الي يبي يشتري جهاز ومب عارف مواصفاته والاا يبي جهاز ومب عارف شنو يشتري يتفضل..!!!

[Qt.1]

هلاا شباب الي في خاطره جهاز وشافه لكن مش عارف مواصفاته,,,والاا يبي جهاز لكن مش عارف شنو يشتري,,,,,والاا اي سوؤال في باله عن اجهزة الاابتوب يتفضل يحط سوؤاله وانا حاضر ومايصير خاطركم الاا طيب.

:)

للتواصل على الاايميل Qt.1@msn.com

[حلواني]

مبادره حلوه ...

الله يجزيك خير



.....,,.....


بس لو تحط لنا المواصفات الزينه بشكل عام تسوي خير ^_^

[biz-qtr]

جزااااك الله الف الف الف الف الف خيرررررررر

[Qt.1]

مبادره حلوه ...

الله يجزيك خير



.....,,.....


بس لو تحط لنا المواصفات الزينه بشكل عام تسوي خير ^_^

هلاا اخوي اذا على مواصفات الااجهزه فأهي وايد لكن تعتمد على استخدام الشخص نفسه في ناس اخوي بس نت وايميل وتصفح شغل خفيف... وفي ناس جيمز وبرامج جرافيك قويه....وفي ناس برامج 3D وبرمجيات يعني مواصفات الجهاز تفرق من شخص لااخر على حسب استعماله.

[Qt.1]

جزااااك الله الف الف الف الف الف خيرررررررر

وياك ياخوي..

[شسالفة...؟]

أخوي شنو الجهاز اللي ينفع ويتحمل برامج الأوركال و ++c وجافا

خبرك حق الجامعه ؟

ومشكور وجعله في ميزان حسناتك

[Qt.1]

أخوي شنو الجهاز اللي ينفع ويتحمل برامج الأوركال و ++c وجافا

خبرك حق الجامعه ؟

ومشكور وجعله في ميزان حسناتك


هلاا بك اخوي والله انت يبي لك جهاز قوي ويستحمل وتوشيبا معروف حق الشغل الجامد,,,,,,,

عندك Toshiba Satelliteرقم الموديل U400 بصراحه جهاز ماله حل عملي ويستحمل وحتى شكله انيق وفي حجمين للشاشه في 15.1 " وفي 13.3" وانت شوف حجم الشاشه الي يناسبك بس تاكد ان المعالج يكون Intel Core 2 Duo وتوكل على الله.


http://ecx.images-amazon.com/images/I/41SopygtJML._SS400_.jpg

من فتره اختنا اعالي الجنان بغت جهاز نفسك قوي ويستحمل قلت لها مالج الا u400 وفعلاا ماشاء الله عليها خذته والله وتمدحه.

[بنت سعادة السفير]

الله يجزيك خير اخووي

[Qt.1]

الله يجزيك خير اخووي

وياج اختي سارا وشكرا لمرورج.

[boamir]

الشيخ بغيت جهاز للفوتوشوب و3d ماكس يعني جرافيك وبالمره اذا تخبر لي معهد او مركز ادرس فيه التصميم
بالبرنامجين لاني احترت وايد

[Qt.1]

الشيخ بغيت جهاز للفوتوشوب و3d ماكس يعني جرافيك وبالمره اذا تخبر لي معهد او مركز ادرس فيه التصميم
بالبرنامجين لاني احترت وايد


الشيخ ابوك وانت اولده....والله يابوأمير حاليا انا ماشوف الاا التوشيبا الي نصحت فيه اخونا لان حاجتك له تقريبا نفسه واهو جهاز قوي ويستحمل الجرافيك والــ 3D ديزينر ,,,,لوشخص ماله في هالسوالف يقدر ياخذ له جهاز اقل وبيعطيه اداء فوق الممتاز لكن حق هالشغلات التوشيبا ممتاز.

