أستفسار : بخصوص طيور الكاسكو ..؟؟

[Abdulla86]

السلام عليكم ورحمه الله وبركاته

استفسار لأهل الخبره واتمنى ان تفيدوني

انا محصل طير كاسكو افريقي جامبو عمرة 3 شهور واليف جداً وحبوب

وصحته جيده .. ولون عيونه للحين سود .. وياكل بالغر

وسعره 2500 ريال

هل تنصحوني ان اربي الطير وهو فرخ لأني سمعت ان الفرخ يموت بسرعه لأن ماعنده مناعه
وهل الفرخ عنده القدرة على التآلف أسرع من الطير الكبير في العمر

وهل في سيئات للطير في هالعمر ..؟

اتمنى ان تفيدوني بكل شي .

و وين الاقى احسن مكان مركز صحي عشان اتابع حاله الطير معاهم

وهل سعره مناسب ام لأ

وشكرا والله لايحرمني منكم

[رضى]

بالتوفيق

[Abdulla86]

;3167313']بالتوفيق

يوفق الجميع يارب

[ahmed_qtr]

مرحبا اخوي

الطير في هالعمر يمرض بسرعه وخصوصا الحين بندخل في الشتا يعني احتمالات المرض اكثر واذا مرض ما بتلحق تتابع وياه مع اي بيطري وعالعموم اي بيطري بتروح له مابيكون متخصص في علاجه كلهم يعطونهم نفس الابره ويموتون اول ما توصل البيت .... بس لو قدرت تحافظ عليه وعديت مرحلة الغر وصار ياكل حب هنيه تقدر تتطمن عليه بس تتابع معاه تعطيه كله فيتامينات ويا الماي .. واهم شي انك ماتخليه بروحه لازم ياخذ عالجو وياك وتعلمه كله يركب عاليد وماتخليه في داخل القفص الا وقت الاكل او النوم ... والله يوفقك

[غناتي1]

الله يعينك على تربية الطيور 00

وخصوصا الكاسكو (( مكلفة ))

[المجروح]

شوف اخوي بودعيج انا بعطيك هالكلام من واقع تجربه بعطيك المميزات والعيوب

العيوب ان في هالعمر يمرض وصعب اتربيه يعني حط في بالك ان 40 في الاميه اموت ان كنت انت مو خبير في تربيته

المميزات اذا بغيت الكاسكو بهدف انك اتربيه واتعلمه واتكون دروس مكثفه فهاي احسن عمر
وان دربته عدل ما يمر على الطير 6 اشهر لو اييك واحد يعطيك في الطير اي مبلغ ما بتبيعه
صج تستمتع في تربيته
وثانيا ترى سعره زين انا الي اتذكر كنت ادورلي واحد قبل كم شهر ما حصلت اقل من 3500

انا اقول اخذا واهتم فيه عدل وبصحته على الاقل شهر واحد وبعدين بروح الخطر وهدك من البيطريين والكلام الفاضي لان الحيوان الصاحي ان دش عندهم يمرض انت اهتم فيه

وان بغيت بيطري شغله عدل ونظيف في بيطري بمدينة خليفه اسمه
animals care center
بس الملعون ياخذ وايد بس وايد زين

وانشالله بس افدتك بهالمعلومات

[الــجــزيــرة]

السلام عليكم ورحمه الله وبركاته

استفسار لأهل الخبره واتمنى ان تفيدوني

انا محصل طير كاسكو افريقي جامبو عمرة 3 شهور واليف جداً وحبوب

وصحته جيده .. ولون عيونه للحين سود .. وياكل بالغر

وسعره 2500 ريال

هل تنصحوني ان اربي الطير وهو فرخ لأني سمعت ان الفرخ يموت بسرعه لأن ماعنده مناعه
وهل الفرخ عنده القدرة على التآلف أسرع من الطير الكبير في العمر

وهل في سيئات للطير في هالعمر ..؟

اتمنى ان تفيدوني بكل شي .

و وين الاقى احسن مكان مركز صحي عشان اتابع حاله الطير معاهم

وهل سعره مناسب ام لأ

وشكرا والله لايحرمني منكم


أولا الفرخ احسن لك لانه يتعلم اللي انت تبيه من كلمات او وقفة على اليد وعدم العض

وثانيا بخصوص صحته مثل ماذكروا الاخوان لاتثق بأي بيطري لان أكثرهم ويمكن كلهم لديهم معلومات بإعطاء إبرة تقضي على الطيور واللي عليك انك تاخذ مضادات وفيتامينات تذوب فالماي

ثالثا بالنسبة للسيئات فهو على حسب اتمنى ان طيرك مايكون كثير الصراخ مثلا وخلك طويل بال ولاتبين للطير خوفك من العض مثلا وحط صبعك في حلجه ولاتخاف لان الخوف يولد العنف

ورابعا لاتهمل الطير وانتبه جيدا لهذه النقطة وخلك قريب منه وخله حوالين الازعاج فالبيت
لاني غلطت مع طيري واهملته وكرهني خخخخخخخخخخ

خامسا وأخيرا السعر جدا جدا مناسب ولو تدلني على المكان اللي جبت منه الطير لاني أبي واحد واكون لك شاكر

تحياتي

[Abdulla86]

مرحبا اخوي

الطير في هالعمر يمرض بسرعه وخصوصا الحين بندخل في الشتا يعني احتمالات المرض اكثر واذا مرض ما بتلحق تتابع وياه مع اي بيطري وعالعموم اي بيطري بتروح له مابيكون متخصص في علاجه كلهم يعطونهم نفس الابره ويموتون اول ما توصل البيت .... بس لو قدرت تحافظ عليه وعديت مرحلة الغر وصار ياكل حب هنيه تقدر تتطمن عليه بس تتابع معاه تعطيه كله فيتامينات ويا الماي .. واهم شي انك ماتخليه بروحه لازم ياخذ عالجو وياك وتعلمه كله يركب عاليد وماتخليه في داخل القفص الا وقت الاكل او النوم ... والله يوفقك

مشكور والله لايهينك على المعلومات ..

