المساعد الشخصي الرقمي

مشاهدة النسخة كاملة : سيلين + العديد + النقيان >>> =مع ولا ضد الروحه لهم اوليش عشان الكل يستفيد


بوسلطان قطر
03-10-2008, 02:15 PM
السلام عليكم ورحمه الله وبركاته
حبيت ان اطرح هذا الموضوع ..

1- شنو برناجكم في سيلين ... الأستعراض ..
2-الوناسه
3-الترفيه عن النفس


بس بعد هذا كله نبي الواحد يرجع حق اهله سالم مافيه الا العافيه.
mubarak2006
03-10-2008, 02:45 PM
مرحبا الشيخ...انا من وجهة نظري ..لابد من منطقة مخصصة فقط للبانشيات..منطقة للاطفال ومنطقة للشباب ..يعني هذة المنطقة لايتم دخول السيارات بها هذا اولا..ثانيا منطقة مخصصة لتاجير البانشيات مش كل واحد على كيفة واحد في طرف سيلين والثاني في وسط الزحمة قريب السيف( البحر)...ثالثا لايدخل هذة المنطقة من لايحمل احتياطات الامان من خوذة وغيرة...رابعا لابد من جود كادر امني متخصص للتعامل مع الجمهور مع توفير اجهزة اتصال جيدة في حالة وقوع حوادث لاقدر الله...خامسا اتمني للجميع السلامة في الذهاب والعودة...هذا اللي في بالي الان وانشاء الله لي رجعة

شكرا
The Blade
03-10-2008, 02:46 PM
السلام عليكم...
والله ياخوي .. انا ذي سيلين مارحت لها إلا مرتين وصدقني اني تحسفت ....
ولكن من ناحية القعده في الشاليهات فهي وناسة صح .. بس سالفة الطعوس والضرب الصراحه شئ مادخل بالي لانه احس انه ماله داعي وثاني شئ صدقني هذا هو بعينه الهلاك.. ناس ماتدري وش الطبخه تضرب وتسوق بدون ماتشوف لايمني ولا يسار إلا من رحمه ربي ....

هذا رأي .. والعذر والسموحه
QATAR 11
03-10-2008, 02:48 PM
اكييد اخوي انا مع مثل هالرحلات الطيبه لكن كل شي بالعقل زين
AmOuR
03-10-2008, 03:54 PM
اكييد اخوي انا مع مثل هالرحلات الطيبه لكن كل شي بالعقل زين

وانا معااكـ أخوي ..
..er..
03-10-2008, 03:58 PM
مرحبا الشيخ...انا من وجهة نظري ..لابد من منطقة مخصصة فقط للبانشيات..منطقة للاطفال ومنطقة للشباب ..يعني هذة المنطقة لايتم دخول السيارات بها هذا اولا..ثانيا منطقة مخصصة لتاجير البانشيات مش كل واحد على كيفة واحد في طرف سيلين والثاني في وسط الزحمة قريب السيف( البحر)...ثالثا لايدخل هذة المنطقة من لايحمل احتياطات الامان من خوذة وغيرة...رابعا لابد من جود كادر امني متخصص للتعامل مع الجمهور مع توفير اجهزة اتصال جيدة في حالة وقوع حوادث لاقدر الله...خامسا اتمني للجميع السلامة في الذهاب والعودة...هذا اللي في بالي الان وانشاء الله لي رجعة

شكرا

انا مع اخوي مبارك من ناحيه المنطقه للبانشيات ,, للشباب والاطفال طبعآ لان صارت بلاوي حيل بسبب السيارات والبانشيات الله يكفينا الشر ,,

وياليت يمنع استعراض الشباب بالسيارات على الطعوس لانها صراحه مشكله وفيها ناس عليميه :rolleyes2:

ومايعرفون يسوقون بالرمله يعني يجي ويضرب ومايدري وين رايح :rolleyes2:

