الي ساكن في معيذر الجنوبي يدخل

[معيذر جنوب]

سؤال ياجماعة بخصوص رخصة اضافة ملحق لبيت شعبي تركيب لأني قدمت عالأسكان لاضافة ملحق وتم رفض الطلب في سنة 2007 وقالو البيوت عليها هدم واعادة بناء بقرار أميري صادر من 2002 م

الحين البيت حررته من الاسكان يعني البيت حاليا حر وين أقدر أقدم على الأضافة في البلدية
أو الاسكان وهل يطلبون مخطط من استشاري ولا مايحتاج وكم يوم تاخذ الرخصة

سؤالي بالتحديد عن البيوت الي من اشارات المناصير باتجاه طريق السيلية ( الصناعية)البيوت الي على اليمين قبل دوار الخزان وعند بيت السويدي

وهل البيوت فعلا عليها هدم وهل يسمح ببناء دور ثاني لأن شفت بيت مأجرينه عمال بانين دور ثاني مادري بترخيص ولا بدون ترخيص

البيوت تقريبا كملت الآن 20 سنة

[مطراش]

انشاء الله اقدر افيد اذا كان البيت حر تقدر اطلع عليه رخصه اضافه عادي اول شي اتقدم طلب في بلديه الريان لهو اسمه طلب اضافه وتاخذ معك سند الملكيه طبق الاصل ومخطط الارض وصوره البطاقه الشخصيه
وتروح تفتح ملف حق الاضافه اذاكانت الاضافه 60 متر تقريبا عادل لبلديه تعملك خريطه من عندها تاخذ من عندهم مساح ويرسملك الي انت تبيه واذا كانت الاضافه اكثر من 60 متر اول دور ثاني لازم مكتب استشاري
مده الرخصه اذا كانت من البلديه الرسمه يعني 60 متر بس يمكن تأخذ شهر لانه الازم بعد ماتخلص من البلديه اتروح التخطيط العمراني عشان الكهربه تخلصه وتجبها البلديه بعدين تطلع الرخصه ام اذا كانت عن طريق مكتب يعني اكثر من 60 متر يمكن لمده من شهرين الى ثلاثه

[سارى الليل]

لاازالة ولاشي كلة كلام ابن وتوكل علي اللة

[الوهاااااج]

تقدر تبني وما عليهااااااااااا ازالة