ايهما افضل للبيت.. وجود الدريول ام سواقة الزوجة..؟؟

[Bu Rashid]

صراحه لا اعرف من اين ابدء ولكن العنوان واضح....
وممكن الموضوع انطرح من قبل... ولكن لا اعلم....

البيوت الان لا تخلى من سائق او اكثر... ومشاكلهم لا تعد ولا تحصى
ومن وجهة نظري بان السائق... قنبله موقوته في البيت...!!!!
ولكن ممكن اكون غلطان...بس حبيت اسمع وجه نضركم في هذى الموضوع...
لن الكثير من الاعضاء عندهم اراء جميله ومفيده...

فايهما افضل للبيت.. وجود الدريول ام سواقة الزوجة..؟؟

[ANONYMOUS]

ايهما افضل

سواقة الزوجه.. او الزوج يتلايط ويشوف هله ويشوف طلاباتهم بدال ماهو رابض بالمجلس.. ولا متشحطط في الشوارع ولا القهاوي ولا قاعد على النت؟

[عاشق الشهادة]

صراحه لا اعرف من اين ابدء ولكن العنوان واضح....
وممكن الموضوع انطرح من قبل... ولكن لا اعلم....

البيوت الان لا تخلى من سائق او اكثر... ومشاكلهم لا تعد ولا تحصى
ومن وجهة نظري بان السائق... قنبله موقوته في البيت...!!!!
ولكن ممكن اكون غلطان...بس حبيت اسمع وجه نضركم في هذى الموضوع...
لن الكثير من الاعضاء عندهم اراء جميله ومفيده...

فايهما افضل للبيت.. وجود الدريول ام سواقة الزوجة..؟؟





من وجهه نظري سائق بس بشرط (بوجود محرم ) :)

[(الفيصل)]

شكرا يااخ بوراشد على طرح هالموضوع(الذي قُتل بحثا):)
ولامانع من المشاركة فيه لعل وعسى تتوسع المدارك عن بعض العقول المغلقة
لايمكن ان نجيب على سؤالك بالمطلق لان كل أسرة لها ظروفها
فاحياناً يفضل ان تكون الزوجة تقود السيارة
واحياناً اخرى من الاسلم لها ان لاتفعل ذالك
فالامر نسبي اذن اخي الكريم
(فكل واحد وظروفه واسلوب معيشته وعاداته وتقاليده ايضا).
تحياتي لك

[الامل القديم]

سواقة المراءه اامن بس بشروط زوجها

او والدها او اخوانها يعني ما تسوق ويرخون لها الحبل

[اكسجين]

شكرا يااخ بوراشد على طرح هالموضوع(الذي قُتل بحثا):)
ولامانع من المشاركة فيه لعل وعسى تتوسع المدارك عن بعض العقول المغلقة
لايمكن ان نجيب على سؤالك بالمطلق لان كل أسرة لها ظروفها
فاحياناً يفضل ان تكون الزوجة تقود السيارة
واحياناً اخرى من الاسلم لها ان لاتفعل ذالك
فالامر نسبي اذن اخي الكريم
(فكل واحد وظروفه واسلوب معيشته وعاداته وتقاليده ايضا).
تحياتي لك

الموضوع مقفل بعد رد اخونا الفيصل :) جزاه الله خير .

[..الاميرة..]

اخوي بوراشد إذا قدرت جيب سائقة (امرأه) افضل من السائق ..
لان الفترة الاخير اشوف أغلب العائلات تجيب سائقات ..

[الخير كله]

امران احلاهما مر

[ابن قطر]

شكرا اخوي بو راشد على الموضوع الذي يشغل اكثر ارباب الاسر
اعتقد بالوضع الحالي وتسكير الشوارع واختلاف وتباعد المدارس
واي مشوار تحتاج لاكثر 40 دقيقه اصبح الاختيار يجمع بين
السائق وحتى لو الزوجه تحمل رخصة نفهم من هذا ان اشغال
الزمت علينا كل انواع الدروليه وتقبل مشاركتي
والف شكر

[مزيون الدوحه]

طبعاً سواقة الزوجه افضل

[باقيـﮧ على ذ ڪرآڪ]

السلام عليكم اتا افضل السائق بدلا من انه تكون الزوجه اوالمراه بشكل عام هى الى تسوق الافى اضيق الحدود لانى اشوف شوارعنا من الزحمه ماعاد ترحم والسائق صار ضروره مو من الكماليات ومستحيل اركب مع الدريول بروحى لاانى خوافه ولانه حراااام

[ajaqeel]

الامر نسبي من بيت الى بيت

[اروع سهم]

اعتقد في هذه الضروف وفي الزحمة الحاليه وكثره المدارس بانواعها الاجنبية والمستقله لابد ان يوجد سائق او اثنان وكذلك المرأه تقود السيارة والزوج ويالله يالله يسد الحاجة

[LOLOO]

يعطيك العافية بو راشد على الموضوع...
يمكن قبل 10 سنين مافي مقارنة الغالبية يؤيدون السائق..
اما الان فااعتقد ان النسبة تساوت واصبحت قيادة المرأة للسيارة شيئا مألوفا خاصة بعد مشاركة المرأة للرجل في جميع مجالات العمل..
اما بالنسبة لي شخصيا فالافضل السائق طبعا....لاسباب عدة اهمها عدم الرغبة في السواقة..

[Affable Lady]

جنت على نفسها اللي تسوق :( مع احترامي
كل بيت وله ظروفه .. وعني أفضل السائق.. لأن شغله لايقتصر على التوصيل فقط ..
واذا لابد يتوافر سائق فلا بد يتوافر راعي البيت ويحط عينه على بيته ومن فيه.

[العـوا]

سواقة الزوجه

[Arab!an]

نعم لكل بيت ظروفه


ولكن هل التزم الجميع باختلاف ظروفهم


ام من ينظر اليهم يعتقد ان ظروفهم سواء ؟



كل العوائل تقريبا عندهم دريوليه .. فهل لكل العوائل نفس الظروف؟




انا افضل ان الزوج هو اللي يودي هله .. (والحمدلله انا في كامل قواي العقليه)


اولا .. ماراح تطلع المره بأي حزه ومتى ماودها شلت شلايلها واطلعت والزوج مايندرى وينه
لأن الزوج متى ماكان موجود ماراح يوافق على كل طلبات المره .. بينما الدريول عبد مأمور


ثانيا .. الزوج راح يكون موجود دائما .. يعني راح يحس بجزء مهم من مسؤولياته .. بدال ماهو معتمد على الدريول .. وهو يمكن قاعد بالقهوه .. والا (الله يعلم وينه)


اما في حاله الظروف اللي تمنع الزوج من التواجد بسبب مشاغله (الكثيره جدا).. وخلاص لازم سائق .. انا افضل وجود سائقه .. الحمدلله الحين موجودين ومتوفرين

[بن علان]

بعض الزوجات لا يملكون الجرأة كي يُقدموا على قيادة السيارة وزوجتي إحداهن وخوفي عليها من شرور الطريق ورهبتها من الإقدام على هذه الخطوه ما يمنعنا المضي قُدما.

ورفضي لفكرة السائق جعلني أتحمل المسؤولية كاملة وهي بالفعل شاقة.

أنا مع قيادة الزوجة للسيارة بشرط أن يكون لديها الإستعداد النفسي والمهاري كي لا تتسبب في عمل كوارث طرق فلا تؤذي بها نفسها وعائلتها والمجتمع.

[سهم طايش]

دريول طبعا يفكك من العبالة

بيغسل السيارت و بيجيب الاغراض و حق المطراش في عز الظهاري و القفار و بينزل المره لي عند باب المجمع و بيفك هلك من البحث عن موقف في المولات و الاسواق شوفت عينك زحمة ما في موقف حق سيكل و كل هذا و معاشه 700 ريال يا بلاش 0

سلبيات سواقة المره :

1- تسبب زحمة عند الدوارات و الاشارات و تصيدها نفاضة و ام الديفان لي صيحت لها هرن 0

2- في حالة اي عطل او بنشر لازم تتصل في بعلها يجي يضرب جيك 0

3- مأساه عند المولات و الاسواق مع المواقف 0

4- تحرم الدريول الفقير من الراتب 0

[إنسان]

دريول طبعا يفكك من العبالة

بيغسل السيارت و بيجيب الاغراض و حق المطراش في عز الظهاري و القفار و بينزل المره لي عند باب المجمع و بيفك هلك من البحث عن موقف في المولات و الاسواق شوفت عينك زحمة ما في موقف حق سيكل و كل هذا و معاشه 700 ريال يا بلاش 0

سلبيات سواقة المره :

1- تسبب زحمة عند الدوارات و الاشارات و تصيدها نفاضة و ام الديفان لي صيحت لها هرن 0

2- في حالة اي عطل او بنشر لازم تتصل في بعلها يجي يضرب جيك 0

3- مأساه عند المولات و الاسواق مع المواقف 0

4- تحرم الدريول الفقير من الراتب 0

ههههههههههههههههه

جزاك الله خير على النقطه الرابعه :nice:

[الوعد2016]

يالغالي بكل صراحه نساء اول هم من يركب الله يعزكم الحمير والجمال والخيل وهي من ترد الى الماء وهي من يسرح مع الحلال وهي من تجلس في البيت وهي من تقلط الضيوف وكان كل شي عليها حتى تربيه الاطفال وترتيب البيت
ولكل شي سلبيات ايجابيات في السابق وفي الحاضر وكذالك السائق له سلبيات وايجابيات
بعض الناس ما عندهم محرم في البيت يعني لازم تروح الشغاله مع المراءه في كل خطوه بعض النساء الله منعم عليهم بخدم وحشم وتحشر نفسها في السواقه وبعض النساء يسوق لتوفير 700 لهم بدل السائق وبعضهم بس كشخه
والكل يلاحظ البنت العاقل كيف تسوق والبنت الغير عاقل كيف تسوق يعني اذا اخر اليل وتجاكر شبباب او اول اليل وتجاكر الشباب وحاطه من الاصباغ على وجهها تقول مهرج او طبقه من المعجون اذا ضربة مطب طاح المعجون

[بنت الحرمي]

من رايي

مب اي مرة تسوق في حريم سواقتهم كانها سواقة شباب ولا كأنها الاخت داشة سباق فورملا ولا ناسكار

وحريم من تشوف قطو يمر جدامها تخرعت ولا عرفت وش تسوي شوي الا الاخت داعمة سيارة ثانية ولا راكبة على الرصيف

اما في حريم صج سواقتهم لا يعلى عليهم ،، على عكس بعض الشباب اللي المفروض يسحبون لياسنهم :tease:

يعني الشي نسبي ويختلف بختلاف القدرة على تحمل مسؤولية السيارة

الخوافة والمتهورة تقعد مثل البرنسيسة وتخلي السايق يتولى القيادة
ولا تخلي زوجها \اخوها\ ابوها يوصلها :D،، ولا وش فايدة الرجاجيل في البيت ؟:looking:

[joOoreee]

انا عندي سايق ولو كان الامر بيدي
ما بي سايق ولا ابي اسوق ابي
طويل العمر الي من مجلس الى قهوه
الى رحله كل ويك اند يوصلني
لكن لا حياة لمن تنادي

[ريتال]

لو الزوج بيتحمل مسؤلية البيت والمشاوير خير وبركة

بس ما في أمل وين تلاقي :omen2:

انا مع سواقة الزوجة اما الدريول يبيله محرم والا خدامة وذي مب متوفر دايما

[اعالي الجنان]

دريول طبعا يفكك من العبالة

بيغسل السيارت و بيجيب الاغراض و حق المطراش في عز الظهاري و القفار و بينزل المره لي عند باب المجمع و بيفك هلك من البحث عن موقف في المولات و الاسواق شوفت عينك زحمة ما في موقف حق سيكل و كل هذا و معاشه 700 ريال يا بلاش 0

سلبيات سواقة المره :

1- تسبب زحمة عند الدوارات و الاشارات و تصيدها نفاضة و ام الديفان لي صيحت لها هرن 0

2- في حالة اي عطل او بنشر لازم تتصل في بعلها يجي يضرب جيك 0

3- مأساه عند المولات و الاسواق مع المواقف 0

4- تحرم الدريول الفقير من الراتب 0

مؤيده لكلامك انا فعلا كنت ناويه اجيب سواقه وباشرت بالاجراءات

بس قلت السواقه ماقدر اعتمد عليها بكل شي نفس الدريول للاسباب اللي ذكرتها

السواقه بعتمد عليها فقط لتوصيل العيال طيب والامور الثانيه من متطلبات البيت و و و ..الخ صعبه عليها عكس الدريول

