☺ لأول مرة..شاب سعودي يتزوّج بالماسنجر ☺

[Gold Boy]

لأول مرة..شاب سعودي يتزوّج بالماسنجر

http://www.up-00.com/bzfiles/s8v33014.jpg (http://www.up-00.com/)


.

.

.

.

تمّت مؤخراً في خطوة هي الأولى من نوعها مراسم عقد قران شاب سعودي في العقد الثالث من عمره على فتاة تصغره بثلاثة أعوام بعد أن تمكّن من رؤيتها شرعًا من خلال كاميرا " الماسنجر " وبموافقة والدتها ، وذكرت جريدة " المدينة " السعودية أن العلاقة كانت بين الشاب والفتاة من خلال مواقع الدردشة على شبكة الإنترنت وامتدت إلى أكثر من 3 أعوام ، كما امتدت العلاقة بين الشاب والفتاة إلى قصة زواج حقيقية بعد أن وافقت الفتاة وأمها على أن تتم النظرة الشرعية من خلال كاميرا " الماسنجر " عن طريق الإنترنت ، وتم الاتفاق على إتمام مراسم الزواج في عيد الأضحى القادم

===============================

وشرايكم من فيكم المؤيد ومن المعارض ☺

[سلمان_1]

سجلني في حزب المعارضة :victory:

[فتى الجود]

مبروك

والعيال بيجيبونهم
عن طريق الــــــــ
دوت كوم .com
ولا
دوت نت .net
????????????????

[وطن]

وليش يعرض قصته في الجرايد
ترى وايد غيره تزوجوا عن طريق النت !!



أما الشوفه الشرعيه عن طريق الكام
اعتبرها قلة وعي من الأم
فرضاً طلع هالولد راعي خرابيط وسجل التصوير كامل او احتفظ بصورة للبنت وهددها !!!

[بنت نت]

مخليته يشوفها عن طريق كاميراالماسنجر ابيييييه شنو هذا

البنت وفارس احلامها شاتيه ((اللهم لاشماته))

[المهندي911]

هههههههههه

هم يضحك وهم يبكي
على زمن عيالنا شبيصير بعد اكثر
لاحول ولا قوة الا بالله العلي العظيم

تحياتي لكم

[عنيــــد]

كثير اللي تزوجوا و بدت علاقتهم من الانترنت ،، و النت فيه فوائد و اضرار ،، و ما اعتقد انه راح يتزوج البنت الا و هو مقتنع ١٠٠٪ انها الانسانه المناسبه ..

و بعدين في النت الواحد ما عليه قيود و يتصرف بطبيعته .. يعني يعرفون بعض عدل ..

مع ذلك كله انا افضل طريقتنا التقليدية ( حتى الآن ) ..

[بنت المنتدى]

:eek5:


استغفر الله بقلبي كلام بس مب قايلته لاني صايمه ببرد حرتي فيهم بعد العيد اذا الله عطاني عمر

[ذوق]

its ok
موافقه شريطه ان النظره الشرعيه تكون وهي متحشمه عن طريق الكام

[سهم طايش]

ما بني على باطل فهو باطل

[مالي ومال الناس]

اللهم لاشماته . . بلفيت تطور :)

[Gold Boy]

الف شكر للجميع على المشاركات المفيده

اكرر شكر لكم

[المشتاقه الى الجنه]

الزواج هذا لا يمكن أن ينجح


مثل ما تعرفت هذه الفتاه على الشاب عن طريق النت بعد الزواج ستتعرف على غيره

[سداوي&مدريدي]

ياعيني على العائله

[Mo0o0oM]

السؤال ؟؟
ليش النظره الشرعية عن طريق كام المسنجر ؟؟

ليش ماتكون بالطريقة المتعارف عليهاا ؟؟

صج .. ماخلينا لليابانين شيء :anger1:

[Gold Boy]

السؤال ؟؟
ليش النظره الشرعية عن طريق كام المسنجر ؟؟

ليش ماتكون بالطريقة المتعارف عليهاا ؟؟

صج .. ماخلينا لليابانين شيء :anger1:

:nice:

شاكر لكم تواصلكم جميعاً

[لاداعي]

:omg:

[الكاسر007]

اذا صج الله يوفقهم ان شا الله

اما اذا كذاب الله يعينها على البلوة

[المارونـــي]

موفق ان شاء الله
معارض
تقبل مروري اخوي

[khalid1975]

زواج سعيد ان شاء الله

والله يتمم لهم على خير وسلامه

اعتقد الطريقه ما عليها اي حرج .. وكثير من الزيجات تمت عند طريق النت ونجحت

وين المشكله!!!

مثل ما في ناس تزوجو عن طريق السوق والمجماعت !!! في ناس تزوجو عن طريق النت
والتوفيق بعد الزواج ما يعلمه غير الله ..

هذه وجهة نظري


تقبل تحياتي ..

[QatarRose]

يعني مثلا هذا اللي يسمونه ( التطور )

شي غريب !!

إلى أين سنصل ؟!

[قطرية وافتخر]

يعني ثلاث سنوات تكلمه ولا شافها .. اشك في ذلك

[مليت]

حد يبي الما زنجر مالي

بس ترا بدون سلطه :)

[وطن]

حد يبي الما زنجر مالي

بس ترا بدون سلطه :)

الله خاطري في زنجر

:rolleyes2:

[rakan-qatar]

ما بني على باطل فهو باطل


معاك انا

[حقيقه]

الحمدلله والشكر

[(الفيصل)]

لن أعلق على الموضوع لانه واضح لأي عاقل أو عاقله .. فهو كمن يدس السم في العسل
ولكن عتابي ينحصر في بعض التعليقات من بعض الاعضاء وبعدها كل البعد عما وضعوه من تواقيع لهم
فلاحول ولاقوة الا بالله

[almulla]

وليش يعرض قصته في الجرايد
ترى وايد غيره تزوجوا عن طريق النت !!



