجنبي ..مع الاسف صرنا اغراب في بلدنا لكن ماقول الا لك الله يالمواطن هو خير المستعان ..

[aabdulla1]

دكتور قطري واستشاري توه بعد اكثر من خمسة سنة شغل بمستشفى حمد قدر يسكن ببيت خاص فيه وترى لي اللحين استقالات القطريين مستمرة بس الاعلام مغطي

[OREO]

انا اعمل في احدى الجهات رئيس قسم اللي تحتي الراتب الاساسي اكبر من اللي استلمه. شي غريب مسئوليات اكبر وراتب اقل.


والله الشئ هذا صاير معاي ..

و يقولون ليش القطري يتذمر و يطلع من شغله و يشتغل شغل ثاني ..

ان شاءالله قريب استقيل من شغلي و الله يكتب اللي فيه الخير ..

[غناتي1]

هذا حظ القطري مهما ارتفعت درجته العلمية

الاجنبي مفضل اكثر منه 000 الله يرزقنا الخير

[Most Wanted]

والقطري لين متى يكون مظلوم في بلاده

خلاص كفايه والله العظيم ان في كفاءات تسوى الاجنبي وتعليمه وخبراته

ياجماعه الحل بيد من الامير طول الله بعمره

هو من الناس اللي ورى قضية التقطير والله لو ان حكامنا مو ورى هالشغله كان لقيت ان ولا قطري ماسك وظيفه محترمه وارجعو معاي ايام الثمانينات ونص التسعينات كان قليل اللي يتعينون بالبترول والحين التعييين المن ابيزه بس عشان شوف ان نسبة القطريين وصلت لين نسبه معينه ومن الدعايلت اللي لاتودي ولا تجيب

انا ابغي اسال توني قطري متخرررج من الجامعه ويبغي يتوظف ليش يطلبون منه التوفل اللي اعرفه ان التوفل ينطلب عشان الجامعه شنو يخصه بالشغل كله عشان يظهرون بصوره ان احنا نبغي نوظف قطريين بس هم مو كفو.

وتعال لين يتعين الواحد 7 او 5 سنوات عشان يخلص التدريب شنو يتدررب عشان شنو انا عن خبره الواحد يحتاج بالكثير سنه وحده ويمسك الشغل والمسؤووليه كامله وهالكلام من خبره

ليش يسوون جذي عشان حضرة الاجنبي ما يطلع من شغله ويمسك مكانه القطري المغلوب على امره واللي حتى بالراتب اقل منه

[Most Wanted]

للجميع مشكورين على الردود

بنظررركم شنو الحل؟؟

[حبر سري]

الشكاوي زادت هالايام في كل شي
من كيس الارز الى الاراضي الى الوظائف .. الكل بدأ يتذمر
معناها في خلل .. .. الله يرحمنا برحمته

كلام في الصميم يازقرتي
هذا اللي الكل المفروض يلتفت له

[!الشايمه!]

معناها في خلل .. .. الله يرحمنا برحمته


الخلل في الضمير الغائب في هذا البلد......

تحية

[THE PILOT]

للجميع مشكورين على الردود

بنظررركم شنو الحل؟؟

الحل ياأبو أحمد, في التخلص من عقدة الخواجه....فالمسؤولين نسوا أنهم هم أنفسهم قطريين!! وقرروا أن الحل لنهضة هدا البلد تكمن في الموظف عفوا الخبير ألأجنبي( كما يحب البعض أن يسميها ) ....اخي الكريم,ألأجنبي جاء ألى هدا البلد بدعوة من مسؤولين قطريين( نراهم في الصحف يوميا يصرحون بخططهم للتقطيير) ولم يأتوا من غير دعوة وعقود طويلة الأجل باهظة الثمن يدفعها في النهاية المواطن القطري

[@محمد@]

انا حدث لي موقف مع طبيب بالخارج حيث دار حوار بيني وبينه انه لما لم يتم تشخيص حالتك معا انها بسيطه
قلت ما عندنا دكاتره متخصصين تعجب قلت الاطباء القطرين قليل واكثرهم اجانب فضحك قال وهل يعقل بدكتور ممتاز ان يغادر بلده والدكتور بشوش سبحان الله وهو نصراني هنا وخزوني بالابر وانا اصيح بدون بنج:) يقول كشف اعصاب

وعرفت ان الطبيب الممتاز لان تفرط فيه بلده وراتبه سوف يكون ضعف في بلادة
واحنا كل ما سوو فحص طلعو بيطرية ويسكتون اعتقد الحين ما قموا يفتشون خوف يطلع كلهم اطباء مواشي

عجبي يقهر ابن الوطن في وطنه

كلامك صح لوكان فية خير في بلادة ما أستغنوا عنة

لاكن أهنية مب الهدف الهدف العدل العدل العدل:omen2: