الغلاء فااااااااااحش في اسواقنا بمناسبة العيد وين حماية المسهلك

[الساهرة]

اليوم رحت لسوق اتشرى للعيد في مجمع فيلاجو اسعار الملابس ناااااااااااااااااار
وياريتها تسوى بلوزه سعرها يوصل حتى 360 من غير التنوره اللي سعرها 480 الى 500 ريال وين عايشين لايكون في باريس ....؟
بضائع من تركيا وبلاد الشام وشئ من الصين والهند وجذي اسعارها
انا اتسوق بس حق نفسي ويالله قدرت اوفي كل الاغراض افكر الام اللي عندها 4 او 5 بنات
من غير الاطفال شلون راح تتشرى لعيالها وتفرحهم ......؟
انا ماشفت احد اشترى يدشون الناس ويطلعون وانا اشوف الحزن على وجيه البنات الصغار
حرام والله يقتلون فرحة العيد في هالغلاء اللي ماعليه رقيب

حتى وحده من البنات اتقول تتشرى حق بنتها من محل الاطفال اتقول طلعت بكيس واحد
اخذوا منها 1000 ريال حق طفل عمره سنتين
واذا المواطن تكلم ولا انتقد الوضع الناس اتقول له انتم في نعمه وانتم وانتم
وهالناس اللي يقلون هالكلام من اللي مايعرفون انه الاسعار ارتفعت لان مايدققون
وماتهمهم الفواتير عندهم خير وفي نعمه ومفكرين كل الناس مثلاتهم

انا اقول على هالغلاء اللي شفته الليله محد تسوق للعيد خاصه الاسره الكبيره الله يعينهم
على الحسره على حزن ابائهم في هالعيد اللي المفروض يكون فرحه لهم
والله يعين المواطن الى متى وهو يعاني من مرتبات منخفضه واسعار مستمره في الزياده
دون حسيب ولا رقيب .






الساهره

[الألماسي]

اليوم رحت لسوق اتشرى للعيد في مجمع فيلاجو اسعار الملابس ناااااااااااااااااار



اللـه يهديــج يالســاهـره . . رايـــحين (( فيـلاجيـو )) و تدورون الرخــص . .!!:nice:


شفيــه " خميس و جمعـه " . .!! :victory:

عمومـاً . .

حمايه المستهلـك يالساهره في سبــات عميــق و ماراح يصحـــون الا اذا صحــت ضمـائر المسؤوليـن . .

: )

[عاشق الشهادة]

الله يهديج أختي لو نزلتي موضوعج قبل ساعتين ,
اما الحين ( أني صايم ) .

[الساهرة]

اللـه يهديــج يالســاهـره . . رايـــحين (( فيـلاجيـو )) و تدورون الرخــص . .!!:nice:


شفيــه " خميس و جمعـه " . .!! :victory:

عمومـاً . .

حمايه المستهلـك يالساهره في سبــات عميــق و ماراح يصحـــون الا اذا صحــت ضمـائر المسؤوليـن . .

: )



تبي الصج حتى الخميس والجمعه والسوق المركزي والجبر وحتى الخياطين اللي في الحواري
والفرجاااااااااان
كل شئ كل شئ غالي وصار دبل من قرب العيد لحول ولاقوة الا بالله
الله يعين الاسر الكبير وخواتنا اهل الضمان الاجتماعي اللي عندهم عيال بصراحه
اليوم شفت كثير من الوجوه حزينه خاصه البنات الصغيرات وهم يتهامسون حق الام
يمه الله يخليج ابيها والام اتقول يالله بنروح مكان ثاني

بقول لكم شئ بسيط على الغلاء وهو موقف صار لي الليله كنت جالسه وجالسه احذاي وحده
معها بنتها والبنت كانت تعبانه وماتقدر تتنفس وقلت حق الام عطيها ماي قالت الام ماعندي
ومقدر اخليها واروح قلت ولا يهمج انا بروح اشتري ماي ومكان حواليني الا مقهى رحت اشتري علبتين ماي للبنت المسكينه ويت عند المحاسبه الا اتقول لي عشرين ريال
والله لو مب عشان البنت التعبانه جان افره وفي ويها واطلع ماي20ريال .....!!!!!

