كانو بيحجزون موتري على 30%

[Abu Abboud]

يا شباب


حبيت اوصل لكم الي صار لي انا من يومين ماخذ سحور ومعود البيت الا في تفتيش قدامي


انا قلت عادي يعني بنخلص بسرعه وضامن موتري مافيه مخالفات


الا العازل وماتوقعت ان بيوقفوني على العازل وصلت عند التفتيش خذ الليسن وشيكو على رقم السياره

الا يقولي موترك مطلوب ليش عسى ماشر قالي عشان المخفي 30 % :omg:

ورد سئلني وهو مستغرب انت مركب مخفي رفعت له الجامه وهو مستغرب قلت له هاي عازل

ومركبه من شهر 1 وكلمه مني وكلمه منه ونوصل عند المسئول طبعن الي كلمني مدني

ولي مشان عشان سحوري العسكري الي بدريس كثر الله من امثاله عرف اني مب غلطان ومشاني وقالي راجع

المرور الي في المعموره بس لازم تشيل المخفي ولا بينحجز موترك ولا بينقفل اذا شفناه في الشارع


مايسوه علي هل عازل يعني تركب عازل 1800 ومخالفه 1000 وشيلت العازل 200 هاي كله عشان


30%

وفي ناس مركبه 50% ولا حد يكلمهم ويمرون علي ونص الموات الي في النجده والمرور عليهم مخفي 30%
الله المستعان حبيت انقل لكم موضوعي عشان الكل ياخذ حذره وماتتلعوزون انا صار لي يومين مراكض وراهم


جني اطر منهم عشان ادفع المخالفه ويشيلون المخالفه مايسوه علينا نصف مكان الا قافلين موترك

[عليان قطر]

لا حول ولا قوة الا بالله

[شعشوع]

انا نفس الشي على موتري 30 بالميه عازل
يوم جيت ابي اغير رقمي لرقم مميز .. العسكري بالموت خلصنا
قالي ممنوع ولازم يكون عازل زيرو-زيرو

[ALKUWARI-90]

نفس الشي صار معاي بس انا كنت مركب المخفي 30% الامريكي

بس الحمدالله انا صادني شرطي ع الدوار

شقه وقالي روح شله هع

[q6ri_vip]

غريبه والله ليش يصير معاكم هالمواقف ... انا صاير لي سنتين مركب مخفي كااامل 30% ومع التجديد محد كلمني ولاوقفوني ... أتظنون عشان نوعية الموتر يوقفون ؟

[الزلزال]

غريبه والله ليش يصير معاكم هالمواقف ... انا صاير لي سنتين مركب مخفي كااامل 30% ومع التجديد محد كلمني ولاوقفوني ... أتظنون عشان نوعية الموتر يوقفون ؟

ههههههههههههههههههههههه الله يرجك شلون بعد على حسب الموتر

يعني الكشخه يمر والعادي يوقف

لووووووووول

اصلا منزلين تعميم على اي موتر مركب مخفي يوقفونه على طول

تحياتي

[فلفل حار]

والله تعبنا واحنا نعيد ونزيد في موضوع المخفي والمرور هههههه

انا واحد طنشت وخلاص والي فيها فيها :shy:

وحاسبوا يا شباب التفتيش الحين بيزيد هالايام لانه العيد قرب ، المطابع شغاله علي دفاتر المخالفات ويبون يخلصونها :omen2:

[HEART_LION]

المسموح زيرو زيرو وهالشي معروف لو نسبه اكثر الموتر ينحجز وصارت فيني

الشباب الله يهداهم من نفسهم يدورون المشاكل يعني انت عارف انه هالشي ممنوع تعاند ليش؟

تدور حق نفسك لحد يقولي الكل مسوي والكل حاط يوم تاكلها بتعرف

والسموحه ع المداخله هالموقف صار فيني مره وحبيت اعلمكم

[MESO]

انا مركب 50 بالمئه وعادي ..؟

[الرايــق]

ياشباب المسموح زيرو زيرو وهالكلام الكل عارفه


ليش تركبون 30 % !!
والله ما تسوى شرطي يقفل لك موترك عشان مخفي !

[عبودي قطر]

انا صارلي اكثر من سنه مركب عازل حراري 50% الموتر كامل ولاشوف حد وقفني

[S A L M A N]

اعتقد المحلات هم نفسهم جونسون وتيتانيوم وفي كول

يقولون ان 30% مسموح .. وان 95% من زباينهم كلهم 30%

المفروض يكون مسموح خاصتاً ان صار الكل مركب !

على العموم انا مركب 30% ومحد موقفني وان شاء الله محد يوقفني بعد

[Night KNight]

انزين والي ماعنده ليسن

وعلى موتره مخفي 50% شيسوي

:weeping:

[The Blade]

السلام عليكم
لا ابشرك موتري انحجز وعلى مخفي والمصيبه عازل 30%
لاتسألني اشلون لين الحين منصدم حدي :(

[اللهب]

انا على موتري 20%من قدام
والخلفي 100%
هوو ممنوع انا شفت الناس مركبة ركبت

ملاحضة ياشباب

كيف اقدر اشيك على موتري علية بلاغ ولا لا

[فلفل حار]

انا على موتري 20%من قدام
والخلفي 100%
هوو ممنوع انا شفت الناس مركبة ركبت

ملاحضة ياشباب

كيف اقدر اشيك على موتري علية بلاغ ولا لا

اتصل علي مرور مدينة خليفه وقولهم ابي رقم مكتب التحريات وبيحولونك عليه :telephone:

بس لاتتصل كل يوم علي رقمك لايحطون العين عليك :secret:

[Abu Abboud]

المشكله مب في التفتيش تقدر تمر عليهم وماينبهون 30% خفيف ويبين السايق يعني الي برع يشوف الي في السياره


المشكله من اليهال الي حاطينهم في المرور يشوف موترك العصر والظهر ويسجل رقمك وتنصدم عقب انه موترك مطلوب


انا تلعوزت معاهم وشلت العازل والله وكيلكم انه ماتقدر تشوف من اللزقه الي في الجامات وقف موتر يوم كامل محل العازل عشان ينظفون الجامه

الله المستعان واحنا ماركبنا عازل حبا" في المخالفه لا والله يعلم مركبينه لنه الشمس حاره وانا مب اول مره اركب مركب على ثلاث مواتر قبل وكلهم نفس الدرجه

يعني من 3 سنين وانا مع العازل والله حرام بل عقل هم يقولون المخفي والمخفي وخايفين من الشبهات

ياخي الناس تطورو الي يبي يسوي شي عنده فنادق وشقق واضعف الايمان مواتر اللوموزين الطويل

مخفي كامل ولايدريبك الدريول الي يبي يسوي شي يعرف شلون وتعرفون قصدي

الله المستعان بس

[مزيون الدوحه]

السالفه سالفة مزاجيه
امس فاليل كان في تفتيش عن الريفيرا
شافوا الليسن والملكيه ونتهت السالفه
ولا سألوني عن المخفي 30%