فوضى الموضه ( رساله الى البنات )

[miss-qatr]

قد بنت الموضة في العالم بأسره صروح .. حفظت لها مكانتها على مر السنوات ولا تخلو مفكره امرأه او بنت ذات 15 عاماً من هذه الكلمة بل في السنوات الاخيره وجدنا الصغار يتهافتون عليها قبل الكبار


وقد تطورت الموضة من القرن السابع عشر والثامن عشر حتى قفزت قفزتها النوعيه للسقوط في القرن العشرين

وبدأت من العشرينات والاربعينات والخمسينات الى الثمانينات



( موضع السنه ) الستينات للعلم فقط :victory:



وانا بكل جرأه اعترف اني …. مع الموضه بكل ما يناسب المرأه ( المسلمه ) ويضيف لها مظهر يليق بانوثتها سواء امام النساء او المحارم وهنا يجب عليها ان تضع نفسها وموضتها في هذا الاطار ولاتخرج منه


ولكن مااراه الآن من موضه تثير الشفقه والاشمئزاز في آن واحد ...

قد تشاهد جميع هذه الصور التي سوف اذكرها بمرورك بأي مجمع تجاري او مكان عمل او حتى مستشفى :secret:


- مكياج يكاد يكون مسرحي.. من احمر شفاه بلون صارخ وعيون دخانيه قد دفنت من السواد


-اكسسوارات تكاد تقفز من اذنيها لتقول ( ها انا هنا ) خارجه من تحت الشيله ( ديكور مع الرقبه ) يكون كل ( حلق ) بحجم الثريا :rolleyes2:


- موضه (التايت) او( السترج بالمعنى العامي) بالمجمعات وتحت العبايات وقد تتخذ صاحبته منحى اكبر من الموضه ويصل طوله الى منتصف الساق وتتباهى بالمشي ( لانها متبعه الموضه :rolleyes2: )



فلقد تألمت مما رأيته اليوم من بنات بعمر الزهور وهن يتباهين بكل هذا !!!!!


اختي ..

ما يمنعك من فعل كل ماتريدين في المناسبات بين الاهل والتجمعات النسائيه او امام محارمك ؟؟؟


لقد رأيت والله اعين الذئاب من كل جنسيه تحدق بكِ ... هل ترضين على نفسك ؟؟؟


هل ترضين بأن يكون شكلك مألوفاً بهذه الصورة المزريه ؟؟؟


ان كنتِ تظنين بأنك من متبعات الموضه ؟؟


فسوف اصدمك بالواقع


فالاوربيون هم من ابتكر الموضه والاناقه . وحددو شروط يا صاحبه الاناقه المثيره للشفقه

فمكياجك هذا لايصلح الا لحفلات العشاء او (الديتنج) وتخجل أي امرأه ( تتبع الموضه) بالظهور بهذا المظهر بغير هذه الاوقات



يا متبعه الموضه.. ان تتبعي الموضه بالزمان والمكان المناسب او لا تتبعيها لانك عار عليها

اتبعيها ..

امام النساء والمحارم .. فما الذي يمنع ؟؟؟

اما مبدأ ( لازم اتبع الموضه وغيري يشوفها بأي مكان فيه تجمع ) !!!! فهو يؤخذ ضدك وضد الموضه


اختي ...

لا اذكر كلامي هذا وانا صاحبه العبايه الاسلاميه والقفازات والنقاب ( وربي يهدينا )


انا بنت عاديه مثلي مثلك .. لكن ارى الصح فاتبعه وارى الخطأ واجتنبه ...


ابتعدي عن كل ما يمس دينك وشرفك وخليه ميزان بحياتك :)


ولولا خوفي عليك ما قلت هذا الكلام ( تونا طالعين من رمضان ماخذنا يومين :) )


ربي يهدينا واياااك



تحياااااااااااااااااتي


اختك

miss-qatr

[(الفيصل)]

يصير الرجال تعلق على الموضوع بعد قراءته ولا هي رسالة لهن منكِ
:shy:

[miss-qatr]

يصير الرجال تعلق على الموضوع بعد قراءته ولا هي رسالة لهن منكِ
:shy:


اخي الفيصل يشرفني مرورك


ولك اضافه ما شئت :)

[الامل القديم]

جزاك الله خيرا

وان شاء الله رسالتك تصل الى كل فتاه تتبع الموضه خطأ

[عاشق الشهادة]

تتوقعين اعلق على الموضوع او لا :anger1:


جزاك الله خيرا

وان شاء الله رسالتك تصل الى كل فتاه تتبع الموضه خطأ



اي فتاه الله يهديج الاخت تقولج اعمارهم في الستينات :tease:

[Ghost]

[QUOTE=miss-qatr;3174668][I]]



وانا بكل جرأه اعترف اني …. مع الموضه بكل ما يناسب المرأه ( المسلمه ) ويضيف لها مظهر يليق بانوثتها سواء امام النساء او المحارم وهنا يجب عليها ان تضع نفسها وموضتها في هذا الاطار ولاتخرج منه


ولكن مااراه الآن من موضه تثير الشفقه والاشمئزاز في آن واحد ...

