أسباب توقف برنامج عقيل الجناحي

[سهم طايش]

أثار توقف برنامج (مال الله) الذي يقدم على شاشة تليفزيون قطر العديد من أسئلة المشاهدين الذين فوجئوا بتوقفه دون الإعلان المسبق عن ذلك ودون إبداء أسباب لهذا التوقف المفاجئ رغم أن البرنامج يبث منذ عدة سنوات بالتعاون مع صندوق الزكاة ويهدف إلى جمع الزكاة لوضعها في مصارفها الشرعية ويتخلل البرنامج عدد من الاسئلة التي يطرحها مقدم البرنامج عقيل الجناحي على المتصلين بالاضافة إلى سؤال يومي للمشاهدين ،وحول أسباب توقف البرنامج قال السيد خالد النعمة مدير البرامج بتليفزيون قطر إن التوقف ليس له علاقة بأداء البرنامج وإنما بسبب التزام التليفزيون ببث مجموعة كبيرة من الإعلانات التجارية التي تعاقد عليها التليفزيون ولكن هناك ضيقا في وقت بث هذه الإعلانات التي تعد أهم موارد التليفزيون وان الالتزام مع المعلنين كان وراء توقف البرنامج ونفى أن يعاد بث البرنامج مرة أخرى بسبب هذا الضغط في مواعيد اذاعة الإعلانات،ومن جانبه نفى عقيل الجناحي مقدم البرنامج اى علم مسبق له بتوقف برنامج (مال الله) وقال أبلغت من قبل إدارة التليفزيون بتوقف البرنامج دون أن تكون هناك أسباب واضحة لهذا التوقف وارجع الجناحي توقف البرنامج ربما لملاحظات من قبل التليفزيون على البرنامج أو الديكورات أو طريقه التنسيق أو حتى الشكل الذي يقدم عليه البرنامج وتوقع أن يعاود البرنامج البث مرة أخرى بشكل ومفهوم جديدين إلا انه عبّر للشرق عن عدم مشاركته فيه حال إعادة تقديمه مرة أخرى.

جريدة الشرق

[فتى الجود]

لاحول ولاقوة الا بالله

شكرا على النقل

[سهم طايش]

ادارة التلفزيون يقولون كلام و عقيل عنده رأي آخر

ضاعت الطاسة

[Bu Rashid]

ادارة التلفزيون يقولون كلام و عقيل عنده رأي آخر

ضاعت الطاسة



وانت الصاج ... الطاسه ضايعه من ززززمان
مشكووووووور على النقل

[الايرباص320]

والله مايستاهل عقيل

بصراحه ماقصر في برامجه

الله على الظالم؟


مشكور الشيخ على الموضوع

[هاجر]

تلفزيون قطر عليه العوض من زمان سواء بالإعلانات أو غيرها
أما سبب توقف البرنامج مقنع جداً :nice:
أقول لتلفزيون قطر حدث العاقل بما يُعقل :anger1:
جات على هذا البرنامج اللي مسوي ضغط :omg:
عقيل الجناحي من أنجح المذيعين في تقديم البرامج الدينيه تلفزيونية أو إذاعية
ولا تزال أناشيده بصوته العذب تترد على مسامعنا...جزاه الله عنا خير الجزاء
وهذي خيرة للفاضل عقيل الجناحي ليستمتع ويعيش لحظات روحانية نساها
من خمس سنين مع أهله وعياله وخيركم خيركم لأهله :) وأبرك له من القيل والقال



شكراً على الخبر وتقبل مروري

[Google]

وليش ما يكنسلون واحد من هالمسلسلات الهابطه اللي غثونا فيهم ويقدمون أعلاناتهم التجارية مب يكنسلون برنامج ديني جيد يستفيد الناس منه الصراحه هزلت والقائمين على التلفزيون المفروض يغيرونهم عشان يحترمون مشاعر الناس اللي تترقب هالبرنامج يوميا .

[The Blade]

مافيه اي سبب مقنع ... الصراحة
لان الاعلانات يقدرون يخففون منها ولا أجر الدنيا احسن من اجر الأخره
اذا تلفزيون رسمي يتأخر عن الآذن وش تبون منه....:)
لاحول ولاقوه إلا بالله

[ROSE]

ادارة التلفزيون يقولون كلام و عقيل عنده رأي آخر

ضاعت الطاسة

عقيل يقول لك مايدري شالسبب واعطى احتمالات

ومدير التلفزيون اعطى اسباب غير مقنعه

والله المستعان

لعلها خيره

[hxamad]

تسلم علي النقل

[TRAVELER]

تحدي واضح في الشهر الفضيل

كل من جاك شل على كيفة وحط الي يبغيه ، عليه العوض في تلفزيون قطر

[ضوى]

عذر اقبح من ذنب

يعني الحين ماضاق وقت الاعلان الا ببرنامج عقيل ؟؟ والمسلسلات الهابطة وش مكانها من الاعراب في تلفزيون قطر الموقر ؟؟

والله اللي بيشفع للتلفزيون زلته هذي برنامج الشيخ العريفي والا مافيه شئ يعدل بهالتلفزيون

[arcon]

الله المستعان يمكن يكون هناك عذر ان بعض الظن إثم

[الوجبه]

الله يرحمك يا شيخ على الطنطاوي

http://www.pen-ar.com/File/Tantawi.gif

كان (صوته) محبوب بعد الاذان ومرغوب وفيه (استفاده) اما الحين الناس جالسه تفطر

و اتصلي و (شخص) يصارخ في التلفزيون والضحك عالي (عسى ماشر) ..

بعد الفطور الشخص يذكر الله ويصلي المغرب . .. اما برنامج (مسابقات) ما ينفع ..

وانا مع منع البرنامج واتمنى الغائه ..

والله يرحمك يا شيخ على الطنطاوي وجيل (ادره) تلفزيون قطر ذاك الوقت ..

قرار اداره التلفزيون قرار (صائب) وفي محله في منع برنامج ( الجناحي)

[وطن]

عذر اقبح من ذنب يا ادارة التلفزيون

[BoFahed]

الله يرحمك يا شيخ على الطنطاوي

http://www.pen-ar.com/File/Tantawi.gif

كان (صوته) محبوب بعد الاذان ومرغوب وفيه (استفادده) اما الحين الناس جالسه تفطر

ولا اتصلي و (شخص) يصارخ في التلفزيون والضحك عالي (عسى ماشر) ..

بعد الفطور الشخص يذكر الله ويصلي المغرب . .. اما برنامج (مسابقات) ما ينفع ..

وانا مع منع البرنامج واتمنى الغائه ..

والله يرحمك يا شيخ على الطنطاوي وجيل (ادره) تلفزيون قطر ذاك الوقت ..

وسلامتكم

الله يرحمه ويجازيه خير الجزاء في الاخره ياخوي ذكرتنا في ايام وذكريات افتقدناها ياليتها تعود

[بلاهويـــــة]

تسلم على النقل

[anything99]

فعلا وقت البرنامج كان غلط .. وقت صلاة المغرب .. كل سنة اتوقع يغيروا البرنامج او يغيروا التوقيت .. والحمد لله جا القرار ولكن متأخر ..

[nyzk]

المذيع مزعج وبرنامجه مفروض على الصائمين والناس تفطر وهو يصارخ وانا اؤيد تلفزيون قطر لايقافة البرنامج

[سهم عربي]

نصيحتي لعقيل أنه يغير أسمه لجورج

ويجيب ضيوف لبنانيات ويتكلمون عن الرجيم

علشان تلفزيون قطر يرضى عليه .

والله يجزاك خير عقيل جمعت

كم بيزة للفقارة وذكرت الناس بالزكاة المنسية عند كثير من المسلمين .

ولي يقول توقيت البرنامج غلط أيش دخله بوقف البرنامج كليا .

طيب غيروا الوقت شني المشكلة .

[_QTR_]

والله اني استفدت من هذا البرنامج من خلال اسألته
قبل لا تروح المسجد هو موجود
ويمكن في ناس اتفق معاهم ان هذا البرنامج يمكن يشغلك عن الصلاة
بس
في مثل يقول (( اللي في قلبه الصلاة ما تفوته ))
بس احس انه انظلم عقيل الجناحي
و الله يسامح اللي كان السبب سواء في الغاء هذا البرنامج لمصلحة عرض الاعلانات

[سهم بن سهم]

عقيل الجناحي ( بو ناصر ) يوم سالته ليش وقفوا البرنامج قال مدري ...........:rolleyes2:

هو يدري ولكن مايبي يقول ..........:omen2:

حتى الإذاعة كان مايدري هل يقدم البرنامج في ذاك اليوم او لا ............:omen2:

بو ناصر من خيرة المذيعين القطريين اخلاق وادب واحترام :victory:

تخصص من يوم هو صغير في البرامج الدينية ودخل قلوب المشاهدين سواء مشاهدي قطر او مستمعي الامارات العربية المتحده وهذا شيء يضيف الى رصيد بو ناصر المبدع دائما :victory:

لعقيل الجناحي اقول :

لايهمك من ينتقدك ويحبط من معنوياتك فانت مذيع ناجح وانسان طموح ومكافح والله يعطيك على قد نيتك ان شاء الله ومثل ماسمعت بان عندك مشاريع مستقبلية مع كذا محطه اذاعية وتلفزيونية وهذا يسعدنا كقطريين ونقول لك الله يوفقك وجعل السعد ان شاءالله دربك وفالك

:victory:

[الوجبه]

سهم شحالك :)

قول حق بو ناصر الوجبه يسلم عليكم ويقول لك الناس بعد الاذان ما يبون يسمعون الا الصحون اتصافق

وانت اتصارخ في التلفزيون ..

وبعدين اخوي سهم بذمتك الشيخ الطنطاوي ماكان افضل

[maryam5]

وقت البرنامج غلط وغير مناسب بتاتا
بعد الفطور الرجال يروحون يصلون بالمسجد والحريم بالبيت
هو شغل الناس بالمسابقات والجوائز والمشاركة فيها عن الصلاة
فأحسن شي سووه انهم وقفوا البرنامج،،،

[maryam5]

سهم شحالك :)

قول حق بو ناصر الوجبه يسلم عليكم ويقول لك الناس بعد الاذان ما يبون يسمعون الا الصحون اتصافق

وانت اتصارخ في التلفزيون ..

وبعدين اخوي سهم بذمتك الشيخ الطنطاوي ماكان افضل


اكيد مليون بالمية افضل..
وياريت يرجعون الطنطاوي رحمة الله عليه..
اسلوبه وطريقته من اروع ما سمعت وله رونق خاص فيه...

[همر]

أعوذ بالله

(مال التجار) صار أهم من (مال الله) ؟!!


بأي قلب يقولونها ؟!!

[الزعفراني82]

اكيد مليون بالمية افضل..
وياريت يرجعون الطنطاوي رحمة الله عليه..
اسلوبه وطريقته من اروع ما سمعت وله رونق خاص فيه...

اعتقد يا مريم انتي تشوفين ام خماس اكثر من الطنطاوي

و دليل واضح من اللوغو

[الزعفراني82]

أعوذ بالله

(مال التجار) صار أهم من (مال الله) ؟!!


بأي قلب يقولونها ؟!!





توك تدري

[الزعفراني82]

احلا شي في تصريح التلفزيون هو خالد النعمه الي كل الي بالتلفزيون يعرفون سوالفه و من وين مدسوس
خلني ساكت احسن

[rarayyan]

ياسبحان الله يوقف برنامج مفيد ماديا ومعلوماتيا لعيون دعاية تميمة والتي تعلم ابنائنا السرقه والاحتيال

[الزعفراني82]

ياسبحان الله يوقف برنامج مفيد ماديا ومعلوماتيا لعيون دعاية تميمة والتي تعلم ابنائنا السرقه والاحتيال

هذا دليل علا فشل تلفزيون قطر و علا رأسهم (مدير البرامج )

[لولوتي]

احس التصريح وكأن حد قايل نكته بايخه

حسبي الله ونعم الوكيل

واللي مب عاجبه توقيت البرنامج ولا الصوت عالي ويزعجه ...يغير القناة ويفتك
وكلها ضغطة زر على الريموت

[محمد لشيب]