[المشتاقه الى الجنه]

أنا مع سواقه الزوجه اذا الزوج مش فاضي حق بيته
أما الدريويل ماله داعي لأنه مشاكلهم وايده

[شيزكيك]

انا مع سواقة المره انا وزوجي نشتغل واليهال في المدارس وفترة الصبح محد في البيت

وماعنده شغل اكيد بيروح بيتكس في سيارتنا والعصر ابونا موجود فبالنسبة لي الحمدلله

ما احتاج الدريول بروحهم مشاكلهم وايد الي يشرد والي يدعم والي يحن يبي زيادة

[هداف]

جيب لك دريول او سائقه اريح لك وعز هلك من السواقه ترى النسوان ما يعرفون يسوقون ماعندهم سرعة بديهه وثلثين الحوادث بسبتهم كا طرف ثاني بعد السرعه

وللعلم الخدم والغلمان والصبيان منذ القدم في البيوت من قبل الاسلام وما بعده لايجيك من يبرر سواقة المرأه بأعذار واهيه اللي تبي تسوق خلها تسوق بموافقة ولي امرها من غير تهويل ولا تبرير على حساب الغير

[$بيرق العز$]

تبيون الصرحه والا لا؟ انا اشوف ان اثميمخك شر لابد منه ف مثل مقال افيصل كل واحد وظروفه مع اني اشوف أن الدرول ارحم شوي

[AmOuR]

طبعاً سواقة الزوجه هي الافضل ..

بس ...

في أحيان تلزم وجود السواق ..

مثلاً ..

حق السوق " ما في مواقف "

حق المدرسه والجامعه " الوالده موظفه " .. صعبه التوصيله .. أحياناً اكون أوكي حق المدرسه ..

بس حق الجامعه ما أظن ..

لأان أوقات الجامعه تختلف من يوم للثاني ..

[Ghost]

روح عند مستشفى حمد او مكان يتجمع فيه السائقين فضايح كل واحد بيقول للتاني فضايح او اسرار البيت اللي هو فيه والله يستر علينا وعلى المسمين قولو امين

[غزلان]

كل بيت حسب ظروفه وماهو الأفضل له اذا الزوجه تسوق بموافقة ولي الأمر افضل لكن بحدود

شكرا

[بوحارب]

بالنسبة لوجهة نظري المتواضعه :looking:

ولا واحد

لا سواق ولا الزوجه تسوق :no2:

يمكن يجي واحد ويقولي وش الحل يابوحارب :unsure:

الحل موجود تحت

انزلوا شوي














اقروا المكتوب في هالرساله :deal:


تسلم يابوراشد ع الموضوع المهزوم:shy:

[غزلان]

بالنسبة لوجهة نظري المتواضعه :looking:

ولا واحد

لا سواق ولا الزوجه تسوق :no2:

يمكن يجي واحد ويقولي وش الحل يابوحارب :unsure:

الحل موجود تحت

انزلوا شوي














اقروا المكتوب في هالرساله :deal:


تسلم يابوراشد ع الموضوع المهزوم:shy:



:D

--

[الأستشاري]

يعطيك العافية بو راشد على الموضوع...
يمكن قبل 10 سنين مافي مقارنة الغالبية يؤيدون السائق..
اما الان فااعتقد ان النسبة تساوت واصبحت قيادة المرأة للسيارة شيئا مألوفا خاصة بعد مشاركة المرأة للرجل في جميع مجالات العمل..
اما بالنسبة لي شخصيا فالافضل السائق طبعا....لاسباب عدة اهمها عدم الرغبة في السواقة..

اتقولين هشكل .. بكره صدقيني راح تاخذين ليسن وتسوقين وتحسين انك محتاج اتسوقين . وبعدين خلاص أول أن قول العادات الأجتماعية تمنع اليوم لالالا صار سواقة المره أريح للريال وكل الريايل يتمنون حريمهم يسوقون اريح وأحسن من سندارة الأدريول . وبعدين اكشخ السيارات عند البنات هل الأيام وخاص الاندكروزر .

[ANONYMOUS]

بس حبيت اشرح لكم وجهة ظري عشان محد يزعل

المشكله.. لو الحرمه تسوق وبس.. تروح للدوام.. على عيني..


بس تروح الدوام..

توجب صديقاتها..

تروح لهلها كل ويكند..

تروح الجمعيه..

تشتري الخضره..

تشيك البريد..

تشرب كرك..

تروح الاسواق..

تدور في الشوارع بلاهدف..

تتمشى في الكورنيش..


تسابق بعض المرات.,.

تناظر يمين ويسار..

تدفع فواتير كيوتل..

تنزل المخبز..

تنزل الشيشه تاخذ لها حجر.. ( باقي تلعب ورقه)

تروح المطاعم..

تروح تلعب العيال..

توصل عيالها المدارس..

تروح الصيدليه..

تروح النجار..

تروح الكهربجي..

تروح البنشري..

تروح البايب فتر..

تدق هرن قدام الدكاكين..

تمر ع المعاصر..

تروح الكوفي شوبس..

تغسل سيارتها جيك..

نروح الخياط..

تروح الصناعيه..

تروح سيلين..

تروح الغاريه..

تروح الشمال..

تروح اماكن نزول المطر..

تروح تدور اسمنت وطابوق...

تشرف على الصبغ ولا الانترلوك في البيوت..

غير كلام الناس.. مرت ال بوفلان رايحه وجايه..

وشمطلعها هالحزه..

وش موديها الحين..

ماعندهم رجال بالبيت..



يعني في نهاية اليوم.. تشوف الحرمه.. ناقص تلبسها غتره وعقال.. امحق حريم

وين المعززه المكرمه الناعمه داخل البيت..

ترد البيت تلقى مره بمعنى الكلمه..