انا بتابع مع دكتور بس بدون ابر .. لأن من كلامك يدل ان الأبر مش زينه للطيور

والله لايهينك الشيخ

[Abdulla86]

الله يعينك على تربية الطيور 00

وخصوصا الكاسكو (( مكلفة ))

الله كريم ياما ربينا حمام وتكلفنا وفي الأخير بعناهم بسعر التراب

ماقصرت على المرور

[Abdulla86]

شوف اخوي بودعيج انا بعطيك هالكلام من واقع تجربه بعطيك المميزات والعيوب

العيوب ان في هالعمر يمرض وصعب اتربيه يعني حط في بالك ان 40 في الاميه اموت ان كنت انت مو خبير في تربيته

المميزات اذا بغيت الكاسكو بهدف انك اتربيه واتعلمه واتكون دروس مكثفه فهاي احسن عمر
وان دربته عدل ما يمر على الطير 6 اشهر لو اييك واحد يعطيك في الطير اي مبلغ ما بتبيعه
صج تستمتع في تربيته
وثانيا ترى سعره زين انا الي اتذكر كنت ادورلي واحد قبل كم شهر ما حصلت اقل من 3500

انا اقول اخذا واهتم فيه عدل وبصحته على الاقل شهر واحد وبعدين بروح الخطر وهدك من البيطريين والكلام الفاضي لان الحيوان الصاحي ان دش عندهم يمرض انت اهتم فيه

وان بغيت بيطري شغله عدل ونظيف في بيطري بمدينة خليفه اسمه
animals care center
بس الملعون ياخذ وايد بس وايد زين

وانشالله بس افدتك بهالمعلومات

خوفتني الشيخ ان النسبة 40% بيموت الطير على يدي ان كنت ماعرف بتربيته .. وبيني وبينك والله اني عليمي باخذ الطير على عماي ولا اعرف شي في تربيته

بس إن شاء الله بحاول اسأل و أتطقاس واشوف الشباب اللي عندهم هالنوعيه من الطيور

والله لايهينك الشيخ وكفيت و وفيت

[Abdulla86]

أولا الفرخ احسن لك لانه يتعلم اللي انت تبيه من كلمات او وقفة على اليد وعدم العض

وثانيا بخصوص صحته مثل ماذكروا الاخوان لاتثق بأي بيطري لان أكثرهم ويمكن كلهم لديهم معلومات بإعطاء إبرة تقضي على الطيور واللي عليك انك تاخذ مضادات وفيتامينات تذوب فالماي

ثالثا بالنسبة للسيئات فهو على حسب اتمنى ان طيرك مايكون كثير الصراخ مثلا وخلك طويل بال ولاتبين للطير خوفك من العض مثلا وحط صبعك في حلجه ولاتخاف لان الخوف يولد العنف

ورابعا لاتهمل الطير وانتبه جيدا لهذه النقطة وخلك قريب منه وخله حوالين الازعاج فالبيت
لاني غلطت مع طيري واهملته وكرهني خخخخخخخخخخ

خامسا وأخيرا السعر جدا جدا مناسب ولو تدلني على المكان اللي جبت منه الطير لاني أبي واحد واكون لك شاكر

تحياتي


مشكور اخوي الجزيرة على النصائح الحلوة

و كفيت و وفيت

[المجروح]

اخوي انت اخذ كرتون صغيير وحط قطن داخله وخل الكاسكو داخله
يعني اهم شي اكون مكان دافي والاهم ان المكان اتم حرارته ثابته مب مره برد مره حر
وانشالله كلشي اصير تمام وان حسيت ان الطير تعبان في هالحاله تقدر اتوديه بيطري
والبيطري الي كتبتلك اسم عيادته ترى وايد زين واصله اظن اسكتلندي
انا اقول اخذه والله اوفقك

[Abdulla86]

تسلم لي والله اخوي المجروح

إذا عندك رقم تليفون المحل ياليتك تعطيني اياه

لأني حاولت اطلعه من 180 وماعطوني اياه

والله لايهينك

[بودحوم]

أخوي نصيحه إذا لقيت واحد عمره 6 أو 7 شهور بيكون احسن لك من عدة نواحي

1- بيفكك من عبالة الغر
2- تضمن ان تعديت مرحلة الخطورة على الطير بالنسبة للسن ( لأن نسبة كبيرة من الفروخ يموتون عندنا في مثل هالعمر )


بالنسبة لسعر الطير . ممتاز

وبالتوفيق أن شاء الله

[sammak]

مرحبا

اخوي اذا انته هاوي انصحك تاخذ كبير متدرب و متعلم لانه بيوفر عليك وقت و جهد و لانه التربية و التعليم على الكلام تتطلب خبرة و وقت :)

اذا حبيت اعرف ناس متخصصين بيساعدونك

[برق قطر]

animals care center

ممتااااااز وغاااالي

[alsnafi]

بتوفيق

[خوي الشوق]

من واقع تجربتي اول شي ماتخلي الطير في المكيف الاحسن انك تخليه في ممر يعني بعيد عن المكيف واذاطلعته برع لا اتدخله على طول في مكان بارد ويكون الماي وسط مب بارد ولا حار صدقتني انه الطير بيكون في صحه طيبه واذا تبي تستفيد اكثر ادخل موقع البيطره العربيه بسير خبير في الكاسكو