المساعد الشخصي الرقمي

مشاهدة النسخة كاملة : الاسكان والمطلقات قصه صارت اليوم ارجو الانتباه


الساهرة
22-09-2008, 12:32 AM
وحده من الاهل راحت اليوم للسكان باعثين لها مسج يوم الاربعاء الماضي اتقول طالبين منها اتكمل اجراءات طلبها وطالبين عليها شهاده من السجل التجاري مدري وزارة العدل ورقه تثبت انه ماعندها بيت او املاك المهم راحت المسكينه وهى صائمه وطلعت اللي طلبوا وراحت لهم اليوم على اساس اتكمل الطلب مالها
الا الموظفه اتقول لها انتي طلبج مرفوض سألت شنو السبب انا مطلقه وصار لي 6 سنوات وعمري كبير قالت لها الموظفه انتي ماعندج عيال ومب موظفه ومب ( مساجره ) مايصير يعطونج بيت قالت لهم انا مابي بيت بقرض ابي بيت مجاني انا عمري كبير وماعندي اولاد عاد ردت عليها الموظفه انتي ساكنه مع الوالد وبيته ملك !!!
هذا مب مذكور في قانون الاسكان الجديد ...!!!
قانون الاسكان قال انه كل قطري وقطريه تجاوز عمر 35 وماعنده عيال يطله له بيت
وقال المطلقه يطلع لها بيت اشدخل الابو عنده بيت والله الابو باع البيت ولا اجره هى شنو ذنبها مايطلع لها بيت حالها حال الناس ...؟!!!!

طيب سؤال ليه مقربلين الحرمه طول هالاشهر روحي تعالي اخذي يبي واخر شئ يقلون لها طلبج مرفوض ...؟


(( هني انبه خواتي المطلقات ولارامل ومن تجاوز عمر 35 سنه من ذو الحاجه الاسكان ترفض طلب الانتفاع اذا الحرمه ساكن مع احد من اهلها ومب مؤجره لازم اتكون مؤجر حتى تستحق الانتفاع في قانون الاسكان الجديد ))


ابو مشعل مايقصر لكن مليون مره اقولها البلى في اللي يحيك هالقوانيين ويزرع فيها
الاف الثغرات ضد المواطن
لكن وين يرحون من دعوات المساكين وفي شهر رمضان


ياريت احد مطلع يقدر يفيد الناس في هالنقطه حرام كسرت خاطري مايسوى عليها
المراكض كل هالاشهر وعلى الاخير يصدمونها انه طلبها مرفوض .


نبي رايكم اخواني واخواتي في هالقصه اللي صارت






الساهره






صح نسيت قالت لهم طيب ابي ملحق قالوا لها لا خلاص الملحق مافيه
هذا قانون قديم يطلع لها بيت اذا مؤجره
واذا مب مؤجره تسكن مع اهلها كيفها في الصاله مع خواتها ماخصهم

طيب ملحق اتكون لها خصوصيتها خاصه انه مسكينه اتحس نفسها عاله على اهلها بعد الطلاق
وماعندها اولاد يعني ماعندها مستقبل وحالتها النفسيه تعبانه وتعرفون نظرة المجتمع للمطلقه وهى صغيره شلون عاد اذا كبيره
كانت بانيه أمال على هالبيت انه يضمن لها مستقبلها وتطلع فيه مع اخوها


كله من هالثغرات اللي في القوانيين هالثغره احرمت هالمسكينه من البيت ومن الملحق
وشنو ظروف معيشتها مع الاهل ماخصهم فيها عاد البنت اتقول ساكنه مع ثلاث خوات بغرفه
وخواتها يشتغلون يعني ماترتاح في الغرفه حال هالناس .


هذا مب ظلم ......؟







الساهره
hamoor4ever
22-09-2008, 12:34 AM
ومنا الى المطبلين
سوق واقف
22-09-2008, 12:36 AM
اختي العزيزة كلام الموظفة صحيح

لا تزعلين من كلامي اشلون يعطونها بيت يعني بتسكن بروحها اختي شيء بالعقل
أقري القانون عدل .......... أذا في بيت أبوها ممكن يبنون لها محلق أو غرفة بس بيت ما يصير أختي
أتمنى أنج ما تزعلين ....