اظن متوفر في كارفور وترى كارفور ارخيص مقارنه بالمحلات وانت بعد تاكد من الااسعار قبل لتاخذه,

اما بخصوص معهد والله ياخوي ماخبر لكن ان شاء الله الشباب مايقصرون,

انا دخلت يوتيوب كتبت كلمة ثري دي ماكس وحصلت كميه كبيره لفيديوهات لشروح ودروس حاول اتشوفها اخوي يمكن اتفيدك بعد.

[Qt.1]

شباب الي شاف جهاز ويعرف نوعه ورقم موديله ويبي يشتريه لكن مش عارف مواصفاته بالظبط,,, يتوكل على الله ويحط اسم الجهاز وان شاء الله بنحاول انحصل كل مواصفاته.

[G.M.C]

اخوي ايش رايك في ال hp
dv4-1070-ee
والسموحة على الازعاج

[Qt.1]

اخوي ايش رايك في ال hp
dv4-1070-ee
والسموحة على الازعاج


لاا ابد افا عليك مابه ازعاج ياخوي,,,,

بصراحه الجهاز وايد حلو....

المعالج والسرعه حلوه Intel Core 2 Duo Core 2.53 GHz

الرامات 4 GB RAM DDRII

الهاردسك 320 GB نوعه ساتا وسرعة دورانه 5400 RPM

كرت الفيديو Nvidia Geforce /256 MB DDR

الديفيدي ريتر يدعم خاصية ليت سكريب الي اهي النسخ على الديفيدي DVD Rewriter lightScribe

لاا الجهاز حلو وتوكل على الله وعليك بالعافيه مقدما.

http://images.souq.com/getthumb.php?fromfile=uploaded/0908/4a81c11be1bc3cc5f524fd5165b3669c_11324119471220251 163.jpg&w=170

[boamir]

الشيخ ابوك وانت اولده....والله يابوأمير حاليا انا ماشوف الاا التوشيبا الي نصحت فيه اخونا لان حاجتك له تقريبا نفسه واهو جهاز قوي ويستحمل الجرافيك والــ 3D ديزينر ,,,,لوشخص ماله في هالسوالف يقدر ياخذ له جهاز اقل وبيعطيه اداء فوق الممتاز لكن حق هالشغلات التوشيبا ممتاز.

اظن متوفر في كارفور وترى كارفور ارخيص مقارنه بالمحلات وانت بعد تاكد من الااسعار قبل لتاخذه,

اما بخصوص معهد والله ياخوي ماخبر لكن ان شاء الله الشباب مايقصرون,

انا دخلت يوتيوب كتبت كلمة ثري دي ماكس وحصلت كميه كبيره لفيديوهات لشروح ودروس حاول اتشوفها اخوي يمكن اتفيدك بعد.

تسلم اخوي وماقصرت

[Qt.1]

تسلم اخوي وماقصرت

حياك الله يابوامير

[G.M.C]

تسلم اخوي وما قصرت

وانا شريت واحد والوالد بعد شراله واحد

والله يوفق يارب

[Qt.1]

تسلم اخوي وما قصرت

وانا شريت واحد والوالد بعد شراله واحد

والله يوفق يارب

الله يسلمك وتستاهلون كل خير وعليكم بالعافيه يارب.

[أمير المحبه]

يالغالي انا عندي hb
والهارد دسك 80
بس ياخي كل ماتم شوي وطولت فيه يحتر الابتوب ويبند علي
فجأه وتعبت منه شالحل وجزاك الله الف خير

[up-limit]

بالتوفيق اخوي ماقصرت ويستاهلون شباب وشابات المنتدى :victory:

[bo ahmed]

اخوي وشو الجهاز حق تصفح انترنت و اميل و فديو ويكون سعره وجوده جيده ممكن ترشح لي جهاز و سعره كم

[Qt.1]

يالغالي انا عندي hb
والهارد دسك 80
بس ياخي كل ماتم شوي وطولت فيه يحتر الابتوب ويبند علي
فجأه وتعبت منه شالحل وجزاك الله الف خير

هلاا امير سالفة الحراره هذي اغلب الااجهزه فيها هالمشكله لكن اذا الحراره بزياده يمكن عندك مشكله في الكولينغ فان,,,,,اتصدق اجهزة سوني اسحبت من السوق 450 الف جهاز بسبة الحراره...!!

