استفسار بخصوص الجير الاتوماتيك (كروزر)

[على نياته]

السلام عليكم ورحمة الله وبركاته يالربع اذا فيه جي 2000 6 سلندر جير اتوماتيك وما شاء الله الموتر نظيف بس لاحظت عليه اليوم الجير ما يبدل اخر تعشيقة يعني ما يريح حد عنده خلفيه عن الموضوع واذا لا اي كراج تنصحوني وشكرا لكم .

[..er..]

يمكن كلشات او تروس :con2:

بس شوف كراج الكواري شارع 17

والشباب ماراح يقصرون :)

[الجهه مجهولة]

عليك بالصادق

شارع 31

على ذمة واحد من الربع مبدل قيووور مب قير واحد

والله الموفق

[فلفل حار]

اخوي لاتستعيل يمكن مب الكلج ، في قطع كثيره يمكن تكون هي السبب ، ولاتستغرب لي اقولك روح شيك علي كهربا الفيوز ، عادي السبب يطلع من فيوز واحد :)

بس غالبا من هالشي ، وده حق اي كراج يبطل لك مخ القير وينظفه لك ويغير القازقيت وبس ولاتركب قطع ثانيه لانه في قطع بسيطه تغيرها لكن بتأثر علي كمبيوتر القير ، عموم سالفه تنظيف مخ القير مع تغيير القازقيت هذي كلها مع شغل اليد كلها مابتطوف الـ500 او 600 ريال وموضوعك خالص

ووايد صارت مثل هالمشكله في الكروزرات وخاصة موديلات 99 لي 2002

بس ها يالغالي انا قلت لك يمكن

يعني لاتروح تسوي كل هذا ومايتصلح عندك وبالاخير تقول قص علي فلفل حار:shy:

اسأل راعي الكراج بالأول عن الكلجات لانه لو الكلج خربان يبين

وحاسب من البعض لانهم حراميه وبيقولون لك اي الكلج خربان ويدفعك 6 الاف ريال حق كلج جديد وبالأخير السالفه تافهه مثل ماقلت لك اياها ، صارت لي شخصيا وصارت حق كم واحد اعرفه من قبل :)

وفي احتمال ثاني انه في قطعه ألكترونيه موجوده صوب مخ القير وهي الي تساعد في تبديل السرعات ، بعد يمكن الخلل منها وهذي اخبر غيرتها بنفسي في الوكاله بـألفين ريال تقريبا مع شغل اليد

يعني الاسباب كثيره ومثل مانت عارف هذي قير وحساس من قلب ، والله يعينك لاني تلعوزت من قبل علي هالسالفه :)

[فلفل حار]

عليك بالصادق

شارع 31

على ذمة واحد من الربع مبدل قيووور مب قير واحد

والله الموفق

ليكون عند السوداني ؟

مره ودينا له موتر واحد من الربع موديل 2001 ، وقالنا غيروو الكلج علي طوول بدون حتي مايسوق السياره

وسألنا وحسنا وبالأخير نظفنا مخ القير وبدلنا القازقيت وقام الموتر يبدل السرعات عادي :)

حبيبي خذها مني ، كل الكراجات نصابين حتي لو تظن نفسك شاطر وتعرف لهم بعد ينصبون لك ، لازم تسأل الناس الثقه واهل الخبره الي مرو بنفس المشكله :victory:

[فلفل حار]

اخوي علي نياته

لك خاطر تبيع الموتر ؟ مجرد سؤال :)

واذا جوابك هو لا ، يعطيكم خيره ويكفيكم شره يالغالي :)

[على نياته]

الله يرحم والديكم جميعا وعز الله انكم هل فزعه جعلني الله واياكم من المرحومين في هذا الشهر .

[الجهه مجهولة]

ليكون عند السوداني ؟

مره ودينا له موتر واحد من الربع موديل 2001 ، وقالنا غيروو الكلج علي طوول بدون حتي مايسوق السياره

وسألنا وحسنا وبالأخير نظفنا مخ القير وبدلنا القازقيت وقام الموتر يبدل السرعات عادي :)

حبيبي خذها مني ، كل الكراجات نصابين حتي لو تظن نفسك شاطر وتعرف لهم بعد ينصبون لك ، لازم تسأل الناس الثقه واهل الخبره الي مرو بنفس المشكله :victory:

والله الشخص عندي ويمدحة وايقول ان شغلة علية ضمان المحل

وبعدين روح غيرة واللي تشوفة صادق توكل على الله

والله الموفق

[الجهه مجهولة]

الله يرحم والديكم جميعا وعز الله انكم هل فزعه جعلني الله واياكم من المرحومين في هذا الشهر .