"الإعلانات" توقف برنامج "مال الله"
الحسن أيت بيهي - العرب (http://www.alarab.com.qa)

منذ بداية هذا الأسبوع اختفى برنامج "مال الله" الذي يقدمه الزميل عقيل الجناحي من خريطة برامج رمضان بتلفزيون قطر من دون سابق إنذار. وقد أثار هذا الاختفاء تساؤلات عدد من محبي البرنامج الذي نجح خلال السنوات الخمس الماضية (تحت مسميات مختلفة) في خلق تواصل مع الصائمين ساعة الإفطار, خاصة أنه كان يُعنى بشؤون الزكاة والصدقات داخل دولة قطر خلال هذا الشهر الفضيل.
وحول أسباب اختفائه, أرجع مراقب عام البرامج بتلفزيون قطر خالد النعمة الأمر إلى زحمة الإعلانات التي تقدم بالتلفزيون بعد أذان المغرب, حيث كان من الضروري التضحية بأحد البرامج, فتم اختيار برنامج "مال الله" وهذا أمر عادي جدا, خاصة أن هناك كثافة في البرامج الدينية بتلفزيون قطر خلال هذا الشهر.
من ناحيته, وفي اتصال هاتفي لـ "العرب" معه, قال عقيل الجناحي, مقدم البرنامج, إنه أُخبر صبيحة يوم الاثنين الماضي بأنه لن تتم إذاعة البرنامج منذ اليوم (يقصد الاثنين الماضي) من دون إعطائه أي تبريرات من طرف إدارة التلفزيون التي أرجع عقيل إليها أمر توقيف البرنامج, معتبرا أنه لا رأي له في هذا الموضوع ما دامت الإدارة ارتأت توقيفه. وحول ما إذا كان التوقيف نهائيا, أشار الجناحي إلى أنه يبدو أن البرنامج انتهى هذا الموسم بعد علاقة معه استمرت خمس سنوات.
من ناحية أخرى, يستمر عقيل الجناحي في تقديم برنامجه الإذاعي "أبواب الخير" على أثير إذاعة قطر الذي يقدَّم برعاية من مؤسسة "قطر الخيرية" ويعرف تفاعلا كبيرا من طرف المستمعين طيلة شهر رمضان, كما سيقوم صبيحة يوم عيد الفطر المبارك بتنشيط برنامج إذاعي مباشر يحمل عنوان "عيدكم مبارك" وذلك خلال الفترة ما بين الساعة 11 صباحا و4 مساء لمدة خمس ساعات متواصلة.

[وثيقة قطرية]

فعلا وقت البرنامج كان غلط .. وقت صلاة المغرب .. كل سنة اتوقع يغيروا البرنامج او يغيروا التوقيت .. والحمد لله جا القرار ولكن متأخر ..


المذيع مزعج وبرنامجه مفروض على الصائمين والناس تفطر وهو يصارخ وانا اؤيد تلفزيون قطر لايقافة البرنامج


ياجماعه الخير ( الدال على الخير كفاعله ) وهذا اللي سواه عقيل الجناحي
جزاه الله خير

اما عن الوقت البرنامج غلط الوقت أشوفه مناسب الكل متجمع ويفطر لعل وعسى
اللي مازكى يزكي ويهديه أما عن الصلاه البرنامج وقته قصير جدا واعتقد يلحق للصلاه
وفي جماعه بعد والقرار اللي جا مب من صالح تلفزيون قطر وعذر ماله أساس من الصحه

واللي قال انه القرار جا متأخر

أذكرك أخوي الكريم
لو تتذكر قبل لايبلش البرنامج من اسنين كم كانت نسبة الزكوات في الجمعيات الخيرية
كانت قليلة بالنسبه للأعوام اللي بدأ فيه البرنامج وتوعيه الناس بالخير والزكاة اللي هي
فريضة بل ركن من أركان الاسلام
وهذا الكلام اللي ذكرته تحاسب عليه يا في الدنيا او في الآخره والله يهديك
واللي ذكر انه عقيل الجناحي مزعج ويصارخ
عسى الله يهديك وترجع للصواب
الرجال ماقال شي غلط وهاذي فريضة ما يطر من الناس وانما صندوق الزكاة
في قائمين عليه من الدوله وهذا الاسلوب من عقيل من أنجح الاساليب في هذا الزمن
والرجال ماصارخ ولا غصب على احد انه يزكي

لكنه مسكين كافح وتذكرك انت قبل غيرك ويمكن قبل لا اهو يزكي انك اتسوي الخير واتزكي

حب لأخيه مايحب لنفسه

( الدال على الخير كفاعله )

وجزاك الله خير الرجال ماقصر والله يوفقه

[الخيميائي]

كان وقته ممتاز

علشان الواحد يحس بالنعمة الى قدامه

ويشكر ربه

لكن البعض يمكن يتضايق من موضوع الزكاة والصدقة والعمل الصالح

وهو على سفرة الاكل :)

[BURBERRY]

التلفزيون طماااع ..

لدرجة انه يأخر الاذان عشان يحط اعلان حق الشركات

[n.a.w]

تسلم الشيخ

[الزعفراني82]

ياجماعه الخير ( الدال على الخير كفاعله ) وهذا اللي سواه عقيل الجناحي
جزاه الله خير

اما عن الوقت البرنامج غلط الوقت أشوفه مناسب الكل متجمع ويفطر لعل وعسى
اللي مازكى يزكي ويهديه أما عن الصلاه البرنامج وقته قصير جدا واعتقد يلحق للصلاه
وفي جماعه بعد والقرار اللي جا مب من صالح تلفزيون قطر وعذر ماله أساس من الصحه

واللي قال انه القرار جا متأخر

أذكرك أخوي الكريم
لو تتذكر قبل لايبلش البرنامج من اسنين كم كانت نسبة الزكوات في الجمعيات الخيرية
كانت قليلة بالنسبه للأعوام اللي بدأ فيه البرنامج وتوعيه الناس بالخير والزكاة اللي هي
فريضة بل ركن من أركان الاسلام
وهذا الكلام اللي ذكرته تحاسب عليه يا في الدنيا او في الآخره والله يهديك
واللي ذكر انه عقيل الجناحي مزعج ويصارخ
عسى الله يهديك وترجع للصواب
الرجال ماقال شي غلط وهاذي فريضة ما يطر من الناس وانما صندوق الزكاة
في قائمين عليه من الدوله وهذا الاسلوب من عقيل من أنجح الاساليب في هذا الزمن
والرجال ماصارخ ولا غصب على احد انه يزكي