جرب اتوديه محل اجهزه ايشوف لك اذا مراوح التبريد شغاله ويشيك عليهم,,,,, ويشوف لك المعالج بعد لكن نصيحه اذا جهازك قديم وتصليحه بيطلع عليك وايد احسبها وشوف اذا تسوى صلحه اذا ماتسوى خذ لك جديد وريح راسك.

[Qt.1]

بالتوفيق اخوي ماقصرت ويستاهلون شباب وشابات المنتدى :victory:

تسلملي على الطله ياخوي.

[Qt.1]

اخوي وشو الجهاز حق تصفح انترنت و اميل و فديو ويكون سعره وجوده جيده ممكن ترشح لي جهاز و سعره كم

هلاا بواحمد يعتمد على انت كم حاط في بالك يعني انت عطني سعر معين وان شاء الله انشوف لك واحد زين على حسب السعر الي انت حاطه في بالك.

[bo ahmed]

يعني اخوي من 2000 الى 3000 ممكن نصيحتك

[Qt.1]

يعني اخوي من 2000 الى 3000 ممكن نصيحتك


انت تامر يابواحمد شوف ياخوي عندي لك جهاز من شركة BENQ وفي ناس ايظنون انها شركه عاديه وشركه مب شي لكن صدقني انها من اكبر الشركات لكن مش عندنا في اوروبا حتى اهي الراعي الرسمي لفريق ريال مدريد الملكي,,,,,,

موديل الجهاز R43 ونوعه قلنا BENQ شوف ياطويل العمر الجهاز ماعليه كلام مسكت ومواصفاته حلوه وسعره بعد حلو هذي المواصفات:

الرام 1 قيقا DDRII .

الهاردسك 160 GB (5400RPM-SATA).

البروسيسور Intel® Core™2 Duo processor T7100 .

حجم الشاشه 14.1" UltraVivid widescreen display .

التوصيل Built-in Bluetooth Rev. 2.0/ + Wireless LAN .

يقرى اربع انواع من الكروت 4-in-1 card reader: SD/MMC/MS/MS-Pro .

الوزن 2.05 kg .

حتى البدي مال الجهاز مصنوع من المنيوم ايقاوم حتى 50 كيلو وزن.

والمفاجأه سعره تقريبا 2400 ريال واتحصله في مجمع اللولو وكارفور فيه بعد بس من فتره رحت وقالي خلصو اظن اتروح اللولو بتحصله,,,,,

بس ترى مافيه كام يعني ايي بدون كيمره في نوع ثاني اغلى اشوي تقريبا فرق بسيط بينهم اتيي معاه كيمره ,,,,

انت لين رحت قوله راوني اجهزة البينكيو واهو براويك اياهم,,,وعلى فكره عندي واحد انا شاريه من شهرين تقريبا وشغال اخر حلاوه.


http://benq.com/images/product/JOYBOOK/Joybook_R43/JB_R43_ProductShot_F_2image.jpg



هذي موقع الابتوب....

بينكيـــو (http://benq.com/products/joybook/?product=1258&page=features)

[bo ahmed]

تسلم اخوي وماقصرت الله يعطيك الف عافيه

[لمت داااون]

اللــهـ يعطيك العافيــهـ أخوي ويجزاك ووالديك الجنه يارب

أنا عندي sony خذته من البيت الحديث لونه وردي

مشكلته يشير واااااايد ومرات تفتح لي يمكن 50 صفحه ورى بعض وماقدر اسكرهم
لازم اسكر الـ لابتوب بالكامل

**هل ينفع أبيع الـ لابتوب وإلا ماراح يجيبلي أي قيمه

** هل يمكن مسح الصور المخزنة في الـ الابتوب وإلا تتخزن حتى لو مسحتها

يعطيك العافيــهـ أخوي

[sad-o-bas]

السلام عليكم.. جزاك الله ألف خير أخو على هالخدمة ويستاهل موضوعك التثبيت، بدون مجاملة والله بس موضوعك وايد مفيد وعملي..

