بخصوص اللكزس الفورويل الجديدة

[Qatari2003]

السلام عليكم شباب بختصار انا حاب اشتري اللكزس الجديده لكن بسبب الحجوزات وقائمة الانتظار صرت محتار وخصوصا ان 2009 نزل من قبل كم شهر يعني احجز 2010 احسن بس في نفس الوقت قاعد اشوف بالشوارع بدت تكثر الكزس يعني ممكن نشوف نزول عما قريب في اسعار الكزس الجديد بسبب توفر السيارة في المعارض.

هل احجز 2010 من الوكالة احسن او انتظر لين المعارض تنترس ويصير وايد ناس يبون كاش يعني يشتري 2010 جديدة عن طريق البنك اقساط وينزل قيمتها علاشان يستفيد من قيمة السيارة كاش.

ايش هو رايكم؟؟

[السد]

الرأي اخوي
تلقائيا اللي حجز موديل 2008 وما حصل بيعطونه الشركة موديل 2009
واللي حاجز موديل 2009 وما حصل بياخذ موديل 2010
ولا تنسى اخوي
بقية الالوان الطلب فيها قليل مقارنة باللون اللؤلؤي
واذا خاطرك في اللكزس الجديد
موتري بيوصل شهر 12
واول ما يوصل بابيعه

[مستثمر رشيد]

نصيحتي لك ........ اثناء اجازة العيد روح الحساء وكالة عبداللطيف جميل وخذ معاك 20 الف ريال سعودي كاش .... واعملك حجز على سيارة لكزس من هناك .......... وبالكثير بالكثير 5 شهور والموتر عندك

[مافيا قطر]

مبروك مقدما الشيخ وفعلا الاسعار مرتفعه الان لكن من وجه نظرى تنطر كم شهر بعد يمكن ينزل السعر لما الوكاله يكون عندها فايض وتبتدى تنزل من السعر شوى اما عن 2010 احنا ليس فى 2008 وما دخلنا على 2009 اما المعارض لما تشوف الوكاله بدت توفر وبكميات تغطى الزبائن شى طبيعى المعارض تنزل بعد اشان العالم يشترون من عندهم انا حاجز من شهر 2 وقالو لى على شهر 12 او 11 بيوصل الموتر وهاى انا ناطر على الاقل اخذ 2009 ومن الوكاله وترى الصبر زين وانا اخوك ولا تستعجل وانت لك حريه الاختيار

[القطري554]

والله يمدحون موديل 2011
بنغير الحجز

الله يوفق

[Qatari2003]

اخوي القطري 554 اشلون احنا تونه في 2008 ويمدحون 2011 من شافة او سمع فيه احنا وايد علينا 2010

[البيت بيتك]

الله يوفقكم

[vip-30003]

السلام عليكم...

الشيخ لا اتعور راسك .. روح المعارض بتحصل لكزس 2009 ولو بيفرق كم ... 20 الف ولا شىء..

وفي ناس اتبيع حجز السيارة .. شيك في الوكالة او اسئل الشباب ..

بصراحة من الاخر افضل سيارة فورويل هي اللكزس .. من كل ناحية

وانصحك لونين مافي غيرهم ابيض او اسود .. لان في حالة البيع بتفرق معاك .. هاللونين مطلوبين

[القطري554]

لا تعليق

[بـــ ح ـــر]

فيه واردالسعودية 2009لؤلؤي رقم2 طالب فية راعيه 340اصفار

[الخارجية]

أخوي انتظر أحسن