[SIZE="7"][COLOR="Red"]كلامك ماخلى لنا كلام وموضوعك رائع وما فيك حيلة يا miss-qatr
:nice::nice::nice::nice::nice::nice::nice::nice:

[miss-qatr]

جزاك الله خيرا

وان شاء الله رسالتك تصل الى كل فتاه تتبع الموضه خطأ

ربي يجزيك بمثله اختي الامل :)

تسلمين على مرورك



تتوقعين اعلق على الموضوع او لا :anger1:


موضوعي رساله الى البنات( للمحتوى )

لكن مايمنع اضافاتكم اخي الكريم الشهاده :)


اي فتاه الله يهديج الاخت تقولج اعمارهم في الستينات :tease:


:sneaky:

[ضوى]

لله درك يا غالية سلمت اناملك على ما خطته

موضة بشعة جدا مقززة بشكل لا يعقل

والله اشوف مقاطع من مسلسلات خليجية والمثلات مهولين بروحهم يا الله شنو هذا

حواجب شيطانية محلقين نصها وووووووع شنو هذا والا الشعر المصبوغ الوان واشكال بطريقة مقززة ولبس فاضح انا يالبنت اشوفهم استحي اشلون الريايل ؟؟استغرب اشلون حطوا هالمسلسلات برمضان ؟؟؟
بتقولين وش دخل هالكلام بموضوعج باقولج لانه هالبنات والحريم المتصابيات يقلدون هالاشكال المقززة

شنقول غير الله يهدي بناتنا ويصلح احوالهم وقبل كل هذا يهدي اولياء امورهم ويصلحهم اللهم امين

[سداوي&مدريدي]

جزاج الله خير

escape

[اروع سهم]

يعطيج العافيه على الموضوع النافع

[miss-qatr]

لله درك يا غالية سلمت اناملك على ما خطته

موضة بشعة جدا مقززة بشكل لا يعقل

والله اشوف مقاطع من مسلسلات خليجية والمثلات مهولين بروحهم يا الله شنو هذا

حواجب شيطانية محلقين نصها وووووووع شنو هذا والا الشعر المصبوغ الوان واشكال بطريقة مقززة ولبس فاضح انا يالبنت اشوفهم استحي اشلون الريايل ؟؟استغرب اشلون حطوا هالمسلسلات برمضان ؟؟؟
بتقولين وش دخل هالكلام بموضوعج باقولج لانه هالبنات والحريم المتصابيات يقلدون هالاشكال المقززة

شنقول غير الله يهدي بناتنا ويصلح احوالهم وقبل كل هذا يهدي اولياء امورهم ويصلحهم اللهم امين

اختي الغاليه ضوى

والله ان اسعدني مرورك بالموضوع :)


وبالعكس كلامك صحيح .. كل ستايل لممثله معينه ينقل بالملي


شاكره لك هالمرور والاضافه الرااائعه

[الخيميائي]

السؤال الى يطرح نفسه بقوووة

من الى يحدد الموضة ؟؟!

وهل هي موضة عالمية

والا

موضة من عندنا وكلن يقلد الاخر؟؟!

دايما اسئل نفسي

لما اشوف حد مثلا مغير من شيء في ملابسه واسئله

ليش

يقول لي الموضة

اقوله طيب شعرفك انها الموضة يكون الرد شوف العالم كلهم ؟؟!

فمن اين تاتي الموضة ؟؟!

[miss-qatr]

جزاج الله خير

escape


ربي يجزاااك بمثله اخوي سداوي

ليش شارد :secret:

يعطيج العافيه على الموضوع النافع

الله يعافيك ياخوي

تسلم عالمرور :)

[miss-qatr]

السؤال الى يطرح نفسه بقوووة

من الى يحدد الموضة ؟؟!

وهل هي موضة عالمية

والا

موضة من عندنا وكلن يقلد الاخر؟؟!

دايما اسئل نفسي

لما اشوف حد مثلا مغير من شيء في ملابسه واسئله

ليش

يقول لي الموضة

اقوله طيب شعرفك انها الموضة يكون الرد شوف العالم كلهم ؟؟!

فمن اين تاتي الموضة ؟؟!


هلاا اخوي الخيميائي


الموضه اللي اقصدها .. الموضه العالميه

دور الازياء بالعالم يمكن اتقلد بعضها وانشوف ان الذوق العام كله تغير سنوياً بحسب كل دار وما تطرحه :)




بس موضه الشباب!! مالها دخل بالموضه العالميه :secret: ( اتوقع )


تسلم عالمرور

[الخيميائي]

هلاا اخوي الخيميائي


الموضه اللي اقصدها .. الموضه العالميه

دور الازياء بالعالم يمكن اتقلد بعضها وانشوف ان الذوق العام كله تغير سنوياً بحسب كل دار وما تطرحه :)




بس موضه الشباب!! مالها دخل بالموضه العالميه :secret: ( اتوقع )


تسلم عالمرور


طيب اذا لوران طرحت اللون الاخضر وفنشي طرحت اللون الوردي وكوكو طرحت اللون الزنبقي

من الى يكون فرض الموضة

اقصد انه مافي شيء اسمه موضة عالمية والدليل الى نشوفه هنا كموضة مانشوفه مثلا في لندن او باريس ؟؟!

