صقنقور وراجو ... ونحن والعيد ... ؟؟!

[الخيميائي]

http://www.qatarshares.com.qa/data/61/63/storm_458493251_757928601.jpg


الموضوع طرحته قبل سنة بالضبط تاريخ 28\9\2007

وكان السؤال للشباب والبنات

هل الكل جاهز للعيد ؟؟!

وخصوصا الشباب

الي دايما ينتظرون ليلة العيد ويبدأ عقبها الاستعداد

وكل عام وانتم بخير مقدما

[وطن]

العادة ما أجهز للعيد

العيد عندي فاقد زهوته من زمان للأسف
أحاول اني اسوي شي جديد كل سنة
بس بعد مافي تغيير
الجو نفسه نفسه
حتى لو لبسنا جديد واستعدينا



ع العموم

هالعيد أنا جاهزه من زمان
من شهر 7 اشتريت وجهزت له

;)

[هتـان قطر]

ضحكني العنوان...:nice:

اللي عنده بنات مستحيل يخلص الا قبل العيد بيوم :anger1:

الله يهديهم ويبارك فيهم..بعكس العيال ما شاءالله يوم واحد ويخلصون كل اغراضهم

الخيميائي تسلم على خفة الموضوع..:)

[eastqatar]

السنه صادفت وقت الرجوع للمدارس شهر (9) مع قرب العيد وحاولت مع خياطي انه ايفصل لي قبل رمضان و قال لي استلم بعد عاشر العيد ( يمكن لأنه عندي طاقه جايبها من بره )

[غزلان]

http://www.alriyadh.com/2008/09/20/img/189034.jpg

من كم سنه تعودت اجهز للعيد من شهر 7 او 8 حتى ارتاح من الزحمه

ليلة العيد اطلع بس اشترى ورد

عيد سعيد على الجميع

شكرا

[بنوته]

السلام عليكم ورحمة الله وبركاته

انا الحمدلله خلصت عمري الاسبوع اللي راح ...لكن خواتي بعدهم ...

[الوعد2016]

وانت بخير

[شيزكيك]

العيال الله يحفظهم خلصهم ابوهم وباقي البنوتات وان شاء الله على هالاسبوع نخلصهم

[lalamar]

الحمد لله انا على أتم الاستعداد

[المزن الرياني]

صار لي بندن حول 10 شهور
عيدت الاضحى اللي فات هني وعيد الفطر بعد هني

ان شاءالله اعيد الاضحى الجاي بالدوحه

[BURBERRY]

كل عيد نفس الشي

ما حس له طعم

على العموم انا الحمدلله جهزت من بداية الشهر

بس باقي لي كم غرض بسيط

[لاداعي]

الحمدلله كل شي جاااهز

[قلب صادق]

العيد:weeping:

العيد انا في الدوام :rolleyes2:

كل عام وانتم بخير

[Chambray]

انا ماجهزت شئ صراحة :)
لاني راجع فرنسا في 28 رمضان :)

صج اني بافقد لذه العيد في الدوحة بين اهلي واحبابي ، لكن شنسوي ، زين منا جات إجازتنا في رمضان هههههههه
ادعولي بالتوفيق في هذا الشهر الكريم

وكل عام وانتم بخير :)

[غناتي1]

الحمدلله خالصين من زمااااان

واظني كل عاقل بيخلص عمره قبل الزحمه ومشاكلها

ولازم ننظر للعيد بتفاؤل حتى لو فقد زهونه

هذا عيد الله الشريف

[الهاوي28]

خلصت كل شيء قبل رمضان

في بداية شهر 8

اغراض العيال وام العيال

عسى الله يسلم السعوديه واسواقها

[ورقــة أمــل]

باقي لي واايد عشان اخلص :eek5:

[امل الحب]

لاجهزنا ولاجهزنا اليهال :secret:

محد له خلق يروح السوق :telephone:

[نبـــــراس]

ما جهزت ولا شي للعيد .. :weeping:

[فيزيائية]

متعودة اخلص قبل رمضان والزحمة

مرتبة اموري عدل :nice:

[khaldoon]

جهزت العيال من اول اسبوع في رمضان بس عن نفسي ما سويت شي

[بوخالد911]

هلا

؛؛؛

أهم شي التجهيز المسبق

ولا تأجلوووون فتندمووون

خير البر عاجله

The Sooner , The Better

Bu Khaled911
:nice::victory::nice:

[الخيميائي]

وما زال صقنقور ينتظر عطف راجو لكي ينضم الى باقي اخوانه بهذه المناسبة السعيدة

وشكرا لكم وان شاء الله تكونون احسن حال من صقنقور سوءا من ناحية الاحساس بالعيد والفرحة بالقلب والملبس

وكل عام وانتم بخير مقدما مرة ثانية

[swedan_qatar]

اول شيء عيدكم مبارك سلفا .. لم يبقى سوى ايام ويذهب عنا هذا الضيف الجميل الكريم اللطيف الخفيف الحبيب الى النفس تقبل الله منا ومنكم صالح الأعمال .. يا اخواني وأخواتي العيد ليس فقط بالملابس فلا ننسى الوالدين وزيارة ذوي القربى من كبيرهم لصغيرهم .. ولو امكن الذهاب الله يوفقكم لدار العجزه لان هناك ما يبكي ويدمي القلب ولو امكن ايضا زيارة لأبنائنا وبناتنا في دريمه .. فقط لصنع بسمه وبهجة للنفس والله ما تاخذ منكم وقت بس مجرد مرور .. والله من وراء القصد .. كل عام والجميع بخير

[الخيميائي]

صقنقور يسلم عليكم ويقول لكم كل عام وانتم بخير :)