واخوي مبارك ماقصر قال الي بخاطري :victory:
بنQATARت
03-10-2008, 04:02 PM
مرحبا الشيخ...انا من وجهة نظري ..لابد من منطقة مخصصة فقط للبانشيات..منطقة للاطفال ومنطقة للشباب ..يعني هذة المنطقة لايتم دخول السيارات بها هذا اولا..ثانيا منطقة مخصصة لتاجير البانشيات مش كل واحد على كيفة واحد في طرف سيلين والثاني في وسط الزحمة قريب السيف( البحر)...ثالثا لايدخل هذة المنطقة من لايحمل احتياطات الامان من خوذة وغيرة...رابعا لابد من جود كادر امني متخصص للتعامل مع الجمهور مع توفير اجهزة اتصال جيدة في حالة وقوع حوادث لاقدر الله...خامسا اتمني للجميع السلامة في الذهاب والعودة...هذا اللي في بالي الان وانشاء الله لي رجعة

شكرا

:nice:
!الشايمه!
03-10-2008, 06:26 PM
المطلوب.....تقنين الفوضى
لكن اعتقد.....اننا شعب لازلنا نطالب بتقنين المهم...قبل التطلع لتقنين Entertainment

تحية
هام السحاب
03-10-2008, 06:51 PM
محد مسبب لي قلق في سيلين غير الهنود الي يطلعون الطعوس مشي يعني نفتك من سواقتهم في الدوحه لاحقينا لي سيلين :rolleyes2:
ورقــة أمــل
03-10-2008, 06:59 PM
ولامرة رحت العديد او سيلين

بس ياريت تكون فيه اماكن مخصصة للعائلات عشان الحريم مثل حالتنا يستانسون
مب بس كله شباب واجانب
خالي مشاعر
04-10-2008, 12:43 AM
انا موجود من امس
امس حادث قوي واليوم بعد الظاهر مابتخلص الاجازه الا بكم حالة وفاه
simsim1963
04-10-2008, 12:56 AM
لا بد من تنظيم وخدمات .... وياريت لو نقدر نحط خريطه موقع سيلين ونوزع عليها الخدمات هذا مقترح للجميع للمساهمه
بوسلطان قطر
04-10-2008, 02:18 AM
يعطيكم العافية على التفاعل وكل الشكر لكل من شارك

نبي الكل يستانس ويرد حق هله سالم مافيه الا العافية ....

بسنا من الجنون والله انشوف اشيا في سيلين الله يرحمنا ابرحمته هذا انتحار ....

في الأونه الأخيرة زادو شبابنا على الكراسي المتحركه ... روحو مستشفى ارميله والله اتجودون شعر راسكم من كثرهم ... هذا كله من الأستهتار شنو الواحد يستفيد ... اتقول مراهق لا والله العقل نعمه مب نقمه والحمد الله على نعمه الصحة والخير والعقل .....
Riku3
04-10-2008, 02:30 AM
شخصياً ما اركب طعوس ولا اركب بسيارة راكبه الطعس .. ولكني اركب بالبانشي واطعس فيها وانزل مرات من القص ولكن بالعقل وما اعمل شي فيه تهور .

وببعض الاحيان نشوي وناكل ونستانس هناك ونزور بعض الشباب الي مخيمين بمناطق قريبه منها .. يعني مكان رائع نقصده للاستمتاع :) .

بس بالفترة الاخيرة تغير المكان كثير مع ازدياد الاجانب وبعض التصرفات السيئة من بعض الشباب مثل مناظر البنات الملثمات على البانشيات او من فتحات السيارات .

بس بيكون جميل لو يتم التنسيق لترتيب المكان ليصبح مكان للشباب القطري وليس ترتيب المكان علشان الاجانب والسياحه وبالنهاية يشرد الشاب القطري من اخر اماكن الترفيه الخاصه فيه ! .

امس حادث قوي واليوم بعد الظاهر مابتخلص الاجازه الا بكم حالة وفاه
لاحول ولاقوة الا بالله .. للاسف بعض الشباب يبالغون في الاستعراض والسرعه او الدخول بدون خبرة في بعض الاماكن.
الخيميائي
04-10-2008, 02:38 AM
باعتبار هذه المنطقة هي المتنفس الوحيد للكثير

المفروض تكون في شركة ماسكة تطوير وادرة هذه المنطقة

وبيحصلون 100 فكرة وفكرة علشان يستقطبون الناس

بس للي يفكر