نزول أسعار الأراضي في المناطق الشمالية

[القناص]

البيع في شهر 5 و6 من سنة 2008
أم عبيرية الأراضي الصغيرة من 400 ألى 650 م كانت تباع شهر 6 ب 250 ريال
أم صلال محمد نفس المساحات من 400 الى 650 كانت تباع شهر 6 ب 245 ريال
أم صلال علي نفس المساحات كانت تباع شهر 5 و6 على 240 ريال للفوت
أم العمد كانت تباع الأراضي الصغيرة على 220 ألى 230 ريال للفوت
أم قرن كانت تباع ال؟أراضي 600 م على 200 ريال للفوت
والكبيرة 1200 م على 190 ريال للفوت




الآن احنا في شهر 9 -2008

أم عبيرية العرض على 240 ريال
أم صلال 230 ريال
الخور 210 ريال

المشتريين قلة( يعني بعد 3 شهور الأسعار ثابتة وبدأت تدريجيا بالنزول)

هل الأسباب كثرة المعروض أم تصريح رئيس مجلس الوزراء ببيع 104 آلاف قطعة مخططة
في يوم 11 -06-2008
أو السبب قرعة الوسيل والمتوقع أن يكون هناك بيع من الباطن
ماهو سبب التخوف والحذر الحالي من الشراء
أم السبب ملف ايران النووي وأزمة الائتمان التي تعصف بامريكا

فهل هذا يدل على بداية

[بوحمد1]

دوام الحال من المحال

[الخير كله]

يعني نبرز بيزاتنا؟؟؟؟؟؟؟؟؟؟؟

[hamoor4ever]

اتوقع المواطن بده يفلس واثر على الطلب على الاراضي فنزلت اسعارها

[الزعفراني82]

احد الافراد اشتري قطعه ارض قبل سنه في مسيمير بسعر الفوت 420 ريال و يوم عرف ان السعر الاراضي هناك ذاك الفتره 350 ريال راح اشتكي علا الوسيط و المالك و اتهمم بالغش التجاري بكن انا عندي سوال لجميع الافراد

هل السعر الي راح تشتري فيه عقارك هو سعر الواقعي للعقار في فتره الي شريت العقار ؟

بعض الافراد خوفا من ارتفاع اسعار العقار يشترون بالغالي و طبعا هذا شي راح ياثر عند البيع لأن الافراد قاموا يتعلمون مب نفس قبل و ما اعتقد الواحد لو يشتري عقار سعره 300 يشتريه ب 350 ريال و بعدين يشوف شاريه غالي و يبيعه ب 330 ريال اذا كان مجبور يكون سعر العقار نزل .

[qatarlands]

السلام عليكم
والله انا عندي راي في هالموضوع
سبب ثبات الاسعار هذه الايام اعتقد انه الكل او الغالب اتجه الى العقارات وهذه الحاله كانت موجوده من كم سنه يعني والاي يذكر ممكن من 10 او 12 سنه كانت العقارات مرتفعه .. وفجاه نزلت لاسباب سياسيه
والشيء الثاني - اتوقع انه كثرة المعروض وقلة السيوله هذه الايام .. ولاحظ الناس يعني لو اسمعوا انه الفلل مربحه الكل يتجه الى بناء فلل واذا اسمحوا العمارات مربحه الكل يتجه الى العمارات
ومن هنا الى صار اتجاه الناس الى شيء واحد اكيد انه سعره راح يقل او يثبت الين يتحسن الوضع اشوي
هذا اعتقاد
وربي يوفق الجميع انشالله

[قلب شاعر]

والله يا خوي 10 و 20 ريال في الفوت مايعتبر نزول ....هذا بسبب كثره العرض وقله الطلب فقط ومايعتبر نزول طال عمرك ... وبعدين سعر العقار يوم ارتفع ملرتفع بس 10 ريال في الفوت و 20 ريال في الفوت ...لكن ارتفع ميات على مر 5 السنوات الماضيه ومحتاج 10 سنوات ينزل على قولتك 10 ريال كل سنه اذا حصل من الأساس

وبعدين النزول لا زال مش محسوس ولا مؤثر ...يعني الفلل اللي كانت تتأجر 20 الف وحجمها مايتعدى 400 م كامل شامل البنيان والحوش ...صارت الحين تتأجر 17000 يعتبره نزول ... هذا فتره ركود وليست انحدار في الأسعار

ولك تحياتي

[Nahool]

الاقتصاد العالمي مرتبط ببعض... فااليوم البورصة و بكرة العقار... الخ.... الذهب هو الامان هذي الايام.....

[غناتي1]

الله المستعان 00 انا ما اشوف اللي يشتري بغالي باع برخيص

لازم انه مستفيد

[فتى الجود]

الله يستر