لو عندها عيال يعطونها بيت أسمه ذوي الحاجه لأنها مش موظفة بس أشلون أهي ما عندها عيال أبي أفهم اشلون يعني بتسكن بروحها .... لا تزعلون من الحق.......
Bu Rashid
22-09-2008, 12:52 AM
ابو مشعل مايقصر لكن مليون مره اقولها البلى في اللي يحيك هالقوانيين ويزرع فيها
الاف الثغرات ضد المواطن




:nice::nice::nice:
القناص
22-09-2008, 12:55 AM
زين والأرملة الي عندها عيال بس عندهم بيت مرهون طالع باسم زوجها المتوفي يعطونها ولا لا
rakan-qatar
22-09-2008, 12:57 AM
دايم القطري مسكره بوجهه لين يموت وكل واحد عنده شروط غير لو شتكت بيقول المدير ليش ما جاتني وهو كلش مكتبه مفتوح وهذا حال المسؤلين بقطر
سحيـم
22-09-2008, 12:58 AM
اختي مايصير إلا اذا عندها عيال
دام انها في بيت ابوها تطلب محلق خاص لها في بيت ابوها

بس العتب على الاسكان المفروض يعلمونها من البداية ولا يخلون المره رايحه وجايه عليهم
ســـهم
22-09-2008, 12:59 AM
لو عندها عيال يعطونها بيت أسمه ذوي الحاجه لأنها مش موظفة بس أشلون أهي ما عندها عيال أبي أفهم اشلون يعني بتسكن بروحها .... لا تزعلون من الحق.......


المطلقات لايعتبرن من ذوي الحاجه

ذوي الحاجه هم المعوقين

والقانون كفل السكن لمن هو اكبر من 35 عام وان كان عزوبي بالأضافه الى المطلقات

ولكن اعتقد والله أعلم ان ادارة الأسكان اما انها لاتعلم ماهي القوانين

ام يوجد لديهم حب المماطله وأعتقد ان الاول هو الصحيح

علما ان الفورمات لجميع الحالات ومنها المطلقات موجوده لديهم وبها المتطلبات !!
زقرتي ومزاجي
22-09-2008, 12:59 AM
الله يكون بعونها ..


:secret:
زقرتي ومزاجي
22-09-2008, 01:01 AM
المطلقات لايعتبرن من ذوي الحاجه

ذوي الحاجه هم المعوقين

والقانون كفل السكن لمن هو اكبر من 35 عام وان كان عزوبي بالأضافه الى المطلقات

ولكن اعتقد والله أعلم ان ادارة الأسكان اما انها لاتعلم ماهي القوانين

ام يوجد لديهم حب المماطله وأعتقد ان الاول هو الصحيح

علما ان الفورمات لجميع الحالات ومنها المطلقات موجوده لديهم وبها المتطلبات !!



قوه سهم


الاسكان بيماطلون على شنو .. هل مثلاً بيدفعون من جيبهم ...
الله يحفظك .. اكيد هذي قوانين .. واحنا ما اطلعنا عليها .. من البدايه


.... وجهه نظر لا اكثر ..
ســـهم
22-09-2008, 01:07 AM
قوه سهم


الاسكان بيماطلون على شنو .. هل مثلاً بيدفعون من جيبهم ...
الله يحفظك .. اكيد هذي قوانين .. واحنا ما اطلعنا عليها .. من البدايه


.... وجهه نظر لا اكثر ..


يمكن لم يتفعل القانون حتى الآن لذلك تتم المماطله بدون اي تصريح .
زقرتي ومزاجي
22-09-2008, 01:08 AM
يمكن لم يتفعل القانون حتى الآن لذلك تتم المماطله بدون اي تصريح .



كل شي جايز الله يحفظك .. بس المماطه .. هذي صعبه شوي


ولا شرايك
؟؟
ســـهم
22-09-2008, 01:10 AM
كل شي جايز الله يحفظك .. بس المماطه .. هذي صعبه شوي


ولا شرايك
؟؟

لا

مش صعبه الدوله بكبرها مماطله في أنشاء البرلمان فكيف بسكن للمطلقات :(
زقرتي ومزاجي
22-09-2008, 01:13 AM
لا

مش صعبه الدوله بكبرها مماطله في أنشاء البرلمان فكيف بسكن للمطلقات :(



اللي تشوفه ياكبتن .. انا ابديت وجهه نظري فقط لا غير



سهم



صعب نعلق البرلمان بسكن المطلقات
الله يوفقهم
ســـهم
22-09-2008, 01:19 AM
اللي تشوفه ياكبتن .. انا ابديت وجهه نظري فقط لا غير



سهم



صعب نعلق البرلمان بسكن المطلقات
الله يوفقهم


زقرتي من عارض وجهة نظرك:rolleyes2:

اقول شلونك :)
الساهرة
22-09-2008, 01:23 AM
ريلاكس اخوان

نحن في مشكلة اختنا هالمسكينه وانتم اعطيتونا وجهة نظركم مشكورين
بس لاتاخذون الحوار لمنعطف اخر <<<<< اطالع الجزيره وايد :)


السالفه مب سالفة مماطله السالفه سالفة ثغرات في كل قانون يصدر من ابونا ابو مشعل
الان اختنا صاحبة القصه المطلقه مالها بيت ولا ملحق هذا مب ظلم ....؟





الساهره
زقرتي ومزاجي
22-09-2008, 01:27 AM
ريكلاس اخوان

نحن في مشكلة اختنا هالمسكينه وانتم اعطيتونا وجهة نظركم مشكورين
بس لاتاخذون الحوار لمنعطف اخر <<<<< اطالع الجزيره وايد :)


السالفه مب سالفة مماطله السالفه سالفة ثغرات في كل قانون يصدر من ابونا ابو مشعل
الان اختنا صاحبة القصه المطلقه مالها بيت ولا ملحق هذا مب ظلم ....؟





الساهره



الله يوفقها .. ان شاء الله
:)
ســـهم
22-09-2008, 01:35 AM
ريلاكس اخوان

نحن في مشكلة اختنا هالمسكينه وانتم اعطيتونا وجهة نظركم مشكورين
بس لاتاخذون الحوار لمنعطف اخر <<<<< اطالع الجزيره وايد :)


السالفه مب سالفة مماطله السالفه سالفة ثغرات في كل قانون يصدر من ابونا ابو مشعل
الان اختنا صاحبة القصه المطلقه مالها بيت ولا ملحق هذا مب ظلم ....؟





الساهره


اهااااااا

عرفت السبب الحين :rolleyes2:


الظاهر يبونها " تتزوج " لذلك مايبون يعطونها بيت علشان يحدون من ظاهرة العنوسه

هنا انا معهم :)
الساهرة
22-09-2008, 01:40 AM
اهااااااا

عرفت السبب الحين :rolleyes2:


الظاهر يبونها " تتزوج " لذلك مايبون يعطونها بيت علشان يحدون من ظاهرة العنوسه

هنا انا معهم :)



:telephone:
الساهرة
22-09-2008, 02:32 AM
اخوي الكريم سوق واقف اختنا طلع مالها حق لا في بيت ولا في حتى ملحق
والسبب ثغرات القانون وحرمان القطري من حقه المشروع
شاكره لك مرورك بارك الله فيك