هذا وهو ماي الغلاء مب طبعي هالسنه لحول ولا قوة الا بالله .






الساهره

[زقرتي ومزاجي]

اليوم رحت لسوق اتشرى للعيد في مجمع فيلاجو اسعار الملابس ناااااااااااااااااار
وياريتها تسوى بلوزه سعرها يوصل حتى 360 من غير التنوره اللي سعرها 480 الى 500 ريال وين عايشين لايكون في باريس ....؟
بضائع من تركيا وبلاد الشام وشئ من الصين والهند وجذي اسعارها
انا اتسوق بس حق نفسي ويالله قدرت اوفي كل الاغراض افكر الام اللي عندها 4 او 5 بنات
من غير الاطفال شلون راح تتشرى لعيالها وتفرحهم ......؟
انا ماشفت احد اشترى يدشون الناس ويطلعون وانا اشوف الحزن على وجيه البنات الصغار
حرام والله يقتلون فرحة العيد في هالغلاء اللي ماعليه رقيب

حتى وحده من البنات اتقول تتشرى حق بنتها من محل الاطفال اتقول طلعت بكيس واحد
اخذوا منها 1000 ريال حق طفل عمره سنتين
واذا المواطن تكلم ولا انتقد الوضع الناس اتقول له انتم في نعمه وانتم وانتم
وهالناس اللي يقلون هالكلام من اللي مايعرفون انه الاسعار ارتفعت لان مايدققون
وماتهمهم الفواتير عندهم خير وفي نعمه ومفكرين كل الناس مثلاتهم

انا اقول على هالغلاء اللي شفته الليله محد تسوق للعيد خاصه الاسره الكبيره الله يعينهم
على الحسره على حزن ابائهم في هالعيد اللي المفروض يكون فرحه لهم
والله يعين المواطن الى متى وهو يعاني من مرتبات منخفضه واسعار مستمره في الزياده
دون حسيب ولا رقيب .






الساهره




الساهره

السلام عليكم




احيي فيج صراحتج ونقلج لبعض همومنا لوسائل الاعلام حتى لو كانت
منتديات ... علها تلاقي اذن تسمع ... وعقل يغير الواقع
وذمه صادقه ..و اللي نشوفه في اغلب الاسواق .. ارتفاع حاد للأسعار
والسبب الطلب المتزايد على السلع .. وجشع بعض ( اكثر ) التجار
واستغلال لمواسم الاعياد
لكن من يسمعنا .. صحيح زادو رواتب العسكرين طيب واحنا وين نروح
ومتى بيزيدونا (( الله العالم )) .. وحتى لو صار وزادونا .. اغلب ضني
بيرفعون الاسعار اضعاف اضعاف اللي نشوفه

وكالعاده ياسعاده

لا حول ولا قوه الا بالله

[swedan_qatar]

http://img407.imageshack.us/img407/4167/1065370ltb3.jpg

[غناتي1]

والله ان حتى العسكري ومن بعد زيادة الرواتب ما يقدر على الغلا

والاسعار اللي كل مالها تزيد وبالاضعاف 00

اكثر اللي عرفتهم جهزوا للعيد من خلال سفرياتهم في الصيف

من بلاد المصدر للتجار مثل مصر وسوريا وتايلند وغيرها

والله يعين الباقي 0000على التجهيز الحين

[ANONYMOUS]

لالا.. مستحيل غلاء.. هذا وضع طبيعي..


قطر اغنى دوله في العالم.. حسب كل التقارير والاحصائيات


سعر رقم جوال.. وصل بـ 10 ملايين ريال... ودش موسوعة غينيس.. يوم جات البلوزه ب 360 ريال صارت غاليه.. !


وكالة عبدالغني.. الناس حاجزه من شهور.. سيارات بقيمه تتراوح بين 170 - 345 الف...

والحين التنوره بو 500 غاليه..



لالا لازم تعيدون حساباتكم


انا وديت عيالي ( 4 اطفال ) سناء وقشيت لهم اغراض ب 2000 ريال حق سنه اغراض كول ورخيصه احسن لي من 4 تنانير على 500 ريال.