أخوي
أنا ان شاء الله بعد العيد ناوي آخذ لي جهاز يفيدني فالشغل، شغلي ان شاء الله بيكون فيه أوتوكاد، وآبيه حق الأوفيس ورك.. أنا عندي لابتوب Dell Latitude D500 ماخذه من 5 سنوات ،مكروف كراااف وللحين عايش :)، حبيت آخذ لي واحد نفسه بس جديد، بمواصفات جديدة، ممكن تعطينا أحدث المواصفات في هالسيريس، أقصد Dell Latitude، والD أكيد بتفرق.. لأنه هو الي يميز الموديل..
وآبي أعرف رايك أخوي في الXPS..

عندك خيارات ثانية، من شركات ثانية، الميزانية في حدود ال5500 ريال..

تحياتي

[Qt.1]

اللــهـ يعطيك العافيــهـ أخوي ويجزاك ووالديك الجنه يارب

أنا عندي sony خذته من البيت الحديث لونه وردي

مشكلته يشير واااااايد ومرات تفتح لي يمكن 50 صفحه ورى بعض وماقدر اسكرهم
لازم اسكر الـ لابتوب بالكامل

**هل ينفع أبيع الـ لابتوب وإلا ماراح يجيبلي أي قيمه

** هل يمكن مسح الصور المخزنة في الـ الابتوب وإلا تتخزن حتى لو مسحتها

يعطيك العافيــهـ أخوي


ووالديج يارب....

اي نعم اختي تقدرين اتبيعينه السوني انا بايع نفس الي عندج بس ابيض من فتره في المنتدى انتي عرضيه وحطي مواصفاته وان شاء الله لاازم حد من الااعضاء بياخذه.

بخصوص مسح الملفات اذا انتي سويتي مسح عادي اي ممكن ترجع لازم اتسوين لها
shredder يعني تدمير كامل للملفات وهذي الخاصيه تمنع حتى اي برنامج لاعادة الصور والملفات انه يعيدها لانه حتى يمحي جذورها من الجهاز لان كل ملف في الجهاز لاازم له روت,,,,,

في برنامج اسمه سيستم كلينر System Cleaner 5 يقوم بهالشي وضحت لج بالصور اتبعي الصور بس بعد التنصيب:

اول شي لين شغلتي البرنامج تطلع لج هالصوره دشي على هالخيار
privacy & security




http://www.yallaimg.com/images/jsdoikehor04juimt6n.jpg




بعدين على اليمين في خيارين ضغطي على الخيار الثاني الي مكتوب
shredder




http://www.yallaimg.com/images/7r619vrk25m711g2jp.jpg




بعدين بتطلع لج صفحه فيها ثلاث خيارات انتي اختاري اخر واحد بما انج مسحتيهم وطرشتيهم لسلة المحذوفات اختاري
recycle bin




http://www.yallaimg.com/images/siptdke6oeivl64x3s5.jpg




بعدين ضغطي نكست بتطلع لج هالصوره اختاري الخيار الثالث مكتوب
triple pass او حتى 7passes لانه كل مازدتي زادت العمليه




http://www.yallaimg.com/images/5ijxyfszoggwiw7cunl.jpg





وعقب كتبي كلمة yes وبجذي تاكدي انه الصور ماترجع لانه تم تدميرها على مراحل وايد في برنامج بس يقدر ايرد اي شي من الجهاز حتى بعد الفورمات لين 6 مرات لكن هالبرنامج مش موجود عن اي حد موجود عن وزراة الدفاع الاامريكيه...