الساهره
مستثمره جديده
22-09-2008, 08:44 AM
الحين احنا في بلد الخير كله وبلادنا خيرها على القاصي والداني مانقدر نوفر لبناتنا المطلقات سكن مستقل او بالأصح ملحق او دور ثاني او ثالث في بيت ابوها أو اخوها يحسسها بالاستقلاليه ويبعد عنها الشعوربأنها عاله عليهم .. زين اذا قرار الملاحق تكنسل المفروض يستبدلونه بقرار مشابه يخدم الفئه المعنيه مب يلغونه بالكامل بدون بديل لايصيرون هم والزمن عليها مسكينه كفايه اللي فيها ..
أم ريليه
22-09-2008, 11:07 AM
السلام عليكم ورحمة الله .........لازم بصراحه تتم المطالبه بتعديل القانون لازم الناس تتحرك وتحس بالفئات المستضعفه وتدافع عن حقوقهم .نعم تستحق فيلا لانه مرت علي حالات ارامل ومطلقات وعندهم عيال وعايشين حياه الله لا يرويكم .محد يسأل فيهم وهلهم توفوا واوصلوا ارذل العمر والله اعرف حالة وحده ارمله ما في بيتها مكيف ؟ ويجيبها دريول الجيران يسندها .
يا جماعة الخير لازم توصلون صوتكم للمنظمات الحقوقيه والانسانيه ولازم يحصلون تعاون من المواطنين مو بس اجانب .واذا الوحده ما عندها عيال او اهل تسكن مع خدامه تراعيها وتموت مستوره.حاله ثانيه وحده مطلقه ابوها يدفعها اجرة سكنها عنده وما يظل لها غير الف ريال وتنهان عند اهلها ليل نهار وغيرها وغيرها من القصص الي تشيب الراس لا والاسوأ في الموضوع معظم هاي الحالات اهاليهم دشوا قطر بعد 1930 يعني على قولة الشاميين (شم ولا تذوق ).ترى يا جماعة الخير الفقير المستضعف دعوته مستجابه لا تستهينون فيهم وفي الحدي ث الشريف (رب اشعث اغبر ......الخ الحديث ) ودمتم بخير
anything99
22-09-2008, 11:19 AM
سمعنا عن قانون جديد للشؤؤن الاجتماعية كان المتوقع نزولة في شهر سبتمبر .. اتمنى ان يقوموا بدراسة القانون جيدا وتوضيح بنوده قبل نشره والعمل به .. حتى لا يكون ماله كباقي القوانين والتي كانت نتيجتها كالكوارث المدمرة ..
كاتم الاسرار
22-09-2008, 11:27 AM
السلام عليكم ورحمة الله .........لازم بصراحه تتم المطالبه بتعديل القانون لازم الناس تتحرك وتحس بالفئات المستضعفه وتدافع عن حقوقهم .نعم تستحق فيلا لانه مرت علي حالات ارامل ومطلقات وعندهم عيال وعايشين حياه الله لا يرويكم .محد يسأل فيهم وهلهم توفوا واوصلوا ارذل العمر والله اعرف حالة وحده ارمله ما في بيتها مكيف ؟ ويجيبها دريول الجيران يسندها .
يا جماعة الخير لازم توصلون صوتكم للمنظمات الحقوقيه والانسانيه ولازم يحصلون تعاون من المواطنين مو بس اجانب .واذا الوحده ما عندها عيال او اهل تسكن مع خدامه تراعيها وتموت مستوره.حاله ثانيه وحده مطلقه ابوها يدفعها اجرة سكنها عنده وما يظل لها غير الف ريال وتنهان عند اهلها ليل نهار وغيرها وغيرها من القصص الي تشيب الراس لا والاسوأ في الموضوع معظم هاي الحالات اهاليهم دشوا قطر بعد 1930 يعني على قولة الشاميين (شم ولا تذوق ).ترى يا جماعة الخير الفقير المستضعف دعوته مستجابه لا تستهينون فيهم وفي الحدي ث الشريف (رب اشعث اغبر ......الخ الحديث ) ودمتم بخير

صدقت في كلامك الله يستر ؟؟؟؟؟؟ :victory::victory::victory::victory:
hamoor4ever
22-09-2008, 11:30 AM
اذا القانون في امريكا يقول البيت لها عيل شلون اهنيه يقول لا

خخخخخ
عنابي 2010
22-09-2008, 12:49 PM
شوفوا القانون المعروف في جميع بلدان العالم انه يحقق العداله لجميع فات المجتمع بس في قطر الحبيبه العكس.ليش حددو سنه 1930 والقانون هذا تفرقه بين الناس الكل ولد الوطن والكل يحمل شعار البلد لماذ هذه التفرقه؟ والانسان الاي ماعنده بيت وين ينام؟ هذا حاله اغني شعب في العالم.اطلب من سمو الولد الشيخ حمد بن خليفه صرف بيوت للشعب من هو بعد 1930 لنتساوي مع اخوانناء كلناء قطر
hxamad
22-09-2008, 12:56 PM
الله يعينها ويفج كربتها ويفتح عليها
غناتي1
22-09-2008, 01:10 PM
الله يكون في عونها 000 وفي عون كل محتاج وما يلقى من يساعده
سهم مديون
22-09-2008, 01:19 PM
وصيها بالدعاء وخاصة في العشر الاواخر
um abdulla
22-09-2008, 04:21 PM
اخوي الكريم سوق واقف اختنا طلع مالها حق لا في بيت ولا في حتى ملحق
والسبب ثغرات القانون وحرمان القطري من حقه المشروع
شاكره لك مرورك بارك الله فيك








الساهره


:omg:

وييه حسبي الله على القانون يوم انهم اعرفوا ثغراته ليش ما يسدونه ؟؟ الدفان غالي هالايام ؟؟زين خل يوزعون بورت كابن والا خيام حتى :(
سوق واقف
22-09-2008, 07:21 PM
المطلقات لايعتبرن من ذوي الحاجه

ذوي الحاجه هم المعوقين

والقانون كفل السكن لمن هو اكبر من 35 عام وان كان عزوبي بالأضافه الى المطلقات

ولكن اعتقد والله أعلم ان ادارة الأسكان اما انها لاتعلم ماهي القوانين

ام يوجد لديهم حب المماطله وأعتقد ان الاول هو الصحيح

علما ان الفورمات لجميع الحالات ومنها المطلقات موجوده لديهم وبها المتطلبات !!