:shy:

دعو فيلاجيو يخيس

[ضوى]

اليوم رحت لسوق اتشرى للعيد في مجمع فيلاجو اسعار الملابس ناااااااااااااااااار
وياريتها تسوى بلوزه سعرها يوصل حتى 360 من غير التنوره اللي سعرها 480 الى 500 ريال وين عايشين لايكون في باريس ....؟
بضائع من تركيا وبلاد الشام وشئ من الصين والهند وجذي اسعارها
انا اتسوق بس حق نفسي ويالله قدرت اوفي كل الاغراض افكر الام اللي عندها 4 او 5 بنات
من غير الاطفال شلون راح تتشرى لعيالها وتفرحهم ......؟
انا ماشفت احد اشترى يدشون الناس ويطلعون وانا اشوف الحزن على وجيه البنات الصغار
حرام والله يقتلون فرحة العيد في هالغلاء اللي ماعليه رقيب

حتى وحده من البنات اتقول تتشرى حق بنتها من محل الاطفال اتقول طلعت بكيس واحد
اخذوا منها 1000 ريال حق طفل عمره سنتين
واذا المواطن تكلم ولا انتقد الوضع الناس اتقول له انتم في نعمه وانتم وانتم
وهالناس اللي يقلون هالكلام من اللي مايعرفون انه الاسعار ارتفعت لان مايدققون
وماتهمهم الفواتير عندهم خير وفي نعمه ومفكرين كل الناس مثلاتهم

انا اقول على هالغلاء اللي شفته الليله محد تسوق للعيد خاصه الاسره الكبيره الله يعينهم
على الحسره على حزن ابائهم في هالعيد اللي المفروض يكون فرحه لهم
والله يعين المواطن الى متى وهو يعاني من مرتبات منخفضه واسعار مستمره في الزياده
دون حسيب ولا رقيب .






الساهره


:shy::shy::shy:

تصدقين يالساهرة ، الاسبوع اللي طاف وديت بنتي السوق فيلاجيو وقلت باخذ لها للعيد مرينا كم محل شفت الاسعار ما تسوى بالنسبة للبضاعة اخذتها وطلعت قالت لي يمه انتي باوروبا قلتي خلاص بعد ما اقول شئ غالي بقطر باشتري لكم كل شئ تبونه ، قلت لها طيب بس مو ناس تستغباني وتستغفلني ، ادفع بكيفي مب بكيفهم وثاني يوم وديتها سبلاش وطقمتها للعيد كامل وما كلفني 400 ريال والله اما الاولاد فمرتاحة من تجهيزهم ثوب وغترة والله يعزكم نعال وانتهى الموضوع :shy:

بالفعل المولات صايرة غلاء فاحش الله يعين هالناس والله لا يكسر خاطر احد ويوفقهم ويمتعهم بالعيد ان شاء الله

[هتـان قطر]

الله يكون في العون...اصبحت جيوبنا محل استنزاف للاخرين..

الكل ياخذ من صوب..واحنا دفع ..دفع..دفع

ومثل ماقلتي اختي الساهره الله يعين اصحاب الدخل المحدود..الدنيا صايره نااااار

الشكوى لله والشكوى لغير الله مذله..

[طير شلـوى]

الطفل السعيد الجديد....:nice::nice:

[الوعد2016]

لو فيه حماية مستهلك كان المحلات الي عندها تعويض وتثمين ما ترفع الاسعار مثل مغاسل السيارات في الغرافه وغيرها من امور لا احد يهتم فيها لا اجار وتثمين وغسيل السياره ب25 و30 واذا سئلت ليش يقولك اجار غالي ما يعرف ان الناس تعرف بان قبض التثمين والحين ما يدفع ايجار للمالك وما عليه الا الكهرباء والماء ومواد التنظيف صابون سائل واسفنج ومواد تنشيف

[السيف5]