مب ترد البيت.. وعقب ساعه ولا ساعتين.. داشه ام الشباب مدرعمه تبي تنام




الله لايبلانا ان شاء الله

[طير شلـوى]

[CENTER][SIZE="7"]مع

:victory::victory::victory::victory::victory:

:nice::nice::nice:

\

[مستثمر تحت التعليم]

بالنسبه لي أنا ضد سواقة الحريم ولايمكن أخلي زوجتي تسوق في يوم من الأيام وأن كان عندها شغل ضروري أوديها بس سوالف الأسواق اليوميه بحاجه وبدون حاجه ماحبها وبصراحه الحريم مايعرفون ايسوقون كله ماسكين الخط السريع علبالهم ملك ابوهم وان ضربت لهم هرن أو ليتات سفهت لك ولا كنها تسمع أو تشوف

[سوبر]

مع السائق وجود الممحرم افضل ومع الزوجة برفقة احد ابنائها او الخادمه في اي مشوار غير مشوار الدوام

[غدير البورصه]

انا اشوف الدريول افضل لاكن بشروط:
ان يكون مسلم
ان يكون عمره فوق ال35سنه
ان يكون مشتغل قبل عند عايله من الخليج مدة7او 6او 5او4سنين يعني عنده خبره ويكون عارف لطباع العرب وعاداتهم .
اهم شي يكون الاسلام والصلاه في قلبه
والي يدور علىدريول بهالمواصفات ان شالله بيلقاه

اما الدريول مب مسلم وشاب ولا عنده خبره ولا يعرف لمعاني العرب المسلمين هذا ما ينفع .
والاخطر ان يكون مسيحي او بوذي يا اخواني وخواتي هذي الفئه من الناس يشتغلون شغل وايد لانهم متفرقين للشغل وبس ما عندهم دين وهذيلا طيبين يعني تشوفه دايمن مبتسم ويضحك لا لا تغركم هذي الابتسامه .((الي مب من دينك ما يعينك))
انا اشوف ان الدريول المسلم والي عنده عيال والي يروح المسيد يصلي احسن بوايد من الي ما عنده دين
الدريول المسلم تحق عليه الزكاه وتحق عليه الصدقه لانه مسلم وبجذيه احنا نساعد المسلمين الفقرا الي في الهند او ايران او الفلبين لان هم هذيلا الي يشتغلون دريوليه.
وبعد ماتتوفر كل هالشروط المحرم ضروري ماتركب الزوجه السياره الا ومعاها محرم او حد من البنات او الحريم كبار او صغار.
اما ان الزوجه تسوق انا ما احب الوحده تسوق الااذا كانت تملك قلب قوي.

[عاشق الشهادة]

انا اشوف الدريول افضل لاكن بشروط:
ان يكون مسلم
ان يكون عمره فوق ال35سنه
ان يكون مشتغل قبل عند عايله من الخليج مدة7او 6او 5او4سنين يعني عنده خبره ويكون عارف لطباع العرب وعاداتهم .
اهم شي يكون الاسلام والصلاه في قلبه
والي يدور علىدريول بهالمواصفات ان شالله بيلقاه

اما الدريول مب مسلم وشاب ولا عنده خبره ولا يعرف لمعاني العرب المسلمين هذا ما ينفع .
والاخطر ان يكون مسيحي او بوذي يا اخواني وخواتي هذي الفئه من الناس يشتغلون شغل وايد لانهم متفرقين للشغل وبس ما عندهم دين وهذيلا طيبين يعني تشوفه دايمن مبتسم ويضحك لا لا تغركم هذي الابتسامه .((الي مب من دينك ما يعينك))
انا اشوف ان الدريول المسلم والي عنده عيال والي يروح المسيد يصلي احسن بوايد من الي ما عنده دين
الدريول المسلم تحق عليه الزكاه وتحق عليه الصدقه لانه مسلم وبجذيه احنا نساعد المسلمين الفقرا الي في الهند او ايران او الفلبين لان هم هذيلا الي يشتغلون دريوليه.
وبعد ماتتوفر كل هالشروط المحرم ضروري ماتركب الزوجه السياره الا ومعاها محرم او حد من البنات او الحريم كبار او صغار.اما ان الزوجه تسوق انا ما احب الوحده تسوق الااذا كانت تملك قلب قوي.


للتصحيح المحرم يكون اكبر من 18 سنه وليس اقل من هذا العمر للتوضيح فقط والله من وراء القصد ....

[Phenomenon]

بغض النظر عن ظروف كل بيت ...

انا مع سياقة المرأه ... او ان رب الاسره يجيب ( سواقة ) امرأه ...

اما ان رب الاسره يجيب دريول ويصرف عليه ويدفع مبالغ مالها اول ولا اخر ( فيزا ، فحص طبي ، اقامة ، مدرسة تعليم السياقه ، واذا رسب ادفع مره ثانية ، ومعاش ..... الخ ) وفي الاخير من اول ما الدريول يمسك الليسن يشيل عليه ويشرد ويروح يشتغل عند اي عايله ثانيه وياخذ راتب ضعف اللي كان ياخذه من كفيله ... فهذا شي مب منطقي بالمره ...

فـ ليش رب الاسرة يدخل نفسه في الدوامه هاذي ويعور راسه ...

وفي وجهة نظري انه لو يجيب سواقة او يخلي مرته او بنته تسوق وايد احسن

على الاقل السواقه نسبة هروبها اقل بكثير من نسبة هروب الدريوليه وربما تكاد معدومه ... والزوجه او البنت ما راح تحتاج حق محرم

او ان الزوجه او البنت تسوق ... تكون بروحها في سيارتها وحاشمه نفسها ورايحه في طريجها بشرط اخذ اذن الزوج او الاب او الاخ او الام قبل خروجها

[AmOuR]

بغض النظر عن ظروف كل بيت ...

انا مع سياقة المرأه ... او ان رب الاسره يجيب ( سواقة ) امرأه ...

اما ان رب الاسره يجيب دريول ويصرف عليه ويدفع مبالغ مالها اول ولا اخر ( فيزا ، فحص طبي ، اقامة ، مدرسة تعليم السياقه ، واذا رسب ادفع مره ثانية ، ومعاش ..... الخ ) وفي الاخير من اول ما الدريول يمسك الليسن يشيل عليه ويشرد ويروح يشتغل عند اي عايله ثانيه وياخذ راتب ضعف اللي كان ياخذه من كفيله ... فهذا شي مب منطقي بالمره ...

فـ ليش رب الاسرة يدخل نفسه في الدوامه هاذي ويعور راسه ...