غلطان اخوي الحين في شيء اسمه ذوي الحاجه غير المعاق
مكتب يعطون المرأة القطرية التي لا تعمل يعني الي مالها راتب ولا تشتغل عرفت اخوي
الوعد2016
22-09-2008, 07:25 PM
الاسكان بكل صراح بدل ما يقوم بتوفير الخدمات المناسبه وتطوير اصبح يضع القيود ويزيد منها والاهم حتى المراجعه صارت نفس نظام القديم لديوان الخدمه لا تروح فوق لا اذا الموظف يطلبك وهذا تم كسره بعد الوزير الجديد وعند فصل الوزاره رجع هذا الموضوع ليش
ونطلب من المسؤول عن الموضوع بعدم وضع حتى ابسط القيود وهي المراجعه ممنوعه
الساهرة
23-09-2008, 02:46 AM
اختي مستثمره جديده شاكره لج طيب المرور
واتمنى اصواتنا تصل حق ابو مشعل لان كله ولا هالفئيه والله دعواتهم مستجابه
ويكسرون الخاطر الدنيا والظروف والزمن عليهم .





الساهره
زقرتي ومزاجي
23-09-2008, 02:48 AM
<<<<< متابع معاكم
الساهرة
25-09-2008, 05:51 AM
زقرتي ومزاجي
ســــــــــــــهم




شاكره لكم تواجدكم الجميل ومتابعتكم للقضيه






الساهره
الساهرة
26-09-2008, 01:21 AM
سوق واقف شاكره لك طيب المرور وشاكره لك مداخلاتك






الساهره
Arab!an
26-09-2008, 02:22 AM
الله يهداها .. وهي ليش معتبره ان البيت حق لها؟


المفروض ترجع لهم وتقول "خلاص انا آسفه .. البيت مب من حقوقي اللي المفروض الدوله تكفلها لي... ابي تعطوني بيت من حلالكم اذا تكرمتوا ..سلم لكم عبدالله"


..

هناك حكمه تقول :


" مواطن يسكن بالايجار :omg: " < وألف علامه تعجب


رحم الله زايد


..


وبعدين اخوي سوق واقف .. سؤال


ارمله .. تبلغ من العمر ماتبلغ .. تسكن مع خواتها في بيتهم .. ولا تبغي تفارق اهلها .. بس تبغي تستفيد من حقوقها .. ماتبغي بيت .. تبغي بدل بيت .. يصير؟

تبغي فلوس تكفل لها حاجاتها على اعتبار انها مره كبيره ولا تبغي حد يكد عليها ..


لا يغيرون القانون .. بس يعدلون فيه شوي

يعني يشوفون اذا المره ساكنه مع اهلها .. ومب مأجره .. وماعندها عيال .. مب شرط يعطونها بيت


يعطونها رخصه ملحق .. ويبنونه لها بعد .. والا مبلغ مادي كـ بدل
الساهرة
26-09-2008, 02:37 AM
الله يهداها .. وهي ليش معتبره ان البيت حق لها؟


المفروض ترجع لهم وتقول "خلاص انا آسفه .. البيت مب من حقوقي اللي المفروض الدوله تكفلها لي... ابي تعطوني بيت من حلالكم اذا تكرمتوا ..سلم لكم عبدالله"


..

هناك حكمه تقول :


" مواطن يسكن بالايجار :omg: " < وألف علامه تعجب


رحم الله زايد


..


وبعدين اخوي سوق واقف .. سؤال


ارمله .. تبلغ من العمر ماتبلغ .. تسكن مع خواتها في بيتهم .. ولا تبغي تفارق اهلها .. بس تبغي تستفيد من حقوقها .. ماتبغي بيت .. تبغي بدل بيت .. يصير؟

تبغي فلوس تكفل لها حاجاتها على اعتبار انها مره كبيره ولا تبغي حد يكد عليها ..


