مطلوب اسد الملك Lion King

[الجهجاه]

بسم الله الرحمن الرحيم
#
#
#
#
#
#
#
#
#
#
#
#
كل عام وانتم بخير

ممكن يكون الطلب غريب بس مهم

هو مطلوب شراء سي دي نسخه اصلية لفلم الكرتوني اسد الملك Lion King دزني
الصراحة تعبت وانا ابحث عنه في المحلات المختصة والاسواق الحرة مالقيت
والنسخه اللي عندي كسرها الولد ومسكين دوم يسأل عن الاسد اول مايركب السيارة
عاد همتكم تجيبون اسد حق ولدي بس كرتون مش حقيقي

[فلفل حار]

لازم اصلي اخوي ؟ لانه الكرتون وايد قديم

اذا تبي كوبي شوف محل الفيديو بالطابق الثاني في مركز تموين العائلي مال المطار عنده اصلي ، واذا ماعنده الي تبيه بيجيب لك كوبي

والله يخلي لك ولدك ان شاء الله :)

[thelord007]

من الصعب أخوي تحصله أصلي لانه انتاج عام 1994 بس أنا أقدر أجيبه لك واضح وضوح الأصلي ومترجم اذا اردت
والله يحفظ ولدك

[gaasi]

والله انك راعيها على هالفلم

[studio5five]

يا أخوي انا عندي كوبي لكنه واضح جدااااااااااااااااااا جداااااااااااااااااااااااااااا
وفوق هذا مدبلج :) يعني مصري والعيال دووم على هذا الفيلم لأنه جميل جدا :)
والله يخلي لك الولد إن شاء الله

[وحيد-الشوق]

اعتقد موجود في فيرجين ميغا ستور في فيلاجيو

اكثر افلام ديزني القديمة تحصلها هناك

او

شوف موضوع الاخ جدة انمي ماشاء الله عنده كل افلام ديزني تقريبا

[الجهجاه]

:cry2:
لازم اصلي اخوي ؟ لانه الكرتون وايد قديم

اذا تبي كوبي شوف محل الفيديو بالطابق الثاني في مركز تموين العائلي مال المطار عنده اصلي ، واذا ماعنده الي تبيه بيجيب لك كوبي

والله يخلي لك ولدك ان شاء الله :)

مشكور اخوي (فلفل حار)
بقولكم ليش انا طالب نسخة اصلية السالفة عشان اكسر خاطركم زياده اني سمعت عن الاسد الملك زين للاولاد يشوفونه يعطيهم روح الشجاعة والجراءة المهم دورت وماحصلت وعطاني واحد من الربع السي دي عشان يشوفه الولد واستانس عليه وكل يوم يجي ويطب علي ويسوي نفسه اسد ويتهاوش معاي ويعضني يعني صار اسد البيت قلت بانسخ السي دي عشان ارجعه اليوم بكره والبعده مانسخت ويوم وانا نازل من الموتر والا اشوف الولد مطلع السي دي من Dvd ومنزله معاه عشان يشوفه في البيت قلت وده داخل وشوفه وبعد كم يوم خذته من عنده عشان اركبه في الموتر ولا اشوف الكسر في السي دي
قلت بسيطه راح اشتري واحد جديد حق رفيجي وينتهي الامر
ومن هني ابتدت معناتي:cry2: وانا ابحث عن السي دي الاصلي وانا منحرج حدي من الرجال
اما الكوبي فطلبت من (العضو جده) للولد
مع تحياتي

[الجهجاه]

من الصعب أخوي تحصله أصلي لانه انتاج عام 1994 بس أنا أقدر أجيبه لك واضح وضوح الأصلي ومترجم اذا اردت
والله يحفظ ولدك

تسلم اخوي اللورد007
نفس ماقريت سالفتي ليش ابي الاصلي اما الكوبي فطلبت من العضو(جده مني)
مع الشكر

[qatar.com]

اقدر اجيبة لك اصلي بس موب مترجم

واذا تبية مترجم بشوفلك انشاء الله

[الجهجاه]

والله انك راعيها على هالفلم

ترا معليك انا مستانس اكثر من الولد على الاسد الملك
ومشكور على المرور

[الجهجاه]

يا أخوي انا عندي كوبي لكنه واضح جدااااااااااااااااااا جداااااااااااااااااااااااااااا
وفوق هذا مدبلج :) يعني مصري والعيال دووم على هذا الفيلم لأنه جميل جدا :)
والله يخلي لك الولد إن شاء الله

مشكور اخوي( ستيديو) على المرور
والله يخليلك العيال
تحياتي

[الجهجاه]

اعتقد موجود في فيرجين ميغا ستور في فيلاجيو

اكثر افلام ديزني القديمة تحصلها هناك

او

شوف موضوع الاخ جدة انمي ماشاء الله عنده كل افلام ديزني تقريبا



هلا اخوي (وحيد الشوق)
مريت وماحصلت عندهم
وبالفعل طلبت كوبي حق الولد من (جده انمي)

[الجهجاه]