لكنه مسكين كافح وتذكرك انت قبل غيرك ويمكن قبل لا اهو يزكي انك اتسوي الخير واتزكي

( الدال على الخير كفاعله )

وجزاك الله خير الرجال ماقصر والله يوفقه

كلام سليم 100%

[الزعفراني82]

كان وقته ممتاز

علشان الواحد يحس بالنعمة الى قدامه

ويشكر ربه

لكن البعض يمكن يتضايق من موضوع الزكاة والصدقة والعمل الصالح

وهو على سفرة الاكل :)

كلام سليم 100% اشهد انك قلت الصواب

[الزعفراني82]

التلفزيون طماااع ..

لدرجة انه يأخر الاذان عشان يحط اعلان حق الشركات

كلامك صحيح و بعد كم سنه بدال الاذان بس بيحطون مقطوعه اسلاميه نفس اذاعه صوت الخليج الفاجره

[سهم طايش]

العذر غير مقنع ابداا

من وجهة نظري

[almulla]

الله المستعان

انا ذكرت رأيي سابقا في برنامج مال الله

ليش مايكون بس لاستقبال الزكاة ليش يحطون مسابقات من اللي فاضي يتصل لهم هالوقت

انصحكم تسمعون برنامج ابواب الخير في الاذاااعة عجيب

[لورنس العرب]

يبا هذه حركة من التلفزيون غلى شان يغطون على ال14 مليون اللي الريال من اول رمضان وهو يجمعها للفقراء والمساكين والتلفزيون بداها قبل قطر الخيرية لايطلبونها

[السندان]

الموضوع فيه ان .. لان نفس الوقت جابوا برنامج ديني اخر

الوقت غلط !! .. انسب وقت والناس متجمعه على المائدة وتضمن انهم حاطين على الفضائية القطرية ( للاذان)

وقت صلاة !! .. ينتهي البرنامج ونلحق على الجماعة

المذيع مزعج !! .. من سنين وهو يقدم برامج جزاه الله خير .. الحين صار مزعج؟؟

[!قطريـة بنت القمـر!]

مثل ما قالو الاخوان الافاضل عذر اقبح من ذنب ؟؟ برنامج مثل برنامج مال الله ينلغي عشان الاعلانات يا سبحان الله يا تلفزيون قطر :) .... وعلى اللي مو عاجبهم اسلوب عقيل الجناحي ويقولون مزعج لو هو مثل ما تقولون جان اغلبية الاراء جات نفس رايكم ؟؟ لكن الاغلبيه يشوفون انه انسان راقي باسلوبه والطيبه هي السمه الغالبه عليه وانسان شاري اخرته ويبي رضا الله وان بغى يجمع الفلوس فهو يبي يجمعها بس للفقارى والمحتاجين لان اكيد مب داش مخباه ولاريال من هالفلوس اللي كل شوي يذكر الناس بها ويحرضهم على الخير ؟؟ واذا توقيته مو مناسب او انه مزعج على قولتكم يقولون انكم مو مجبورين اطالعونه واعداد كبيره جدا من الناس اطالعه ويحبونه ويحبون برنامجه سواء شاركو فيه ام لم يريدو المشاركه فمو معقول ان هالاعداد الكبيره على غلط وانتو يا الفئه البسيطه اللي مو عاجبكم الريال تكونون على صح ؟؟ ونعيد ونقول اصلا اللي مو عاجبه عنده مليون قناة ماهو مجبور عليه ومايصيرون اتكلمون على الريال واتقولون عنه مزعج وهو مو داش بيوتكم غصب عشان يزعجكم ؟؟ حرام عليكم والله هالحجي مايستاهل عقيل والله ....

[bo_s3ood]

يعطيك العافيه على الخبر

[دنيا الاسهم]

الناس الهتهم الدنيا وصار يزعجهم الحق
الله يرحمنا برحمتة

[عبدالله العذبة]

كثرت الفتن ولا حول ولا قوة إلا بالله.

[سهم طايش]

أأأأأأأأأأيه دونياا

يعني الفقرة الاعلانية افضل من برنامج عقيل

ليش ادارة التلفزيون تلف و تدور ليش ما تقول الصراحة

وين الشفافية

[عبدالمحسن]

لاحول ولا قوة الا بالله




فعلا غلط كبير من تلفزيون قطر



اخوي الوجبه وباقي الاخوان المؤيدين لقرار المنع : والله العظيم اني استغرب كلامكم ه>ا خصوصا انت يا الوجبه !!


وش هالكلام اللي تقوله .. صار عقيل مزعج !!!




بالعكس برنامج ديني يحثنا على الزكاه وفعل الخير





وما قول الا لا حول ولاقوة الا بالله


واتمنى لأخوي عقيل الجناحي التوفيق في حياته . واتمنى بأن يتجه الى القنوات الفضائه الاخرى مثل ( الرساله ، اقرأ .. الخ ) من القنوات الدينيه







إحترامي

[سهم طايش]

عقيل رافض فكرة العودة مرة اخرى للبرنامج بسبب اسلوبهم معاه

الشفافية غير موجوده

[qatar700]

يا تلفيزيون قطر (كثر الدق يفج اللحام ) كفاياكم كذب وافتراء والاستخفاف في عقول المشاهدين لانهم اعقل منكم يا موظفين العصر الحجري و الاعلانات مالها شغل بالموضوع خليكم صريحين وقولوا الصراحه عن سبب وقف لبرنامج لمشاهدينكم !! .....