لا يغيرون القانون .. بس يعدلون فيه شوي

يعني يشوفون اذا المره ساكنه مع اهلها .. ومب مأجره .. وماعندها عيال .. مب شرط يعطونها بيت


يعطونها رخصه ملحق .. ويبنونه لها بعد .. والا مبلغ مادي كـ بدل



صج كلامك اتصدق اول مره افكر فيها الله يذكرك بالشهاده
صج الان الموظف مب يعطونه بدل سكن مدري بدل اجاره وهاذي اتظل تمشي له حتى لمن يطلع له بيت من الاسكان .............؟
طيب الارامل والمطلقات اذا على قولتهم مايبونهم يسكونون بروحهم ليه مايعطونهم بدل سكن
مب يستاهلون واحق واحوج حق هالمبلغ وليه مايطلع لها ملحق غرفتين وصاله في بيت ابوها
احسن من الحاجه والسكون مع كم اخت بنفس الغرفه نفس الاخت اللي كتبت مشكلتها
البنت كانت متضايقه ابوها قال اذا عطوج بيت بخليج تسكنين مع واحد من خوانج فيه
لكن اجار لا تحملي شوي الضيج والله يكسرون الخاطر الان لا بيت ولا ملحق ولا حتى تعويض
بدل اجار او بدل سكن :anger1:







الساهره
qatar.1995
26-09-2008, 02:59 PM
وبالله المستعاااان
الساهرة
04-10-2008, 02:01 AM
شكرا لكل من مــــر من هناااااااااااا
وكل عام وانتم بخير






الساهره
..الاميرة..
05-10-2008, 01:31 AM
اختي الساهرة صدقيني الموظفة ماعندها خلفيه بالقانون .. :)
ويحق للاخت إلي ذكرتي حالتها بيت
لان صارت معانا (لوحدة من الاهل) وطلبنا مقابلة رئيس القسم
وفعلاً شرح لنا القانون وطلع يحق لها ومشى موضعها .. :nice:

فخلي الاخت تروح تقابل (رئيس قسم خدمة الجمهور) :)
وبإذن الله يمشي موضوعها ..
..الاميرة..
05-10-2008, 01:46 AM
زين والأرملة الي عندها عيال بس عندهم بيت مرهون طالع باسم زوجها المتوفي يعطونها ولا لا


عندها بيت فكيف يطلع لها بيت ثاني !!
ولي اعرف اخوي القناص يحق لها في حاله واحده
إذا تم فك رهن الدولة عن البيت
وتم التصرف فيه كلبيع (طبعاً بأسم الورثة)
هنا يحق لها التقديم لطلب بيت ..
الساهرة
05-10-2008, 02:39 AM
اختي الساهرة صدقيني الموظفة ماعندها خلفيه بالقانون .. :)
ويحق للاخت إلي ذكرتي حالتها بيت
لان صارت معانا (لوحدة من الاهل) وطلبنا مقابلة رئيس القسم
وفعلاً شرح لنا القانون وطلع يحق لها ومشى موضعها .. :nice:

فخلي الاخت تروح تقابل (رئيس قسم خدمة الجمهور) :)
وبإذن الله يمشي موضوعها ..



:omg: <<<< منصدمه
شدعوا اختي الاميره صج تتكلمين بصراحه اذا صج بخليها توصلها للوزير
شدعوا يقصون على المساكين والجهله اللي مايعرفون يقرون ويحطون موظفين
مايعرفون شئ ويحرمون اصحاب الحق من حقهم !!!!!!!!!
والحجه انه الموظفه او الموظف ماعندهم درايه بالقانون !!!!! :anger1:

الله يبشرج بالخير بخليها اتروح لهم اول ماتبداء الدومات وتقابل رئيس قسم خدمة الجمهور
ونشوف شنو رده لو مشى موضوعها بخليها تشتري لج هديه :)


الف شكر اختي الاميره على مساعدتنا بهالمعلومه ربي يجعلها في ميزان حسناتج







الساهره
السامـي
05-10-2008, 03:20 AM
الله يعينها،
يفترض ان تكون هي وغيرها أولىَ..ببناء المساكن من الصرف
ببذخ على سباق الخيل الفرنسي،اللي أقل جائزة فيه بـ100الف
يورو.وياما وياما.
الساهرة
05-10-2008, 04:32 PM
الله يعينها،
يفترض ان تكون هي وغيرها أولىَ..ببناء المساكن من الصرف
ببذخ على سباق الخيل الفرنسي،اللي أقل جائزة فيه بـ100الف
يورو.وياما وياما.


