تسجيل الدخول

مشاهدة النسخة كاملة : &**(( ممكن أفهم ماعلاقة بورصتنا بهؤلاء ؟))**&


الــجــزيــرة
18-09-2008, 06:57 AM
ياجماعة الخير ... أيها المحللون ... أيها الأعضاء ...

ودي اعرف وتشرحون لي وللجميع طبعا

ماعلاقة بورصتنا بإفلاس بنك في أمريكا أو هبوط بورصة أجنبية ؟

والحين يقولون ازمة عالمية وهزت الدنيا والعقار ماتحرك ولا نزل !!!

حللوا الموضوع ياجماعة الخير ولنناقش هذه الظاهرة

تحياتي
فاهم
18-09-2008, 07:12 AM
بسيطه ...

الموضوع مايبيله محللين ولا غيره...

يبيله انك تستوعب الكارثه وبس..

لو افترضنا انك انت كشخص ... مودع 90% من اموالك في سين من البنوك...

وقالولك ان البنك اللي انت فيه افلس وقفل ...ايش راح يصير فيك ...؟؟؟؟

والا زي اللي حط ماوراه ودونه عند جورج صليبا وطار جورج بالهمجه وخلى القرعا ترعا على مايقولون..

وبحكم ان اغلب دول المنطقه مستثمره معظم اموالها في امريكا لازم اتأثر ..

وبعدين ليمن هذا يعتبر رابع اكبر بنك استثماري في امريكا... يعني تقدر تقول رابع خامس سادس بنك على مستوى العالم...



اللــــــه يخرجنا من بينهم سالمين ان شاءالله....
الــجــزيــرة
19-09-2008, 12:32 AM
وينكم يامحللين

لازم واحد واصل يكون كاتب الموضوع عشان تشاركونه

لا حول ولا قوة الا بالله
عكاس
19-09-2008, 01:53 AM
العلاقه بسيطه
البنوك الاستثماريه الخارجيه لها محافظ مشتركه مع بنوك محليه قطريه وعلشان الانهيار اللي صاير في امريكا فهالشركات محتاجه للسيوله علشان تغطي العجز اللي حاصل عندها في بلدها الام ‘ ولهذا السبب فاهم يبيعون الاسهم اللي يمتلكونها في البورصه هذا احد الاسباب والسبب الثاني انهم كانوا متوقعين ان قطر تفك ربط الريال بالدولار وترتفع قيمتها فاشتروا اسهم علشان يبيعونها بعدين لما يرتفع سعر الريال ولما الحكومه نفت فك الربط خذوا فلوسهم وطلعوا من البورصه
الــجــزيــرة
19-09-2008, 02:16 PM
95 مشاهدة وردين ؟

عكاس + فاهم بارك الله فيكم

أرجو من الاخوان المراقبين حذف موضوعي الذي كان من المفترض أن يكون في محل نقاش



شاكر لكم تعاونكم
الوعد2016
19-09-2008, 02:24 PM
وينكم يامحللين

لازم واحد واصل يكون كاتب الموضوع عشان تشاركونه

لا حول ولا قوة الا بالله

تصدق انت الواصل لان موضوعك لم يتم حذفه وسلامي عليك يالواصل
والازمه يالغالي هي اسهم هنا وهنا نزل هنا نبيع اهناك يعني اذا خسر هناك لابد له من سيوله تعوضو والخروج باقل الخساير يبيع هنا لانه يمكن غيره يسبقه على البيع وبكميات كبيره مثل المحافظ والموسسين عارف القصد