واتوقع انه اصلا الموضة العالمية مالها علاقة

تقدرين تقولين فئة معينة من الناس هي الى تفرض الموضة والباقي مقلدين عن طريق فلانه لبست وتقول موضة فعلانه تقلدها وهكذا تصير موضة عندنا

هذا رايىء

[(الفيصل)]

بس موضه الشباب!! مالها دخل بالموضه العالميه :secret: ( اتوقع )

مممممممم
افهم من كلامك اننا كرجال اذا سافرنا نلبس القمصان(الحريريه فيرساتشي)!!
والبناطلين الضيقه القماش اللي فوق السر !!
والقمصان الضيقه !!
والاحزمة المذهبه!!
والشعور (الكشه )(كل واحد فينا كأنه أسد):)
و و و و
اختي الموضه شيء حلو للرجل والمرأة بس المهم أختيار الانسب منه ومايصلح ومايتناسب مع ديننا وموروثنا من عادات وتقاليد ايضا مع الاخذ في الاعتبار عدم الاسراف والتبذير .. وكلا ينفق على قدر سعته .

جزاك الله خير على هذا الموضوع الطيب
وان شاء الله تاخذون العظه منه

[miss-qatr]

طيب اذا لوران طرحت اللون الاخضر وفنشي طرحت اللون الوردي وكوكو طرحت اللون الزنبقي

من الى يكون فرض الموضة

اقصد انه مافي شيء اسمه موضة عالمية والدليل الى نشوفه هنا كموضة مانشوفه مثلا في لندن او باريس ؟؟!

واتوقع انه اصلا الموضة العالمية مالها علاقة

تقدرين تقولين فئة معينة من الناس هي الى تفرض الموضة والباقي مقلدين عن طريق فلانه لبست وتقول موضة فعلانه تقلدها وهكذا تصير موضة عندنا

هذا رايىء



انا متفقه معاك من ناحيه موضه الالوان ..


يعني فيها شوي ثوابت .. الوان الصيف والوان الشتا ...


بس انا اقصد الموضه اللي تفرض نفسها بقوه ..


انشوف موضه المكياج من ناحيه الالوان ....


( اكيد اتعرف الskinny jeans) الضيق من تحت :)


مثل ما ذكرت بناطلين التايت


حتى بقصات الشعر والتسريحات والفساتين بكل هذا نتبع الموضه

وليتها كانت بس تقتصر على الوان


بدون موضه مافي تجدد :)


اكيد اقولك اشيا ماعندك اهتمام لمعرفتها بس للشرح فقط :p


واحترم رايك اخوي الخيميائي

[(الفيصل)]

طيب اذا لوران طرحت اللون الاخضر وفنشي طرحت اللون الوردي وكوكو طرحت اللون الزنبقي

من الى يكون فرض الموضة

اقصد انه مافي شيء اسمه موضة عالمية والدليل الى نشوفه هنا كموضة مانشوفه مثلا في لندن او باريس ؟؟!

واتوقع انه اصلا الموضة العالمية مالها علاقة

تقدرين تقولين فئة معينة من الناس هي الى تفرض الموضة والباقي مقلدين عن طريق فلانه لبست وتقول موضة فعلانه تقلدها وهكذا تصير موضة عندنا

هذا رايىء

طلعت احسن منك افهم في الموضه
طلعت غش ماتعرف شيء فيها يالخميائي :tease:

[miss-qatr]

مممممممم
افهم من كلامك اننا كرجال اذا سافرنا نلبس القمصان(الحريريه فيرساتشي)!!
والبناطلين الضيقه القماش اللي فوق السر !!
والقمصان الضيقه !!
والاحزمة المذهبه!!
والشعور (الكشه )(كل واحد فينا كأنه أسد):)
و و و و
اختي الموضه شيء حلو للرجل والمرأة بس المهم أختيار الانسب منه ومايصلح ومايتناسب مع ديننا وموروثنا من عادات وتقاليد ايضا مع الاخذ في الاعتبار عدم الاسراف والتبذير .. وكلا ينفق على قدر سعته .

جزاك الله خير على هذا الموضوع الطيب
وان شاء الله تاخذون العظه منه




هلا اخوي الفيصل


ماكنت اقصد اللي فهمته..

بس كان رد على اخوي الخيميائي ان الشباب مايتبعون الموضه وهالشي مفروغ منه لان الموضه الرجاليه باغلب الاوقات ماتناسبنا كعرب ومسلمين


وموضه الحرير والمذهب اكيد مالها اي معنى عندنا ... لانها حرام




انا يوم ذكرت الموضوع ياخوي

القصد منه ان بعض انواع اللبس اللي اتكون ( موضه ) .البنات بدو يستخدمونها بشكل يخلي الواحد يشمئز


يعني البسي اللي تبغين بس فيه ضوابط من ناحيه الشرع والحلال والحرام



اتمنى قدرت اوصل القصد من الموضوع

وربي يجزيك بمثله ياخوي الفيصل

[!قطريـة بنت القمـر!]