[خالد32]

هي خساره لنا بس يمكن عقيل يقدر يفطر الحين مع هله و عياله... منظور اخر!
ادعوا له يا جماعه و كملوا المشوار الي بداه و الله الله بالزكاه

والله يهدي الجميع

[السنافية]

مثل ما قالو الاخوان الافاضل عذر اقبح من ذنب ؟؟ برنامج مثل برنامج مال الله ينلغي عشان الاعلانات يا سبحان الله يا تلفزيون قطر :) .... وعلى اللي مو عاجبهم اسلوب عقيل الجناحي ويقولون مزعج لو هو مثل ما تقولون جان اغلبية الاراء جات نفس رايكم ؟؟ لكن الاغلبيه يشوفون انه انسان راقي باسلوبه والطيبه هي السمه الغالبه عليه وانسان شاري اخرته ويبي رضا الله وان بغى يجمع الفلوس فهو يبي يجمعها بس للفقارى والمحتاجين لان اكيد مب داش مخباه ولاريال من هالفلوس اللي كل شوي يذكر الناس بها ويحرضهم على الخير ؟؟ واذا توقيته مو مناسب او انه مزعج على قولتكم يقولون انكم مو مجبورين اطالعونه واعداد كبيره جدا من الناس اطالعه ويحبونه ويحبون برنامجه سواء شاركو فيه ام لم يريدو المشاركه فمو معقول ان هالاعداد الكبيره على غلط وانتو يا الفئه البسيطه اللي مو عاجبكم الريال تكونون على صح ؟؟ ونعيد ونقول اصلا اللي مو عاجبه عنده مليون قناة ماهو مجبور عليه ومايصيرون اتكلمون على الريال واتقولون عنه مزعج وهو مو داش بيوتكم غصب عشان يزعجكم ؟؟ حرام عليكم والله هالحجي مايستاهل عقيل والله ....


صح لسانج وبارك الله فيج اختي قطرية

كفيتي ووفيتي أأيد كلامج 100 % :nice:

[غناتي1]

كل ُ يدلي بدلوه 000 والصج ضايع

[لاداعي]

ليش ماحطوه من بدااال البرااانمج الفاااشل الي أسمه الليواان

ولا حق اليوااان في مجااال :nice:

[الدوحه%]

:omen2:شساالفه

[THE PILOT]

دليل أخر على أن التلفزيون القطري يتخبط !!!!,نحن نطالب المسؤولين بالخروج من مكاتبهم ألي الشارع القطري لمعرفة البرامج الناجحه ,لأن البرامج الناجحه لا تقاس بحجم الجوائز المقدمه في البرنامج فقط :weeping: .....

[بنQATARت]

لاحول ولا قوة الا بالله




فعلا غلط كبير من تلفزيون قطر



اخوي الوجبه وباقي الاخوان المؤيدين لقرار المنع : والله العظيم اني استغرب كلامكم ه>ا خصوصا انت يا الوجبه !!


وش هالكلام اللي تقوله .. صار عقيل مزعج !!!




بالعكس برنامج ديني يحثنا على الزكاه وفعل الخير





وما قول الا لا حول ولاقوة الا بالله


واتمنى لأخوي عقيل الجناحي التوفيق في حياته . واتمنى بأن يتجه الى القنوات الفضائه الاخرى مثل ( الرساله ، اقرأ .. الخ ) من القنوات الدينيه




إحترامي


:nice:

[" روح قطر "]

لاحول ولاقوة الا بالله

الله يهديهم المفروض يكثرون من البرامج الدينية

والجناحي الله يجزية الف خير ماقصر وأجرة عند رب العالمين

[الفريق أول ركن]

يعني الحين مالقوا الا برنامج ( مال الله)
والله انه برنامج هادف والله ويشكر الاخ عقيل الجناحي وصندوق الزكاه

واقول لادارة التلفزيون طيب ليش ماتكنسلون مسلسل من هالمسلسلات اللي مالها لزمه واللي ماتعلم الناس غير الاشياء اللي ماتفيد ولا تسر الواحد

والله المستعان،،

[QatarRose]

وقت البرنامج غلط وغير مناسب بتاتا
بعد الفطور الرجال يروحون يصلون بالمسجد والحريم بالبيت
هو شغل الناس بالمسابقات والجوائز والمشاركة فيها عن الصلاة
فأحسن شي سووه انهم وقفوا البرنامج،،،



وبرنامج الليوان وصلاه القيام ؟!!

[وثيقة قطرية]

يعني الحين مالقوا الا برنامج ( مال الله)
والله انه برنامج هادف والله ويشكر الاخ عقيل الجناحي وصندوق الزكاه

واقول لادارة التلفزيون طيب ليش ماتكنسلون مسلسل من هالمسلسلات اللي مالها لزمه واللي ماتعلم الناس غير الاشياء اللي ماتفيد ولا تسر الواحد

والله المستعان،،


رد التلفزيون بيكون المسلسلات دافعين عليها مبالغ كبيرة فلازم تنعرض

مال التجاره يعني

الله المستعان

[وثيقة قطرية]

وبرنامج الليوان وصلاه القيام ؟!!


الليوان ميسر

[بن عامر]

الحين مافيه هذا البلد الا هذا الولد
البرامج مالها حد والمسلسلات خرابيط ؟؟؟؟؟؟
لاكن الله اقوى وبيبان الاحسان موجوده في التلفزون وغير التلفزيون
صراحه شي يفور الدم
وسمحولي

[almulla]

سمعوا برنامج ابواب الخير والله فللله

احسن من الف من هالبرنامج اللي احذفوه

يقدمه الثنائي عقيل ويوسف احمد

وفيه اسكتش تمثيلي في البداية

[maryam5]

اعتقد يا مريم انتي تشوفين ام خماس اكثر من الطنطاوي

و دليل واضح من اللوغو


ههههههههههههههههههههههه
والله ما اشوف التلفزيون برمضان خير شر ومافي اصلا علاقة ود بيني وبين التلفزيون وبرمضان مافي وقت للتلفزيون
الصورة عجبتني وحطيتها
ولا ادري عن هالصورة إلا اسمها ام خماس وعجبتني اكثر لن فيها علم قطر

اعتقادك خاطئ 100%

[maryam5]

وبرنامج الليوان وصلاه القيام ؟!!


اصلا برنامج الليوان انا اكرهه من اول جزء شفت منه جزء من حلقة وحدة وعقب قلت استغفر الله ناس ميته مب لاقية تآكل وهالبرنامج يوزع هالفلوس بالشكل هذا...

بس انا الي قلته ان وقت برنامج عقبل مب مناسب كلش يعني لو يختارون وقت ثاني افضل من بعد الفطور على طول..

حتى هو يضيع عليه صلاة الجماعة عشان برنامج مسابقات...

الله يجزاه خير على جمع الزكوات وكله بميزان حسناته ولكن وقت البرنامج كلش مب شي...

[دلوليانوز]

يعلم الله تعودنا على عقيل..وبرنامجه

لا تضحك على نفسك يا اخي واتقول "مزعج" بشنو يزعجك بالخير والاحسان..والزكاه والله حرام عليك اتق الله

لا اتظن ياللي اصدرت القرار..اللي بيخليك صدقني في يوم وبتنظم اكثر من جذي..تمنع الخير..وابو بكر الصديق قاتل مانعي الزكاه..تبي اتكون منهم..حرام عليك

ومن اللي يقول..البرنامج يحرم الناس ولا يعطلهم عن الصلاه..الرجال يروحون المساجد..والحريم بفطرون ويتصلون ولا اطفالهم..ونادر ما اسمع احد كبير متصل..يمكن مافي

والله..بكسر الهاء الكل يعلم ما منعوا البرنامج الا ظلم...ولأهداف دنيا وفلوس التلفزيون اللي ادش من الاعلانات كلها حرام..كلها
يا شيخ..التلفزيون يحتاج نفض...غسيل...من الفساد اللي فيه

اتمنى الدوله تدخل واترتب البلاوي اللي اهني..مثل ما ترتبت الجزيره..

يعني من كل البرامج وقفوا برنامج عقيل.. كلنا معاك يا عقيل
وجزاك الله كل خير على افعالك..ب ميزان حسناتك.

[لورد قطر]

عادي برنامج فيصل القاسم بعد الاساءة من الملحدة للرسول صلى الله عليه وسلم يستمر والعادي اكثر يوقفون برنامج مال الله لانه يحث على الزكاة

وين الاصوات اللي ضد عقيل من فيصل القاسم وبرنامجه؟ الله المستعان

[sendarala]

انا لله وانا اليه راجعون ،،، الله يعينه عقيل ويعطيه العافية على ما قدم خلال السنوات الخمس ،،،،
الله يوفقه في برامجه اللي يقدمه في تلفزيون البداية والامارات ،،،، وما يستاهل الا كل خير
وبالتوفيق ان شاء الله

[سهم طايش]

مذيع مثل عقيل الجناحي حرام يخسره التلفزيون و هذاك الخداي اللبناني مال المكياج مخلينه

[مضارب دوسري]

بخصوص اللي يقولون البرنامج ازعاج وعقيل يصارخ

احب اقولهم يعني الفقمه اللي يحطونه في ليوان افضل من برنامج عقيل؟


وبخصوص موضوع الاعلانات اللي يتكلمون عنها التلفزيون كان نقصتوا هالعشر دقايق من مسلسل من مسلسلاتكم الهابطه او برنامج القمار اللي تقدمونه

ما اقووووووول الا الله يجزاك خير يا عقيل

والله يعوضنا فيج يا صوت الخليج:)

[مضارب دوسري]

سهم طايش


بين حانا ومانا ضاعت لحانا

[سهم طايش]

سهم طايش


بين حانا ومانا ضاعت لحانا

هههههههههههههه انشهد انها ضاعت

يقولك يوم ما عرفت ترقص قالت الارض عوية !

[ملوي رقاب]

لاحول ولا قوة الا بالله العلي العظيم
كل واحد يدلي بدلوة
اللهم لا أسألك رد القضاء ولكن اسألك اللطف فية
يالله بحسن الخاتمة يارب

[سهم عربي]

من شاف الأعلان اليوم بعد صلاة المغرب ؟؟؟؟

الصراحة تلفزيون قطر ما يراعي شهر رمضان ولا غير رمضان .

بعد أذان المغرب مباشرة حطوا أعلان ,

وحده ( بنت ) مكتمكيجة و متبرجه صدرها مكشوف للأخر

لابسة مجوهرات والكاميرا على صدرها ,

الحركة تكررت كثير بطريقة مثيرة ومستفزة ...(أعلان مجوهرات الماجد )!! :anger1:

وين إلي يعارضون برنامج عقيل ولا يعارضون المنكر .:anger1:

[PathFinder]

وقفوه علشان دعاية النعال ( اكرمكم الله) و دعاية مجوهرات فيها اغراء ( أسوأ من الفيديو كليب اللي ام تي في توقفت عن بثه احتراما لرمضان)

[امل الحب]

مادري عن البرنامج او فكرته..

ولكن في ميزاان حسناته ولعلها خيرة له :)

[سهم طايش]

يعني دعاية النعال احسن من برنامج عقيل

في ذمتكم هذا عذر

[PoBox]

من شاف الأعلان اليوم بعد صلاة المغرب ؟؟؟؟

الصراحة تلفزيون قطر ما يراعي شهر رمضان ولا غير رمضان .

بعد أذان المغرب مباشرة حطوا أعلان ,

وحده ( بنت ) مكتمكيجة و متبرجه صدرها مكشوف للأخر

لابسة مجوهرات والكاميرا على صدرها ,



الحركة تكررت كثير بطريقة مثيرة ومستفزة ...(أعلان مجوهرات الماجد )!! :anger1:

وين إلي يعارضون برنامج عقيل ولا يعارضون المنكر .:anger1:

ليش تنزل علينا المصايب
اللهم لك الحمد

[Marriott]

جزاه الله خير على ماقدمه . .

والله يهديهم إدارة التلفزيون . .

[nasi al nas]

السلام عليكم
الصراحة السالفة ما هي سالفة اعلانات
والا هل يعقل ان يرفع برنامج ديني من اجل الاعلانات
واللة الخوف بكرة ما يحطون الاذان !!!!! يقولون اعلانات
واللة الكارثة ؟؟؟؟؟
انة كيف يصرح مسئول فى التلفزيون انة شال هذا البرنامج من اجل الاعلان
هل هو استخفاف بالبرامج الدينية ام ماذا
ما اقول الا اللة يستر ؟؟؟؟؟؟

[eastqatar]

الله ايجازي الاخ عقيل كل خير

المهم القصد , وقصد الرجال كل خير

[ورد قطر]

الصراحة البرنامج كان وايد حلو وخفيف ومفيد

وخسارة انهم وقفوه

بس الميزة الوحيدة في ايقافه ان عقيل راح يفطر مع هله

دايما كنت اقول مساكين هله ما يفطرون معاه في رمضان وحلاة الفطور باللمة.