وفي وجهة نظري انه لو يجيب سواقة او يخلي مرته او بنته تسوق وايد احسن

على الاقل السواقه نسبة هروبها اقل بكثير من نسبة هروب الدريوليه وربما تكاد معدومه ... والزوجه او البنت ما راح تحتاج حق محرم

او ان الزوجه او البنت تسوق ... تكون بروحها في سيارتها وحاشمه نفسها ورايحه في طريجها بشرط اخذ اذن الزوج او الاب او الاخ او الام قبل خروجها

صــــــــــــــــــــــــــــح ..

[naklan]

بغض النظر عن ظروف كل بيت ...

انا مع سياقة المرأه ... او ان رب الاسره يجيب ( سواقة ) امرأه ...

اما ان رب الاسره يجيب دريول ويصرف عليه ويدفع مبالغ مالها اول ولا اخر ( فيزا ، فحص طبي ، اقامة ، مدرسة تعليم السياقه ، واذا رسب ادفع مره ثانية ، ومعاش ..... الخ ) وفي الاخير من اول ما الدريول يمسك الليسن يشيل عليه ويشرد ويروح يشتغل عند اي عايله ثانيه وياخذ راتب ضعف اللي كان ياخذه من كفيله ... فهذا شي مب منطقي بالمره ...

فـ ليش رب الاسرة يدخل نفسه في الدوامه هاذي ويعور راسه ...

وفي وجهة نظري انه لو يجيب سواقة او يخلي مرته او بنته تسوق وايد احسن

على الاقل السواقه نسبة هروبها اقل بكثير من نسبة هروب الدريوليه وربما تكاد معدومه ... والزوجه او البنت ما راح تحتاج حق محرم

او ان الزوجه او البنت تسوق ... تكون بروحها في سيارتها وحاشمه نفسها ورايحه في طريجها بشرط اخذ اذن الزوج او الاب او الاخ او الام قبل خروجها

كلام صحييح:victory:

[قطريه ماركه]

مع قيادة المرأة ...

والله الوحده تخدم نفسها وعيالها ..مثلا انا اسوق ولله الحمد .. وعندي دريول .. وبعد مب ملحقين ...

في الصيف قال السايق انا يروح يسوي شادي ( يبي يتزوج ) وييجي حق رمضان ..

لكنه راح ولا رجع .. لو انا ما اسوق جان صج توهقت مع شغلي و مدارس اليهال ..

لكن الحمد لله تعاوننا انا وزوجي في توصيل اليهال ولا احتجنا حق فلان ولا علان ...

[بنQATARت]

تبقى وجهات نظر
ومهما قلنا لكل واحد قناعاته
محد يقدر ايغير رأي الاخر
بالنسبه لي سواقه المرأه مهمه لان السائق مرده بيروح اجازه شهرين او ثلاثه
غير المشاكل والراتب وكل يوم داعم ومصاريف البترول
اتصدقون انا افول السياره كل اسبوعين
لكن لدريول كل يوم بابا بترول
لكن يبقى لدريول مهم حج المطاريش ...خباز....خياط.....كراج.....بين ماما...بيت سستر..وانت رايح
وسلامتكم

[غدير البورصه]

مشكور يا الشهاده يا خوي

لاكن اذا ماتوفر المحرم انا اجوف يجوز الام او الاخت والله اعلم.

[عاشق الشهادة]

مشكور يا الشهاده يا خوي

لاكن اذا ماتوفر المحرم انا اجوف يجوز الام او الاخت والله اعلم.



القصد بالمحرم ليش شاب او ام ,
القصد هو شخص قد تعدى 18 سنه ان كانت خادمه او اخت او ماشبه ذالك .....

[إنسان]

القصد بالمحرم ليش شاب او ام ,
القصد هو شخص قد تعدى 18 سنه ان كانت خادمه او اخت او ماشبه ذالك .....

الخلوة تزول بوجود الثالث أو أكثر وهذا في غير السفر أما في السفر فليس للمرأة أن تسافر إلا مع ذي محرم " ، متفق على صحته ، ولا فرق بين كون السفر من طريق الأرض أو الجو أو البحر

سماحة الشيخ عبدالعزيز بن باز


ولابد أن يكون الشخص الذي تزول به الخلوة كبيرا فلا يكفي وجود الطفل وما تظنه بعض النساء أنه استصحبت معها طفلاً زالت الخلوة ظن خاطئ . قال الإمام النووي ( 9/109) : " وأما إذا خلا الأجنبي بالأجنبية من غير ثالث معهما فهو حرام باتفاق العلماء وكذا لو كان معها من لا تستحي منه لصغره لا تزول به الخلوة المحرمة

فضيلة الشيخ صالح الفوزان

[عاشق الشهادة]

الخلوة تزول بوجود الثالث أو أكثر وهذا في غير السفر أما في السفر فليس للمرأة أن تسافر إلا مع ذي محرم " ، متفق على صحته ، ولا فرق بين كون السفر من طريق الأرض أو الجو أو البحر

سماحة الشيخ عبدالعزيز بن باز


ولابد أن يكون الشخص الذي تزول به الخلوة كبيرا فلا يكفي وجود الطفل وما تظنه بعض النساء أنه استصحبت معها طفلاً زالت الخلوة ظن خاطئ . قال الإمام النووي ( 9/109) : " وأما إذا خلا الأجنبي بالأجنبية من غير ثالث معهما فهو حرام باتفاق العلماء وكذا لو كان معها من لا تستحي منه لصغره لا تزول به الخلوة المحرمة

فضيلة الشيخ صالح الفوزان



بارك الله فيك وهذا الي كنت قاصده اوصله للأخت .

[!الشايمه!]

حسبي الله على كل الدريوليه :anger1:
دعوة من قلبي...:anger1:

السائقة ....اقتراح حلو

تحية

[Sari]

اخوي بوراشد إذا قدرت جيب سائقة (امرأه) افضل من السائق ..
لان الفترة الاخير اشوف أغلب العائلات تجيب سائقات ..
:nice:

[Bu Rashid]

اشكرررر جميع الاعضاء الذين شاركوا في الراي...

كل ارائكم قيمه و تستاهل ان يقف العضو عندها ويقرئها...
خصوصا اذا كان العضو متردد من مؤيد او معارض...
وعلى ضوئها ممكن ان يقرر لانه سمع من جميع الاطراف...
وكل الاطراف تمتلك الادله والاسباب التي تؤيد وجه نظره...