اغلب هالنوعية فئة مراهقات ماعليهم شرهة الشرهة على اهاليهم الصراحة خصوصا تلاقين البنت طالعة مع امها وعلى قولتج الشيلة لنص الشعر مع هالموضه الفرعونية الكريهة اللي طلعت والحلق تقولين تواير :eek5: والبنطلون الجنز القصير والكعب العااالي والعباية المخصرة اللي مليانة اكسسوارات بعد واطلع ريلها كل شوي يعني شوفوني شلابسة وتمشي بمياعة مصطنعة للغاية واخرتها امها جمبها وعباية على الراس ومرة في حالها ولا تقول كلمة لبنتها انا ابي افهم يعني مستانسة على وضع بناتها ولا ابوها شلون خلاها تطلع بهالشكل وين اخوانها ؟؟؟؟؟؟؟ ولا يفوتكم لا قرب واحد وغازلها قدام الناس تقعد وتسب وتشتم وتسوي فضيحة او انها تسكت ولا تعلق الا بابتسامه كنها تقول هاي اللي كنت ابيه وتستانس بالمضايقات والمعاكسات طبعا ؟؟ نبي نفهم شهالجيل الامعة اللي كل ما شاف شي قال بسويه كل شوي تطلع لهم موضة غريبة عجيبة ويتبعونها عمياني والله احس ماعندهم شخصية بتاتا وشخصياتهم حدها ضعيفة مالهم شي يتميزون به للاسف الشديد مو الكل طبعا بس عدد كبيرررررر جدا والواحد يتاسف على الحال هذا الصراحه وصارو بنات كبار بالعمر بعد يتبعونهم هني نقول هاي الطامة الكبرى؟؟ فلا حول ولا قوة الا بالله العلي العظيم .... لو يردون لحشمة بناتنا الاول والله احلى واجمل ما يكون تطلع البنت ساترة عمرها بعباه وسيعة ومتغطية اما بغشوة ولا نقاب ولو تزيده بقفازات والله لاحظت عيون الناس تحترمج في كل مكان بشكل كبير للغاية ما كنت اتصوره يوم اتبعت هالشي والله مافي احلى من انج تكسبين ربج بحشمتج وتكسبين احترام الناس لج بصورة جدا كبيرة حتى يوم تمشين بمكان مزدحم والله يحسسونج كأنج اميرة ماشية بينهم ومحد يتعرض لج لو شنو ويتكلمون طول الوقت بالخير عن حشمتج ولباسج وتاخذين اجر لعل وعسى وحده اطالعج كل يوم بهالحشمه وتصير نفسج .... الله يعطيج الف عافيه اختي مس قطر الغالية موضوعج حده جميل وطرحه متميز قواج الله :victory: ....

[الوعد2016]

مشكوره على الموضوع وياليتهم ينتبهون حق انفسهمويعرفون الصح من الغلاط والمكياج له وقت والزينه لها حدود ولها وقت
والاخطر هو وضع العطوووووووووووووورالقويه والضارخه

[joOoreee]

يعطيك الف عافيه
موضوعك رائع
ولكن إذا كان رب
البيت بالدف ضارباً ..
فشيمة اهل البيت ؟؟؟؟؟

[اعالي الجنان]

كثرو النوعيه هذي الله المستعان

مايحرق القلب تواجدهم وبكثره في المجمعات التجاريه

والله بنات بعمر الزهور سنر 13 و15 و14 لي شفتهم انقهر واتلفت اشوف من وياهم والاقيهم بروحهم لاولي ولارقيب

والمصيبه الثانيه اللبس للي محد يرضاه على عياله لبس فاضح والشيله عالكتف ومكياج صارخ والحواجب اللي طايحين عليه رسمة الشيطان !!!

وين الاهل وين الام وين الاب مخلين عيالهم كذي هم محاسبيين ومسؤولين خاصه الاعمار هذي حرجه جدا بالنسبه للبنت والولد

موضوع مهم واسال الله ان يحفظ عيالنا وبناتنا من الموضه هذي اللي تدمر تدمير ولامنها فايده غير جمع اكبر كميه من الذنوب والاّثم

وياليت كلن يفكر باتباع ماترتضيه شريعتنا ودينا بحدود المعقول بلا اسراف ولاتبذير

جزازج الله خير يامس قطر

[PRINCESS]

جزاج الله الجنه اختي على النصيحه وجعلها في ميزان حسناتج انشالله
:nice:واصفق لك بحراره لانكي من اتبع نصيحه قدوتنا الرسول الكريم عليه افضل الصلاه والسلام عندما قال:من رأى منكم منكرا..........
عاشت ايديج
تقبلي مرور

[غزلان]

خلنا ساكتين احسن

من كم يوم ام وكبيره في السن تطلب من الخدامه اكسبرسوا:secret:
الله يرحم القهوه الخليجيه:)

[بوحارب]

خلنا ساكتين احسن

من كم يوم ام وكبيره في السن تطلب من الخدامه اكسبرسوا:secret:
الله يرحم القهوه الخليجيه:)

ما هو الأكسبرسوا؟؟ :omg:

[AmOuR]

ما هو الأكسبرسوا؟؟ :omg:

الاكسبرسوا ..