بصراحة الغلاء عندنا شي يقهر في كل شئ الملابس غالية والمواد الغذائية غالية والفواكه والخضروات حدث ولاحرج بعد غالية يعني ماعندنا أمن غذائي والتضخم كل ماله ويزيد وحماية المستهلك في نوم عميق والتجار ماصينا مص وما نقدر نقول في الاخير -------غير أصحي ياحكومة وشوف الحال اللي احنا فيه وادعمونا شوي مثل الرياضة -------والحمد لله رب العالمين

[بلاهويـــــة]

لا حول ولا قوة الا بالله

أنا شاري تشريت حق بنتي من هارودز 385 ريال وقسم بالله اني لقيته في السلام من كم يوم 895 ريال

وين حماية المستهلك ؟؟ الكل يزيد الأسعار على كيفه

[سهم عربي]

الحين إلي صاير إلي راتبه فوق 15000 ريال

يشترى من سوق خميس وجمعه .

نصيحة لا حد يشترى من المجمعات والمراكز خولوها تخيس

[ذيبه مزاجيه]

الشكوه لغير الله مذله !!

وحسبي الله و نعم الوكيل فيهم صج حراميه

[ANONYMOUS]

الله يستر

بنصير في الدوحه نجمع فلوس

وفي الاجازات نتشرى اغراض من برا..

المصيبت .. ان هالمحلات مقاومين الاجارات والعثره !!

في المجمعات 80 % الناس تتمشى فيها بدون ماتشتري... وبعد هالمحلات صامده حتى اخر قطره...

[swedan_qatar]

دوام الحال من المحال يالربع .. صدقوني إلا ما تتعدل وترد لمستواها الطبيعي ان شاء الله .. مجرد طفره

[almulla]

^^^

الا بطرة الحين شاللي يوقف الاستثمارات الخارجية

عالعموم الله يخلي سنا

[هدهد سليمان]

تصدقون صارلي مده ما دشيت المنتدى وحشتوني الصراحه لكن ردينا على موضوع حماية المستهلك اللي هم اساسا تجار البلد ويسمون نفسهم حماية المستهلك ، هل يوجد حل للموضوع؟؟ الدوله ما قصرت اذكر مره دعمت البيض يوم كان 50 و 60 ونزل لين 15 ريال لمدة يومين ورد ارتفع 25 ليش الله اعلم ، ما اقول غير الله يهدي تجارنا ويصلح شأنهم ويتقوا الله وأبي اسألهم سؤال واحد بس : يوم سكرات الموت يتذكر اعماله انه ضيق على الناس ويحاول يقول ربي ارجعون لعلي اعمل صالحا فهل له من سبيل للرجوع؟ خلصنا من الموضوع الأول الثاني هل تغني عنه نقوده او استثماراته ؟ الله اعلم ؟ هل هي حلال ؟ الله اعلم وهناك اسأله كثيره واتوقع اني اكلم اموات مب تجار لان ما عندهم احساس
(لا اقول الجميع لكن الغالبية )غير لما يشوف ملك الموت عند راسه بعدها يتحسف على الي سواه بالعالم ، طبعا غير دعاوي الناس عليه . وناهيك عن عياله يمكن يطلعون عليه تصير الطامه اكبر واكبر ويكثر من سيئاته اكثر واكثر .. كلمة أخير اتقوا الله يا تجار اتقو الله اتقو الله لن تغني عنكم اموالكم ولا اولادكم من الله شيئا.

[rakan-qatar]

حماية المستهلك مثل بيض الصعو نسمع به وما انشوفه

[professonal]

ايه الله المستعان الفرج من الله

[الساهرة]

زقرتي
ضوى
هتان
ANONYMOUS






شاكره لكم تواجدكم الجميل والله يعين الجميع على هالغلاء







الساهره

[الوعد2016]

هذي ارحم من مغاسل السيارات ومحلات الزينه وغيرها من محلات حتى المقاهي يقولون رافعه الاسعار فوق الشاء بريالين في الغرافه مثمن لهم وتعويض وفوق هذا يرفعون السعر ويقولك الاجار ارتفع وفي الصحيح ان الاجار لا يتم دفعه للمالك او لاي جه لان العقار تم تثمينه وينتظرون الاخلاء
وغيرها سوق واقف كل ما تروح تشتري يقولك الاجار واذا قلت له اجارك الف قال اجار السكن والمعيشه او قال انا اشتري بغالي

[فرقة الصقور]

حماية ال مستهلك (مستهلك من الهلكة او الهلاك):rolleyes2:
اتمنى يسلمونهم الخويا ولا قطر للبترول في مهمة خاصة اسمعها اسعاف ال مستهلك
ترى بيظبطون الوضع..يعجبونك في المهمات الخاصة.