وهناك اراء جديده تؤيد السائقه... وهذه احدى الحلول...

اما بالنسبه لموضوع المحرم الذى ذكره اخي الشهاده...نعم سن 18 اكيد هو محرم
حبيت ان اضيف بان سن البلوغ هو سن المحرم ...
اذا بلغ الولد في سن 16 فهو محرم.... والله اعلم

[أخت الغالي]

الصراحة انا اؤيد السائقة ,,

اكثر من السائق >> الدريول

لان ماضمن الظروف يعني احيان يحصل ظرف طارئ ومالقى الخدامة فاضطر لمحرم واذ المحرم غير موجود

اشوف السائقة افضل واحسن ^_^

موضوع جميل
تقبل مروري

[عاشق الشهادة]

اشكرررر جميع الاعضاء الذين شاركوا في الراي...

كل ارائكم قيمه و تستاهل ان يقف العضو عندها ويقرئها...
خصوصا اذا كان العضو متردد من مؤيد او معارض...
وعلى ضوئها ممكن ان يقرر لانه سمع من جميع الاطراف...
وكل الاطراف تمتلك الادله والاسباب التي تؤيد وجه نظره...

وهناك اراء جديده تؤيد السائقه... وهذه احدى الحلول...

اما بالنسبه لموضوع المحرم الذى ذكره اخي الشهاده...نعم سن 18 اكيد هو محرم
حبيت ان اضيف بان سن البلوغ هو سن المحرم ...
اذا بلغ الولد في سن 16 فهو محرم.... والله اعلم





عيدك مبارك:):)

[بوحارب]

بس حبيت اشرح لكم وجهة ظري عشان محد يزعل

المشكله.. لو الحرمه تسوق وبس.. تروح للدوام.. على عيني..


بس تروح الدوام..

توجب صديقاتها..

تروح لهلها كل ويكند..

تروح الجمعيه..

تشتري الخضره..

تشيك البريد..

تشرب كرك..
تروح الاسواق..

تدور في الشوارع بلاهدف..

تتمشى في الكورنيش..


تسابق بعض المرات.,.

تناظر يمين ويسار..

تدفع فواتير كيوتل..

تنزل المخبز..

تنزل الشيشه تاخذ لها حجر.. ( باقي تلعب ورقه)

تروح المطاعم..

تروح تلعب العيال..

توصل عيالها المدارس..

تروح الصيدليه..

تروح النجار..

تروح الكهربجي..

تروح البنشري..

تروح البايب فتر..

تدق هرن قدام الدكاكين..

تمر ع المعاصر..

تروح الكوفي شوبس..

تغسل سيارتها جيك..

نروح الخياط..

تروح الصناعيه..

تروح سيلين..

تروح الغاريه..

تروح الشمال..

تروح اماكن نزول المطر..

تروح تدور اسمنت وطابوق...

تشرف على الصبغ ولا الانترلوك في البيوت..

غير كلام الناس.. مرت ال بوفلان رايحه وجايه..

وشمطلعها هالحزه..

وش موديها الحين..

ماعندهم رجال بالبيت..



يعني في نهاية اليوم.. تشوف الحرمه.. ناقص تلبسها غتره وعقال.. امحق حريم

وين المعززه المكرمه الناعمه داخل البيت..

ترد البيت تلقى مره بمعنى الكلمه..

مب ترد البيت.. وعقب ساعه ولا ساعتين.. داشه ام الشباب مدرعمه تبي تنام




الله لايبلانا ان شاء الله




مساء الورد سعر الدعم

ركّز على تشرب كرك :eek5:


وانا معاك :victory:

[Riku3]

الله لايعوزنا لدريول ... الحمد لله الى الان مادخل بيتنا رجل غريب يوصل اهلنا واحنا موجودين ، ولا راح يدخل بإذن الله ! ..

بس ماعندي مانع لو زوجتي تبي ليسن وسيارة بشرط انها للدوام "فقط" .. دوام بيت - بيت دوام ، والباقي انا بوصلها ! ... ولما تكون الفرصه متاحه والوقت مب متعارض ، انا بوديها الدوام بنفسي بعد ! .

[Bu Rashid]

الكثير من يعارض سياقه المراه...
وفي نفس الوقت الكثير يؤيد سياقه المراه ولكن بشروووووط
وهذى هو المهم ان لانترك الحبل على القارب....

[غيمة مطر]

انا مع سواقة المراه للسياره

ولكن بضوابط ...

وجود السائق في هذا الزمن لايؤتمن بصراحه ...

لاعلى البيت ولاعلى الزوجه ولاعلى العيال ...

افضل شي الام والاب هم اللي يوصلون عيالهم لسلامتهم ...

طبعا سواقة المراه تحدها بعض الضوابط لانها في مجتمع له عاداته وتقاليده ومجتمع اسلامي ...

اعتقد السواقه للمرأه ( الارمله + المطلقه + الوحيده ) ممكن تقضي فيها مشاويرها ... مو بس للدوام ..

اما اذا تواجد رجال البيت الاب او الزوج او الاخ اعتقد سواقتها تقتصر على الدوام وبس لان مالها داعي تشاوط يمين ويسار على سنع ومن غير سنع
ياكثر البنات اللي نشوفهم تشرب كرك >>>> اعتقد منظرها بصراحه مب شي ..
واللي تسابق شباب >>> منظر مقزز
واللي واللي

بس انا بكل الحالات ضد وجود السائق لان مضرته اكثر من منافعه ... والله يكفينا شره

:)

[Bu Rashid]

انا مع سواقة المراه للسياره

ولكن بضوابط ...

وجود السائق في هذا الزمن لايؤتمن بصراحه ...

لاعلى البيت ولاعلى الزوجه ولاعلى العيال ...

افضل شي الام والاب هم اللي يوصلون عيالهم لسلامتهم ...

طبعا سواقة المراه تحدها بعض الضوابط لانها في مجتمع له عاداته وتقاليده ومجتمع اسلامي ...

اعتقد السواقه للمرأه ( الارمله + المطلقه + الوحيده ) ممكن تقضي فيها مشاويرها ... مو بس للدوام ..

