جهاز الاشتغال عن بعد [الأرشيف] - منتديات شبكة الأسهم القطرية

alkoos

19-09-2008, 05:22 AM

حد يفيدنا يا اهل الخبره جهاز الاشتغال عن بعد اذا بغيت اركب يركبون الشركه وكم سعره وشنو الفرق بين جهاز الـــ 2007 و جهاز 2008يعني اقدر اركب حق 2007 وهل يتبرمج على مفتاح الريموت نفس وارد السعوديه :telephone:

سارى الليل

19-09-2008, 07:30 PM

اى واللة افيدونا عندي في اكس ار 2008 وابغي اركب لة هذا الجهاز للشتاء

_QTR_

19-09-2008, 07:35 PM

وانا نفس الشيء

بغيت حق ال Fj

QAT2020

19-09-2008, 09:54 PM

وانا ابي خق حي اكس ار 2006 بكم ..؟ وكيف ..؟
منتظرين اصحاب الخبره ..

saud580

19-09-2008, 10:21 PM

سمعت ان في وكاله الجمس يركبون بس الله و اعلم شكلي باروح اسئل

عضو قديم

19-09-2008, 10:28 PM

انا عندي فيكسار 2009 ومافيه هالميزة
بس تقدر تسكر الجامات او الفتحة اذا كانوا مفتوحين بدون لاتشغل الموتر بس بالريموت كنترول تضغط على زر الاقفال ضغطه طويلة وبعدين الجامات بروحها ترتفع والفتحه تتسكر والعكس صحيح

blade

19-09-2008, 10:51 PM

شباب فى محل صوب محلات الزينه اللى عندى دوار المجنون اسمه كهربائى السماء على 500 بس المشكله ما يعطيك ضمان على الماكينه

اذا احد عنده فكره وين يتركب وشى مضمون يقولنا جزاكم الله كل خير

عليان قطر

19-09-2008, 10:59 PM

طيب يا الغالي

تعرف صندوق الزكاه في الدوحة خله على يدك اليمين وروح باتجاه الدوار قبل الدوار بشوي

وركز على يدك السيار راح يمر عليك المحل ( كهربائي ) ...... متخصص في تركيب الاقفال والمفاتيح الالكترونية

عطني خبر اذا ما عرفت الوصف

باي حبيبي

almalki2

19-09-2008, 11:51 PM

ياشباب روحو الوكالة (الصناعيه) عندهم وسعره مايتعدا 1000 ريال بس لازم اتخلي السياره عندهم كم يوم يعني مع الفحص للموتر اطلب الريموت منهم.
بس اذا فتحت الباب يطفي الموتر

فلفل حار

20-09-2008, 12:34 AM

ياشباب روحو الوكالة (الصناعيه) عندهم وسعره مايتعدا 1000 ريال بس لازم اتخلي السياره عندهم كم يوم يعني مع الفحص للموتر اطلب الريموت منهم.
بس اذا فتحت الباب يطفي الموتر

قصدك شارع 16 وكالة تويوتا عندهم ؟

وتسلم يالغالي :nice:

أبوسحيم

20-09-2008, 12:42 AM

قصدك شارع 16 وكالة تويوتا

HEART_LION

20-09-2008, 01:10 AM

نصيحه لحد يركب تجاري او اي مكان غير الوكاله

يحرق السلف

fahad487

20-09-2008, 03:14 AM

اخوي ولد-قطر ماقصر ونزل كاتلوج الاكسسوارات

واتقد موجود فيه نوعين من جهاز التشغيل فيه

http://qatarshares.com/vb/showthread.php?t=202405

ALRAYYAN

20-09-2008, 03:44 AM

ياشباب روحو الوكالة (الصناعيه) عندهم وسعره مايتعدا 1000 ريال بس لازم اتخلي السياره عندهم كم يوم يعني مع الفحص للموتر اطلب الريموت منهم.
بس اذا فتحت الباب يطفي الموتر

اخوي المالكي .. انت متاكد ان يركبونه في الوكاله ولا لا ؟

مانبي نتعنا ع الفاضي يالغالي .. اما في الوكالة نفسها انا عجزت معاهم مايبون يركبونه لي
قالوا لي مانقدر نركب لك اي شي على السياره وهذه تعليمات من اليابان مو من عندنا

حتى قلت بشوف الوكاله في بالسعودية اذا بيركبونه لي بروح اسويه عندهم

ياليت حد يفيدنا .. نبي شغل وكاله مانبي محلات الكهربائية يتعبثون في مواترنا
بروحهم متسببين على سالفة الضمان

مافيا قطر

20-09-2008, 03:54 AM

الريان الوكاله فى السعوديه مايركبونه والاحسن يجى من الوكاله الام وممكن يجى مع الدفعات الجايه

ممكن تسال اخوى وكاله المناعى هل مال اليكون يركب على التويوتا ولا انا بمر عليهم بكره وارد عليك خبر

q6ri_vip

20-09-2008, 05:12 AM

نصيحه لحد يركب تجاري او اي مكان غير الوكاله

يحرق السلف:nice:

اي والله أنك صادق ... مثل ماقال اخوي لحد يفكر يركب تجاري .