[بوخالد911]

الصراحة البرنامج كان وايد حلو وخفيف ومفيد

وخسارة انهم وقفوه

بس الميزة الوحيدة في ايقافه ان عقيل راح يفطر مع هله

دايما كنت اقول مساكين هله ما يفطرون معاه في رمضان وحلاة الفطور باللمة.




رب ضارة نافعة

!!@@!!

:con2::con2::con2:

[khalid1975]

عقيل خرج عن النص!!

[سلمان_1]

سمعت والعهدة على وكالة ( يقولون)
انه سبب توقيف البرنامج هو انه فيه شخص اتصل على السيارة اللي تجمع التبرعات ... و عطاهم 100 ريال !!! عادة هالسيارة يتصلون عليها اهل التبرعات الكبيرة

في اليوم التالي عقيل ذكر السالفة في البرنامج بنوع من التهكم على صاحب التبرع

والله اعلم

[أحلى وسيطه]

نصيحتي لعقيل أنه يغير أسمه لجورج

ويجيب ضيوف لبنانيات ويتكلمون عن الرجيم

علشان تلفزيون قطر يرضى عليه .

والله يجزاك خير عقيل جمعت

كم بيزة للفقارة وذكرت الناس بالزكاة المنسية عند كثير من المسلمين .

ولي يقول توقيت البرنامج غلط أيش دخله بوقف البرنامج كليا .

طيب غيروا الوقت شني المشكلة .


:victory::victory: صدقت أخوي

والله يجازي عقيل بكل الخير

[voodoo]

ان هذا البرنامج يطل علينا في كل عام خلال شهر رمضان المبارك بعد اذان المغرب ويكون الناس حول مائدة الافطارويشترك فيه عدد من الجماهير من خلال الاجابة على الاسئلة ويقوم بطرح اسئلة دينيه مفيده يستفيد منها الناس جميعآ ومن الخطأ ايقاف تلفزيون قطر برنامج ديني مقابل اعلانات تجاريه مدفوعة الاجر وهذا القرار الذي اتخذه التلفزيون يعد قرار غير صائب واقترح بأعادة بث البرنامج خلال االفتره المتبقيه من شهر رمضان المبارك

[مساهم فنان]

"الإعلانات" توقف برنامج "مال الله"
الحسن أيت بيهي - العرب (http://www.alarab.com.qa)

منذ بداية هذا الأسبوع اختفى برنامج "مال الله" الذي يقدمه الزميل عقيل الجناحي من خريطة برامج رمضان بتلفزيون قطر من دون سابق إنذار. وقد أثار هذا الاختفاء تساؤلات عدد من محبي البرنامج الذي نجح خلال السنوات الخمس الماضية (تحت مسميات مختلفة) في خلق تواصل مع الصائمين ساعة الإفطار, خاصة أنه كان يُعنى بشؤون الزكاة والصدقات داخل دولة قطر خلال هذا الشهر الفضيل.
وحول أسباب اختفائه, أرجع مراقب عام البرامج بتلفزيون قطر خالد النعمة الأمر إلى زحمة الإعلانات التي تقدم بالتلفزيون بعد أذان المغرب, حيث كان من الضروري التضحية بأحد البرامج, فتم اختيار برنامج "مال الله" وهذا أمر عادي جدا, خاصة أن هناك كثافة في البرامج الدينية بتلفزيون قطر خلال هذا الشهر.
من ناحيته, وفي اتصال هاتفي لـ "العرب" معه, قال عقيل الجناحي, مقدم البرنامج, إنه أُخبر صبيحة يوم الاثنين الماضي بأنه لن تتم إذاعة البرنامج منذ اليوم (يقصد الاثنين الماضي) من دون إعطائه أي تبريرات من طرف إدارة التلفزيون التي أرجع عقيل إليها أمر توقيف البرنامج, معتبرا أنه لا رأي له في هذا الموضوع ما دامت الإدارة ارتأت توقيفه. وحول ما إذا كان التوقيف نهائيا, أشار الجناحي إلى أنه يبدو أن البرنامج انتهى هذا الموسم بعد علاقة معه استمرت خمس سنوات.
من ناحية أخرى, يستمر عقيل الجناحي في تقديم برنامجه الإذاعي "أبواب الخير" على أثير إذاعة قطر الذي يقدَّم برعاية من مؤسسة "قطر الخيرية" ويعرف تفاعلا كبيرا من طرف المستمعين طيلة شهر رمضان, كما سيقوم صبيحة يوم عيد الفطر المبارك بتنشيط برنامج إذاعي مباشر يحمل عنوان "عيدكم مبارك" وذلك خلال الفترة ما بين الساعة 11 صباحا و4 مساء لمدة خمس ساعات متواصلة.

شي مضحك زحمة الإعلانات.
تلفزيون قطر من التلفزيونات القديمة في المنطقة عمره أكثرمن 35سنة .... يعني موب تلفزيون حديث ما عنده خبرة في تنسيق برامجه وإعلاناته... من سنين وتنسيق البرامج ممتاز.. ما جات الزحمة إلا هذي السنة ؟وإن كان هذا صحيحاً :يجب طرد جميع العاملين في تنسيق البرامج، لأنهم فاشلين ...
وبعدين التلفزيون للأسف لم يقدم اعتذارا لجمهوره لتوقف البرنامج .وهذا خطأ كبير .
وبعدين لازم يذكر سبب التوقف ، يعطي سبب منطقي لأنه يخاطب العاقل لا الطفل.