هي نوع ٌ من أنواع القهوة .. ولكنني لا أعرف مكوناتها ..

سؤالكـ عربي بحت ..

[اعالي الجنان]

ما هو الأكسبرسوا؟؟ :omg:

ولد عم الكرك :tease:

[أخت الغالي]

تسلمين يالغالية على الموضوع

اعجبني الصراحة

ووللأسف الأغلبية يتبعون هذة الموضة

بدووون تعليق كفيتوا ووفيتوا *_^

[الخيميائي]

انا متفقه معاك من ناحيه موضه الالوان ..


يعني فيها شوي ثوابت .. الوان الصيف والوان الشتا ...


بس انا اقصد الموضه اللي تفرض نفسها بقوه ..


انشوف موضه المكياج من ناحيه الالوان ....


( اكيد اتعرف الskinny jeans) الضيق من تحت :)


مثل ما ذكرت بناطلين التايت


حتى بقصات الشعر والتسريحات والفساتين بكل هذا نتبع الموضه

وليتها كانت بس تقتصر على الوان


بدون موضه مافي تجدد :)


اكيد اقولك اشيا ماعندك اهتمام لمعرفتها بس للشرح فقط :p


واحترم رايك اخوي الخيميائي

انا عارف انه الموضوع عن اتباع بناتنا للموضة بشكل اعمى

وبعضهم يستعرض بهذي الموضة امام خلق الله

دون اي مراعاة لاي قاعدة كانت شرعية والا خلقية والا حتى ذوقية

بس انا كنت اقصد انه الموضة العالمية مالها ذيك العلاقة القوية

ولكن العيب فينا احنا

لانه الوحده تشوف فلانه لابسه هذا الشيء وتبدأ تقلد حتى لو كان هذا الشيء مب موضة عالمية ولا شيء يعني مشكلتنا التقليد الاعمى

وخصوصا في الاشياء هذي

هذا الى كنت اقصده

وجزيت خيرا يامس قطر على النصيحة

منا لهن :nice:

[الخيميائي]

طلعت احسن منك افهم في الموضه
طلعت غش ماتعرف شيء فيها يالخميائي :tease:

صدقني الى اعرفه من الموضة الجينز :nice:

حتى التي شيرت خاطري البس فانيلة السيلية ورقم 10 اذا سافرت خارج البلاد:victory:

والزين الى فيهم برا محد يهتم فيك وش تلبس والا بكم

بس ياويلك لو شافك حد من اهل الديرة :omen2:

[miss-qatr]

اغلب هالنوعية فئة مراهقات ماعليهم شرهة الشرهة على اهاليهم الصراحة خصوصا تلاقين البنت طالعة مع امها وعلى قولتج الشيلة لنص الشعر مع هالموضه الفرعونية الكريهة اللي طلعت والحلق تقولين تواير :eek5: والبنطلون الجنز القصير والكعب العااالي والعباية المخصرة اللي مليانة اكسسوارات بعد واطلع ريلها كل شوي يعني شوفوني شلابسة وتمشي بمياعة مصطنعة للغاية واخرتها امها جمبها وعباية على الراس ومرة في حالها ولا تقول كلمة لبنتها انا ابي افهم يعني مستانسة على وضع بناتها ولا ابوها شلون خلاها تطلع بهالشكل وين اخوانها ؟؟؟؟؟؟؟ ولا يفوتكم لا قرب واحد وغازلها قدام الناس تقعد وتسب وتشتم وتسوي فضيحة او انها تسكت ولا تعلق الا بابتسامه كنها تقول هاي اللي كنت ابيه وتستانس بالمضايقات والمعاكسات طبعا ؟؟ نبي نفهم شهالجيل الامعة اللي كل ما شاف شي قال بسويه كل شوي تطلع لهم موضة غريبة عجيبة ويتبعونها عمياني والله احس ماعندهم شخصية بتاتا وشخصياتهم حدها ضعيفة مالهم شي يتميزون به للاسف الشديد مو الكل طبعا بس عدد كبيرررررر جدا والواحد يتاسف على الحال هذا الصراحه وصارو بنات كبار بالعمر بعد يتبعونهم هني نقول هاي الطامة الكبرى؟؟ فلا حول ولا قوة الا بالله العلي العظيم .... لو يردون لحشمة بناتنا الاول والله احلى واجمل ما يكون تطلع البنت ساترة عمرها بعباه وسيعة ومتغطية اما بغشوة ولا نقاب ولو تزيده بقفازات والله لاحظت عيون الناس تحترمج في كل مكان بشكل كبير للغاية ما كنت اتصوره يوم اتبعت هالشي والله مافي احلى من انج تكسبين ربج بحشمتج وتكسبين احترام الناس لج بصورة جدا كبيرة حتى يوم تمشين بمكان مزدحم والله يحسسونج كأنج اميرة ماشية بينهم ومحد يتعرض لج لو شنو ويتكلمون طول الوقت بالخير عن حشمتج ولباسج وتاخذين اجر لعل وعسى وحده اطالعج كل يوم بهالحشمه وتصير نفسج .... الله يعطيج الف عافيه اختي مس قطر الغالية موضوعج حده جميل وطرحه متميز قواج الله :victory: ....


