سؤال اتمنى الاقي له اجابه عن بروه

[دربوه]

السلام عليكم

اخواني انا مساهم مع احترامي لنفسي دخلت السوق بجهاله

ومتوهق اخذت ديون من البنك وعلى اساس الشائعات تعاملت مع البورصه

هالشي خلاني اخسر نص فلوسي بالضبط

الاهم من هذا كله في اخر تعاملاتي شريت بروه على 64

وطاحت الين 50.1 وحزتها بعت اليوم كنت ابي اشتري ب45

بس قلت لا يمكن يستمر بس القهر يوم طلع 53.8 شريت

ليش مادري باخر دقيقه هالكلام

اليوم سويت 10 اوامر ماشفت فيهم خير الا بتعاملين الباقي كلهم

خساره بسبب تذبذب السوق والمخاوف بنفسي

الاهم من هذا انا شريت ب53.8 وابي نصيحتكم

باجر ابيع واطلع والسلام ولا انطر ولا شالسالفه

وشنو انسب سعر للبيع

افيدوني بارك الله فيكم

[دربوه]

شدعوه محد يبي يكسر اجر برمضان ؟؟

تراني انطر

[غريب الحال]

اخوي الكريم

انصحك لوجه الله قد ما تقدر تابع السوق وحاول ان تخرج باقل الخساير والسبب السلفه

الي انت ماخذها وروح سدد سلفتك ولا تخلي على نفسك دين وخصوصا ديون الفوائد

الي تكسر الظهر واذا حبيت تدخل مره ثانيه البورصه انصحك لوجه الله لا تدخل بفلوس

من سلفه او فلوس ممكن تحتاجها على الوقت القريب ولا تشتري على الشائعات

ولا بد ان يكون عندك خلفيه عن نظام السوق المالى وطريقه التعامل مع السوق

انصحك ايضا قبل ما تدخل مره ثانيه تابع مواضيع المنتدى وتابع الاخوه في قسم

التحليل الفني لمده كافيه لتعرف مجرى السوق وطريقة التعامل وتابع اعلانات الارباح

للشركات وطريقة تفاعل السهم مع الارباح

اتمنى لك التوفيق باتخاذ القرار المناسب والسلام اخوك غريب الحال

[دربوه]

شكرا اخوي بارك الله فيك

بس ماجاوبت على اهم شي

انا الحين شريت ب53.8

تنصحني ابيع باي سعر باجر

ولا انطر ولا شالسالفه

وربي كنت مبدع بورصه الين جا الانهيار حسبي الله ونعم الوكيل

وبارك الله فيك

[دربوه]

ياهوه مايهمكم الاجر ؟؟

حرام عليكم وراي دوام وانطر تنفعوني بهالسؤال

لانه على اساس نصيحتكم بشوف حل باجر بعون الله

[دربوه]

وينهم ذيابة البورصه ؟؟؟؟

[اكتتاب خاص]

اخوي دربوه

اول شي الله يعوضك عن خسارتك

ثاني شي ترى الاخوان ما يردون مب عشان محد يبي يسوي خير ، لا اخوي ، لان بصراحه السوق وضعه هاليومين ما ينعرف له ، لا محللين يعرفون اتجاهه ولا شارتات ولا مؤشرات تقدر تقول لك وش بيصير بالضبط

ارتداد اليوم مؤشر طيب ولكن ما يحدث في الايام القادمه غير واضح

عموما اخوي احمد ربك لان دخولك بروه بسعر مب وااايد مرتفع ، لانه غيرك متعلق بسهم بروه في التسعينات والا الثمانينات ، مثل ماقلت لك سعرك احسن بوايد من غيرك ، شتقول عن اللي تعلق في الاسلاميه بسعر فوق ال100 ريال والا اللي ماخذ المصرف على 170 ريال ( اقولك هالكلام عشان الانسان اذا شاف مصايب غيره ، هانت عليه مصيبته )


بخصوص باجر وتبيع والا تخلي الاسهم

انا بقولك رأيي والله اعلم

انا اشوف ان احسن حل ، باجر راقب السوق وشوف حالة السوق بشكل عام ، مشجع وفيه ارتفاع وفيه سيوله والا مافيه شغل ، عموما اذا ارتفع السعر كم ريال فوق سعر الشراء ، توكل على الله وبيع ، وحاول تصيده بسعر اقل من سعر بيعك شوي وادخل وجذي ، يعني حاول تكون مضارب بس لازم تراقب السوق على طول ، عشان لو شفت توجه للاسف وتأكدت انه رايح تتخلص منها ، وبالطريقه ممكن على الاقل لو كله صفقه ريالين او ثلاثه بتعدل متوسط سعر شرائك


