( ما هي أفضل سيارة رفيعه فورويل لكبار السن ؟ )

[إنتعاش]

السلام عليكم ورحمة الله وبركاته

الاخوان والاخوات هلا وغلا بالجميع

هالموضوع افتحه كـ استفسارات ومساعدة منكم في المشوره

و الاخذ بالرأي في سياره تكون فورويل رفيعه

لكن بنفس الوقت ( سهله للركوب )

خصوصا لكبار السن لمن عنده شايب او عجوز

حيث احد الاخوة يعاني من هذه المشكلة

حيث اشترى لبيته سيارة لاندكروزر جديده

لكن المشكلة ان والدته تعاني من عملية ركوب السياره

لانها رفيعه جدا عن الارض يعني عاليه ..

فمحتار وش السياره اللي تكون

( فورويل يعني ما تحك في مطبات الدوحة والشوارع المكسره والامطار

وبنفس الوقت تكون نازله شوي بحيث تكون سهله لركوب كبار السن )


احد الاخوة اقترح سياره مرسيدس

R Class


وهاذي صورها للفائدة

http://image.trucktrend.com/f/suv-news/mercedes-benz-r-class-get-optional-makeover/6395889+w700+cr1+re0+ar1/mercedes-benz-r-class-tourer.jpg

http://image.motortrend.com/f/car-news/2008-mercedes-benz-r-class-gets-updates-lower-price/6362965%2Bw600%2Bcr1%2Bre0%2Bar1/2008-mercedes-benz-r-class-rear-profile.jpg

http://image.motortrend.com/f/car-news/2008-mercedes-benz-r-class-gets-updates-lower-price/6362977+w600+cr1+re0+ar1/2008-mercedes-benz-r-class-rear-seating.jpg


اهم النقاط المطلوبة :

1- سيارة عالية عن المطبات والشوارع المكسره ومياه الامطار ( تنفع لشوارع الدوحه )
2- سهله للركوب لكبار السن والمعانين من مشاكل في الركبة او القدم .
3- عمليه للاستخدام اليومي والدائم .

تحياتي لكم وننتظر اسهاماتكم

[روح الاطلس]

بورش أو
Bmw X5

[وطن]

الار كلاس زينه

بس ليش لازم فور ويل؟

[إنتعاش]

اخوي الاكس فايف ايضا صعبه للركوب يالغالي
لأنها ( ارفع ) من المرسيدس R وبنفس الوقت مافيها دواسه كبيرة للركوب .
وكذلك الحال مع الاودي Q7

[إنتعاش]

الار كلاس زينه

بس ليش لازم فور ويل؟

اختي مثل ما كتبت لكم لو قريتي

الفورويل المقصد منها ( سياره شايله نفسها عن الارض والاحتكاك
بالمطبات والتضرر من الشوارع المكسره مثلج شايفه شلون الفرجان عندنا )

يعني سياره بالعربي مستحيل تحك في مطب

[gxr o.z]

lexus lx570فيها هايدروليك يقدر ينزل السيارة ويخلي والدته الله يخفظها تركب وبعدين يرفع السيارة

[إنتعاش]

لاندكروزر جي اكس ار او جي اكس ولو يبي فخامة في اكس ار او تدري لكزس ٥٧٠

تسلم اخوي على مرورك

بس لو قريت الموضوع زين

الرجال عنده كروزر جديد للبيت

والمشكلة اصلا منه لأنه عالي جدا للركوب صعب على كبار السن ياعزيزي

[PoBox]

http://i129.photobucket.com/albums/p214/jal_nh/EX2.jpg


http://www.desktopcar.net/wallpaper/7269-2/Infiniti_EX-concept_82.jpg


http://www.autounleashed.com/images/infinity_ex1.jpg


http://www.desktopcar.net/wallpaper/7266-2/Infiniti_EX-concept_81.jpg


INFINITI

EX


حجم ال Ex شوي اصغر( وأنزل ) من الFX واعلى من الصوالين العادية
لكن دخلتها ماتحتاج ثني ركبة ورفع - يعني ممكن تدخلها بالعرض -