فلفل حار

20-09-2008, 05:30 AM

نصيحه لحد يركب تجاري او اي مكان غير الوكاله

يحرق السلف

رحم الله والديك وكلامك صح:nice:

شوي الا تشير دقة السلف عليك ، ماتسوى عليك والله :omen2:

فلفل حار

20-09-2008, 05:32 AM

اخوي ولد-قطر ماقصر ونزل كاتلوج الاكسسوارات

واتقد موجود فيه نوعين من جهاز التشغيل فيه

http://qatarshares.com/vb/showthread.php?t=202405

لو موجود بوكالة الامارات بركبه وبعطيكم خبر ان شاء الله بالتفصيل ، انا رايح عقب العيد ان شاء الله وبشوفهم :discuss:

مع اني محصل بالبحرين من زماان واذكر بـ1200 ريال مع التركيب بس طبعا تجاري وصناعه كوريه وكان فيه مميزات كثيره غير التشغيل عن البعد يعني توقت الريموت علي وقت معين الصبح يشغل السياره ويطفيها في 5 او 10 دقايق علي كثر ماتحب انت ، ويعطيك انذار لو نسيت البانه او الشنطه مبطلين ، كانت صج مميزاته روعه ، بس الواحد يتخوف من هالامور لانها كهربا وجذي

راعي المحل كان يقولي انه الي يركبون عنده الاغلبيه مواتر فخمه مثل جاكورات ولكزسسات ، عاد مايندرا صاج ولا كلام لحس مخوخ:rolleyes2:

bohilal191

20-09-2008, 05:37 AM

واحد من الربع عنده جي اكس آر 2007 وارد البريمي وفيه كل المميزات من ضمنها الاشتغال عن بعد

برجس

20-09-2008, 06:15 AM

والله لو ماتركب احسن لك لن يخرب عليك السلف

شباب ابي حساسات اصليه حق 2007 وين احصلها
لن في الوكاله غاليه او من عند البريمي اذا احد يعرف اسعارها ياليت
تقولولي الله يخليكم :nice:

بندرصالحي

20-09-2008, 06:32 AM

احد من الاخوان يقدر يفيدني هل الكزس الجديد فيه هذا النظام وشكرا للجميع

سارى الليل

20-09-2008, 11:22 AM

ال g x r 2009 وارد عبد اللطيف جميل فية مااعرف انسخ الرابط بس راجعوا منتدي تيوتا العربية صفحة الاند كروزر وشوف القهر

gxr o.z

20-09-2008, 11:27 AM

ال g x r 2009 وارد عبد اللطيف جميل فية مااعرف انسخ الرابط بس راجعوا منتدي تيوتا العربية صفحة الاند كروزر وشوف القهر

لا تدري وش القهر انهم يستخدمون ردودي في بعض الأحيان بعد ماطردوني لأني ارسلت دعوات ع الخاص لمنتدى ثاني!!!

HEART_LION

20-09-2008, 11:44 AM

احد من الاخوان يقدر يفيدني هل الكزس الجديد فيه هذا النظام وشكرا للجميع

موجود فيه

عاشق الدمعة

29-09-2008, 03:24 AM

ممكن تحصله في اي محل زينة للسيارات واهم شي الضمان

بس ترى صج صج صج رااااااااااااااحة ودلع

وبالتوفيق

mr-q6ari

29-09-2008, 04:19 AM

السلام عليكم ورحمة الله وبركاته

انا الموضوع شدني الصراحه على العموم بخصوص التشغيل عند بعد انا كنت ابي اركبه في موتري

vxr 2007 ورحت الوكاله في الشارقه عقب عنوه وعقب شقى وسألتهم قالولي مايقدرون يركبون

اذا الموتر مافيه النظام من الشركه مايقدرون يكبونه هم لانه تكون فيه قطعة كمبيوتر في المكينه تجي من

اليابان بس يبيعونه لك وانت تركبه برى عندهم ...

