المساعد الشخصي الرقمي

مشاهدة النسخة كاملة : ابي مساعدتكم ياهل التزويدات ..


عبدالمحسن
23-09-2008, 04:27 AM
السلام عليكم


عندي جمس 1500 2007 غماره وربع

وابي احمل على السياره علشان المقناص


وش اللي ممكن اركبه عليها؟
1- هدرز
2- قطعة الكمبيوتر لفتح القطعه


؟

واللي غيرها ؟ وشو ؟ للحين السياره شد وكاله

شاللي ممكن يزيد من قوة السياره خصوصا في القومه؟



ياليت اللي عنده خبره يفيدني



بس ابي شي مايضر على الماكينه
..er..
23-09-2008, 04:29 AM
اذا مقناص ليه تزود ؟

بس هذا شي راجع لك ,, عندك الهدرزات وعندك سلمك الله فلتر بورلا ,, والكمبيوتر :)
هذي اشياء خفيفه وماظنتي تضر بشي بس بتزيد من عزمه :)

ودام بتحمل ,, دبل الجانبينات ولاتنساهم :p
فلفل حار
23-09-2008, 04:30 AM
ان شاء الله يفيدونك اهل الامريكي

بس كل جمس وله قوة تحمل معينه يالغالي

يعني حتي لو المكينه قويه لكن البدي ماراح يستحمل الثقل وبيخرب لك امور ثانيه علي الحفر والمداعس بالبر مثل الجامبينات والرودات ويمكن الكرونه تتأثر بعد علي الوزن الثقيل ، وبيأثر حتي علي سواقة الموتر ، الله يحفظكم شر القلبات ، ما افاول عليك بس قاعد اقولك حاسب لانه اولا واخيرا هذي بدي + 8 سلندر ، يعني مكينه قويه اساسا علي موتر بدي مافيه سيفتي

لاتنسى انهم مسووين الجمس البدي انه يتحمل وزن وقوه محدده ، مب أكثر

بس ان شاء الله يفيدونك اهل الخبره اكثر
عبدالمحسن
23-09-2008, 04:33 AM
اذا مقناص ليه تزود ؟

بس هذا شي راجع لك ,, عندك الهدرزات وعندك سلمك الله فلتر بورلا ,, والكمبيوتر :)
هذي اشياء خفيفه وماظنتي تضر بشي بس بتزيد من عزمه :)

ودام بتحمل ,, دبل الجانبينات ولاتنساهم :p


مرحبا بك

انا ازود لأني مفصل توانكي للبترول والما بالاضافه الى الحمل


ومابيها تكون ثقيله في القومه لان الارض اللي اقنصها وعرها وتحتاج الى قوه في القومه

والجانبيات والربلان شي اساسي


بس ياخوك انا ماعندي خبره في التزويد

حتى اماكنها مادلها وين
عبدالمحسن
23-09-2008, 04:34 AM
ان شاء الله يفيدونك اهل الامريكي

بس كل جمس وله قوة تحمل معينه يالغالي

يعني حتي لو المكينه قويه لكن البدي ماراح يستحمل الثقل وبيخرب لك امور ثانيه علي الحفر والمداعس بالبر مثل الجامبينات والرودات ويمكن الكرونه تتأثر بعد علي الوزن الثقيل ، وبيأثر حتي علي سواقة الموتر ، الله يحفظكم شر القلبات ، ما افاول عليك بس قاعد اقولك حاسب لانه اولا واخيرا هذي بدي + 8 سلندر ، يعني مكينه قويه اساسا علي موتر بدي مافيه سيفتي

لاتنسى انهم مسووين الجمس البدي انه يتحمل وزن وقوه محدده ، مب أكثر

بس ان شاء الله يفيدونك اهل الخبره اكثر

تسلم يالغالي على المرور والنصيحه

بس الجمس هو موتر الحمل

وتاكد مايتخرب دام اللي يسوقه عاقل

شاكر لك
ملوي رقاب
23-09-2008, 04:34 AM
اول مره اسمع حد يزود حق المقناص :eek5:

تعوذ من ابليس وخله شد وكالته لان التزويد ماتحتاجه في المقناص
على نياته
23-09-2008, 04:43 AM
روح للبحرين وركب هدرز كامل عند قزوز مارت بيكلف حول الـ3000 ريال
واسأله عن رفيقه ( سلمان ) راعي البرمجه يبطل الكمبيوتر .
الفلتر يمدحونه بس ما جربته .
والله يستر عليك
..er..
23-09-2008, 04:43 AM
مرحبا بك

انا ازود لأني مفصل توانكي للبترول والما بالاضافه الى الحمل


ومابيها تكون ثقيله في القومه لان الارض اللي اقنصها وعرها وتحتاج الى قوه في القومه

والجانبيات والربلان شي اساسي


بس ياخوك انا ماعندي خبره في التزويد

حتى اماكنها مادلها وين


كلامك صحيح ,,

انا اذكر فيه محل عند دوار التلفزيون بس ناسي اسمه والله شغله اعتقد 80% او 100% شغل امريكي ,,

واذا انك ماعندك اشكال فصل هدرزات في البحرين ,, يعني كمبيوتر + هدرزات + فلتر يمكن تحصلهم بالبحرين والهدرزات متأكد انه في قزوز مارت

وضبط امورك في الحسا او الدمام هذا مجرد اقتراح لا اكثر
عبدالمحسن
23-09-2008, 04:51 AM
اول مره اسمع حد يزود حق المقناص :eek5:

تعوذ من ابليس وخله شد وكالته لان التزويد ماتحتاجه في المقناص

الا ماتحتاج التزويد الا في المقناص

للمواتر الكبيره


:)