أما الشوفه الشرعيه عن طريق الكام
اعتبرها قلة وعي من الأم
فرضاً طلع هالولد راعي خرابيط وسجل التصوير كامل او احتفظ بصورة للبنت وهددها !!!

:nice:

[الوعد2016]

ما بني على باطل فهو باطل

:nice::nice::nice:

[مزيون الدوحه]

الله يوفقهم ان شاء الله
مهما يكون احسن من اللعبه
لاكن الله يعينهم على الشماته من
اهلهم والغرب اذا لاقدر الله افترقوا في المستقبل

[!الشايمه!]

مسألة الزواج على النت.....فهذا كثير يمر علينا.....سواء كان صحيح او غير صحيح
اصبح واقع......لا نستطيع تجاهله......اما نتائجه....فلا نستطيع ان نجزم بالنجاح او
بالفشل........اما الموضوع المهم........

الرؤية الشرعية عن طريق الكام ....!! وليش عن طريق الكام......اذا الشخص
جاد ليش مادخل من البيوت.....من الاساس؟

الحين كل بنت بتدق الكام وبتقول رؤية شرعية......

الله يستر على الجميع....من هالافكار.

تحية

[حقيقه]

مادري ليه البعض
يؤيدون هالفعل

ونسو انه الرجل الشرقي مهما تطور ومهما راح ودار الدنيا
افكاره ماتتغير ومستحيل حد ياخذ وحده بهالطريقه ومااراح يشك فيها
انها ممكن تعرف غيره و و و و و و .... الخ

هاذي رايي

[Qa6ar]

نصيب ياجماعه

... ناس كثير بقطر تزوجت من خلال الشات والماسنجر

الله يوفقهم ويستر على المسلمين

[غناتي1]

أمحق قدوة 000 الله يسامحه

لا يقلدونه هالمخبل الباقيين

[الساهرة]

وليش يعرض قصته في الجرايد
ترى وايد غيره تزوجوا عن طريق النت !!



أما الشوفه الشرعيه عن طريق الكام
اعتبرها قلة وعي من الأم
فرضاً طلع هالولد راعي خرابيط وسجل التصوير كامل او احتفظ بصورة للبنت وهددها !!!



نفس تفكيري اختي وطن صح لسانج :nice:





الساهره

[fhd4]

اذا صج الله يوفقهم ان شا الله

اما اذا كذاب الله يعينها على البلوة

وليش مب الله يعينه هو عليها ...

على العموم أنا أشوف هالزواج خرابيط ...

[gaasi]

الله يهديه ويوفقه

[شاي كرك]

انا مادري وين الخلل في الموضوع ...!!!

إذا ما قسنا الموضوع على الدول العربية لوجدنا ان حالات زواج كثيرة تمت عن طريق "النت" ولا نستطيع ان نجزم ان كل تلك الحالات قد " فشلت " ... وللعلم فقط ايضا حالات الزواج العادية تفشل ...

اذا الامر متوقف على "الاتفاق" حيث ما وجد الاتفاق وجد الاستقرار .

ولا ننسى بأن هناك حالة زواج حصلت "هنا" في المنتدى ، ولا نستطيع ان نحكم عليها بالفشل ، إلا اذا جد جديد ...

[بوخالد2]

يمكن يبون يغطون على قصه مهند و نور !!! :)

[AmOuR]

سبحااااااااااااان الله

[nor85]

لاتعليق

[Gold Boy]

يمكن يبون يغطون على قصه مهند و نور !!! :)

:funny:

[lalamar]

أنا من رأيي ان هالزواج ماراح ينجح

لان كل واحد بيقعد يشك في الثاني

والريّال عارف ان زوجته عندها سوابق في الانترنت

فممكن يشك فيها انها تحادث أحدهم عبر الماسنجر

والزوجه كذلك راح تشك

[n.a.w]

والله شي

[الدوحه%]

يعني حبكت كاميرا المسن مع الوالده وهو معاها ثلاث سنين ماشافها يعني :omen2:
اللهم لاتبلينا بدال لايستر على نفسه هو معاها يروح يفضح:eek5: نفسه في الجرايد
بدال لايدعي على نفسه بالستر يروح ينشر سالفته:anger1:
يالله بالستر

[أمير المحبه]

من عقب اهلين والله نورت الروم
وكلك ذووووووق
الحين بيقعدون على الكوشه والله زيييين شالخرابيط ماقول الا
بررررب اكيد هاي بيكون اسلوبهم في الكلام من كثر جلستهم على الشات
الله لايبلينا ونتم على عاداتنا وتقاليدنا مافي احسن واستر منها

[الغزال العارضية]

اعرف وايد ناس تزوجوا عن طريق الانترنت والحمدلله مرتاحين وعايشين حياتهم

بس اول مرة اسمع بالرؤية الشريعه عن طريق الكام
هذا على اساس انه رجال ويرضى بالتصرفات هذي

دام هذا اولها الله يستر من تاليها

[PRINCESS]

الله يوفقهم ويسعدهم:nice:

[qaswed]

الله يتمم لهم على خير

رغم تحفضي