واتمنى اني فدتكم

مافيا قطر

29-09-2008, 05:00 AM

انا سئلت الوكاله ها ى الاسبوع القطعه موجوده على 1400 ريال وقالوا لى خل الموتر عندنا واحنا نشيك

وعلى فكره بس 2008 و 2009

موظف بالبورصه

29-09-2008, 03:01 PM

انا سئلت الوكاله ها ى الاسبوع القطعه موجوده على 1400 ريال وقالوا لى خل الموتر عندنا واحنا نشيك

وعلى فكره بس 2008 و 2009

وتركب على vxr بس ولا gxr عادي ؟؟؟

وقولنا في وين اي شارع بنروح نركب ...

1400 زين :)

فلفل حار

29-09-2008, 03:04 PM

وتركب على vxr بس ولا gxr عادي ؟؟؟

وقولنا في وين اي شارع بنروح نركب ...

1400 زين :)

مافيا قطر تسلم يالغالي :nice:

والله ماكان لي نيه اركب بس دام سعره معقوول وتركيب وكاله انا وياكم ، الي راح وسأل الله لايهينه يعطينا تفاصيل اكثر ، شكلنا بنركب وياكم :)

موظف في البورصه ، وين الغيبه ياخووي ؟ كل عام وانت بخير فديت خشمك :)

مافيا قطر

29-09-2008, 03:49 PM

موظف البورصه الجهاز على 1400 ريال بس التركيب لازم الوكاله نفسها تشيك على الموتر او تسئل الفنيين اللى هناك يمكن اليوم الساعه 8 امر عليهم واشوفهم فلفل موظف ترحون معاى ايش قلتوا

فلفل حار

03-10-2008, 12:07 PM

مافيا قطر ، السموحه علي التأخير فديت خشمك ، مضيع الموضوع هههههه:shy:

تبي نروح قم قداام ، الوعد صباحية السبت لو بخاطرك:nice:

ماصار شي يديد علي الموضوع ؟:omen2:

Love143

03-10-2008, 12:32 PM

السلام عليكم

شوفو وشو يصير معاكم وعطوني خبر باخر المستجدات ترى انا سئلت في الوكاله ورحت عند مدير الضمان نفسه يقولي احنا ما نعرف نركبه قلت له شلون تبيعون قطعه تطلع قريب 4000 ريال ( مجموعة تشغل عن البعد كامله الرموت والكمبيوتر الي ينحط بالمكينه والوايرات ) وما تعرفون تركبونها يعني اشتري من الوكاله القطعه واركبها برع الوكاله والضمان يطيح وش هالتفكير البطيخي تبيعني شيء وما تعرف تركبه يقولي ما عندنا فنيين يعرفون يركبونه عاد شوفو وش بيصير معاكم وعطوني خبر :)

مافيا قطر

03-10-2008, 03:45 PM

Love143

03-10-2008, 04:06 PM

انا رايح بكره الوكاله ومب طالع من عندهم الا ماخذ كل المعلومات وبخلى الموتر عندهم اشوف يركبونه ولا

لانه مايصير اخوى love يبيعون قطعه وما يعرفون يركبونها الوعد بكره الساعه 7 فى الوكاله فى الصناعيه

وحياك فلفل حار

والله الغالي هذا الي قاله لي مدير السيرفس في الصناعيه وعقب رحت عند مدير الضمان وكان معاي مسئول قطع الغيار وقال لهم انه القطعه تنباع عندهم لكن قالي ما نعرف نركبها .

Love143

04-10-2008, 04:43 PM

السلام عليكم

ما يندرى وش صار معا اخونا مافيا قطر

عالي مستواة

04-10-2008, 11:25 PM

للــــــــــــــــــــرفع

ياليت اللي مر الشركه يقول لنا شصار

ALKUWARI-90

06-10-2008, 01:45 PM

مافي رد على الموضوع الي راحو الشركه خل ايفيدونا

<<<< كان ايتابع الموضوع بصمت

عااد انا ابي اركب الي رااح وعنده خبر بشي ايقولنا

Love143

06-10-2008, 11:34 PM

ننتظر الرد من اخونا مافيا قطر ما يندرى عنه شكلهم اخطفوه في الوكاله :)

مافيا قطر

06-10-2008, 11:51 PM

Love143

07-10-2008, 12:33 AM

:discuss:لا ما اخطوفنى كل واحد يقلك شى يقلك ما نركب وواحد يقلك انا اما عرف روح اسئل فلان لكن ابشر وانا اخوك بكره امودى موترى تشيك عندهم واجيبلك الخبر اليقين وفى فنى قال جيب السياره ونشوف

هلا الغالي خوفتنا عليك اخوي لا حس ولا خبر شويه وبنزل لك صوره على علب الحليب :)
توكل على الله وعطنا الاخبار اول باول .