مطلوب او استفسار اشلون اقلب موتري اسبير علاق Gx

[Qatari-21]

السلام عليكم اخواني

حبيت استفسر عن الباب الخلفي للــ جي اكس اذا حد عنده او يعرف محل يقلب الباب وبكم يالربع ويعطيكم العافيه

[السد]

نصيحيتي بيع الموتر ولا تقلبه علاق
واشتر لك جديد علاق

[لورنس العرب]

اللي اعرفه ان في الوكالة يسونه لك ب5000 ريال تقريبا

[Qtr33]

عشان تقلبه سبير علاق تحتاج شيئين الحديده مالت السبير + الباب الخلفي اللي تحت بـس وبعدها تشوف لك كراج شغله نظيف يسوي لك الموتر ولاتنسى تشتري العلامات وتسكر مكان علامة التويوتا (اللي تجيك في النص) واتوقع الباب والحديده بتحصلهم في السكراب وحاول تشوف الباب وتتأكد ان مافيه معجون

[فلفل حار]

موديل كم يالغالي ؟:omen2:

اذا الموديلات القديمه 2007 وتحت انصحك تسويه بالامارات ، بس اذا تبي بالدوحه شوف كراج الالوان ، يسويلك كل شي مع صبغ الباب اخبر بـ2500 ريال

واذا موديل 2008 مانصحك تسويه بكراج ، اغلبهم مايعرفون له ويكذب الي يقولك انه مسوي وانه يعرف ، مثل ماقالو لك الشباب يا تبيعه وتشتري لك علاق من وكالته احسن بلا اصوات تقرقع ولا يطيح عليك الاسبير

او انك تسويه بالوكاله بس بيتأخر الموتر عندهم ويمكن ياخذون لك 5 او 6 الاف

الله لايهينك ، خبرنا شيصير معاك يالغالي ، شكلي انا بركب اسبير علاق مثلك هههههه:victory:

[Night KNight]

موديل كم يالغالي ؟:omen2:

اذا الموديلات القديمه 2007 وتحت انصحك تسويه بالامارات ، بس اذا تبي بالدوحه شوف كراج الالوان ، يسويلك كل شي مع صبغ الباب اخبر بـ2500 ريال
:victory:

اخـوي فلفل حار

2500 ريال والحديده وكل شي عليه .؟

و وين مكان الكراج

وبشرنـا شصـار معاك ياراعي المووضوع

بالتوفيق للجميع

[الكواري 1972]

اما كراج الالوان 2500

خذنا الباب والحديده من عنده 2800 ريال

والتركيب عند الشاذلي 1200 ريال

يعني 4000 ريال نوط ينطح نوط لا بعد العلامات سعرها غير

اما الوكاله قالو لي لازم تغير الباب اللي فوق يبون يشفطوني

:)

قصدي على 2002 gxr

[المحترف]

الشيخ انا قالب موتري اسبير علاق في الامارات
روح صناعية الشارقه ورا سيتي سنتر الشارقه
بتلقى محل اسمه الطاؤوس ومايكلفك اكثر من 2000 درهم ....

[Qatari-21]

ارحم الله والديكم يالربع على المعلومات الطيبه وان شاء الله بنروح عقب العيد كراج الالوان لان يقولون في العيد مبندين

[المخفي]

بس اشلون فيه قرقعة لانه ما اعتقد بيكون نفس المصنع