[gxr o.z]

تسلم اخوي على مرورك

بس لو قريت الموضوع زين

الرجال عنده كروزر جديد للبيت

والمشكلة اصلا منه لأنه عالي جدا للركوب صعب على كبار السن ياعزيزي

اسمحلي يالغالي وانا غيرت الرد

[إنتعاش]

lexus lx570فيها هايدروليك يقدر ينزل السيارة ويخلي والدته الله يخفظها تركب وبعدين يرفع السيارة


هلا بك اخوي مره ثانيه

والله فكره مش بطاله بقوله عنها

عندنا صارو خيارين اثنين :

1- مرسيدس R
2- ليكزس 570 الجديد


وننتظر بقية المشاركات والاراء

[gxr o.z]

lexus lx570فيها هايدروليك يقدر ينزل السيارة ويخلي والدته الله يخفظها تركب وبعدين يرفع السيارة

:victory:

[بو غنيم]

عندك الgmc اكاديا

http://up5.m5zn.com/photos/00260/hsd5z3u5d480.jpg (http://up5.m5zn.com/photos/00260/hsd5z3u5d480.jpg)

http://up5.m5zn.com/photos/00260/0oox5e69kan8.jpg (http://up5.m5zn.com/photos/00260/0oox5e69kan8.jpg)

[OPEC]

lexus lx570فيها هايدروليك يقدر ينزل السيارة ويخلي والدته الله يخفظها تركب وبعدين يرفع السيارة


:nice::nice: صحيح ومريحه بدرجه:victory: بالنسبه لي ماركب السيارات الرفيعه بس جربتها وكانت ممتازة
الله يطول بعمر والدتك ويعطيها الصحه والعافيه آمين

[وطن]

مادري انتعاش
الحين حتى الفور ويل مب سالم من المطبات والحفر

يبي لنا شاحنات


طيب وايد سيارات فيها هايدرولك

جرب الكادليك الفور ويل الصغيرة
والاسكليد اخبر فيها دواسة تطلع

[فلفل حار]

كل عام وانت بخير اخووي انتعاش :)

والله يالغالي ماجا في بالي الا موترين

الاول اكس فايف

http://www.bmw.com/com/en/newvehicles/x5/x5/2006/allfacts/_shared/img/BMW_X5_02.jpg

طبعا سيفتي وامان وماعليه كلام كـ راحه واستخدام يومي لكن ماراح يعمر سنين طويله طبعا

والموتر الثاني هو الجمس الاكاديا

http://image.automobilemag.com/f/features/news/6695360/0607_z+2007_gmc_acadia+front_corner.jpg

شكله حلو واكيد يستحمل استعمال يومي بس مايتقارن السيفتي فيه بالاكس فايف

والله يطول بعمر شيبانكم يالغالي :)

[musel999]

عندك الانفنتي فورويل
واللكزس الصالون الصغيره (أظن Rx)
عندك الباثفندر سيارة عمليه جدا
عندك الهوندا فورويل
وانا صراحه لو كنت باخذ سيارة بهل الموصافات باخذ باثفندر عمليه جدا سعرها يمسك شوي قطع غيار متوفرة وزين حق الشيبان والعيايز

بالتوفيق ^_^

[msk]

السلام عليكم ،،،

انا اشوف الاكاديا الجمس قريب من المطلوب وبالتوفيق .

[gxr o.z]

الأسكليد مايجي ويا هايدروليك والدواست ماتسعاعد واجد الكروزر فيه دواسات واوطى من الأسكليد مب واجد لكن اوطى....
اللكزس ٥٧٠ وبس لأن موتر قوي ويقعد سنين
خذ اكس ٥ وبيعه بعد خمس سنين اتحدى يجيب على الأقل نص السعر الي شريته فيه

[على البال]

R كلاس اخوي

[Um Sultan]

المرسيدس اللي عرضتها حلوه واايد ..

وعندك كاديلاك الجديده SRX .. رفيعه ومريحه واايد

http://www.cadillacarabia.com/content_data/LAAM/ME/ar/GBPME/cadillac/SRX/srx_exterior/srx_08_ext1.jpg

http://www.cadillacarabia.com/content_data/LAAM/ME/ar/GBPME/cadillac/SRX/srx_exterior/srx_08_ext2.jpg

http://www.cadillacarabia.com/content_data/LAAM/ME/ar/GBPME/cadillac/SRX/srx_interior/srx_08_int5.jpg

http://www.cadillacarabia.com/content_data/LAAM/ME/ar/GBPME/cadillac/SRX/srx_interior/srx_08_int2.jpg

http://www.cadillacarabia.com/content_data/LAAM/ME/ar/GBPME/cadillac/SRX/srx_interior/srx_08_int3.jpg

تقدر تشوف اكثر عنها في هل الرابط

http://www.cadillacarabia.com/content_data/LAAM/ME/ar/GBPME/cadillac/SRX/gallery_exterior.html

[إنتعاش]

1- مرسيدس R
2- ليكزس 570 الجديد
3- EX INFINITI
4- جمس اكاديا
5- كاديلاك SRX

تسلمون يا اخوان وارحم الله والديكم
اعتقد الخيارات كافيه وتفي بالغرض
وان شاءالله يقرأ معانا اللي كتبتوه

والله يشافي ويعافي كل والد و والده ويطول لنا بأعمارهم اللهم آمين

[gxr o.z]

http://www.lexus-mideast.com/lx/ar/index.html

[إنتعاش]

http://www.lexus-mideast.com/lx/ar/index.html

ههههههه تسلم يا مجنون تويوتا وليكزس المخلص :nice:

لا تحاتي الليكزس الفورويل موجود عندي واقوله عنه

لكن يتشاور الموضوع يبي ياخذ موتري يوريه اهله

بعدين بيقرر

تعب من كثر ما مدحت له الليكزس ههههههههههه

على فكره كلمه لازم اقولها :
عمري ما سقت سياره فورويل مثل هالليكزس
واعتقد اني بطلق كل السيارات في المستقبل بالثلاث:nice:

تحياتي لك اخوي

[شمسة]

1- مرسيدس R

[gxr o.z]

ههههههه تسلم يا مجنون تويوتا وليكزس المخلص :nice:

لا تحاتي الليكزس الفورويل موجود عندي واقوله عنه

لكن يتشاور الموضوع يبي ياخذ موتري يوريه اهله

بعدين بيقرر

تعب من كثر ما مدحت له الليكزس ههههههههههه

على فكره كلمه لازم اقولها :
عمري ما سقت سياره فورويل مثل هالليكزس
واعتقد اني بطلق كل السيارات في المستقبل بالثلاث:nice:

تحياتي لك اخوي
خلني انا اقنعه ههههههههههههه اقدر اخلي عاشق فتك يحب الكروزر خخخخ

[hamoor4ever]

المورانو ، عمليه وفيها زر فورويل وموتر سته سلندر ومش رفيعه وايد وياباني

[وطن]

خلني انا اقنعه ههههههههههههه اقدر اخلي عاشق فتك يحب الكروزر خخخخ

ما تقدر تتقنع عاشق مرسيدس

:tease:

[حرقطر]

انصحك لكزس فرويل الجديدة 2009 او 2008

وترى اكثر من شيبه يمدحها وترى طايحين فيهااااا الحين

[فهد111]

الله يحفظ شيبانا وعجايزنا ويطول اعماارهم واقترح عليك سياره عائليه وحلوه بس سعرها غاالي الي هي اوودي كيو 7 ويعطيك العافيه

[milan]

ما تقدر تتقنع عاشق مرسيدس

:tease:

المرسيدس غير :victory:


اخوي انتعاش عندك فئة الB وهي فورويل اصغر من الR
http://www.direct-vehicle-leasing.net/images/car_images/mercedes%20b%20class.jpg

[الوهاااااج]

اعتقد جمس قمارتين

[على نياته]

اضم صوتي للاخوان اذا مافيه مشكلة بالنسبة للسعر Lx570 فيه هيدوليك ومريح .

[الجوكر90]

اخوي عندك الراف4 وايد اوكي
كفايه انها تويوتا

[رايق]

ههههههه تسلم يا مجنون تويوتا وليكزس المخلص :nice:

لا تحاتي الليكزس الفورويل موجود عندي واقوله عنه

لكن يتشاور الموضوع يبي ياخذ موتري يوريه اهله

بعدين بيقرر

تعب من كثر ما مدحت له الليكزس ههههههههههه

على فكره كلمه لازم اقولها :
عمري ما سقت سياره فورويل مثل هالليكزس
واعتقد اني بطلق كل السيارات في المستقبل بالثلاث:nice:

تحياتي لك اخوي

و اخوك عن قريب بيطلق الرنج السبورت (مقلب) و بحول على اللكزس بعد ما سقت سيارة الوالد .. سيارة قمة في كل شي

انا بعد انصح صاحبك بالـللكزس 570 .. و الزين فيها الهيدروليك تقدر تخليه اوتوماتيك .. يعني اول ما تفتح باب السياره بروحها تنزل الى اقل ارتفاع و يكون الركوب و النزول سهل

[صليب الراي]

اخوي رايق ولا عليك امر
ممكن تقول لي عن طريقة برمجة الهيدروليك الاوتوماتيكي للنزول والركوب ؟

خل اجربها اول شي انا :)

[إنتعاش]

هلا بالجميع الله يرحم والديكم على المشاركات الجميلة والقيمة

واضم صوتي للاخ خبير يا اخوي رايق
في كيفية برمجة الليكزس والهيدروليك ؟ الصراحه معلومه توني ادري بها
نورنا الله ينور عليك
وانا ودي اعرف وشلون صابر لين الحين على السبورت

[رايق]

اخوي رايق ولا عليك امر
ممكن تقول لي عن طريقة برمجة الهيدروليك الاوتوماتيكي للنزول والركوب ؟

خل اجربها اول شي انا :)

ابشر
انا بيني و بينك قريت الطريقة من الكاتالوج لأن الوالد كان يشكي من ركبته و سويتها له
خلني اقراها مره ثانية و بعطيك خبر لأني ناسيها الحين :shy:

[رايق]

هلا بالجميع الله يرحم والديكم على المشاركات الجميلة والقيمة

واضم صوتي للاخ خبير يا اخوي رايق
في كيفية برمجة الليكزس والهيدروليك ؟ الصراحه معلومه توني ادري بها
نورنا الله ينور عليك
وانا ودي اعرف وشلون صابر لين الحين على السبورت

خلها على ربك .. أغتريت بالمنظر الخارجي
بالنسبة للطريقة .. من عيوني .. بس ناسيها الحين :secret: اسمها في الكاتلوج Easy Access
بكره تكون عندكم ان شاء الله

[الكونغرس]

الكزس الفورويل الجديده 2009 لان فيها هيدروليك وسياره جدا مريحه وهاديه كأنك قاعد في البيت

[على البال]

عاد تدري يا اخوي انتعاش

طلبت سيارة كلهم مشالله عليهم هب ريح

شلون لو طالب مره تبي تتزوج خخخخخخخ:nice::nice::nice:

عندي لك موتر ولا بعدة حق كبار السن

[فلفل حار]

اخوي انتعاش ، استفسار طال عمرك ، لازم فور ويل يعني ؟ لانه انت تقول تبي فور ويل صغير وماراح يفرق عن الصالون وايد

اذا تركيزك علي راحة العيايز ترا عليك باللكزس l460 ، الي يقعد جنه قاعد في طياره فيرست كلاس ما شاء الله ، الدلع علي كيف كيفك :nice:

مجرد اقتراح :shy:

[gxr o.z]

المرسيدس غير :victory:


اخوي انتعاش عندك فئة الB وهي فورويل اصغر من الR
http://www.direct-vehicle-leasing.net/images/car_images/mercedes%20b%20class.jpg

ياعاشق المرسيدي هذا مب فورويل اصلا خخخخخخ
الحيت تقارن هذا باللكزس حراااام عليييك
:rolleyes2:

[gxr o.z]

اخوي انتعاش ، استفسار طال عمرك ، لازم فور ويل يعني ؟ لانه انت تقول تبي فور ويل صغير وماراح يفرق عن الصالون وايد

اذا تركيزك علي راحة العيايز ترا عليك باللكزس l460 ، الي يقعد جنه قاعد في طياره فيرست كلاس ما شاء الله ، الدلع علي كيف كيفك :nice:

مجرد اقتراح :shy:

والله
حق العيايز كل شي يايز
خخخخخخخخخ متأثر من ام خماااس

[gxr o.z]

[أداء وفوائد التحكم المدمج ]

• Ahc
يساعد نظام Ahc على ضمان استقرار القيادة عن طريق خفض ارتفاع السيارة أثناء القيادة بسرعة عالية لتحسين أداء الانسيابية الهوائية. وعند القيادة في الوضع L4 وأوضاع السرعات المنخفضة الأخرى تتم زيادة ارتفاع السيارة لتسهيل الشوط الطويل للتعليق وبالتالي تحقيق قابلية قيادة جيدة على الطرق الوعرة.
• Avs
إلى جانب التحكم التقليدي في قوة التخميد أثناء القيادة على الطرق المعبّدة، يتم تفعيل هذا النظام أيضًا عندما يواجه التعليق حركة عمودية كبيرة وذلك لتوفير الاستقرار والسيطرة والراحة أثناء الرحلة على الطرق الوعرة.
• التحكم المرتبط بالعجلات الأربع
تم ربط قنوات زيت ممتصّات الصدمات على العجلات الأربع جميعًا لضمان أن الدخل على إحدى العجلات يتم توزيعه إلى العجلات الأخرى، الأمر الذي يساعد على ضمان الراحة أثناء الرحلة واستقرار وضعية السيارة، وكذلك أداء السيارة من حيث التصاق إطاراتها بسطح الطريق على الطرق الوعرة.
• التحكم في تحويل معدل النوابض
هذه الوظيفة تتحكم في تحويل معدل نوابض التعليق الأمامي لضمان الراحة أثناء القيادة العادية، كما تتحكم في التغيّرات في وضعية السيارة أثناء القيام بعمليات مثل الدوران والفرملة.

[milan]

ياعاشق المرسيدي هذا مب فورويل اصلا خخخخخخ
الحيت تقارن هذا باللكزس حراااام عليييك
:rolleyes2:

:nice:اخوي ماقارن اهالموتر باللكزس
طبعا في اختلاف كبير في المواصفات والحجم والعزم وووو:)

لكن الموتر نوعا ما يعتبر مب نازل في الارض
وتقبل تحياتي ياعاشق التيوتا :victory:

[السد]

اخذ لكزس فورويل لانه فيه هيدروليك
او كيا كارنفال بعد حلوة هذه السيارة

[darkuae]

عليك بالأرمادا

وإذا كان الرجال عنده بيزات

خل ياخذ الانفينيتي اللي تشبه الأرمادا

[إنتعاش]

ماقصرتو يالربع وارحم الله والديكم

الرجال بيجرب الليكزس و الظاهر ان عينه على الليكزس :)

تحياتي لكم ولا خلا ولا عدم بارك الله فيكم

[رايق]

Easy Access Mode

زر التشغيل مكانه مثل ماهو باين في الصورة ..
كل مره تطفي السيارة .. بنفسها تنزل الى اقل ارتفاع ..
اذا ركبت مره ثانية و شغلت السيارة ترجع الى الأرتفاع الطبيعي ..

http://farm4.static.flickr.com/3221/2871795636_d91216cccb.jpg

[boamir]

لو تدوور بين كل الفورويلااات مابتحصل ابد احسن من اللكزس 570
انصحك فييه
ومثل ماقاال أخوونا فيه هيدروولييك طيح الموتر وخل العجووز تركب ورفعه بعديين
وإمشي مع شوواارع قطر بتشووفه أكثر موتر يستحمــل

والله يخلييها لك :)