المساعد الشخصي الرقمي

مشاهدة النسخة كاملة : سوال عن كيفية ارتفاع وهبوط سعر السهم



محمد بن حمد
05-02-2005, 01:30 PM
السلام عليكم
شلون طريقة ارتفاع وهبوط السهم اذا عرفنا انه اذا زادت طلبات الشرا على البيع ارتفع السعر والعكس صحيح بس هل ها العمليه بالكمبيوتر يحسب السعر حسب الطلبات ويعطي السعر يعني الكترونيا ولا شالطريقه الدقيقه لها العمليه

قطري
05-02-2005, 06:49 PM
عليكم السلام
اخوي بونورة ممكن توضح سؤالك الله يسلمك
تحياتي لك

qatar_moon
05-02-2005, 10:07 PM
وانا خاطري اعرف كيف اعرف ان هالسهم بيرتفع او بينزل :(

حد يعلمنا او يعطينا دوره ببلاش :p

eXpert*
08-02-2005, 04:01 PM
السلام عليكم ورحمة الله وبركاته


اولا احب اوجه الشكر الجزيل لكل القائمين على هذا المنتدى الذي لا يختلف عليه اثنين على حرصه على تثقيف المواطن القطري في سوق الدوحة للاوراق المالية .


ثانياً :- رد علي اخي الكريم " خبرتي بسيطة بس اتمنى اقدر اوصل المعلومة " باذن الله


عزيزيّ : مثل ما تعرف انه كل شركة تعمل سنوياً / نصف سنه على احصائية لعمل الشركة لتحصيّ ارباحها ومصاريفها وكم دخل ال شركة في نهاية كل سنه ميلاديه ، وبزيادة ارباح الشركة تزيد نسبة ارباح المساهم ( المستثمر ) .

كبار المساهمين يتطلع الى اكبر قيمة من الارباح بغض النظر عن سعر السهم ، لانه من وجهة نظر كبار المستثمرين انه يدور على اعلى ارباح تطرحها الشركة وعلى هذا الاساس يشتري السهم .

المهم :

لما تجي شركة وتطرح احصائيتها وتقول انها بتوزع مثلا 75 % ارباح للمساهمين اي بواقع ( 75 سهم لكل 100 سهم يمكله المساهم ) هذا يعني اللي عنده 10.000 سهم راح يمتلك 10.000 سهم اضافة الى 7500 سهم <=== الارباح
10.000 × 75% = 17500
يعني باجمالي 17500 سهم .

فــــ كبار المستثمرين يسعى للحصول على اكبر نسبة من الاسهم للحصول على اعلى نسية من الارباح وذلك عن طريق ؟؟ شراء الاسهم !!

وهنا يأتي دور صغار المستثمرين انت تجي وتحط السعر اللي تبيه لانه كبار المستثمرين ما راح يهتم بالسعر لانه المبلغ اللي بيشتري فيه الاسهم مثلا منك يقدر يضاعفه اكثر من مره / مرات والسبب انه عدد اسهمه بتزيد الى اكثر من 75% بعد الارباح .


اعلم ان اسلوب طرحي للرد يكاد يفهم بس العذر والسموحه ، واي نقطة مش مفهومة انا حاضر للاجابة .

مع تمنياتي للجميع بالتوفيق

قـطـريـه
08-02-2005, 09:21 PM
عوامل كثيره تدخل في ارتقاع وهبوط السعر

راقبت فتره سعر المتحده كان يرتفع لين 50 وينزل لين 28 ريال

تتبعت السهم حتى عرفت اسراره ناس يتحكون في السهم يشترون بكميه كبيره يرتفع السهم يعرفون الوقت الي ييعون فيه فجئه السهم يهبط ويسبب خسائر كبيره لبقيه المستثمرين
لما وضع السوق لمت معين لسعر هبوط وارتفاع السعر كان قرار سليم لانه يبحمي بقيه المستثمرين من المضاربه الغير عادل ومن محتكرين الاسهم .......
ونفس الس حصل مع المتحده حدث مع صناعات سحب كميه كبيره من سهم صناعات من السوق لجهه واحده اصبحت تتحكم في السعر ننتظر الخطوه التاليه من المحكتر بعد مارفع السعر ننتظر المفائجه الثانيه والله يستر,,,,,

Spread Trader
08-02-2005, 10:47 PM
قطريه ,نعم في ناس تلعب في الاسهم, بس شوفيها به الطريقه اخذي سعر الاغلاق من التاسيس الى اليوم وشوفي

توجه الرسم البياني
وأطلعي على نشاطات الشركه المستقبليه
والارباح مقارنةمع السنه السابقه

وفي النهايه تبنين موقفج من السهم (على حسب قناعتك الشخصيه) تحددين سعرك للطلب وسعرك للعرض و التنوع بين المضاربه واسهم العمر الى مثل الحصاله سهم +سهم= سهمين وبهذي الطريقه خلي الي يلعب يلعب واحنا مستانسين.

.