مشروع تجاري ..

[المتألم]

مرحبا أيها الأصدقاء ..

لو أفترضنا أن لديك 100ألف ريال

وتريد أن تبدأ بها مشروعا تجاريا أيما كان

بسيطا سهلا صعبا
المهم أن تبدأ ..

فبماذا تنصحون ..

هل يتاجر بها في السيارات مثلا ..
في الأسهم مثلا ..
في شراء باص وتأجيره مثلا
في جلب بضاعه من الخارج مثلا ..

في ..

في ..

مع ذكر مصاعب كل أحتمال ومشاكله ..
...


أريد نصيحتكم في مشروع تجاري يكون الخطوه الأولى لمرحلة قادمه

مع توفر الصبر وما إلى ذلك ..

بغض النظر عن المبلغ ..
هذا المتصفح نريد أن نرى فيه أنواع الأفكار التجارية مع شرح واضح يجعلها قيد التنفيذ ..

بالنسبة للمبلغ قد يكون صغيرا بالنسبة لمشاريع كثيرة ولهذايمكن ذكر المبلغ المناسب لكل مشروع مقترح ؟


بالإنتظار للإستفاده إذ أن الوظيفه لا يمكن الإتكال عليها في هكذا وقت ..


خالص الود ..

[nor85]

والله كل مشروع وله مخاطره وارباحه ممكن ناس تربح على طول وممكن العكس وممكن تبتدي بمشروع تاجر شنطه وتعرف حد يقدر يسوقها لك ولازم تجيب بضاعه ماتكون موجودة في الدوحه .. بالتوفيق

[المتألم]

مساء النور يا نور

كل شئ بالحياة له مخاطره حتى شرب الماء

الموضوع هنا هو بحث وموسوعة لو أراد الأخوة لمناقشة المشاريع

حتى مشروع الشنطة التي ذكرتيها

المراد أن نضع هنا المشروع وتكاليفه وشرح مختصر له مع بيان خطورتها ونسبة النجاح فيه ..

وتبقى الأرزاق بيد رب العالمين

إِنَّ اللَّهَ يَرْزُقُ مَنْ يَشَاءُ بِغَيْرِ حِسَابٍ (37) آل عمران ..


كوني في الجوار ..

[البائع]

فكرة الموضوع ممتازة

اشكرك على الطرح

انا في رايي .. اللي يريد يبدأ مشروع يبحث عن الابتكار ولا يكرر الموجود

//

[المتألم]

فكرة الموضوع ممتازة

اشكرك على الطرح

انا في رايي .. اللي يريد يبدأ مشروع يبحث عن الابتكار ولا يكرر الموجود

//

مرحبا أيها الكريم

يصبح الموضوع ممتازا لو تفاعل معه الأخوه

ورأيك جميل

وننتظر الأفكار ..


تسلم فديتك

[عديـل الـروح]

انا عندي مشاريع افكر فيها لنفسي - بس لا يضرني اذا تشاركنا بالاراء والافكار

والرزق من رب العباد

1 - مطعم - والاهم : المكان .
2 - كافاتيريا : شاي كرك - فطائر بسيطه - والاهم : المكان
ويفضل داخل محطه بترول
مثال وليس للمقارنه : النعيمي : ام صلال - اللاند مارك

وفالك التوفيق

[هدهد سليمان]

خطوه جيده والدارج الأن هو مجال العقار كيف ؟ استإجار فيلا كبيره وتقسيم الغرف بها وتكون مميز بالسعر .. لكن اهم شيء طريقة العرض ووضع سعر معقول وأول فيلا تأجرها ثق تماما اذا عروضك طيبه سوف يكون عندك بدل الفيلا عشره وهلم جرا .. بالنسبه للمطعم جيد لكن يريد عنايه تامه وفن في التعامل والتقديم ومتابعه من صاحب الشأن نفسه وليس الإعتماد على شيف او غيره .. لكن فكره طيبه .. عندك الدوبهي زين وشغله عدل .. عندك اكثر من مشروع اخوي بس انت اعقل وتوكل والرزق على الله .. وخذ طريقة النجاح من الناس اللي فشلت شلون؟ يعني تعرف السبب في عدم النجاح بيكون هو طريقك للنجاح .. موفق ان شاء الله

[غيمة مطر]

امممم

اعتقد انجح تجاره هي العقار ... بس تحتاج لها راس مال مو اقل من نص مليون...