الله يعاااااافيك اختي قطريه

واشكرك على اضاافتك القيمه للموضوع ..

كل الاحترام والتقدير لك اختي العزيزه


شاكره لك مرورك :)


مشكوره على الموضوع وياليتهم ينتبهون حق انفسهمويعرفون الصح من الغلاط والمكياج له وقت والزينه لها حدود ولها وقت
والاخطر هو وضع العطوووووووووووووورالقويه والضارخه


العفوو ياخوي

وذكرت شي مهم جداً جداً وللاسف اني سهيت عنه


العطور اللي كثير من الحريم والبنات يتجاهلون حرمه التطيب مع غير المحارم

والله ان بنات دين واخلاق لكن يقولون لك .. مانقدر نطلع بدون مانكون متعطرات خلاص تعودنا واحنا مانقصد شي :secret:


دام انتي واثقه من نفسك وعباتك نظيفه ... ليش اتعطرين في المجمعات !!!!!!! كل زاويه بتمرين فيها وبيشم ريحتك اجنبي راح تعتبرين زانيه بحديث صريح من الرسول عليه افضل الصلاه والسلام




كل الشكر لك اخوي على التذكير

تسلم

:)

[miss-qatr]

يعطيك الف عافيه
موضوعك رائع
ولكن إذا كان رب
البيت بالدف ضارباً ..
فشيمة اهل البيت ؟؟؟؟؟

الله يعافيك اختي العزيزه :)


بس مب شرط يا اختي اوقات يكون سبب هذا كله .. عدم الرقابه او الانشغال

مع ان الوالدين يكونون من احسن الناس ومب مقصرين بحق عيالهم بشي

شاكره لك مرورك :)


كثرو النوعيه هذي الله المستعان

مايحرق القلب تواجدهم وبكثره في المجمعات التجاريه

والله بنات بعمر الزهور سنر 13 و15 و14 لي شفتهم انقهر واتلفت اشوف من وياهم والاقيهم بروحهم لاولي ولارقيب

والمصيبه الثانيه اللبس للي محد يرضاه على عياله لبس فاضح والشيله عالكتف ومكياج صارخ والحواجب اللي طايحين عليه رسمة الشيطان !!!

وين الاهل وين الام وين الاب مخلين عيالهم كذي هم محاسبيين ومسؤولين خاصه الاعمار هذي حرجه جدا بالنسبه للبنت والولد

موضوع مهم واسال الله ان يحفظ عيالنا وبناتنا من الموضه هذي اللي تدمر تدمير ولامنها فايده غير جمع اكبر كميه من الذنوب والاّثم

وياليت كلن يفكر باتباع ماترتضيه شريعتنا ودينا بحدود المعقول بلا اسراف ولاتبذير

جزازج الله خير يامس قطر


ربي يجزيك بمثله

عطرتي الموضوع بمرورك يا الغلا :)


كفيتي ووفيتي يا اعالي


تسلمين

[miss-qatr]

جزاج الله الجنه اختي على النصيحه وجعلها في ميزان حسناتج انشالله
:nice:واصفق لك بحراره لانكي من اتبع نصيحه قدوتنا الرسول الكريم عليه افضل الصلاه والسلام عندما قال:من رأى منكم منكرا..........
عاشت ايديج
تقبلي مرور

ربي يجزيك اختي بمثله

هذا اللي نقدر انسويه انه نكتب دام عندنا القدره ولو بكلمات بسيطه بس على الاقل يوصل :)


شاكره لك مرورك :)


خلنا ساكتين احسن

من كم يوم ام وكبيره في السن تطلب من الخدامه اكسبرسوا:secret:
الله يرحم القهوه الخليجيه:)



:p خلها تطلب اكسبرسو ولا حتى فرابتشينو ( اتعيش حياتها )


تسلمين ياغزلان على مرورك الحلو :)

[عاشق الشهادة]

ليش الي كبيره مالها حق تستمتع في ما بغى لها من عمر :tease:
بس بشرط لاتنسى ضروسها وهي طالعه ..

[miss-qatr]

ما هو الأكسبرسوا؟؟ :omg:


مااخبرك اخوي بوحارب اتمر بدون ماتضيف شي :)


شكراً عالمرور


الاكسبرسوا ..

هي نوع ٌ من أنواع القهوة .. ولكنني لا أعرف مكوناتها ..

سؤالكـ عربي بحت ..