وعقب يردونهم للوزارة اللي ما أدري هل مسئولينها شايفين اللي نشوفه ولا ماشيه امورهم وناسين عباد الله:omen2:

ياجماعة مفتشين البلدية وادراة العمل يأكلون في المطاعم ببلاش والله والفاتورة عالية جدا
هل دهان السير هذا ماشي في حماية ال مستهلك؟

[الوعد2016]

حماية ال مستهلك (مستهلك من الهلكة او الهلاك):rolleyes2:
اتمنى يسلمونهم الخويا ولا قطر للبترول في مهمة خاصة اسمعها اسعاف ال مستهلك
ترى بيظبطون الوضع..يعجبونك في المهمات الخاصة.

وعقب يردونهم للوزارة اللي ما أدري هل مسئولينها شايفين اللي نشوفه ولا ماشيه امورهم وناسين عباد الله:omen2:

ياجماعة مفتشين البلدية وادراة العمل يأكلون في المطاعم ببلاش والله والفاتورة عالية جدا
هل دهان السير هذا ماشي في حماية ال مستهلك؟
كلام خطير يعني بخشيش بكم ريال
ويبيع كرامته ووطنه بساندويش او بطبق مشاوي بحريه ووجبه لربعه لا تتجاوز الف او اكثر

[امـ عبدالله]

حسبنا الله ونعم الوكيل

انا لين الحين ماخذت حق العيد وعيالي ايحنون علي

الواحد بيدفع ديونه واله بيعدل بيته حق العيد

واله بيشري من هالشماطيط الي ماتستااهل

لاكن الي يده في الماي غير عن الي يده في النار

ناس تلبس و تاكل واتسافر واتعالج

كله من خير غيرهاا

وين تبونهم ايحسون في الغلى...,؟

[الساهرة]

كلام خطير يعني بخشيش بكم ريال
ويبيع كرامته ووطنه بساندويش او بطبق مشاوي بحريه ووجبه لربعه لا تتجاوز الف او اكثر



اذا قطري صج والله لو يذبحون له ذبايح مب مشويات وساندويشات
مايبيع ضميره ولا وطنه
لكن فيه ناس والعياذ بالله الضمير عندهم نائم وماعندهم ذمه ولا ضمير

وولهم التجار في قطر سواء التاجر المحلي او المستعمر
اللي في الشوارع مانشوفهم الا على رنج ولا بورش كله من خير قطر ومن شعبها المسكين
اتمنى من الدوله ان تفرض عليهم جمرك ومراقبه وتحديد اسعار واتحط لنا حماية مستهلك وناس عندها ضمير اتخاف الله
بصراحه الاسواق هالسنه محد تسوق للعيد اشوف القطرين والمقيمين يدشون ويطلعون
من محل لمحل واخر شئ يطلعون من السوق الاسعار قتلت فرحة الاطفال بالعيد

حسبي الله عليهم ياعل كل ريال حرام يحرقهم






الساهره

[anything99]

الساهرة تقبلي تحياتي وتقديري لكل مواضيعك .. واشعر بك كالاخت التي تشارك الناس همومهم وتحاول مساعدتهم بها ..
عن نفسي الحمد لله تسوقت لعيالي قبل العيد من المهرجان وقت التنزيلات للعيد والمدارس مرة وحدة.. ما احب اضيع رمضان وبالاخص العشر الاواخر في الاسواق ..

[الساهرة]

ام عبدالله اسعدني مرورج الجميل
والله المستعان الله يعين الامهات اللي عليهم التزامت وعندهم عيال على هالغلاء
قلبي معكم والله







الساهره

[qatar ghost]

الله المستعان

[dammaj77]

عن اسماعيل بن عبيد : أنه خرج مع النبي صلى الله عليه وسلم إلى المصلى فرأى الناس يتبايعون فقال : يا معشر التجار ! فاستجابوا لرسول الله صلى الله عليه وسلم ورفعوا أعناقهم وأبصارهم إليه فقال: لهم:
(إن التجار يبعثون يوم القيامة فجّارا ؛ إلا من اتقى الله وبر وصدق). السلسلة الصحيحة.

و قال صلى الله عليه وسلم (إن التجار هم الفجار . قيل: يا رسول الله! أو ليس قد أحل الله البيع؟ قال: بلى، ولكنهم يحدثون فيكذبون ويحلفون فيأثمون) كذلك السلسلة الصحيحة للألباني رحمه الله.

[بنQATARت]

والله ليش تشترون بهلاسعار
اعرف ناس وعوايل عندهم اعيال وايد راحو الحسا يوم وليله واشتروا كل الملابس
اشياء اتجنن واحسن من هني بالف مره وارخص
روحوا تسوقوا في الحسا وخلو التجار هني ايخيسون هم وبضاعتهم
مافي غير هطريقه لمحاربه الجشع والطمع

[al7oooot]

روحي للأحساء اللي 500 تشترينه 150

[امل الحب]

:secret:الله يعين.. انا للحين مارحت السوق مادري عن الاسعار :secret:

بس الظاهر السالفة مو شي بتكون مع اخر الايام قبل العيد :eek5:

وحماية المستهلك في سبات عميق :victory: عمرج سمعتي بأحد يبط عينه بصبعه .. والمقصد مفهوم :)

[سهم المراقيب]

الي يدور الأسعار الزينه يغبش لسوق واقف الصباح والناس رقود ,,

[$Dior$]

الله يعينا في قطر كل شي غالي
عن نفسي افضل اشتري اغلب الاشياء من السعودية فديتها والله
لكن على فكرة اهل قطر زادو الاسعار نسبيا بالاحساء وكل هذا عشانهم يتراخصون الشي بالنسبة لقطر فمايكاسرون ابدا وياخذونها على طول والتجار هناك يفرحون فيزيدون السعر والسعوديين اقل رواتب من اهل قطر اذا جوهم يشوفونه غالي مرات مو كل العوائل طبعا بس ذوي الدخل المحدود فالله يعينهم

وعمار يالسعودية عمار

[فراغ]

يا جماعة توجد أسواق عالمية ورخيصه من خلال النت كما سمعت
فهل هذه تحل مشكلة جشع التجار المحليين
كذلك من الحلول هو
الشراء قبل الموسم (كان عيد أو دخول مدارس) لآن في وقت الموسم يرفع التجار قيمة سلعتهم وشوفوا الأسعار بعد العيد شلون بتكون . بتكون طبعآ أقل من وقت العيد

كذلك أستغلال أوقات التنزيلات لشراء ملابس المناسبات كانت عيد أو عرس أو مدارس

أعتقد هذه بعض الحلول يمكن تطبيقها لتجنب أستغلال التجار لزبائن خلال فترة المناسبات

[q6ri_vip]

اليوم وبجمعية ميره اللي في ازغوى خذتلي حب شمسي للكاسكو ب5ريالات:eek5: مع اني خذته من شهر ب3.50 لا وحاطين مزيل على السعر القديم هههههه
الله المستعان ... كل يوم والثاني والبضائع قامت اتزيد اسعارها .

[الساهرة]

لا ابشركم فيه خبر هالايام عن الزياده
ومافيه حماية مستهلك تتقعون بكم راح اتكون زياده الاسعار عد التجار ...؟
50% ولا 90% .........؟
هالتجار لو يحصلون حماية مستهلك وقوانين رادعه
اي زياده سحب لسجل التجاري وإيقاف ودفع غرامه وعين حمراء جان احنا بخير
لكن احس فيه سر بين حمايه المستهلك وبين التجار شكل حماية المستهلك يندفع لها شيك ابيض
واحس ان التجار انفسهم ناس فوق فوق كل القوانيين !!!



الله المستعان مانبي انطولها وهى قصيره :secret:
( المعنى في بطن التجار اقصد الشاعر )






الساهره