الألماسي
18-09-2008, 05:23 AM
مدخل ...}
إذا الَمَراجِلْ لِبْسَه شمَاغ و عْقَال . . قلْ للِعذارَى يَلْبِسنْ العَمايِمْ
مَاعَاد يَفْرِقْ زُولْ حَرْمَه و رَجّالْ . . دَامْ الفَعَايِلْ تِشْبَه البَعْض دايٍمْ
خالد شاب خلوق جدا و ديّن وخايف ربه . . مشكلته الرئيسيه ان أبواه بينهم صله رحم قويه . . و توجوا هـ الزواج بوحيدهم " خالد " و لكن شاء القدر ان يولد خالد بإعاقه . . و جعلته " لا يستطيع " الكلام . . عاش خالد بين اهله وجماعته و جميع من حوله يحبونه و يحترمونه لان اباه " رحمه الله عليه " رباه على الخير و على المرجله و كان خالد رجلا وهو في سن السادسه تقريباً . . اخبرني والدي ان خالد كان يجلس في مجلس الرجال منذ بدايه الخامسه و يتحدث معهم و يسلم عليهم و يساعد ابوه في خدمه ضيوفه . . حتى وصل التاسعه و اصبح رجلا بمجلس والده ويصب القهوه و كان " مجمل " ابوه و كان ساعده الأيمن . .
خالد " ماشاء الله عليه " كان حافظا للقران الكريم منذ الصغر . . و اكمل تعليمه الثانويه و الجامعي و اصبح ذو شأن في حياته العمليّه . .
من المواقف " اللي دمعت فيها عيني " و التي صادفتها مع خالد . . في احد السنوات ذهبت مع أهلي الى الحج . . و أقسم بالله العظيم اني رأيت خالد " شايل أمه على ظهره " و يسعى بين الصفا و المروه . . انا في تلك اللحظه راني اني لمحته وابتسم لي من بعيد . .
اللي ابي اوصله لكم اعزائي من قصه خالد انه " انسان من الزمن الجميل " لا حقد لا حسد لا ضغينه و حتى مره كان لنا لقاء مع الشيخ / سعد البريك إن كنتوا تذكرونه و اذكر كانت ايام الحج و فتح الشيخ مجال الأسئله و طبعا رحنا للشيخ و قلناله " خالد " عنده سؤال و مستحي منك يا شيخ لأنه لا يستطيع الكلام . .
المهم خالد كتب السؤال على ورقه و هو بجانبي و كان السؤال يقول:
انه يحس بإحساس قوي وشعور جارف بحب الله حباَ شديداَ ومن كثر حبه لله عز وجل انه خايف منه جداَ . . و متعلق بالله عز وجل . . هنا الشيخ سعد هللّ و كبّر و جلس مع خالد بعد المحاضره و قاله يا حظك ياخالد . .
عموما مابي اقلب قصه خالد " مسلسل رمضاني " و لكن اليوم صادفت خالد بالشارع الرئيسي المؤدي لــ " منطقتنا " ومع اهله وهو يسوق السياره راجع من صلاه التراويح . .
خلوني اوصف لكم الشارع و الناس اللي دائما مايروحون لهـ الشارع بيعرفون ان هـ الشارع و خاصه من بعد صلاه التراويح زحمته لا تطاق . . والكل " اعوذ بالله " مشتطين و مسرعين و يتجاوزون يميناَ و يساراَ . . و انا كنت بجانب خالد بالسياره و معاي " جدي " و وقفتنا اشاره حمراء . .
فجأه الا شفت 3 شباب اعرضوا السياره قدام سياره خالد و نزلوا و راحوا يفتحون باب السائق و سحبوا خالد برا السياره لانه مع اهله . . وقاموا يصفونه بأبشع الألفاظ . . انا نزلت على طول لخالد و وقفت قدامه . . والله يا جماعه لو تشوفون " قهر " خالد انه مايقدر يرد لانه مايقدر اصلا " الكلام " لعاهه منذ صغره . . سبحان الله انا قمت أهدي أشباه الرجال و للأسف الشديد قاموا يتمادون بالسب و الشتم . . الا فجأه " عيال حارتنا كانوا ورانا بالسيارات يوم نزلوا تقريبا 5 شباب وجايين ركض صوبنا . . الا أشباه الرجال " هربوا " كـ الحريم . .
