من يحل مشكلتي؟

[HEART_LION]

السلام عليكم

عندي مشكله ومالقيت حد يحلها لي

قلت اشوف الشباب بحكم الخبره يمكن يفيدونا

السياره تصب بترول تحت ابي حد ينزل البترول ويلحم لي الدبه

كل ماروح مكان سلنسرات يخاف يسويه لي

نوع السياره بورش

الظاهر ضربت في شي تحت والله اعلم

ويعطيكم العافيه

[الكونغرس]

اول شي تأكد من الكراج ان التهريب من التانكي ولا من الهوزات او الوصلات ثانيا تروح كراج مختص بالسيارات الالمانيه عشان ينزل التانكي ويخليه يومين فاضي ويغسله لين يجف تماما وبعدين هو بمعرفته يوديه مكان يلحمه او يرقعه مثل مخرطه او تورنه مب محل سلنسرات انت تبي تنفجر الظاهر.
وشكرا

[cayenne s]

اخوى جربت تروح الوكاله

[سبع قطر]

صحيح وده كراج خله ينزلك الدبه وينظفها ويخليها لين تجف وبعدين يلحمهاا


وفالك طيب:nice:

[HEART_LION]

اتوقع من التانكي والله اعلم

مشكورين ماقصرتوا بس وين كراج مختص بالسيارات الالمانيه؟

[ولد-قطر]

اذا الليك من دبة البترول انا انصحب تبدل الخزان لانه من الخطر تلحم الخزان وهذا افضل لك من ناحية السلامة اما اذا الليك من مكان ثاني امره هين تبدل كم هوز وخلاص تنحل المشكله

[q6ri_vip]

لاهنت اخوي وده الفحص الالماني اللي في سلوى وخله يشيك لك من تحت ويطلع لك من وين تهريب البترول ... وبنفس الوقت بيبين لك كل شي وتقدر ياأنك اتصلحه عنده او بيدلك على اي مكان يصلحون لك تهريب البترول .

[moschino8]

اسهل شي بطل الخزان عن السياره وفض البترول والحمها بس الاحسن انك تبدله طويل العمر هذا بترول ومافيه غشمره

[فلفل حار]

اول شي تأكد من الكراج ان التهريب من التانكي ولا من الهوزات او الوصلات ثانيا تروح كراج مختص بالسيارات الالمانيه عشان ينزل التانكي ويخليه يومين فاضي ويغسله لين يجف تماما وبعدين هو بمعرفته يوديه مكان يلحمه او يرقعه مثل مخرطه او تورنه مب محل سلنسرات انت تبي تنفجر الظاهر.
وشكرا

نفس الكلام :nice:

ومالك الا الوكاله حق ضمان شغل اليد ، ياخوي بترول مب لعبه ذي ولا تقول بألحمه وبتوفر كم بيزه وعقب يصير ضغط ولا شي وينفجر عليك لاسمح الله ، خذها نصيحه من اخوك وتأكد الخراب من وين وان كانت هوزات بسيطه وان كانت الدبه نفسها غيرها ولا بأذنك ماي

وجرب تروح شركة بوش (مب البورش ) ألي بالصناعيه جنب شركة المناعي ، يمكن ينفعونك لانه لعبتهم الالماني ، وموفق اخوي :victory:

[بن درويش]

ماظن التانكى لانه السياره يديده
اكيد هوز

[ولد-قطر]

ماظن التانكى لانه السياره يديده
اكيد هوز

خلاص دخلها على الظمان دام انها جديده

[بن لادن]

أخوي Heart_lion

90% من السيارات الجديدة تانكي البترول فيهم بلاستيك ، وأولهم البورش ، واذا الضربه من تحت التانكي لازم يتبدل ، أما اذا الضربة من فوق وهذا بعيد فممكن ينرقع .

صعب ان اتكون المشكلة من التانكي .

انا ارسلت لك على الخاص رقم تيلفون رجال مثلك وشرواك عنده كراج .
اتصل له وهو بيرد على استفساراتك

مع تحياتي لك

[HEART_LION]

ماقصرتوا شالله عليهم

وديتها الفحص الالماني قالي مافيه شي ماعندك اي مشكله

الظاهر البترول زايد بس يقولي فولتها اكثر من الللازم هذا كلامه

ووديتها التقنيه بعد نفس الكلام يقولي مافيه شي لاتخاف

يعطيكم الف عافيه

[الدنيا تجارب]

اخوي اي مشكله وده وكالتها لا تروح مكان ثاني

[مستثمر111]

اخوي اي قطعه تخص البترول في البي ام والبورش والرنج حتى لو كانت ضربه يبدلونها على الضمان لان ضمانها مدى الحياة هذة عن تجربه

[alkoos]

ودها الشركه ولا تعطيها اي احد برع لا يعفسونها لك لا تتساهل بالامور البسيطه

[البرنـو]

اول شي تأكد من الكراج ان التهريب من التانكي ولا من الهوزات او الوصلات ثانيا تروح كراج مختص بالسيارات الالمانيه عشان ينزل التانكي ويخليه يومين فاضي ويغسله لين يجف تماما وبعدين هو بمعرفته يوديه مكان يلحمه او يرقعه مثل مخرطه او تورنه مب محل سلنسرات انت تبي تنفجر الظاهر.
وشكرا




هههههههههههههههههههههههههههههههههههههههههههههههههه ه

[همس1]

كل شي ولا البترول ..
هاي فيها ارواح وانا اخوك ... بعيد الشر عنكم ان شاء الله
خسر شوي ولا تجيب لروحك العيد وانا اخوك مع التلحم وعوار الراس