اما في حالة لو كنت تقدر تصبر على الاسهم وانت مستثمر لمده 6 اشهر ومافوق ، ان شاء الله مافيه خوف ، وتأكد ان حال البورصه ارتفاع بعد كل هبوووط ، مهما طال الوقت


الله يوفقك اخوي ويعوض كل انسان خسران
اسمح لي طولت
في امان الله

[دربوه]

بارك الله فيك يالغالي

تدري الخوف من هالانهيار وكوني من صغار المستثمرين

اللي يسمونا وقود السوق

خلاني اتخبط مع اني ادري باساسيات التعامل وكنت احسب نفسي

مضارب ذكي وملم بالسوق

سبحان الله محد كامل وجه ربك بس

والله يعوض علي ان شاء الله

[اكتتاب خاص]

بارك الله فيك يالغالي

تدري الخوف من هالانهيار وكوني من صغار المستثمرين

اللي يسمونا وقود السوق

خلاني اتخبط مع اني ادري باساسيات التعامل وكنت احسب نفسي

مضارب ذكي وملم بالسوق

سبحان الله محد كامل وجه ربك بس

والله يعوض علي ان شاء الله


بشر ان شاء الله امورك طيبه اليوم

[راعي النيسان]

اكبر غلطة تسويها تشتري على مبدا مع الخيل يا شقرا .. والطامة الكبرى انك تشتري اسهم من أموال جاءت عن طريقة السلف البنكية ...

اخوي الكريم .. نصيحة لوجه الله ،،، حاذر من الشراء عن طريق السلف البنكية ،،، لانه الخسارة راح تكون خسارتين الاولى خسارتك لفلوسك اللي خذيتها عن البنك وتم تسدد وانت متحسر على الخسارة ،، وثاني شي خسارتك في الاسهم اللي شريتها بالغالي ومب قادر تبيعها برخيص ... واحنا كلنا نتفق انه الخسارة خسارة الروح ،، لكن بالنهاية يتم المال عديل الروح وانا أخوك ..

اذا كنت تحب المضاربة فانا انصحك بسهم ناقلات ،، اهو الوحيد اللي تقدر تضارب فيه وانته مرتاح لانه محبين هالسهم كثار ويعتبر ملح السوق ..

واذا كنت تحب الاستثمار الطويل فعندك البنوك واهمه المصرف والدولي اسهم حلال واسلامية .. ارباحهم عال العال ومن بعدهم الصناعات ووقود .. وتوكل على الله قبل اي شي وماعليك من نصيحة فلان وعلان ..

السوق هذا يبي له نوعين من الرجال ،، النوع الاول المغامر والفطين ،، والنوع الثاني الصبور ..

[الوعد2016]

مبروك عليك الارتفاع وتابع السهم بكره

[دربوه]

اول شي شاكر نصيحتكم الغاليه عسى الله يكون بميزان حسناتكم

بس خلوها على ربكم انا بعت ب53.5 خوفا من النزول

ولين نزل شريت ب51.1 كانت ضربه حلوه بس السيء اني ماصبرت

خوفا من اللي صار الايام اللي راحت وبعت ب52.8 وماسويت اي عمليه عقبهم

القهر في السالفه اني كنت متاكد عقب متابعة السوق انه لمت اب ولا محاله

بس الخوف خلاني ابيع بدري جدا وبسعر ناقص 2.6

الله كريم والحمدلله المكتوب نشوفه غير المكتوب مستحيل نشوفه

بارك الله فيكم وبنصايحكم الغاليه

[SeYaSeEe]

الله يعوض عليك ..

والله يرزقك الي يسد سلفتك وزياده ان شاء الله ..

[غناتي1]

انتظر شوي ولا تبيع 00 احسن من انك تبيع بخسارة

والسلفية بياخذون فوايدهم منك سواء سددت الحين

والا بعد سنه 000 فانتظر شوي 00 والله يفرج عليك

وعلينا 00 لان كلنا في الهوى سوى

[دربوه]

الله لايحرمني طلتكم ونصايحكم الغاليه

ودعواتكم اللي تفتح النفس