طبعا للي يسأل ليش هـ الشباب سبوا وشتموأ خالد . . والسبب ان خالد يمشى 80 كم / ساعه و على مهله و هم كانوا وراءه يبونه يعطيهم مجال عشان يطوفون ولكن اصلا كانت الاشار ه تبعد تقريبا 100 متر و لا مجال لخالد ان يعطيهم مجـال . .!!
رقم السياره موجود عندي . . و السالفه قلتها لأحد المقربين لي . . وقال لي بالحرف الواحد عطني رقم السياره و راح أحولها " قضيّه جنائيه " و راح اسجنهم و اشرشحهم لك لأن هـ الشخص المقرب يحب خالد حباَ شديداَ . . ويكونون عبره لغيرهم . . وانتقاما لخالد و غير خالد من الشباب . .
أخواني الأعضاء . . مارأيكم بالقصه . . هل أعطيه رقم السياره و خاصه ان الشهود و لا 100 شخص مستعد يشهد ضد هؤلاء و كلهم سمعوا السب و الشتم وحتى وصل السب لأهله . .
من مصادري الخاصه استعلمت عن صاحب السياره و طلع شخص عادي جدا و للأسف الشديد هو الوحيد اللي قاعد يصرف على اهله . . ولو اشتكى خالد عليه قضيه سجنه ستكون 100% وغير ذلك هـ الشخص سيحاكم مرتين و السبب الشديد انه " عسكري " . .
اتمنى المشوره منكم . .
مخـرج...}
النًفسْ خِيلً لَكْ إِذَا كِنتْ خَيّال . .ومِنْ لاَقُوَى نَفْسٍه قوَتْه العَزَايِم . .
ولاَ صِرتْ مَاتَدريِ لِيشْ إنتْ رَجـّالْ . .واللّه خَسَارَهْ فِيِكـْ ذَبح التِمَايِم . .!
إذا الَمَراجِلْ لِبْسَه شمَاغ و عْقَال . . قلْ للِعذارَى يَلْبِسنْ العَمايِمْ
مَاعَاد يَفْرِقْ زُولْ حَرْمَه و رَجّالْ . . دَامْ الفَعَايِلْ تِشْبَه البَعْض دايٍمْ
خالد شاب خلوق جدا و ديّن وخايف ربه . . مشكلته الرئيسيه ان أبواه بينهم صله رحم قويه . . و توجوا هـ الزواج بوحيدهم " خالد " و لكن شاء القدر ان يولد خالد بإعاقه . . و جعلته " لا يستطيع " الكلام . . عاش خالد بين اهله وجماعته و جميع من حوله يحبونه و يحترمونه لان اباه " رحمه الله عليه " رباه على الخير و على المرجله و كان خالد رجلا وهو في سن السادسه تقريباً . . اخبرني والدي ان خالد كان يجلس في مجلس الرجال منذ بدايه الخامسه و يتحدث معهم و يسلم عليهم و يساعد ابوه في خدمه ضيوفه . . حتى وصل التاسعه و اصبح رجلا بمجلس والده ويصب القهوه و كان " مجمل " ابوه و كان ساعده الأيمن . .
خالد " ماشاء الله عليه " كان حافظا للقران الكريم منذ الصغر . . و اكمل تعليمه الثانويه و الجامعي و اصبح ذو شأن في حياته العمليّه . .
من المواقف " اللي دمعت فيها عيني " و التي صادفتها مع خالد . . في احد السنوات ذهبت مع أهلي الى الحج . . و أقسم بالله العظيم اني رأيت خالد " شايل أمه على ظهره " و يسعى بين الصفا و المروه . . انا في تلك اللحظه راني اني لمحته وابتسم لي من بعيد . .