موضوعنا مب عن الاكسبرسو :)

شكراً عالمرور

[miss-qatr]

تسلمين يالغالية على الموضوع

اعجبني الصراحة

ووللأسف الأغلبية يتبعون هذة الموضة

بدووون تعليق كفيتوا ووفيتوا *_^


الله يسلمك اختي


شاكره لك مرورك اللبق :)


انا عارف انه الموضوع عن اتباع بناتنا للموضة بشكل اعمى

وبعضهم يستعرض بهذي الموضة امام خلق الله

دون اي مراعاة لاي قاعدة كانت شرعية والا خلقية والا حتى ذوقية

بس انا كنت اقصد انه الموضة العالمية مالها ذيك العلاقة القوية

ولكن العيب فينا احنا

لانه الوحده تشوف فلانه لابسه هذا الشيء وتبدأ تقلد حتى لو كان هذا الشيء مب موضة عالمية ولا شيء يعني مشكلتنا التقليد الاعمى

وخصوصا في الاشياء هذي

هذا الى كنت اقصده

وجزيت خيرا يامس قطر على النصيحة

منا لهن :nice:

ربي يجزيك بمثله ياخوي

وانت بعد ماقصرت بالرد والشرح

والسموحه نشفنا ريجك بتوصيل وجهه نظرك لنا :p



الف شكر لك :)

[امل الحب]

تسلمين مس..

للاسف الغالبية تتبع موضة حسب كلامهم ولكنها لاتمت للموضة بأي صلة ..:secret:

جزااج الله خير

[miss-qatr]

ليش الي كبيره مالها حق تستمتع في ما بغى لها من عمر :tease:
بس بشرط لاتنسى ضروسها وهي طالعه ..

اذا على طلب كوفي ولا عصير خلها تستمتع :nice:


تسلمين مس..

للاسف الغالبية تتبع موضة حسب كلامهم ولكنها لاتمت للموضة بأي صلة ..:secret:

جزااج الله خير


ربي يجزيك بمثله اختي امل

نور المنتدى .. من زمان ماشفتك :)


الله يسلمك وشاكره لك مرورك اختي الغاليه

[عاشق الشهادة]

اذا على طلب كوفي ولا عصير خلها تستمتع :nice:




ربي يجزيك بمثله اختي امل

نور المنتدى .. من زمان ماشفتك :)


الله يسلمك وشاكره لك مرورك اختي الغاليه


الخوف من الفضيحه او من تكنسل الموضوع :tease:

[هتـان قطر]

مس قطر ياليت الموضه اللي يمشي عليها البعض انها تكون بالملابس والاكسسوارات

كان بيهون الوضع..المشكله الحين موضة التنفيخ..موضة الخميره..!!!

تلاقين الوحده شفايفها منفخه وخدودها منفخه وراسها منفخ ..والخشم مقطوع!!:eek5:

والله اصبحوا يتشابهون..لييييش..؟ قالوا موضه..زين واذا الموضه هذي بشعه ..مب حلوة

ليش تسوونها..؟

قال صلى الله عليه وسلم( لتتبعن سنن من كان قبلكم ، شبرا بشبر، وذراعا بذراع، حتى لو

دخلوا جحر ضب تبعتموهم) قالوا: يا رسول الله: اليهود والنصارى؟؟!! قال: ( فمن؟)...

[amego]

الموضة اصبحت اقوى سلاح من اسلحة الدمار
والموجهة لما بقي مستور من جسد امتنا و لما
بقي من نخوة او حشمة او ستر
وهي اشد فتكا وتاثيرا من دمار الفضائيات المسمومة
والتي تدار بايدي
المستعربين من العرب
لانها تعلن نجاح مخططاتهم على اجساد بناتنا المسلمات

[!الشايمه!]

ايييه كل هذا هين.....تعالوا المدينة التعليمية.....شوفوا بنات المدارس
الاجنبية........وشوفوا العباية كيف صارت
في خبر كان........ :( والا عباية بدون شيله .... والا اللي بتنزل لابسه قصير وبدي كت ...حشا...
.ماتقولون في قطر....محد مستانس الا الدريوليه....الحمدلله والشكر...والله بهدلوا عمرهن هالبنات
الله لا تبلينا.

تحية

[miss-qatr]

الخوف من الفضيحه او من تكنسل الموضوع :tease:

:eek5:

ليش ؟


مس قطر ياليت الموضه اللي يمشي عليها البعض انها تكون بالملابس والاكسسوارات

كان بيهون الوضع..المشكله الحين موضة التنفيخ..موضة الخميره..!!!

تلاقين الوحده شفايفها منفخه وخدودها منفخه وراسها منفخ ..والخشم مقطوع!!:eek5:

والله اصبحوا يتشابهون..لييييش..؟ قالوا موضه..زين واذا الموضه هذي بشعه ..مب حلوة

ليش تسوونها..؟

قال صلى الله عليه وسلم( لتتبعن سنن من كان قبلكم ، شبرا بشبر، وذراعا بذراع، حتى لو

دخلوا جحر ضب تبعتموهم) قالوا: يا رسول الله: اليهود والنصارى؟؟!! قال: ( فمن؟)...