اقدر اجيبة لك اصلي بس موب مترجم

واذا تبية مترجم بشوفلك انشاء الله

تكفى اخوي (قطر)
العلبه فيها نسختين الاولى الفلم والثاني عن طريقة الفلم والاغاني الخ
وفيه عدت لغات ومن بينها العربية مدبلج
تحياتي

[qatar.com]

تكفى اخوي (قطر)
العلبه فيها نسختين الاولى الفلم والثاني عن طريقة الفلم والاغاني الخ
وفيه عدت لغات ومن بينها العربية مدبلج
تحياتي

اخوي اقدر اطلبه لك من النت من مواقع امريكية اصلية ورخيصة بعد بس موب مترجم عربي هنا المشكلة

[الجهجاه]

اخوي اقدر اطلبه لك من النت من مواقع امريكية اصلية ورخيصة بعد بس موب مترجم عربي هنا المشكلة

اي والله اخوي (قطر) هذه مشكلة مش بس مترجم ابي مدبلج بعد
وراح اخليها اخر الخيارات

[غناتي1]

يا اخوي الناس للناس

رفيجك بيعذرك مهما كان

[يونيك]

موجود في سوق العلي ناسي اسم المحل ... هم محلين شوف عندهم.

[يونيك]

السموحة الموجود بس الاشرطة مب السي دي

[الجهجاه]

يا اخوي الناس للناس

رفيجك بيعذرك مهما كان

اكيد يا(غناتي) الناس للناس
بس نوعية العلاقات تفرق من شخص لاخر
واشكرك تحياتي

[الجهجاه]

السموحة الموجود بس الاشرطة مب السي دي

افا عليك اخوي (يونيك) الا شرفتي بالمرور وارشادي على المحل
بس ماعنده السي دي
وتحياتي

[بولينجر]

اخوي اشتريه من امازون وفك عمرك....
هذا رابطه:
http://www.amazon.com/gp/offer-listing/B00003CXB4/sr=1-1/qid=1223207270/ref=olp_tab_new?ie=UTF8&coliid=&me=&qid=1223207270&sr=1-1&seller=&colid=&condition=new

اختار واحد من البائعين اللي عليه 5 نجوم واشتريه من عنده وتوكل على الله.....وبالتوفيق

[دنيا جديده]

اسد الملك



قديم حيل بس القديم احلى

تلاقي في فيلاجووو



موفق ياربي

[الجهجاه]

اخوي اشتريه من امازون وفك عمرك....
هذا رابطه:
http://www.amazon.com/gp/offer-listing/B00003CXB4/sr=1-1/qid=1223207270/ref=olp_tab_new?ie=UTF8&coliid=&me=&qid=1223207270&sr=1-1&seller=&colid=&condition=new

اختار واحد من البائعين اللي عليه 5 نجوم واشتريه من عنده وتوكل على الله.....وبالتوفيق

اشكرك اخوي(بولينجر) على التوجيه وبالفعل اشتريت عدد 2 نسخه من الكرتون
عن طريق البريد اللي عطونياه ارامكس SHOP&SHIP
بس عندي استفسار عن معنى لعدد النجوم وليش تعدد المعروض مع اختلاف السعر
يعني انا حصلت من 32 دولار قيمة السي دي الى 100 دولار ليش!!!!!!!!!!

[الجهجاه]

اسد الملك



قديم حيل بس القديم احلى

تلاقي في فيلاجووو



موفق ياربي

تسلمين اختي (بدوية قطر)
رحت من قبل وماحصلت
بس طلبت من النت وراح يوصلي في الايام القليله
تحياتي

[بولينجر]

اشكرك اخوي(بولينجر) على التوجيه وبالفعل اشتريت عدد 2 نسخه من الكرتون
عن طريق البريد اللي عطونياه ارامكس SHOP&SHIP
بس عندي استفسار عن معنى لعدد النجوم وليش تعدد المعروض مع اختلاف السعر
يعني انا حصلت من 32 دولار قيمة السي دي الى 100 دولار ليش!!!!!!!!!!
العفو اخوي الجهجاه....
دورت لك الفيلم ان امازون يبيعونه ماحصلت ولقيت لك عن طريق بائعين في امازون....

المعروض هو من بائعين يبيعون عن طريق امازون...مثلهم مثل اللي يبيعون في اي باي www.ebay.com
ولحماية المتسوقين من اي نصابين.... تم وضع نظام تقييم للبائعين من قبل المشترين.... وهو المقصود بالنجوم... لما تلاقي عندهم 5 نجوم و98% تقييم ايجابي يعني البائع ممتاز وتقدر تثق فيه.... اما اذا كان مكتوب جنبه just launched يعني بائع مبتدئ وماله تقييمات.... والافضل عدم المغامرة بالتعامل معه.... الاسعار يحددها البائع نفسه وفي اشياء تلاقي اسعارها مبالغ فيها بشكل جنوني... والبائع اللي يقدم افضل الاسعار هو اللي يربح ويمشي بضاعته....