استفسار بخصوص كيفية تركيب كفر ونش 2009 !!!

[ولد-قطر]

السلام عليكم ورحمة الله وبركاته

اخواني عندي استفسار بخصوص تركيب كفر ونش الجديد على 2009 الموديل القديم كان في مثل شرائط تربط او تثب كفر الونش اما الجديد الصراحه مادري شلون طريقة

سؤالي للأخوان للي ركبوا كفر ونش على مواترهم كانت عملية التركيب سهله ولا صعبه لانه انا سمعت ناس قالوا لازم تنزل الصدام علشان تركب بس كفر ونش يعني السالفه ماتستاهل وفي ناس قالوا ركبه عن طريق الاصق الي له وجهين لانه هذا أفضل واسهل من ناحية التركيب


اتمنى الي ركبوا يفيدوني ويفيدون الأعضاء

[جاسم الكواري]

هلا اخوي عند حلات الزينه قبل دوار المايل عند البنجري يركب الكور بدون مايزل الصدام

[وكر الذيب]

مايحتاج انك تنزل الصدام روح محل اسمه المها لزينه السيارات بعد اشارات الوعب قرب محطة التيسير راح يضبطك

[ولد-قطر]

شلون يركب الونش يحط لزقه الي لها وجهين ولا في طريقة ثانية

[ALKUWARI-90]

لا الشيخ يحفر لك الصدام عادي وروح اي محل زينه ايكون عنده كور اصلي وركب وبيحفر لك الصدااام وبيركبه واذا تبي بدوون حفر يا اتشوف لك قراج اوكي او الشركه لانه لازم اينزلون الصدام او حفر

[وكر الذيب]

لا بدون لزقة يحفر لك الصدام اشوي ويركبة وانت واقف

[Level]

واحد من الربع ركبه عند محل الزينه الي في محطة بترول الوعب

نزل الصدام والشبك وحفر الصدام لان فيه امانك ماتبين من برى وتبين بس من داخل الصدام

ويحفر فتحتين للكاور او الكفر مثل ماتحبون ويركبه تركيب وكالة ماعليه كلام ومن ثم يرجع كل شي مثل الوكالة

ملاحظاتي عليه

نسى يشبك الصطابات اللي تحت وزين انه كنا في الليل وبين علطول ورجع شبكهم بدون ماينزل الصدام مره ثانيه

مميزاته : شغله جميل جداً والى الحين مايبين عليه ابداً انه تركيب برى لانه يغطي فتحات الونش بجلاد اسود فيبين انه ونش اصلي

[فلفل حار]

الشيخ انا شاري الكور ونش أصلي من القطري بالصناعيه شارع 11

ورحت الوكاله قسم الحوادث فتحت كرت حق تركيب الكور ورحت ركبته عندهم وشغل يدهم 250 ريال

وكنت ناسي اشتري الحديده مالت اللوحه وخذتها من الوكاله مع البراغي بـ40 ريال وشي

المهم مب متذكر تفاصيل الاسعار بس اتذكر كله طلع علي بالضبط 590

ولازم ينزل الصدام وينزل الشبك ويحفر لك من داخل وترا في من داخل علامات للحفر يعني لاتحاتي انه بيحفر يمين او يسار بالغلط

عموما انت اشتر الكور وروح لهم ولاتحاتي شي , كله شغل وكاله

بس قبل لاتفتح كرت انشب لهم خلهم يسوونه لك بنفس اليوم لانه انا قالو لي خل الموتر عندنا يومين حشى بينزل مكينه ماجنه الا حفر برغيين:rolleyes2:

[ولد-قطر]

لا الشيخ يحفر لك الصدام عادي وروح اي محل زينه ايكون عنده كور اصلي وركب وبيحفر لك الصدااام وبيركبه واذا تبي بدوون حفر يا اتشوف لك قراج اوكي او الشركه لانه لازم اينزلون الصدام او حفر

تسلم ياخوي على الرد وبنشوف مثل ماقالوا الاخوان وبنجرب

[ولد-قطر]

لا بدون لزقة يحفر لك الصدام اشوي ويركبة وانت واقف

تسلم ياخوي على الرد والإفاده دام السالفه كلها حفرتين ليش مايحالون يركبون الكفر بلزقه ام وجهين انا اشوفها افضل واحسن واسرع في نفس الوقت

[ولد-قطر]

الشيخ انا شاري الكور ونش أصلي من القطري بالصناعيه شارع 11

ورحت الوكاله قسم الحوادث فتحت كرت حق تركيب الكور ورحت ركبته عندهم وشغل يدهم 250 ريال

وكنت ناسي اشتري الحديده مالت اللوحه وخذتها من الوكاله مع البراغي بـ40 ريال وشي

المهم مب متذكر تفاصيل الاسعار بس اتذكر كله طلع علي بالضبط 590

ولازم ينزل الصدام وينزل الشبك ويحفر لك من داخل وترا في من داخل علامات للحفر يعني لاتحاتي انه بيحفر يمين او يسار بالغلط

عموما انت اشتر الكور وروح لهم ولاتحاتي شي , كله شغل وكاله

بس قبل لاتفتح كرت انشب لهم خلهم يسوونه لك بنفس اليوم لانه انا قالو لي خل الموتر عندنا يومين حشى بينزل مكينه ماجنه الا حفر برغيين:rolleyes2:


تسلم ياخوي على الرد بس مادري انا اشوف يحبون يطولون السالفه وهي قصيره دام عندهم ناس يركبون الكفر ونش ليش ماياخذون القياس علشان يحفر الصدام من غير ماينزله او يركبه عن طريق اللزقه الي لها وجهين في هذي الحاله راح يختصر الوقت والجهد والسعر راح يقل هم يسوون هالسوات ينزلون الصدام والشبك علشان يقول لك هذا كله شغل اليد

والشركه حتى لو تبغي تنفخ التواير عندهم عادي يقول لك خله يومين راح نشيك عليه ونرد عليك

اما عن سالفة فتح الكرت وتخليص الموتر في اسرع وقت عادي عندي كذا واحد اعرفه هناك وراح يضبطني