ماهي أفضل الموصفات لجهاز كمبيوتر ؟

[عميد السوق]

الأخوة الكرام كل عام وأنتم بخير ... ممكن المساعدة في إقتراح أفضل المواصفات لجهاز كمبيوتر من حيث نوع البروسيسور والمزربورد وكرت الشاشة وحجمه ونوع الرامات والحجم الملائم ... ثم تقديركم لسعر هذا الجهاز ... وشكراً مقدماً

[AmOuR]

انا ما أعرف غير اني أشتري و بس ..

و لما اتوهق فيه أشتري غيره ..

أو أقبل فيه ..

ان شاء الله اخواني المختصين بيفيدونك ..

[Media]

هلا يالغالي

انا ممكن انصحك بمواصفات تكون مناسبه لك بس ممكن اعرف حق شنو تبي تستخدم الجهاز؟ مثلا في ناس يستخدمونه اكثر شي حق الالعاب.. وفي ناس للشغل وفي ناس للاستخدام العادي.

وبالتوفيق

[عميد السوق]

جهاز للبيت وأكيد العيال بيشغلون الفيفا وغيرها من الألعاب

[Q.T.R SN!PER]

هلا أخوي أنا بعطيك المواصفات بالشرح أولا :-
اذا أنت تبي تستخدم الجهاز حق جامعه او شغل او شي تخزن فيه بيانات أكبر لازم الهارديسك يكون من 160 ميغا والى فوق
ثانيا :- الرام وهي سرعة الجهاز احسن سرعه لك هي من 512 وأنت طالع
ثالثا :- البروسيسر عندك من 1.5 وأنت رايح الى 2.5 والى فوق
رابعا :- كرت الشاشه اذا للالعاب يمكن تشتري واحد 512 واذا استخدام عادي او للشغل تستخدم كارت شاشه 256
خامسا :- وأحسن لك الجهاز يكون عليه واير ليس وبلوتوث وهذه الميزه توجد في كل لاب توب حديث
سادسا :- لازم تشوف سرعة النقل يعني سرعة الناقل وهذي ما عندي فيها خبره بس شوف باقي الاخوان يشوفون احسن سرعة ناقل كم ؟ انا مادري
سابعا :- أن يكون الجهاز مشغل دي في دي ويكون فيه رايتر
وأخر شي عندك مكتبة جرير كل الكمبيوترات نوع الويندوز فيستا هوم بريميام وأسعارهم رخيصه انت تستغرب زمان جرير كان اسعارها غاليه بس الحين اسعار كل المحلات نفس السعر بل جرير اصبحت اسعارها اقل بنسبه بسيطه من باقي المحلات التجاريه يعني انا شريت لاب توب من جرير مع شنطه وماوس والله في نفس اليوم رحت فيلاجيو ولقيت نفس الكمبيوتر لقيته سعره زايد 100 ريال تقريبا أو كم وتسعين ريال وبدون شنطه وماوس
نسيت خطوه أخيره بعدين لازم تشوف نوع البروسيسر أحسن نوع بروسيسر Intel Core 2 Due
وهذا أحسن أنواع المعالجات وحظ أوفر وعيد سعيد وكل عام وأنت بخير
تحياتيـ لكـ
خالد أحمد

[Q.T.R SN!PER]

وانشاء الله باقي الاعضاء ابوضاري وساس70 وأحمد وعقارات قطر كلهم خبرا والحمد لله انشاء الله يفيدونك
تحياتيـ لكـ

[Media]

هلا يالغالي

هذي مواصفات جهاز متوسط يعني لا غالي ولا رخيص وبيكون باذن الله جيد

1- المعالج خله يكون Intel Core 2 Duo بالسرعه الموجوده حاليا بالسوق لكن ماعليك من المعالجات الغاليه اللي ب 6000 الاف.. خذ لك ارخص بس اهم شي يكون بالاسم اللي ذكرته فوق.

2- اللوحة الأم او مايسمى بالمذر بورد انصحك بإحدى الشركتين ولا تطلع منهم.. يا Gigabyte او Asus وطبعا خذ لك وحده سرعة ال Bus Speed فيها عاليه وايضا تدعم الذاكره DDR2 والهاردسكات من النوع SATA

3- بالنسبه للهاردسك فأنصحك بهاردسك من النوع SATA بسعة 500 جيجا بايت.

4- الذاكره او ال Ram اخذه نوع DDR2 بقوة 3 جيجا بايت على الاقل والا 4 يكون افضل وخذ حبتين كل وحده تكون 2 جيجا بايت.. لا يقصون عليك ويعطوني 4 حبات كل وحده 1 جيجا بايت.

6- كرت الشاشه او مايسمى الى VGA او ال Graphic Card اخذه بقوة 512 ميغا بايت وانصحك بكرت من شركة جيجا بايت، الاسعار متفاوته ولا تاخذ الغالي وايد ترى مابتحتاجله.. خذ لك شي سعره متوسط يعني 500 او 700 لان في بعضهم اسعارهم 2500 وماعتقد تحتاجهم.

7- الغطاء الخارجي وهو ال Case انصحك بماركة Gigabyte

طبعا في امور ثانيه مثل ال DVD Writer هذي سعرها بسيط وتقدر تاخذ من عدة ماركات مثل LG او سوني او HP او باناسونيك او سامسونغ.

بالنسبه للشاشه لا تاخذ الا شاشة ماركة Samsung وطبعا بالحجم الي يريحك.

انصحك تاخذ كل هالامور من المحلات اللي في فندق السوفتيل لانهم الارخص.. ودايما كاسرهم اخوي بالسعر وخذ ضمان على كل قطعه واكرر كاسرهم عالسعر ترى الهنود شوي يلعبون بالاسعار ولازم تكاسرهم.

انصحك بالبدايه اتروح عند محل اسمه تورنيدو للكمبيوتر هو برع مجمع السوفتيل يعني قباله على طول عند محل الفيديو مال الافلام الهنديه في واحد اسمه خالد اهناك، هالمحل هو وكيل شركة Gigabyte والرجال والنعم فيه باذن الله مايقصر معاك لا بالسعر ولا بالجوده والضمان، وطبعا شوف المحلات الثانيه اللي داخل الفندق بعد ماتخلص وبعدين قرر.

السعر اعتقد بيكون 4500 ريال او اقل بدون الشاشه.

وبالتوفيق

[عميد السوق]

الأخوان Media ,خالد أحمد ، Amour جزاكم الله كل خير على المعلومات المفيدة