قطر اقل دول العالم بها أمراض السرطان

[aabdulla1]

في حوار خاص لملحق الصحة والناس لجريدة الوطن القطرية ليوم الاربعاء بتاريخ 17 سبتمبر 2008 الدكتور عبدالعظيم عبدالوهاب نائب رئيس الجمعيةالقطرية لمكافحة السرطان يعلن أن قطر أقل دول العالم بها أمراض السرطانات.

عافانا الله واياكم و شفى مرضانا و أعان أهاليهم

[حمد]

غريبه

احساسي ان اكثر دولة نسبة الى عدد السكان !!!

[بنت المنتدى]

خرابيط

هذول لاتاخذ منهم لاحق ولاباطل


توه الحين ابو صديقتي كله بطنه يعوره ميته من الالم ويقولون له مافيك شي راح تايلند المستشفى الامريكي قالوا له فيك سرطان بالقولون ولازم ينشال كله اول امس كانت عمليته الله يشفيه وياجره خير يارب و قريبتي كبيره بالسن تشتكي من بقع على جلدها قالوا لها اكيد هذي رضوض قالت الله يرحمها انا ماطحت ولاشي اخرتها تمت ترجع دم وقطع كبده وقسم بالله .. اكتشفوا بامريكا ان الكبد تقطعت من السرطان و وحده من قرايبنا فيها بالصدر ويقولون الياف عاديه واخرتها انتشر وماتت الله يغفر لها وعمرها في العشرين وناس وناس وناس واجد راحوا من قدام عيونا والسبب كله انكم بخير ومافيكم اي شي لاتحاتون بس وبعد كم سنه انصدموا لانه منتشر و وصل حالة متأخره يعني حتى العلاج مايفيد الله يكفينا شره بعيد الشر

والله يحفظ الكل من اي مرض كان

[المزن الرياني]

ليكون على باله هي بالعدد
ترا اذا قارناها كنسبه وتناسب مع عدد السكان
بيطلع الرقم مخيييييف

الواحد ماوده يخسر حسنات على بعض ممن يدعون العلم

[القناعة كنز]

خرابيط

هذول لاتاخذ منهم لاحق ولاباطل


توه الحين ابو صديقتي كله بطنه يعوره ميته من الالم ويقولون له مافيك شي راح تايلند المستشفى الامريكي قالوا له فيك سرطان بالقولون ولازم ينشال كله اول امس كانت عمليته الله يشفيه وياجره خير يارب و قريبتي كبيره بالسن تشتكي من بقع على جلدها قالوا لها اكيد هذي رضوض قالت الله يرحمها انا ماطحت ولاشي اخرتها تمت ترجع دم وقطع كبده وقسم بالله .. اكتشفوا بامريكا ان الكبد تقطعت من السرطان و وحده من قرايبنا فيها بالصدر ويقولون الياف عاديه واخرتها انتشر وماتت الله يغفر لها وعمرها في العشرين وناس وناس وناس واجد راحوا من قدام عيونا والسبب كله انكم بخير ومافيكم اي شي لاتحاتون بس وبعد كم سنه انصدموا لانه منتشر و وصل حالة متأخره يعني حتى العلاج مايفيد الله يكفينا شره بعيد الشر

والله يحفظ الكل من اي مرض كان

اختي بنت المنتدىالله يشفي مرضاكم بس اسمحي لي اقولج وبدون زعل كلامج فيه مبالغه :shy:
بالنسبة لسرطان القولون:
اي واحد طاف ال50 ومعاه الم بالبطن وتغيير بالخروج امساك ويتبعه اسهال وغازات على طول الطبيب ممكن يشك بالسرطان ويروح يسوي له تحاليل بسيطه مثل الهيموجلوبين بيكون نازل وبيكون عنده تحليل البراز فيه دم واحيانا هو يقول ينزل دم مع البراز
يعني مستحيل ماسووا له هالتحاليل مع منظار القولون والمستقيم