اللي ابي اوصله لكم اعزائي من قصه خالد انه " انسان من الزمن الجميل " لا حقد لا حسد لا ضغينه و حتى مره كان لنا لقاء مع الشيخ / سعد البريك إن كنتوا تذكرونه و اذكر كانت ايام الحج و فتح الشيخ مجال الأسئله و طبعا رحنا للشيخ و قلناله " خالد " عنده سؤال و مستحي منك يا شيخ لأنه لا يستطيع الكلام . .
المهم خالد كتب السؤال على ورقه و هو بجانبي و كان السؤال يقول:
انه يحس بإحساس قوي وشعور جارف بحب الله حباَ شديداَ ومن كثر حبه لله عز وجل انه خايف منه جداَ . . و متعلق بالله عز وجل . . هنا الشيخ سعد هللّ و كبّر و جلس مع خالد بعد المحاضره و قاله يا حظك ياخالد . .
عموما مابي اقلب قصه خالد " مسلسل رمضاني " و لكن اليوم صادفت خالد بالشارع الرئيسي المؤدي لــ " منطقتنا " ومع اهله وهو يسوق السياره راجع من صلاه التراويح . .
خلوني اوصف لكم الشارع و الناس اللي دائما مايروحون لهـ الشارع بيعرفون ان هـ الشارع و خاصه من بعد صلاه التراويح زحمته لا تطاق . . والكل " اعوذ بالله " مشتطين و مسرعين و يتجاوزون يميناَ و يساراَ . . و انا كنت بجانب خالد بالسياره و معاي " جدي " و وقفتنا اشاره حمراء . .
فجأه الا شفت 3 شباب اعرضوا السياره قدام سياره خالد و نزلوا و راحوا يفتحون باب السائق و سحبوا خالد برا السياره لانه مع اهله . . وقاموا يصفونه بأبشع الألفاظ . . انا نزلت على طول لخالد و وقفت قدامه . . والله يا جماعه لو تشوفون " قهر " خالد انه مايقدر يرد لانه مايقدر اصلا " الكلام " لعاهه منذ صغره . . سبحان الله انا قمت أهدي أشباه الرجال و للأسف الشديد قاموا يتمادون بالسب و الشتم . . الا فجأه " عيال حارتنا كانوا ورانا بالسيارات يوم نزلوا تقريبا 5 شباب وجايين ركض صوبنا . . الا أشباه الرجال " هربوا " كـ الحريم . .
طبعا للي يسأل ليش هـ الشباب سبوا وشتموأ خالد . . والسبب ان خالد يمشى 80 كم / ساعه و على مهله و هم كانوا وراءه يبونه يعطيهم مجال عشان يطوفون ولكن اصلا كانت الاشار ه تبعد تقريبا 100 متر و لا مجال لخالد ان يعطيهم مجـال . .!!
رقم السياره موجود عندي . . و السالفه قلتها لأحد المقربين لي . . وقال لي بالحرف الواحد عطني رقم السياره و راح أحولها " قضيّه جنائيه " و راح اسجنهم و اشرشحهم لك لأن هـ الشخص المقرب يحب خالد حباَ شديداَ . . ويكونون عبره لغيرهم . . وانتقاما لخالد و غير خالد من الشباب . .
أخواني الأعضاء . . مارأيكم بالقصه . . هل أعطيه رقم السياره و خاصه ان الشهود و لا 100 شخص مستعد يشهد ضد هؤلاء و كلهم سمعوا السب و الشتم وحتى وصل السب لأهله . .
من مصادري الخاصه استعلمت عن صاحب السياره و طلع شخص عادي جدا و للأسف الشديد هو الوحيد اللي قاعد يصرف على اهله . . ولو اشتكى خالد عليه قضيه سجنه ستكون 100% وغير ذلك هـ الشخص سيحاكم مرتين و السبب الشديد انه " عسكري " . .
اتمنى المشوره منكم . .
مخـرج...}
النًفسْ خِيلً لَكْ إِذَا كِنتْ خَيّال . .ومِنْ لاَقُوَى نَفْسٍه قوَتْه العَزَايِم . .
ولاَ صِرتْ مَاتَدريِ لِيشْ إنتْ رَجـّالْ . .واللّه خَسَارَهْ فِيِكـْ ذَبح التِمَايِم . .!