صدقتي والله يا هتان

صار عادي اذا شفت وحده صار لك مده ماشفتيها وتلقين خشمها اللي عرضه 3 ونص سم اصبح 1 ونص :secret:

والحين ماقامو الناس يتعنون لبنان .. كل شي عندنا والدكاتره اللي يقومون بهالعمليات معروفين :rolleyes2:



كل الشكر والتقدير لك اختي الغاليه هتان

وربي لايحرمني من هالمرور :)

[miss-qatr]

الموضة اصبحت اقوى سلاح من اسلحة الدمار
والموجهة لما بقي مستور من جسد امتنا و لما
بقي من نخوة او حشمة او ستر
وهي اشد فتكا وتاثيرا من دمار الفضائيات المسمومة
والتي تدار بايدي
المستعربين من العرب
لانها تعلن نجاح مخططاتهم على اجساد بناتنا المسلمات

جزااك الله خير على هالرد

شاكره لك مرورك :)


ايييه كل هذا هين.....تعالوا المدينة التعليمية.....شوفوا بنات المدارس
الاجنبية........وشوفوا العباية كيف صارت
في خبر كان........ :( والا عباية بدون شيله .... والا اللي بتنزل لابسه قصير وبدي كت ...حشا...
.ماتقولون في قطر....محد مستانس الا الدريوليه....الحمدلله والشكر...والله بهدلوا عمرهن هالبنات
الله لا تبلينا.

تحية

الله المستعان ياختي

ما باليد حيله


تسلمين على مرورك العطر اختي الشايمه :)

[..الاميرة..]

يعطيج العافيه عزيزتي على الموضوع وجزاك ربي كل خير ..
فوضة اللبس تلاقينها عند البنات في عمر الزهور يعني من 18 حتى 22سنه
والمصيبة تمشي جنب امها يعني الوضع عندهم عادي
ولا الام تقولج توها صغيره خلها تستانس !!

(واهم شي انتوا مستانسين) .. :)

وربي يهديهم يامسس ويهدينا وياهم ان شاء الله ..

[شبيهة البحر]

الموضة شئ جميل
آخذ منها ما يعجبني ويرضي ربي
والباقي ألقيه وراء ظهري
في حياتي لم أخضع للموضة
فأنا الأجمل بحشمتي رغم أنف صناع الموضة
شكراً لهذا الموضوع الراقي كصاحبته

[miss-qatr]

يعطيج العافيه عزيزتي على الموضوع وجزاك ربي كل خير ..
فوضة اللبس تلاقينها عند البنات في عمر الزهور يعني من 18 حتى 22سنه
والمصيبة تمشي جنب امها يعني الوضع عندهم عادي
ولا الام تقولج توها صغيره خلها تستانس !!

(واهم شي انتوا مستانسين) .. :)

وربي يهديهم يامسس ويهدينا وياهم ان شاء الله ..

اللهم آآمين

هذي المشكله ان بعض امهات (الجيل الجديد) هم مفاهيمهم غلط فلازم بتنتقل لي بناتهم

شاكره لك مرورك اللي نورلي الصفحه :)


الموضة شئ جميل
آخذ منها ما يعجبني ويرضي ربي
والباقي ألقيه وراء ظهري
في حياتي لم أخضع للموضة
فأنا الأجمل بحشمتي رغم أنف صناع الموضة
شكراً لهذا الموضوع الراقي كصاحبته

الرقي نابع من صاحبه الرد :)

تسلمين على مرورك اختي العزيزه

[ذيبه مزاجيه]

هذا الشيء مضحك مبكي في نفس الوقت ..

وما بقول الا الله يهدي الجميع لان الله قادر على كل شيء .. واللي عليكم سويتوه بالنصح و الارشاد لعل و عسى رب العالمين يهدي بمواضيعكم اي وحده تتبع الموضه الخاطئه .. والله يستر علينا و على بنات المسلمين جميعا ان شاء الله ..

وبالنهايه الواحد من كثر ما ينصح وده يصلح الكون كله و لكن وين !!!!!!

والله لولا الملامه و كثرة الاشياء السلبيه اللي نشوفها .. بدال ما احش في الناس و انتقد موضتهم واعتقد ان هذا شيء من الغيبه ادعي لهم بالهدايه لعل الله ان يهدي قلوبهم الى الصواب .. واقول دعوا الخلق للخالق ..

تحياتي لموضوعج اللي هو قمه في الرقي في النصح ^_^

[miss-qatr]

هذا الشيء مضحك مبكي في نفس الوقت ..

وما بقول الا الله يهدي الجميع لان الله قادر على كل شيء .. واللي عليكم سويتوه بالنصح و الارشاد لعل و عسى رب العالمين يهدي بمواضيعكم اي وحده تتبع الموضه الخاطئه .. والله يستر علينا و على بنات المسلمين جميعا ان شاء الله ..

وبالنهايه الواحد من كثر ما ينصح وده يصلح الكون كله و لكن وين !!!!!!

والله لولا الملامه و كثرة الاشياء السلبيه اللي نشوفها .. بدال ما احش في الناس و انتقد موضتهم واعتقد ان هذا شيء من الغيبه ادعي لهم بالهدايه لعل الله ان يهدي قلوبهم الى الصواب .. واقول دعوا الخلق للخالق ..

تحياتي لموضوعج اللي هو قمه في الرقي في النصح ^_^




تسلمين حبيبتي

والراقيه ما تشوف غيرها الا راقي :)

شاكره لك الغلا على مرورك وعلى تعليقك