شفت شلون :secret:

شكرا يالسامي على المداخله






الساهره
55الريم55
05-10-2008, 04:35 PM
الله يكون بعونها ..
nor85
05-10-2008, 04:45 PM
قطر صارت مثل عين عذاري تسقي البعيد والباقي معروف
Marriott
05-10-2008, 06:08 PM
الله يعينهم يارب ، ويفرج همهم . .
الساهرة
06-10-2008, 12:05 AM
الريم اشكر لج طيب المرور





الساهره
..الاميرة..
06-10-2008, 01:09 AM
:omg: <<<< منصدمه
شدعوا اختي الاميره صج تتكلمين بصراحه اذا صج بخليها توصلها للوزير
شدعوا يقصون على المساكين والجهله اللي مايعرفون يقرون ويحطون موظفين
مايعرفون شئ ويحرمون اصحاب الحق من حقهم !!!!!!!!!
والحجه انه الموظفه او الموظف ماعندهم درايه بالقانون !!!!! :anger1:

الله يبشرج بالخير بخليها اتروح لهم اول ماتبداء الدومات وتقابل رئيس قسم خدمة الجمهور
ونشوف شنو رده لو مشى موضوعها بخليها تشتري لج هديه :)

الف شكر اختي الاميره على مساعدتنا بهالمعلومه ربي يجعلها في ميزان حسناتج
الساهره



اختي الساهرة تعرفين الحين إحنا ماشين بنظام التقطير في الوزارات والهيئات
واغلبيت الموظفين الجدد ماصار لهم شهر او شهرين
وماعندهم خلفيه او درايه عن القانون

فما نحكم عليهم انهم مب فاهمين شي لان ماعندهم الخبرة الكافيه
والمفروض احنا إذا حسينا ان هذا الموظف ما افادونا او ما اقتنعنا من افادته نرجع لرئيس القسم
لان كل موظف له مسؤال يعني ماناخذ كلام الموظف بأنه صحيح 100%
ولا تنسين اختي كلنا نخطي ونغلط والموظف مش معصوم من الخطاء ..

فمن الافضل تخلين الاخت تراجع رئيس قسم خدمة الجمهور يوم الثلاثاء مداومين
وبعون الله يمشي موضوعها ..
واذا مشى موضوعها ابي الهديه تدعي لي من الدعوات الطيبه بكل صلاااه .. :shy::shy:
الساهرة
06-10-2008, 06:59 PM
Marriott

شاكره لج طيب المرور





الساهره
الساهرة
06-10-2008, 11:10 PM
قطر صارت مثل عين عذاري تسقي البعيد والباقي معروف



اختي نور شاكره لج طيب المرور تسلمين يالغلا







الساهره
..الاميرة..
08-10-2008, 01:52 PM
اختي الساهرة بشرينا اش صار مع الاخت ان شاء الله مشى موضوعها ..
بنـ الدحيل ـت
09-10-2008, 12:14 AM
أعرف زميلة لي

مطلقة ولديها أطفال

وساكنة في في ملحق مع والدتها المكون من غرفتين

تختص والدتها بغرفة والأخرى باينة اخيها

وهي ساكنة في المجلس مع أطفالها

واطفالها كبروا وضاق بهم الحال

فقد ذهبت إلى الإسكان

ولا حياة لمن تنادي
ابن قطر
09-10-2008, 01:14 AM
أعرف زميلة لي

مطلقة ولديها أطفال

وساكنة في في ملحق مع والدتها المكون من غرفتين

تختص والدتها بغرفة والأخرى باينة اخيها

وهي ساكنة في المجلس مع أطفالها

واطفالها كبروا وضاق بهم الحال

فقد ذهبت إلى الإسكان

ولا حياة لمن تنادي

الله يكون بعونها
الساهرة
10-10-2008, 02:54 AM
اختي الساهرة بشرينا اش صار مع الاخت ان شاء الله مشى موضوعها ..


هلا فيج اختي الاميرة ابشرج راحت لهم وشرحت للمسؤول وضعها وكلام الاخوات لها
واتقول عملوا لها بحث حاله وراح يعرضونها على اللجنه والله كريم
من اتاكد خلاص مشى موضوعها وافقت عليها اللجنه راح ابشركم لان الان على اللجنه يا راح اتوافق ياراح ترفض والله كريم

ادعواتكم لها





الساهره