والله يرحم والديك

حاضرين

[فلفل حار]

والله الشخص عندي ويمدحة وايقول ان شغلة علية ضمان المحل

وبعدين روح غيرة واللي تشوفة صادق توكل على الله

والله الموفق

انا ماذميته ولا ابي اقطع رزقه وافتي انه نصاب لاني اساسا ماتعاملت معاه

بس ماعجبني اسلوبه ذاك اليوم ، لانه ماركب السياره ولا ساقها ، شلون قعد يقول الكلج خربان ؟ ويوم نقوله اكيد قال اي اكيد بحكم خبرتي

واخرتها ظهرت المشكله بسيطه والكلج ماله خص :rolleyes2:

وانا ناسى الكراج اصلا لانه هالسالفه من زمان ، بس اظني هو ، لكن ماحط بذمتي وانا مابي الا الخير للأخوان

[الجهه مجهولة]

انا ماذميته ولا ابي اقطع رزقه وافتي انه نصاب لاني اساسا ماتعاملت معاه

بس ماعجبني اسلوبه ذاك اليوم ، لانه ماركب السياره ولا ساقها ، شلون قعد يقول الكلج خربان ؟ ويوم نقوله اكيد قال اي اكيد بحكم خبرتي

واخرتها ظهرت المشكله بسيطه والكلج ماله خص :rolleyes2:

وانا ناسى الكراج اصلا لانه هالسالفه من زمان ، بس اظني هو ، لكن ماحط بذمتي وانا مابي الا الخير للأخوان

يمكن يتعامل بالريحة :tease:

والله اذا ماركب الموتر ايخسي هو وغيرة يعرف ايش فالقير

لان القير ماتعرف شلي فية غير اذا سقتة وقام ايبدل من نمرة الى نمرة

وذمتك برية وانا اخوك

[على نياته]

الله يعطيكم العافية واذا حد بعد عنده رأي لا يبخل علينا
(( ما خاب من استشار )).

[فلفل حار]

يمكن يتعامل بالريحة :tease:

والله اذا ماركب الموتر ايخسي هو وغيرة يعرف ايش فالقير

لان القير ماتعرف شلي فية غير اذا سقتة وقام ايبدل من نمرة الى نمرة

وذمتك برية وانا اخوك

ههههههههههه تهقي

شكله شم ريحة السفايف وقال كلجات ، خبرك من المداعس وضرب البريكات بالصناعيه عن الشاحنات :tease:

القير مشكلته لي اخترب تعال دور من كراج لكراج ، بس والله أحسن قاعده هي انه القير او المكينه ان اختربوا مالك الا الوكاله ، لانه هالاشياء حساسه :)

وتسلم لي فديت خشمك :nice:

[ريان]

-شيك على ايل الجير

-ويمكن يكون فيوز

-فيه زر في الجير تاكد انه مو شغال -على ايسار الجير .


وبالتوفيق ان شاء الله

[فلفل حار]

على نياته

الله يعافيك اخووي :)

[على نياته]

تسلمون يالربع بس الساعة كم تفتح الكراجات 7 او 8 وشكرا للجميع .

[على نياته]

ت
ح
د
ي
ث

ل
ل
ر
ف
ع

[بن درويش]

انا موترى 2002 مثل حالتك
ومادرى وين اوديه اذا وصلت للحل قولى

[الخارجية]

أخوي بدل ايل مع فلتر قير وشوف الموتر أن شاء الله خير

[سلمان_1]

انا انصحك توديه الوكالة ... لأن المشكلة شكلها في الفيوزات او الكهربة

[boamir]

اخوي ودها الوكاله خلهم يفحصون القير

[المخفي]

متى اخر مرة غيرت زيت القير شيك الزيت و شوف يمكن انه ناقص

[بن لادن]

صادتني نفس المشكلة ووديته كراج اسمه أونيكس في شارع 10 قريب من القاعدة الأمريكية ، وهم متخصصين في القيور الأتوماتيك . وكل السيارات اللي عندهم مشاكلها قيور .

وديت الموتر الوكاله قالوا لي لازم ابدل القير وعقب نصحوني الربع بهالكراج ويوم وديته خذوا علي 1600 ريال ، أعتقد المشكلة كانت قطع كهربا .

وواحد من الربع عنده مرسدس Sl 2003 ، والموتر كانت تباديلة مخرفة وبعدين وقف عليه ، وداه الوكاله طلبوا عليه 42 الف ريال !! ودليته على الكراج وراح لهم وصلحوا له أياه بـ 7000 ريال . مشكلته كانت كلتشات وقطعة كهربا .

بطرش لك رقم راعي الكراج على الخاص .

الله المستعان مع هالوكالات