اما سرطان الكبد اسمحي لي اختي الكبد مايتقطع ممكن يتضاءل حجمه بسبب التليف لكن مايتقطع اما قطع الكبده اللي تقولين يرجعها طبعا مستحيل الكبد يتقطع بس هالدم من دوالي المريْ
والمريض بيصير معاه صفار بعينه يعني اي طبيب توه متخرج بيروح يسوي له تلفزيون عالكبد وبيبين اذا فيه اورام بالكبد والا لا ولزياده التاكيد يسوون له اشعه مقطعيه


وبالنسبة للرئه اللي اعرفه التليف له اسباب مثل الادويه او الامراض الروماتيزميه اوالعلاج بالاشعاع
اما سرطان الرئه بيبين بالاشعه على شكل mass او nodule يعني على شكل دوائر
وللتاكيد المريض يسوون له اشعه مقطعيه ومنظار عالرئه واحيانا اذا فيه ماء بالرئه يسحبون الماء ويحللونه وياخذون بعد عينه من الرئه
عموما اغلب مرضانا يكونون متشخصين بس هم مايثقون بالتشخيص او العلاج بمستشفى حمد

[الخيميائي]

رجعنا على سوالف اقل واكثر واغني

اكيد احنا على عدد السكان بنكون الاحسن والاغني والاكثر والاقل

[Gold Boy]

في حوار خاص لملحق الصحة والناس لجريدة الوطن القطرية ليوم الاربعاء بتاريخ 17 سبتمبر 2008 الدكتور عبدالعظيم عبدالوهاب نائب رئيس الجمعيةالقطرية لمكافحة السرطان يعلن أن قطر أقل دول العالم بها أمراض السرطانات.

عافانا الله واياكم و شفى مرضانا و أعان أهاليهم

قول ما شاء الله omen

[lalamar]

الله يكافينا شر هالمرض

[Night KNight]

انا الي سمعت عنهم

مصابين بمرض السرطان هاذا الشهرين

حـول الـ 10 اشخـاص

الله يشفيهم والله يبعد عن اخوانا المسلمين هاذي الامراض

فما أعتقد ان كـلامه صحـيح

[The Blade]

السلام عليكم
نسأل الله الصحة والعافية لجميع المسلمين

[حقيقه]

الله يحفظنا
ويشفينا
ويشفي جميع المرضى
بأذنه

انا يتقطع قلبي يوم اشوف المرضى في مستشفى الامل

الله يحفظنا ويبعد الشر عنا جميعاً بأذن الله

ومن الاحسن انه الشخص مايتكلم عن هالمواضيع اللي تعور القلب

اضحك الحياه تطلع احلى :nice:

[rakan-qatar]

اول شي يجب تغير انابيب المياه بماده عازله من الصداء تنضيف الخزانات العملاقة وتعقيمها بستمرار

وان شاء الله مابه الى العافيه الدوله مصخره كل شي بس وين اللي ينفذ

[Darco]

اللي ممكن يخلي قطر أقل دولة في العالم بالإصابة بالسرطان هو أن "نسبة العمالة الوافدة" كبيرة جداً من سكّان البلاد, وغالبيّة هؤلاء من صغار ومتوسطي السن, ويتم فحصهم قبل دخولهم الدولة.

لذلك العبرة مهب في سكّان قطر مع الوافدين, العبرة في أهل البلاد.

[غناتي1]

الله يرحم حبيبتي نوره 00 اللي توفت بهالمرض وهي في عز شبابها

[بوحارب]

الله يرحم حبيبتي نوره 00 اللي توفت بهالمرض وهي في عز شبابها

الله يرحمها

وانا عمتي ماتت والسبب السرطان :weeping:

[aabdulla1]

شكراً للمشاركين في الموضوع و اعتقد من مشاركات البعض ان هناك رأي آخر مخالف لما ذكر في الحوار . و هذا دليل على نقص(أو عدم دقة) المعلومات المتوفرة عن نسبة الخبيث في قطر ولذلك أدعو للمتخصصين بإبداء معلومات تفصيلية عن نسب الإصابة بالمرض عن القطريين و عند المقيمين لكي نقطع الشك باليقين.



و أقدم إعتذار لكل من قلبت عليه المواجع بس لازم نذكر بها المرض ونحذر الناس منه.

وأخيراً الله يشفي المرضى ويعين أهاليهم و يعافينا شر ها المرض.

[gaasi]

الله يشفي مرضانا ومرضى المسلمين ياارب