اما اذا تواجد رجال البيت الاب او الزوج او الاخ اعتقد سواقتها تقتصر على الدوام وبس لان مالها داعي تشاوط يمين ويسار على سنع ومن غير سنع
ياكثر البنات اللي نشوفهم تشرب كرك >>>> اعتقد منظرها بصراحه مب شي ..
واللي تسابق شباب >>> منظر مقزز
واللي واللي

بس انا بكل الحالات ضد وجود السائق لان مضرته اكثر من منافعه ... والله يكفينا شره

:)


مشاركه جميله ومهمه...
مشكووووووره على الاضافه...

[امل الحب]

ضد سواقة المرأة وبشدة بعد :weeping: لان فالبداية يكون الموضوع مقتصر على الدوام وبعدها ينتقل شوي شوي للمشاوير الثانية برغم وجود الرجل ..

المرأة تستمتع في بداية السواقة وبعدها تمل وتفقد صبرها خصوصا مع الزحمة وكثر المشاوير والطلبات الي لها اول مالها تالي ..

اذا الرجل متفرغ وماعنده شغل فالاولى يتكفل باهل بيته احسن من الاعتماد على الدريول او المرأة وتقوى العلاقة بينهم في الطلعات والدخلات ... الخ

هالكلام من واقع تجربة للاثنين :(

[إنسان]

اما بالنسبه لموضوع المحرم الذى ذكره اخي الشهاده...نعم سن 18 اكيد هو محرم
حبيت ان اضيف بان سن البلوغ هو سن المحرم ...
اذا بلغ الولد في سن 16 فهو محرم.... والله اعلم



الخلوة تزول بوجود الثالث أو أكثر وهذا في غير السفر أما في السفر فليس للمرأة أن تسافر إلا مع ذي محرم " ، متفق على صحته ، ولا فرق بين كون السفر من طريق الأرض أو الجو أو البحر

سماحة الشيخ عبدالعزيز بن باز


ولابد أن يكون الشخص الذي تزول به الخلوة كبيرا فلا يكفي وجود الطفل وما تظنه بعض النساء أنه استصحبت معها طفلاً زالت الخلوة ظن خاطئ . قال الإمام النووي ( 9/109) : " وأما إذا خلا الأجنبي بالأجنبية من غير ثالث معهما فهو حرام باتفاق العلماء وكذا لو كان معها من لا تستحي منه لصغره لا تزول به الخلوة المحرمة

فضيلة الشيخ صالح الفوزان

للتوضيح المحرم يُشترط في حالة السفر ولا فرق بين كون السفر من طريق الأرض أو الجو أو البحر

أما في غير السفر فيجوز أن يكون الثالث في سن التمييز كما جاء في الفتوى:

وكذا لو كان معها من لا تستحي منه لصغره لا تزول به الخلوة المحرمة

[Bo3oof_80]

:victory:الاثنين سوى
متى ماشرد السايق في الي يسد

[ام شهد قطر]

اخوي بوراشد إذا قدرت جيب سائقة (امرأه) افضل من السائق ..
لان الفترة الاخير اشوف أغلب العائلات تجيب سائقات ..

للأسف السائقه مشاكلها ما تقل عن السائق مثال اذا وصلت اليهال المدارس ما تدري وين تروح واذا سألتها عن التأخير راح تتحجج بالزحمه

[Revamp]

دريول طبعا يفكك من العبالة

بيغسل السيارت و بيجيب الاغراض و حق المطراش في عز الظهاري و القفار و بينزل المره لي عند باب المجمع و بيفك هلك من البحث عن موقف في المولات و الاسواق شوفت عينك زحمة ما في موقف حق سيكل و كل هذا و معاشه 700 ريال يا بلاش 0

سلبيات سواقة المره :

1- تسبب زحمة عند الدوارات و الاشارات و تصيدها نفاضة و ام الديفان لي صيحت لها هرن 0

2- في حالة اي عطل او بنشر لازم تتصل في بعلها يجي يضرب جيك 0
3- مأساه عند المولات و الاسواق مع المواقف 0

4- تحرم الدريول الفقير من الراتب 0

i like # 2

[ANONYMOUS]

للأسف السائقه مشاكلها ما تقل عن السائق مثال اذا وصلت اليهال المدارس ما تدري وين تروح واذا سألتها عن التأخير راح تتحجج بالزحمه



وكذلك الزوجه..

وكذلك السائق..

وكذلك الرجل..


الكل يتحجج

[..الاميرة..]

للأسف السائقه مشاكلها ما تقل عن السائق مثال اذا وصلت اليهال المدارس ما تدري وين تروح واذا سألتها عن التأخير راح تتحجج بالزحمه


صحيح عزيزتي وموضوع الخدم بوجه عام ماوراه إلا المشاكل ..
لكل شنو الحل إذا كان لو نفترض رب الاسره كبير في السن ..
وإذا كان مثلاً الاخوان تتضارب اوقات دوامهم مع بعض
خصوصاً إذا كان في البيت عساكر وشرطه(يعني يقومون من الفجر) وغير طلاب المدارس اوقاتهم غير
وغير الزحمه إلي تذبح يعني دوامه طويله عريضه ..

مانقول غير الله يعين الجميع ..

[..الاميرة..]

بس حبيت اشرح لكم وجهة ظري عشان محد يزعل
المشكله.. لو الحرمه تسوق وبس.. تروح للدوام.. على عيني..
بس تروح الدوام..
توجب صديقاتها..
تروح لهلها كل ويكند..
تروح الجمعيه..
تشتري الخضره..
تشيك البريد..
تشرب كرك..
تروح الاسواق..
تدور في الشوارع بلاهدف..
تتمشى في الكورنيش..
تسابق بعض المرات.,.
تناظر يمين ويسار..
تدفع فواتير كيوتل..
تنزل المخبز..
تنزل الشيشه تاخذ لها حجر.. ( باقي تلعب ورقه)
تروح المطاعم..
تروح تلعب العيال..
توصل عيالها المدارس..
تروح الصيدليه..
تروح النجار..
تروح الكهربجي..
تروح البنشري..
تروح البايب فتر..
تدق هرن قدام الدكاكين..
تمر ع المعاصر..
تروح الكوفي شوبس..
تغسل سيارتها جيك..
نروح الخياط..
تروح الصناعيه..
تروح سيلين..
تروح الغاريه..
تروح الشمال..
تروح اماكن نزول المطر..
تروح تدور اسمنت وطابوق...
تشرف على الصبغ ولا الانترلوك في البيوت..
غير كلام الناس.. مرت ال بوفلان رايحه وجايه..
وشمطلعها هالحزه..
وش موديها الحين..
ماعندهم رجال بالبيت..
يعني في نهاية اليوم.. تشوف الحرمه.. ناقص تلبسها غتره وعقال.. امحق حريم
وين المعززه المكرمه الناعمه داخل البيت..
ترد البيت تلقى مره بمعنى الكلمه..
مب ترد البيت.. وعقب ساعه ولا ساعتين.. داشه ام الشباب مدرعمه تبي تنام
الله لايبلانا ان شاء الله



