سؤال مبدأ الحيطة والحذر

[Banana]

:) :)

مرررررررحبا


اخوتي ارجوكم المشاركة جميعا لانني ساطرح هذا السؤال على استاذنا بشير الكحلوت

السؤال: لو سمح الله وكان هناك تراجع قبل دخول الاجانب ماهو تصرف كل واحد منكم ارجوا المشاركة وبصراحة هل ستحتفظوا بهذه الاسهم ام تبيعوا النصف وتتركوا النصف الاخر اوتبيعوا جميع الاسهم وتشتروا لما يتوازن السوق ماهو التصرف؟.والله يوفقنا جميع :) ويسلم لنا بومشعل راعي المكرماتي :)

[مافيا قطر]

اما انا بطالع السوق لين قبل دخول الاجانب خاصه فى مواشى والسلام للين سفت السوق بينزل او حركه من الهوامير على طلوع ابيع وانتظر للين ماتنزل الاسعار واشترى فى ناقلات للمدى البعيد

[ابوعلي اليافعي]

من جهتي فانني ساحتفظ بالاسهم القياديه والقويه والتي يتوقع ان يكون الطلب عليها قوي حين دخول المستثمرين الاجانب ..اما بقية الاسهم فانني ساقوم بتصريف النصف والباقي سارى كيف سيكون الحال عند بدء التداول وحينها سيكون لكل حادث حديث.......ويعطيج العافيه

[الفيصـل]

انا والله حاط سعر براسي اذا وصل هالسعر .. بابيع ؟ ماوصل بنساها ؟

[موادع قطر]

التركيز يكون في الاسهم القياديه وعلى راسهم الصناعات والمصرف
امى الاسهم الباقيه أتوقع تذبذبها...لان العمليه فيها مضاربات والمضاربات تكون في الاسهم القياديه
أتوقع نزول العقاريه والمتحده تقف عند 130 والتحويليه 120 وجميع هذه النكهنات بناء على الارباح والتوزيع
وهذا والعلم عند الله

[deepbluesea]

انا شخصيا متأكد ان الاسهم بتستمر في الارتفاع لين بعد دخول الاجانب بشهر تقريبا
والسبب واضح لان العرض والطلب بيتغير
يعني بدال ما يكون العرض والطلب على عدد 3000 الف شخص تقريبا ، بيرتفع بين يوم وليله الى ملايين الاشخاص والمعروف في البورصه واسواق المال انه ركيزتها هو العرض والطلب ، فأ كيد زياده العدد يؤدي الى زياده الطلب وبالتالي ينعكس على الاسعار ، يعني لا تخافو وخلو اسهمكم لانه بترتفع في كل الاحوال واكيد وحتى لو صارت حركه تلاعب بالاسعار من بعض الهوامير فهي مؤقته وبتكون قبل فتح التداول للاجانب بأسبوع تقريبا عشان الهوامير يبون الناس تخاف وهم يبلعون السوق
لالالالالالالالالالالالالالالا تبيعو واصبروو بس لين اخرر شهر اربعه وعقب بيعو و لاتنسو تدعو لي

اخوكم
deep blue sea

take care all

[الخبير المالي]

يعتمد على حسب نوع الشخص اللي يمتلك السهم هل هو مضارب او مستثمر ومعروف ان المضارب سريع التنقل بين الاسهم (خصوصا الاسهم ذات القيمة السوقية المتدنية ) وذلك للكسب السريع اما بالنسبة للمستثمر فالمتوقع انه راح يحتفظ بالاسهم الاسترتيجية والمدعومة من المؤسسة المصرفية للدولة او الحكومة على سبيل المثال صناعات قطر ، الكهرباء ، البنوك وحسب رايي المتواضع ان الاسهم الاستراتيجية ستشهد طلبا كبيرا من الاجانب وانصح اخواني واخواتي بالاحتفاظ بتلك الاسهم.

بالتوفيق للجميع

[بيـــزات]

والله عني انا باشوف وقت التداول كيف الوضع.. وان شاء الله

اني ماني بايع.. الا بالعكس.. شراي في ناقلات ..ويمكن اتجه الي الاستثمار الطويل الاجل

لحين اتضاح الرؤيه اكثر بالنسبه لي

تحياتي وبالتوفيق

[صراف]

بالنسبه للشركات القياديه للسوق والشركات التي اعلنت عن رفع راس المال اتوقع بأن اغلب ملاكها سوف يتمسكون بها لوجود محفزات لديها تكون بمثابة دعم قوي لارتفاع السهم .. وبنفس الوقت تكون اقل خطوره من اي عملية تصحيح قادمه.


ونشاء الله القادم احلى للسوق.

والله اعلم

[سراب الامل]

صباح الخيررااات

بالنسبة لي انا حاطه لميت معين بس يوصل السعر لها الليمت بابيع على طول حتى لو كان قبل دخول الاجانب

[جمال النعيمي]

اخوتي ارجوكم المشاركة جميعا لانني ساطرح هذا السؤال على استاذنا بشير الكحلوت

ولماذا هذا السؤال من البديهي اترك فراغ عرض يتبعة طلب متزايد

واما استشارة بطرح اسئلة على اشخاص غير مرخصين للاستشارة في استثمارات الناس هذا لايجوز ان اختزال جموع المستثمرين في شخص واحد ، اليس لنا عقول نحن ليس قاصرين وليس محتاجين الى مستشارين او حتى تحكم السوق في تحديد الصعود والنزول هذا تسويق وهم اننا ليس لدينا القوة لاتخاذ القرارتنا في حرية استثماراتنا

اقول شكرا على هذا الترويج للخبير الغير مرخص وكفى

[ابوعلي اليافعي]

صراحه انا بالامس دخلت على موقع الكحلوت واكتشفت بان هذا الانسان لا يمت للخبره بصله ربما يكون خبير في اشياء اخرى غير البورصه القطريه بل على العكس فان معظم ردوده تهبط المعنويات ..وفيها استرخاص للاسهم القطريه مثل قوله بان الصناعات ستعود الى ال180والناقلات لا تسوى اكثر من70..ونصحه للناس بعدم الشراء اول يوم تداول فناقلات الغاز...صراحه كلام غريب وفيه اشياء كثيره مبطنه لا داعي لذكرها...

[الرمز]

والله ثم والله ماخسرني في السوق الا ذيك الايام لي كنت اتبع فيها كتابات الكحلوت والحمد لله الحين لا اقراء سطر يكتبه لاني بصراحه اشك في نواياه
واذا انتي يا ختي موزه ناويه على الخساره الله يعين
يحاول يحبط من همم القطريين
ولا انسى موضوعه كتبه عن التستر وكان معارض له ويقول بان التجاره والعمل الاقتصادي قائم كله على الاجانب وان القطريين مجرد ديكور بالاسم .

[ابوعلي اليافعي]

الاخ شرياص كلامك 100% صحييييييييييييييييييييييييييييح...

[lol]

:mad: :mad: الكحلوووووووت :mad: :mad:

[سلطان]

السلام عليكم

شباب انا استغرب كلام البعض اللي يقول ان الاسعار بتنهار بعد الاجانب

صدقوني لو يوم 3 ابريل ولا اجنبي دخل السوق الاسعار راح ترتفع

لسبب بسيط ان الجو العام ونفسية المستثمرين راح ترفع السوق

كذلك هناك نقطه هامه ايضا ان اللي راح يتحكمون بالسوق هم القطريين

حتى بعد دخول الاجانب لان الاجانب النسبه الفعليه لهم بسيطه وفي احسن الاحوال 25 بالمئه

بالنسبه للشركات الغير حكوميه , وشفنا ايش صار بالسوق الشهرين اللي فاتوا والى الان لم يدخلوا

الاجانب رسميا , اما بالنسبه للكحلوت فلا شك انه رجل له المام بالاقتصاد بشكل عام ولكنه ليس خبير

في مجال الاسهم ومن خلال ملاحظاتي لكتاباته وردوده لم اجد اي تحليل فني , ولا اذكر انه في يوم

تحدث عن التحليل العلمي للاسهم او انه شرح في يوم من الايام اتجاه سهم شركه معينه من خلال

تحليل منحنى الشركه او في يوم تحدث عن الشموع اليابانيه واهميتها وشموليتها في التحليل

الفني , وقبل كم يوم استشاره احد زوار المنتدى في سهم مطاحن فقال له على الفور لا تشتري

السهم سينزل والسوق في فترة تصحيح ومن ثاني يوم سهم مطاحن في ارتفاع الى يومنا هذا, كذلك

الى هذا اليوم تنصح شركة جلوبال بالاحتفاظ ببعض الاسهم القطريه وتنصح المستثمرين للفترات

المتوسطه بالاحتفاظ فيها .

ولا شك اننا جميعا معرضون للخطأ ولكن من قال لا اعرف فقد افتى وعندما يستشار شخص

يفترض انه خبير في السوق لا بد ان يذكر الاسباب في نصيحته في الشراء او البيع وليس

فقط عناوين عامه ليس لها علاقه باساسيات تجارة الاسهم .

فضلا عن ذلك اتجاهه لسياسة العقاب الجماعي في قفل منتدى الزوار او الاستشارات اكثر من

مره و تضخيمه لاعتراض السوق على نقله شريط الاسعار ومحاولته اقحام وزير الاقتصاد في

الموضوع .

[سهم طايش]

يوم الاحد اللي فات كان لقاء مع الكحلوت في التلفزيون

اتصل فيه واحد قال يا اخي انت تحليلاتك كلها عكسيه و لا مره شفت لك تحليل عدل مثل الناس كل تحليلاتك عكسيه

اقول لكم انصفق وجهه ههههه

يبه سوقنا لا يخضع لأي تحليل او منطق المحللين هم نفسهم المضاربين و الهوامير

انا من شفت المساهمين يبيعون اسهمهم في الصناعات قبل انعقاد الجمعيه بيوم بالمت داون عرفت ان السوق لا يخضع لاي تحليل و المشكله بعد توزيع الارباح بيوم صار ينباع سهم الصناعات باللمت اب !!!

شي غريب و محير و هذا يدل على ان اكثر المضاربين معا الخيل يا شقراا

لا ينفع معاهم تحليل و لا اشعة

[امواج]

السلام عليكم ورحمة الله تعالى وبركاته

صار لي فترة تقريبا وانا اتابع منتداكم ... بس هالموضوع شدني وحفزني للمشاركة فيه لأول مرة ... صحيح ان خبرتي في الأسهم قليلة او الأسهم القطرية بالذات لأني عادة أضارب في البورصة الأمريكية ..( لا تغترون فيني بس دخولي البورصة الأمريكية للأستفادة والتعلم بالدرجة الأولى والربح بالدرجة الثانية) ...
اللي ابي اقوله لكم يا جماعة الخير أن البورصة القطرية تختلف عن البورصات الدولية اللي السهم فيها خاضع للعرض والطلب مش من خلال نسبة مئوية يتحرك خلالها أرتفاعاً وهبوطاً ... وطبعاً هالشي زين شين .. لكن حاليا أكيييد أنه شي زين وممتاز للشعب القطري لأنه فيه حماية لصغار المساهمين وعموما سالفة الأسهم جديدة على اهل قطر فالنسبة المئوية تحميهم من انهم يروحون فيها ويصير فيهم مثل ما صار في سوق المناخ في الكويت .
نرجع لموضوعنا .... لازم تتأكدون من شي واحد وهو ان جميع الشركات المساهمة سواء الكبيرة أو الصغيرة ناجحة ولها مستقبل ... ليش ؟؟؟
لأن دولتنا في مرحلة نمو وتطور وجدامها بأذن الله مستقبل كبير ونهضة في جميع المجالات ... يعني بالعربي إذا أسهمكم ما جابت لكم ربح بعد شهر أربعة تأكدوا وأخذوها مني كلمة أنكم أذا أحتفظتوا بها ما راح تخسرون على المدى الطويل ... بالعكس بتربحون اكثر ( أسهم مجانية - أرباح - زيادة راس مال... الخ) ...
أحتفظوا بأسهمكم وخصوصاً شركات الحكومة وهي الصناعات والناقلات لأن هالشركتين اعتبروها ضمان واستثمار طويل الأجل ولا تفرطون فيها ... اللي يفرط فيها كأنه يفرط في قطعة من بلاده ولا تنسون أنها أقتصاد دولة واستثمار للأجيال القادمة..
نصيحة ... لا تستعجلون وناخذون قرار البيع بعد دخول الأجانب ألا بعد ما تشوفون أوضاع السوق وتحركاته ... اذا انتوا في الأسهم من سنتين او ثلاث او عشر ... الأجانب صار لهم عقود وسنين في الأسهم ولهم خبرة طويلة ويعرفون اشلون ياخذون السهم بالسعر اللي يبونه لأن الأسهم لعبتهم المفضلة..