وبالتوفيق

[امـ عبدالله]

اللهم باركلنا مارزقتنا


انا ياتني فلوس وراحت في يمين ويسار وتحسفت اني ماحطيتها في مشروع

جان الحين عندي مدخول ثاني لاكن باكون متابعه عشان استفيــد من الاخوان و الاخوات

[غناتي1]

زيد مبلغ ال 100 الف شوي وخل راس المال قوي

وروح جيب سيارات التيوتا من السعوديه وبيعها

على المعارض او اللي يبي (( بيع خاص )) وبتربح

الله يوفقك 00 ويرزقك

[Bu-Faisal]

دعاء لتيسير الامور وراحه البال :

( اللهم يا مسهل الشديد .. ويا ملين الحديد
ويا منجز الوعيد .. ويا من هو في كل يوم أمر جديد .
اخرجني من حلق الضيق الى اوسع طريق.. بك ادفع مالا اطيق ..
ولا حول ولاقوة الابالله العلي العظيم )

[مـــــوزه]

انا فالبدايه كانت اتعامل بالشنطه واصرفها والحمدلله كان ماشي والاغلبيه يقولون تجارة الشنطه احسن لان غير مكلفه من اجار محل وراتب شهري للعامل .. المهم عن نفسي ماحبيت اتوقف بس فهتجاره وعندي طموح
اجرب ولو اخسر (( صج بضايق )) بس باتعلم فتحت صالون نسائي واشوف كبدايه الحمدلله بس غلطتي المكان يبله دعايه عشان ينعرف ...!!!! ..
وانشالله الله يوفقني ويوفق الجميع ..

وابي دعواتكم ونصايحكم لي

[ahmed_qtr]

اهم شي في انك تبتدي اي مشروع تجاري انك تبتدي بنفسك اول شي وتشوف شنو المجال اللي تفهم فيه يعني لو انت تفهم في الخضره بس تاجر في الخضره ولا تفكر تدخل في اسهم ولا غيره لانك بتضيع ثاني شي لازم تكون متفرغ للمشروع مب تقول بمر عليه وبيمشي وثالث شي الموقع لازم متخصص في نفس تخصص مشروعك يعني مب تسوي لك محل تلفونات وسط مطاعم ومحلات فطاير وبتفكر الناس بيجونك ... اشيا وايد قبل راس المال لازم تفكر فيها ... هالكلام خلاصة تجارب 5 مشاريع فشلت في 3 منهم :)

[Abu Abboud]

انا فكرت ودرست الموضوع من كل الجوانب

1- محل جلابيات كشخه
اعياد+خطوبه+حفلات نجاح+جلابيات خفيفه للبيت

مافي حد مايدور جلابيات حلوه وخفيفه وحق كل مناسبه يعني الي يدخل المحل مايحتار ولا يطلع خالي


معظم اهل قطر يروحون يجيبون جلابيات وفساتين سهره من السعوديه ليش مايصير المحل في قطر

وله مندوبين يوصلون لين بيوت الكستمر

ويكون عندج في نفس المحل خياط حق التضيق وتوسيع

راس المال تغريبا" جيد بس لو تزيد بعد نفسها يكون احسن

والدوله الي تجيبين منها مب بعيد عندج الامارات السعوديه الكويت البحرين واخيرا" الصين وتايلند


والله يوفقج واذا باشرح مب مخلص في افكار وافكار وانشاءالله اني راح ابداء هل مشروع بعد زواجي

تدرون مصاريف العرس تهد الظهر


او نسيت صح بخصوص مكان المحل مب شرط مكان معين اهم شي البضاعه وحسن التصرف مع الكستمر

ولاتنسين عندج مندوبات يوصلون لين باب بيت الكستمر ودعايه حلوه مني ومناك ولاتنتظرين فايده اقل شي

سنه يعني الي بيدخل عليج اول سنه خليه حق المحل وعقب السنه بيرجع راس مالج باذن الله ومن بدال المحل بيصير عندج محلات

[SomeOne]