هههههههههههههههههههههههههههههههههههههههههه حشى مب مره رجال .. :eek5:

حرام عليك ياخوي بالغت اشوى
ترى مب كل من ساقت سوت هالسواه !!
والاغلبيه ترى حادتها الظروف وما تطلع إلا بعد شور اهلها ..

[شبيهة البحر]

من وجهة نظري
المفروض إنها أسرة
فيها تكافؤ
كل واحد يعرف دوره
وما راح نحتاج لا لخادمة ولا دريول
كما هو الحال في بيتي
وليست المشكلة في قيادة المرأة التي سبق أن ناقشنها حتى جف الريق
ولكن المشكلة الحقيقية في أغلب الأسر هي
نفسي نفسي
يعني كل واحد يدور راحته
ولو الأب أو الأخ أعطى جزء من وقته لأسرته وطلباتهم
عمرنا ما شفنا دريول
وبصراحة أكبر صاير الدريول والخادمة في مجتمعاتنا من أهم المظاهر الإجتماعية
لين صارت أعداد العمالة الآسيوية اكبر من أعداد السكان
ويا ما سمعنا مصايب من هالخدم
فالأكيد أن قيادة المرأة حل أفضل
وإن كان فيه حد معترض
عيل يقوم بدوره كامل ويعطيه العافية
شكراً

[gamal503]

انا اؤيد ان الزوجه هي الي تسوق احسن الاسيويين دول مش عارفين كيف تربيتهم ولا اخلاقهم كمان معتقدشي انهم يفهموة شيء عن العادات والتقاليد العربية غير ان اغلبهم غير مسلم

[WIFE]

اهلين
المرأة تسوق سيارة....اهاا...والكل يتحلطم عليها مسكينة انها متخرعة و ما عندها المهارة الكافية للتحكم بالسيارة عند الضرورة و انها تختبص اذا طقو لها هرن و اذا ناوية تلف يسار على الدوار الجاي اللي على بعد كيلويين تلقاها ماسكة اليسار (الخط السريع) و تمشي على 80 و السيد وراها......كل هذا طبيعي الحريم ما أمسكو السكان الا اثناء دروس القيادة مب مثلكم يالشباب قبل لا شنبك يخط عافس الفريج بدخنة تحفيصك بسيارة البيت.....يعني انتو يالرجال خذتو سنين طويلة تدريب وما وصلتو سن 18و خذتو الليسن الا معظمكم سايق من زمان و خبرة......فاي مقارنة بين سواقتكم و سواقة الحريم غير عادلة
نرجع لموضوعنا سواقة الحريم و لا الدريول؟
انا اقول الاثنين....الدريول لكل شي المدراس والمطاريش ووووو
متى الزوجة تسوق؟ عند الضرورة القصوى فقط انا اعتبر السواقة مهارة مهمة لابد ان تكتسبها كل الحريم لكن ليس بالضرورة ممارستها كل وقت و من دون حاجة....تذكرون غزو العراق على الكويت؟ اشلون الحريم ساقوا و شردو مع عيالهم و أهلهم...و كذلك في عوائل كثيرة بقطر يحبون يروحون رحلات عائلية ما فيها حد غريب ...تخيلو معاي ..زوج و زوجته و عيالهم رايحين بر او بحر بروحهم و لا سمح الله صار شي في الرجال...ايش تسوي الزوجة تتوهق في نص البر او البحر بعيالها ؟؟ ادري في تلفونات بس ناس وايد تروح اماكن بعيده و مب بالضرورة ان الزوجة تعرف تدلي
اعتذر على الإطالة و مره ثانية اقول الاثنين دريول + زوجة تعرف تسوق
و تحياتي

[ذيبة الريان]

أنا مع سواقـة الزوجـة

ولكن بشرط ,, أن شخصيتها تكون قويــة مب من النوع الخوآف

وإذا ماكانت قد السواقـة ,, محارمهـا يهتمون بمشاويرهـا أو سائقـة

مع أني ضد سائق أو سائقه يمسكون السيارة وماتدرون وش يسوون بعد مايوصلون معزبتهم !! يتكسوون ! يروحون حق ربعهم !! .. يعني بإختصار مشاكلهم كثيرهـ ,,

سوآآقـة السوآآق أنا ضدهـآآآآ وبقوووهـ ,,

يعني .. لو قلنا هل ترضى حرمتك تركب مع قطري ؟ بتعفس الدنيا وتقلبها ,,

ولو قلنا مع سواق هندي او اسيوي بشكل عآم راح تنبسط وتثق فيه ؟

وش الفرق ؟ ,, مب كلهم ذكور .. !؟ ولا الهندي صار محرم لحريمكم ..!

وكل بنت تحب تكون معززة مكرمـة أخوها أو زوجـهـآ يوديها ويجيبها ,, مافي أحلى من هذا الشي ,,

بس إذا منشغلين محارمهم من مجلس إلى كافيه إلى عزايم ومخلين حريمهم مع السواقين لحالهم !!

افضل لها تسوق ,,

و" البنت " إذا ساقت ,, هي اللي تخدم امها وخواتها وتوديهم وتجيبهم ,,

اما " الشباب " من يسوقون ؟ .. كم واحد يودي اهله ؟ ويهتم بمشاوريهم ؟ ويجيب الاغراض الناقصه للبيت وهو جاي من شغله ؟

نــآآآآدر

وطبعاً عندي ملآحـظـة ,, أي بنت المفروض ماتطلع متأخر بالليل ,, مب خوف من كلام الناس مثل تفكير الشباب؟ .. لا ,, بس خوفاً عليها .. واحتياط ,,

[nor85]

كل حاجه ولها ظروفها