وأسمحوا لي على الأطالة

أختكم

أمواج

[البروكر]

اتمنى المشاركه في الموضوع علشان ابدي رايي .... لكن مااحب اصير ملقوف .. وادخل في خصوصيات جلوبل اوووه قصدي بشير الكحلوت ....لذالك

لاتعليق .....

ولا رد .......


وتحياتي لك ياموزه السويدي

[البروكر]

تعليقا على كلام الاخ السهم الطايش احب اقول انه صار لي موقف مع خبير ومحلل مالي جاي عندنا في قطر علشان يعطي دورات في فندق الماريوت عن اساسيات الاستثمار في الاسهم والسندات...الاخ يقول انه عندما اطلع على نشره الاصدار الخاصه بالصناعات القطريه بأنه لم يكن مصدق او مقتنع بأنها تباع في السوق على 55 ريال لانه قول انها لاتسوى الا ثلاثين ريال على حسب قوله اذا طرحت في السوق كما اشار بأنه باع اسهم الصناعات لناس كان يدير لهم محافظهم في السوق السوداء على سعر 50 لانه لم يكن متشائم منها ....وفي اليوم التالي كان يقول بأن افضل سهم في السوق هو الصناعات وانا السعر العادل له هو 150 وان الشخص اللي يبيعه خسران ...وهنا حصل التناقض ...وذكرته بكلامه امس ....تصدقون تغير وجهه وقام يضحك .... وهو يقول لي بعدين اقول لك بعدين اقولك ..... وصار لي الحين ست اشهور للحين ماقال لي شي ولا ادري وينه بعد .... بس عطونا هالشهاده اللي والله ماستفدنا منها شي .....

[البروكر]

لم يكن متشائم منها = كان متشائم منها


سورى على الخطاء

[Banana]

من اقوال الامير حفظه الله ورعاه:نحن نقف على أعتاب حقبة جديدة...
نتطلع فيها إلى القرن الحادي والعشرين الذي نريد أن نحقق لأنفسنا فيه المكانة اللائقة.
http://www.diwan.gov.qa/arabic/the_amir/images/gallery/people/19.jpg
مررررررحبا
هذه ابيات مني لكم والشاطر من يقوي قلبه الان اذا تراجع السوق لاحد يبيع بخسارة السعر الذي شريت به لابد ان يرجع ويكسره وتفألوا وتركوا عنكم التشائم.

قوي قلبك ياقطري وتوكل وعقلــــها ** لا تنهزم هذا وقتها وعندك مراجلها
لاتهزك الريح فاثبت و صدها وغلبها ** ويوم الفوز خذ ماتريد من غنايمها

هذا رد الاستاذ بشير الكحلوت على مبدأ الحيط والحذر ويقول ان السوق لن يهرب مني لاني مستثمرة وارد واقول انا لن اهرب من السوق وانا مضاربة ومستثمرة وساظل صامده لاني شريت برخيص وبعالي وبابيع بأعلى .
الأسعار تحتاج إلى تصحيح حتى تستمد القوة لأي ارتفاع وعلى ذلك قد يكون من
المنا سب البيع والانتظارلما سيحدث في السوق بعض الوقت .
على أي حال أشعر أن الأسعار ستعود إلى الارتفاع قريباً بعد الانخفاض وبالتالي من يستطيع أن يصبر فلا داعي للبيع إذا كان مستثمراً حتى لا تهرب منه السوق.

نصيحــــــــــــــــــــــــــــــــــــــــــــــ ــــــــــــــــــــه لاتبيعــــــــــــــــــــــــــــــــــــــــــــ ـــــــــــــــــــــــــــــــــــون
:) ويسلم لنا بومشعل راعي المكرماتي :)