دشي موقع البرنامج وضغطي دون لود:

للتحميـــــــــــل (http://www.snapfiles.com/get/systemcleaner.html)

:)

[Qt.1]

السلام عليكم.. جزاك الله ألف خير أخو على هالخدمة ويستاهل موضوعك التثبيت، بدون مجاملة والله بس موضوعك وايد مفيد وعملي..

أخوي
أنا ان شاء الله بعد العيد ناوي آخذ لي جهاز يفيدني فالشغل، شغلي ان شاء الله بيكون فيه أوتوكاد، وآبيه حق الأوفيس ورك.. أنا عندي لابتوب Dell Latitude D500 ماخذه من 5 سنوات ،مكروف كراااف وللحين عايش :)، حبيت آخذ لي واحد نفسه بس جديد، بمواصفات جديدة، ممكن تعطينا أحدث المواصفات في هالسيريس، أقصد Dell Latitude، والD أكيد بتفرق.. لأنه هو الي يميز الموديل..
وآبي أعرف رايك أخوي في الXPS..

عندك خيارات ثانية، من شركات ثانية، الميزانية في حدود ال5500 ريال..

تحياتي



هلاا اخوي ماشاء الله عليك Dell Latitude D500 هذي وايد قديم خلاص ماقصر,,,,,,

عليك بالاااكس بي اس بما انك متعود على الديل ومواصفاته روعه:

Processor: Intel Core Duo T2600 (2.16 GHz)

Memory: 2GB @ 667MHz - 2 DIMM Slots (2 x 1GB) (Max Ram 4GB)

Hard Drive: 160GB capacity at a speed of 7200 RPM

Graphics Card: NVIDIA GeForce Go 7900 GTX with 512MB DDR memory

تاخذه وانت مغمض وترى فيه كذا موديل وانت شوف الي يناسبك وقارن الااسعار قبل يعني شوف الفرق من مكان لين مكان لكن نفس المواصفات وعليك بالعافيه مقدما .


http://regmedia.co.uk/2007/11/28/dell_xps_m1530_1.jpg

[لمت داااون]

تسلم على الرد كفيت ووفيت يالشيخ

الموضوع رائع ويستاهل التثبيت :victory:

لك كل الشكـــر

[sad-o-bas]

يعطيك ألف عافية..

:)

[Qt.1]

حياكم الله وتستاهلون كل خير.

[musel999]

يالطيب بغيت اخذ لابتوب جديد حق استعمال نت واغني وفيديو هل السوالف العادية
حدود من 4000 الا 5000
وش تنصحني hp_dell ولا توشيبا
وماتقصر

[Qt.1]

يالطيب بغيت اخذ لابتوب جديد حق استعمال نت واغني وفيديو هل السوالف العادية
حدود من 4000 الا 5000
وش تنصحني hp_dell ولا توشيبا
وماتقصر

هلاا اخوي....


والله لو يعني انا مكانك وخيروني بين هالثلااثه طبعا بختار توشيبا من غير تردد مش معناتها ان باقي الاجهزه مب شي لكن لاان توشيبا احسنهم.

الحين الله يسلمك محل PC ONE الي في طريق سلوى مسوي عروض حلوه واسعار بعد حلوه.

انا بحط لك مواصفات جهازين لاني انا مب عارف انت شنو حجم الشاشه الي اتفضله بحط لك مواصفات الجهاز الي شاشته 15.4" وسعره تقريبا 4599 ريال رقم الموديل
A300-1GR

طبعا انتل كور تو دول وسرعته 2.2 ميجا هرتز + الرامات 3 جي بي + الهاردسك 250 جي بي

والثاني رقم موديله U400-138 الي حجم شاشته 13.1" وسعره 4799

طبعا انتل كور تو دول وسرعته 2.2 نفس سرعة الجهاز القبلي + الرامات 3 جي بي + الهاردسك 320 جي بي

يعني الجهازين ممتازين لكن الي يفرق حجم الشاشه الااولي اكبر ويفرق حجم ذاكرة التخزين الثاني 320 والااول 250 انا برايي تاخذ الثاني لاان شاشه بحجم 13.1 كفايه وبتخلي حجم الجهاز حلو لكن شاشه بحجم 15.1 اشوي الجهاز بيكون كبير والخيار في النهايه لك.

والله يوفقك واتحصل الجهاز الي يعجبك.

[musel999]

يعطيك ألف عافية

ارجو من الادارة التثبيت

[Qt.1]

الله يعافيك ياخوي

[X 4 X]

مساك الله بالخير اخوي

أول شي كل عام وانت بخير

وثاني شي بخصوص اجهزة الميني لاب توب...شنو احسن جهاز نزل لحد الان؟؟ وشلي تنصح فيه؟؟ طبعاً حق شغل تصفح ومسنجر بس

و جزاك الله خير

[Marriott]

الله يعطيك العافية أخوي وعيدك مبارك . .

طلبي ياطويل العمر ، لاب توب للفيديو و الجرافيكس و الألعاب الـ 3d بالدرجة الأولى
ويفضل شاشته في حدود 14 او 13 عريضة . .

والمواصفات عالية وخصوصا الجرافيكس بغيته ( مسكت ) :) و الهارد سك نفس الكلام .

وشرايك في معالج ( الاكواد ) حصلته في كارفور نازل على Hp بس ديسك توب للاسف ويقولون هذا المعالج اقوى واسرع من الحالي ..

حبيت اعرف رايك ونصايحك لي واذا في شي جديد بينزل قولي عليه ماعليك أمر لأن اهم شي عندي اشتري شي يريحني في الجرافيكس الثلاثي الابعاد .

وبارك الله فيك يالغالي

[Qt.1]

مساك الله بالخير اخوي

أول شي كل عام وانت بخير

وثاني شي بخصوص اجهزة الميني لاب توب...شنو احسن جهاز نزل لحد الان؟؟ وشلي تنصح فيه؟؟ طبعاً حق شغل تصفح ومسنجر بس

و جزاك الله خير


وانت بصحه وسلامه يارب,,,,,

والله شقولك ياخوي اجهزة الميني لابتوب زينه ومب زينه بقولك اشلون ,

زينه لانها ا صغيره في الحجم وتاخذها معاك اي مكان وتشبك الوايرليس وسعرها ارخيص بعد وحتى اشكالها حلوه,,,,

لكن مب زينه تعال للعيوب الشاشه متعبه صغرها مايريحك في التصفح الاا اذا مع الوقت تعودت على الحجم شي ثاني ,,, اتصير حاره بسرعه هالااجهزه لاان البروسيسور الي عليهم اصغير ومايستحمل ,,, الكيبورد اصغير يلعوزك في الكتابه يعني في ناس قالو زينه وناس قالو هالااجهزه مب زينه يعني مش عمليه واختلاف الراي شي لاابد منه,,,,,

في سوق الغرافه في كذا محل ايبيع منهم بس روح شوفهم وطالع الجهاز وشيك عليه واذا ياز لك اطلبه من امازون ولتاخذه من عندهم لانه بيطلع عليك ارخص بوايد ,,,,

وانا انصحك بجهاز اسس ASUS Eee PC 1000H 80G لان حجم شاشته 10.2" احسن لك من القديم الي شاشته 7" بس وسعة الهاردسك 80 جي بي,,,

وهذي حاليا انا اشوفه احسن نوع مع انه في ايسر وفي اتش بي بعد لكن الااسس احسنهم وانا اكلمك عن تجربه لاني جربتهم,,,


http://ecx.images-amazon.com/images/I/41P9HTrLc4L._SS400_.jpg

والقرار الااخير لك بالتوفيق.

[Qt.1]

الله يعطيك العافية أخوي وعيدك مبارك . .

طلبي ياطويل العمر ، لاب توب للفيديو و الجرافيكس و الألعاب الـ 3d بالدرجة الأولى
ويفضل شاشته في حدود 14 او 13 عريضة . .

والمواصفات عالية وخصوصا الجرافيكس بغيته ( مسكت ) :) و الهارد سك نفس الكلام .

وشرايك في معالج ( الاكواد ) حصلته في كارفور نازل على Hp بس ديسك توب للاسف ويقولون هذا المعالج اقوى واسرع من الحالي ..

حبيت اعرف رايك ونصايحك لي واذا في شي جديد بينزل قولي عليه ماعليك أمر لأن اهم شي عندي اشتري شي يريحني في الجرافيكس الثلاثي الابعاد .

وبارك الله فيك يالغالي


الله يعافيك وعساك من العايدين يارب,,,,,,

والله حيرتني ياخوي لانك شددت على ان يكون الجرافيك وايد عالي لانك تبيه للالعاب الـ 3D

كل الااجهزه بتشغل الاالعاب هذي لكن ماتعطيك مثل كرت الجرافيك لاجهزة الااسس لان كرت

الااسس حاليا اقوى واحسن نوع حق الاالعاب وانا نصيحتي لك اتروح محل فاميلي لاين الي في

المنتزه لان محلهم فيه كذا نوع من كروت الااسس وبتحصل كل شي عندهم حتى اجهزة

الااسس موجوده عندهم انت مر عليهم وشوف الي يناسبك وقوله انك تبي جهاز الجرافيك ماله

عالي وخل يعطيك الااقوى وبخصوص الكواد كور فعلاا يعتبر حاليا احدث معالج نزل في السوق بس للاسف مانزلوه في اجهزة الاابتوب للحين بس الديسك توب والكواد كور معالج يعطي للجهاز اداء عالي وخاصه للملتيمديا في فرق في عرض الملتي ميديا على الكواد كور بيكون احسن بوايد وبالتوفيق ياخوي.

[البري]

السلام عليكم ورحمة الله وبركاته
اخوي تستطيع اتشوف لي جارمن 478يكون يحمل مخططات اوروبا والشرق الاوسط ودول الخليج(برو بحر)
ويكون في حالة جيدة ......... اكون مشكور لك

[Qt.1]

السلام عليكم ورحمة الله وبركاته
اخوي تستطيع اتشوف لي جارمن 478يكون يحمل مخططات اوروبا والشرق الاوسط ودول الخليج(برو بحر)
ويكون في حالة جيدة ......... اكون مشكور لك

وعليكم السلام ورحمة الله وبركاته........

والله اخوي مالي في اجهزة الجارمن لكن ان شاء الله الشباب ايفيديونك.

[sad-smile]

اخوي يعطيك العافيه بس بغيت منك خدمه
بغيت جهاز بحدود ال 5000 ريال في اسرع وقت مواصفات حلوه

[قطري vip]

اممم اخوي بسالك عن لب توب دل inspiron

مواصفاته 2.4
الهاردسك 250 جيجا
الرام 2 جيجا
وباقي الاشيا فيه

[رآعي موآجيب]

مشكور اخوي Qt.1

وبيض الله وجهك على النصائح الطيبه

طال عمرك خاطري بلاب توب صغير جدآ نفس الأسس أو الايسر الي يجي بحجم 8,9

وأستعمالي عليه بيكون تصفح أنترنت وحفظ بعض الملفات البسيطه

ولكن يهمني الكويلتي لأني ما ابي كل يوم عند محل كمبيوترات اصلح واصين

وفي نفس الوقت ما يكون مكلف ,, يعني يكون سعره معقول

تحياتي لك

[عميد السوق]

الموضوع ممتاز جزاك الله خيراً أخوي Qt.1 وأقترح أن يثبت هذا الموضوع ...من فترة نويت أشتري لا بتوب واستفسرت من الشباب وحصلت معلومات ماكنت أعرف عن الموضوع .. صراحة مفيد ..

[Qt.1]

اخوي يعطيك العافيه بس بغيت منك خدمه
بغيت جهاز بحدود ال 5000 ريال في اسرع وقت مواصفات حلوه

اسمح لي اخوي الموضوع صار له فتره توني شايف موضوعك واذا للحين ماشريت انتظر رساله خاصه منك.




اممم اخوي بسالك عن لب توب دل inspiron

مواصفاته 2.4
الهاردسك 250 جيجا
الرام 2 جيجا
وباقي الاشيا فيه

هلاا اخوي اسمح لي المشكله الموضوع مش مثبت لكني لقيته اليوم في الصفحه الااولى واذا للحين ماشريت كلمني



مشكور اخوي Qt.1

وبيض الله وجهك على النصائح الطيبه

طال عمرك خاطري بلاب توب صغير جدآ نفس الأسس أو الايسر الي يجي بحجم 8,9

وأستعمالي عليه بيكون تصفح أنترنت وحفظ بعض الملفات البسيطه

ولكن يهمني الكويلتي لأني ما ابي كل يوم عند محل كمبيوترات اصلح واصين

وفي نفس الوقت ما يكون مكلف ,, يعني يكون سعره معقول

تحياتي لك

هلا بك ياخوي والله اذا للحين ماشريت انصحك بالاايسر مع اني كنت اقول الااسس احسن لكنهم نزلو الاايسر بقرص صلب بحجم 120 ورام 1 قيقا ومعالج انتل اتوم فهشي يعطي الاافضليه للايسر وعدلو فيه اشياء احسن من الااصدارات السابقه,,, انا ماقول الااسس مش زين لكن الاايسر حاليا صار الاافضل.



الموضوع ممتاز جزاك الله خيراً أخوي Qt.1 وأقترح أن يثبت هذا الموضوع ...من فترة نويت أشتري لا بتوب واستفسرت من الشباب وحصلت معلومات ماكنت أعرف عن الموضوع .. صراحة مفيد ..

ويجزاك بمثله ياخوي هذي المشكله الله يسلمك الموضوع صار له فتره وانا ماشيكت عليه وفي بعض الشباب أسألو بعض الااسئله والسموحه منهم والله مارديت عليهم,,,,شفت اخوي لكن لو الموضوع مثبت كان احسن وكان بيستفيد عدد اكبر من الشباب,,,,,,

وهذي الغرض اصلاا اخوي من الموضوع بقولك شلي خلاني اكتبه من الااساس كنت في كارفور وواحد من الشباب يبي جهاز ايقول حق الي يبيع ابي جهاز زين قاله شنهي مواصفاته مثلاا قاله ابي شي ارخيص وزين وكل ماقاله شي قاله شنو يعني الرجال مسكين طلع غشيم المهم الي يبيع راسه عوره وعطاه اي جهاز بس يبي ايصرفه تملل,,,,,مع العلم ان في وايد شباب ماشاء الله خبره في الااجهزه وهالموضوع حق الي يبي جهاز ومحتار,,,,

واحنا بعون الله انساعده,

:)

[رآعي موآجيب]

هلا بك ياخوي والله اذا للحين ماشريت انصحك بالاايسر مع اني كنت اقول الااسس احسن لكنهم نزلو الاايسر بقرص صلب بحجم 120 ورام 1 قيقا ومعالج انتل اتوم فهشي يعطي الاافضليه للايسر وعدلو فيه اشياء احسن من الااصدارات السابقه,,, انا ماقول الااسس مش زين لكن الاايسر حاليا صار الاافضل.

:)



عسى عمرك طويل يالغالي

وعساك ذخر

تقبل شكري وتحياتي

[Qt.1]

عسى عمرك طويل يالغالي

وعساك ذخر

تقبل شكري وتحياتي



الله يرحم والديك ياخوي وتستاهل كل خير.