شاكر لك مرورك
عبدالمحسن
23-09-2008, 04:51 AM
روح للبحرين وركب هدرز كامل عند قزوز مارت بيكلف حول الـ3000 ريال
واسأله عن رفيقه ( سلمان ) راعي البرمجه يبطل الكمبيوتر .
الفلتر يمدحونه بس ما جربته .
والله يستر عليك

مرحبا الغالي

وين مكان في البحرين؟

وتسلم على مرورك
عبدالمحسن
23-09-2008, 04:52 AM
كلامك صحيح ,,

انا اذكر فيه محل عند دوار التلفزيون بس ناسي اسمه والله شغله اعتقد 80% او 100% شغل امريكي ,,

واذا انك ماعندك اشكال فصل هدرزات في البحرين ,, يعني كمبيوتر + هدرزات + فلتر يمكن تحصلهم بالبحرين والهدرزات متأكد انه في قزوز مارت

وضبط امورك في الحسا او الدمام هذا مجرد اقتراح لا اكثر



تسلم يا الغالي

ومابي تفصيل ابي شي اصلي

بس وين؟

واحد من الربع يقول في العين !!
..er..
23-09-2008, 04:54 AM
تسلم يا الغالي

ومابي تفصيل ابي شي اصلي

بس وين؟

واحد من الربع يقول في العين !!

اذا تبي اصلي اطلبه من مواقع التزويد وهالحركات ,, عاد المشكله ماعرف لها ولا لـ كيفيه الطلب والشباب ماراح يقصرون معك


جرب هالموقع

http://www.magnaflow.com/02product/shopdisplayproducts.asp
_QTR_
23-09-2008, 10:19 AM
يا عبدالمحسن


ركب لك تيربو

واحد من الشباب مركب له على جمس 2008

والله انه عزمه رهيب وكلفة مع البرمجة السيفتي 26 الف ريال

بس وعيش يا عبدالمحسن وخلي الناس تعيش

---------------------------------------------------------------------------------------------------------
واذا تبي خفايف عليك بالاكزوز زفلتر وبرمجة <----- واحد بحريني يبرمج وبرمجته حلوة
ALKUWARI-90
23-09-2008, 10:29 AM
ركب فلتر K&n

وعطه راس هدرز

وبرمجه برمجة Hptenur

وتوكل على الله انا مجرب فالجمس ال 2006 الي كان عندي ماشالله قومته سممم
بوحمندي
23-09-2008, 02:15 PM
اخوي بيع اللي عندك وخذ 2500 ابركلك
قطـ VERTU ـر
23-09-2008, 02:49 PM
مرحبااا ..

بخصوص التزويدات الخفيفهـ اللي على الجمس ..

تقدر يا اخوي الكريم .. تركب لكـ اقزوز سستم .. " دباات " .. وطبعا فيها اسعااار مختلفه .. اغلى شي البورلا .. والانواع المتوسطه هي الجبسون , الماغنا فلو .. والفلو مآسترر ..

بالنسبه حق الهدرز .,. طبعا في انوآع مختلفه .. بس انا انصحكـ بالهدرز الشورتي .. من اي مآركة كانت .. لانهم تقريبا نفس الاداء وصوته مب عالي وآيد نفس اللونق تيوبـ .,,

اما الفلتر .. فـ عندكـ ال k&n وال AFE سواءا كآن استيج ون او استيج تو اللي هو مخصص حق المواتر المزودهـ ..

وتقدر تلقا لكـ ياخوي الفاضل .. ثروتل سبسير .. قطعه تتركب قبل الفلتر .. مافيها مروحه ولاشي .. لاكنها تعطي عزم وآيد حلوو .. وتعطيك هورس باور .. بالاضافه الى سحبيه هوا اقووى طبعا في حالة ان الموتر عليه فلتر ريس ..

بالنسبه حق فتح القفله .. في أكثر من كمبيوتر موجود لهذا الغرض ..

أحسنهم طبعا الاج بي تونر " برمجة االابتوب ".. طبعا نادر تحصل احد يبرمج لك ويضبط البرمجهـ وعادة هـ البرمجه تستخدم في برمجة السيارات المزوده بتزويدات خشنه .. بس بعد تنفع للمواتر الصافيه .. وطبعا هذي اكثر البرمجات تعقيداا ..

والمركز الثاني .. واللي هو الانسب .. والاسهل .. واحسنهم اداءا اذا مواتر عليه اغراض خفيفه .. او كان ماعليه شي .. اللي هي برمجة الديابلوو .. واللي هي جهاز صغير ينشبك بكمبيوتر الوكاله .. ويسحب برمجة الوكاله .. ويحط بدالها برمجة جديدهـ فيها تعديلات على القفله واشياء تخص المكينه والقير .. مع امكانية ارجاع برمجة الوكاله في اي وقتـ ..

وغير عن هـ البرمجه عندكـ برمجاتـ .. السوبر جب .. وغيرها طبعا هذيلا جودتهم جدا رديئه ..

واذا تبي اي خدمه او بغيت اي غرض سواءا حق جمس او موستنق او اي مواتر امريكي .. وبعض المواتر اليابانيه .. او اي استشاره .. واذا تبي تطلب هـ الاغراض بعد ابشرر .. اقدر اطلبهم لكـ واظبط اموركـ ..

تواصل معاي عـ الخاااص وانا بافيدكـ باذن الله ..
احب قطر
23-09-2008, 02:53 PM
شوف طويل العمر.. الاغراض اللي ذكروها الربع زينه حق الريس وانت تبغي قومه...احسن شي لك سوبرجارج نوع mangacharger ويجيك معاه ضمان ولا يطيح لك ضمان الشركه ... وسعره تقريبا 20 الف واي وقت تقدر تشله وتبيعه.