[qatarlands]

يالربع الاي يتابع الجرايد كان في كاركاتير معروض قبل لايوقفون البرنامج بكم يوم
كان محتوى الكاريكاتير انه واحد يصيح ويقول يانس تبرعوا والثاني يوزع فلوس على الناس ومكتوب فوق
وجهان لقناه واحده
وبعدها والله كنا نسولف عن هالكاريكاتير ونقول اكيد بيكون له ردة فعل
وصدق سبحان الله تم ايقاف البرامج والاصح يوقفون برنامج الاي يوزع فلوس مش الاي فيه الاجر
ولكم الشكر

[سهم طايش]

فلوس الليوان هي اللي فيها كل التبذير

عقيل انسان مجتهد و كان سبب بعد الله في جمع التبرعات

[مضارب دوسري]

هههههههههههههه انشهد انها ضاعت

يقولك يوم ما عرفت ترقص قالت الارض عوية !

هههههههههههههههههههههه

الحين صاروا ثنتين

بين حانا ومانا ضاعت لحانا

ويوم ماعرفت ترقص قالت الارض عويه:victory::victory::victory:

[وثيقة قطرية]

فلوس الليوان هي اللي فيها كل التبذير

عقيل انسان مجتهد و كان سبب بعد الله في جمع التبرعات


وأنا معاك أخوي لانه نسبة الزكوات زادت بعد توعية الناس عن طريق هذا البرنامج اللي
فيه الخير

[سهوم المنايا]

ليش حنا نعتمد على سماع الخبر دون ان نحلل مايجري من حولنااااااا

لماذا لم نقل ان هناك ضغوطات دولية على البرنامج من اجل ايقافها بحجة ان الاموال تذهب او تساعد كلمة الارهاب

ولو نظرناا الى احدى الدول المجاورة والضغوطات عليها من اجل محاربة صناديق التبرعات في المساجد من اجل ايقافهااا ايضا وبحجة الارهاب

انا اقول ان الموضوع اكبر اكبر وخصوصا ان الاعلام لم يحقق مع المسؤولين الا نزول الخبر على صفحاتهم



خلونا في سالفة الرواتب احسن لنااا

[ABDALAZiZ]

السبب .. وانا شفت الحلقه

عقيل ف احدى الحلقات الله يهديه خارها ف الحجـــي ..

قاال الدول المجاوره اذا تبي تزكي عادي خلها تزكــي

ليش احنا محتاجين ان أحد يزكي لنـــا .. احنا اللي نعين الدول مب الدول اللي تعينـــا ..

والتوقيف جاا من الاميـــر

[بوخالد911]

السبب .. وانا شفت الحلقه

عقيل ف احدى الحلقات الله يهديه خارها ف الحجـــي ..

قاال الدول المجاوره اذا تبي تزكي عادي خلها تزكــي

ليش احنا محتاجين ان أحد يزكي لنـــا .. احنا اللي نعين الدول مب الدول اللي تعينـــا ..

والتوقيف جاا من الاميـــر


:con2::con2::con2:

[ABDALAZiZ]

:con2::con2::con2:


:confused::confused::confused::confused::confused:

[بوخالد911]

:confused::confused::confused::confused::confused:

الحبيب

هل انت متأكد من معلوماتك ؟

ولا بتقوول :

سمعت
:eek5::eek5::eek5:

يقولوووون

:nono::nono::nono:

[ABDALAZiZ]

لا متأكد .. 100%

بس غريبه ان محد يعرف السالفه ف المنتدى ... الكل عااارف فيها

[ضوى]

هو وده كل دول العالم تزكي على البرنامج اللي يقدمه

علشان نسبتة تزيد وهو لة نسبة جامدة ماتشوفة يناقز كل يوم

هالنوعية مايهمها سمعة البلد اهم شي مصلحته

اهم شي ارتحنا من ازعاجه اليومي

لا حول ولاقوة الا بالله

يا اخواني والله مايجوز هذا الكلام ، اذا قلتوا شئ بالشخص ومهو فيه فهذا بهتان واذا قلتوا شئ وهو فيه فهذي غيبه والثنتين محرمتين والعياذ بالله ، انتقدوا اسلوبه بس لا تشككون الناس في نواياه

[بوخالد911]

لا حول ولاقوة الا بالله

يا اخواني والله مايجوز هذا الكلام ، اذا قلتوا شئ بالشخص ومهو فيه فهذا بهتان واذا قلتوا شئ وهو فيه فهذي غيبه والثنتين محرمتين والعياذ بالله ، انتقدوا اسلوبه بس لا تشككون الناس في نواياه



أصبتِ الحقيقة

والله يوفقكم


؛؛؛

يا اخوان لا تتسرعون باطلاق التهم

؛؛؛


بوخالد911

:secret::secret::secret:

[ABDALAZiZ]

انا قلت اللي شفته بالحلقه .. ما اتهمته بشـــي .. بالعكس انا عقيل احبه واحترمــه

بس حبيت اوضح لكم سبب توقيف البرنـــامج

ع كل حااال جزاه الله خيـــر

[nyzk]

لا حول ولاقوة الا بالله

يا اخواني والله مايجوز هذا الكلام ، اذا قلتوا شئ بالشخص ومهو فيه فهذا بهتان واذا قلتوا شئ وهو فيه فهذي غيبه والثنتين محرمتين والعياذ بالله ، انتقدوا اسلوبه بس لا تشككون الناس في نواياه

المؤمن كيس فطن

[almulla]

^^^

(إن جائكم فاسق بنبأ فتبينوا)

روح شوف ردودك اللي كلها حقد على البلاد واهلها وتقولي كيس وفطن !!

انا اشك انك مدزوز لان محد يقول اللي انت قاعد تقوله في ردودك

[almulla]

السبب .. وانا شفت الحلقه

عقيل ف احدى الحلقات الله يهديه خارها ف الحجـــي ..

قاال الدول المجاوره اذا تبي تزكي عادي خلها تزكــي

ليش احنا محتاجين ان أحد يزكي لنـــا .. احنا اللي نعين الدول مب الدول اللي تعينـــا ..

والتوقيف جاا من الاميـــر

ليش شالغلط في هالكلام ؟؟

[nyzk]

^^^

اذا جذيه انا ماعتقد انك مؤمن

روح شوف ردودك اللي كلها حقد على البلاد واهلها وتقولي كيس وفطن !!

انا اشك انك مدزوز لان محد يقول اللي انت قاعد تقوله في ردودك

واذا خاطبهم الجاهلون قالو سلاما