بالاضافة الى مشروعي استيراد مواد غذائية ( والي يرغب استثمر ماله في الاستيراد باخذ نسبة 24% في السنة مع ضمان راس المال )

افكر حاليا افتح مشروع طباعة البوسترات ،،

جهاز ماكنتوش متطور ب 12000 ريال
جهاز طباعة كبير لعمل بوسترات عرض متر ونصف ب 60000 ريال
راتب مصمم لا تقل عن 5000 ريال

بس مشكلتي ايجاد محل ولاارغب في شراء محل بخلو ،، وخاصة وضع الدوحة لا تسر ،، وخاصة الاخلاءات

والله يوفق الجميع

[المتألم]

انا عندي مشاريع افكر فيها لنفسي - بس لا يضرني اذا تشاركنا بالاراء والافكار

والرزق من رب العباد

1 - مطعم - والاهم : المكان .
2 - كافاتيريا : شاي كرك - فطائر بسيطه - والاهم : المكان
ويفضل داخل محطه بترول
مثال وليس للمقارنه : النعيمي : ام صلال - اللاند مارك

وفالك التوفيق

يا هلا يا عديل الروح ..
بإذن الله لا يوجد ضرر
والمشاريع متشابهه ولا يوجد مشروع لا يفعله أكثر من واحد ولهذا
إعطاء الأفكار أبدا لن يضر بل على العكس
بإذن الله يبارك ربنا في من حب الخير للجميع

وكل إنسان سينال رزقه غصبن عن العالمين ..


الأفكار جميله جدا ومعروفه
ولكنني أتمنى أن اجد الشرح الوافي لكل مشروع لنتعلم ونستفيد كيف ندير أمورنا

مجرد ذكر فكرة المشروع لا تجعلنا نستفيد كثيرا

فمن الممكن أن أسرد مئات المشاريع التي من الممكن أن يفعلها المرء
ولكن الأهم من هذا هو الطريقه والشرح ..

تحيتي لأفكارك الجميله وفكرة شاي الكرك جميلة جدا على غرار النعيمي وغيره

فكرة المطعم معروفه ومشهورة وفيها بركة
ولكن ماهي الخطوات وماذا يفعل الواحد بداية من الفكره وحتى أنتهاء المشروع

يعني حتى الديكور كيف الواحد يدبر حاله فيه ..


عديل الروح

مودتي لتعطيرك المتصفح ..

[سبع قطر]

انا من رايي بدال ماتفتح لك محل وتخسر عليه وراس مال قوي ومادري ايش

انا اقولك مافيه الا انك تصير شريطي

تاجر في السيارات والله انها مرحبه هالايام بس يبيلها تشغل مخك وتعرف اسعار السيارات عدل وخصوصا السيارات المرغوبه هالايام وكل سياره وكم تسوى

ومني منااك تدور من ربعك سيارات نظاف وتسوى وتشترهم وتبيعهم صدقني اسئل مجرب والله في السياره اقل شي تحصل 5 الاف

5 الاف على 5 الاف يساوي عشره وبدال الميه ميتين ولين يصير عندك مبلغ محترم بعدين شوف لك محل وبعدين تقدر تدبر راس المال لانه الـ 100 الف حق محل اشوف ماتسوي شي ..



والله يوفقك يالغالي

[SomeOne]

انا من رايي بدال ماتفتح لك محل وتخسر عليه وراس مال قوي ومادري ايش

انا اقولك مافيه الا انك تصير شريطي

تاجر في السيارات والله انها مرحبه هالايام بس يبيلها تشغل مخك وتعرف اسعار السيارات عدل وخصوصا السيارات المرغوبه هالايام وكل سياره وكم تسوى

ومني منااك تدور من ربعك سيارات نظاف وتسوى وتشترهم وتبيعهم صدقني اسئل مجرب والله في السياره اقل شي تحصل 5 الاف

5 الاف على 5 الاف يساوي عشره وبدال الميه ميتين ولين يصير عندك مبلغ محترم بعدين شوف لك محل وبعدين تقدر تدبر راس المال لانه الـ 100 الف حق محل اشوف ماتسوي شي ..



والله يوفقك يالغالي

لازم الواحد يبيع وجه عشان يصير شريطي ، :rolleyes2: