بخصوص تانكي بترول الجي 2008

[بوبندر]

سلام عليكم ...عيدك مبارك
ندخل في الموضوع.....شل حل ..في تانكي :anger1: ينترس هواء
والموتر وارد البريمي...ومشري 200 الف وعبد الغني شربت مايدخل مواتر الوارد من خارج قطر:anger1::anger1::anger1:

[الحـــوت]

روح التيسير

[فهد111]

اكثرالجيات الجديده نفس الحاله

[بوبندر]

روح التيسير
تيسير وين الشركه او المحطه.....وبعدين شسون فيه التيسير..........ممكن توضح اكثر
ومشكور

[الفضائي@]

واحد من الربع عنده نفس المشكله

بس اذا عبى فل ينزل ويعبي بدال

الهندي لين ينترس

[بوبندر]

واحد من الربع عنده نفس المشكله

بس اذا عبى فل ينزل ويعبي بدال

الهندي لين ينترس

عاد هذي حاله......:weeping:

[بن عامر]

السلام عليكم يا خوي روح الهفوف او كلم الوكاله وعلى حسب الظاهر انهم يسولك على الضمان تاكد قبل ماتروح والله اعلم

[qatar-123]

سلام عليكم ...عيدك مبارك
ندخل في الموضوع.....شل حل ..في تانكي :anger1: ينترس هواء
والموتر وارد البريمي...ومشري 200 الف وعبد الغني ((شربت)) مايدخل مواتر الوارد من خارج قطر:anger1::anger1::anger1:

الله يهديك يالشيخ

ما سوو لك شيء عشان تغلط عليهم

هاي سياسة الشركه وانت لو عندك شركه ما اظنتي راح تدخل مواتر ما نباعت من عندك

[][ الوحيد ][]

واحد من الشباب يعبي
30 عقب 30 عقب 30

يعني على دفعات

[anmfh]

اخووي كانت عندي نفس المشكلة

ودخلته عالضمان في الوكالة وصلحوه

واعتقد تقدر تدخله الوكاله بس بفلوس

والله اعلم

[شارع الأصمخ]

نفس المشكله في موتر ولد عمي والله انه ينزل بدال الهندي يعبي

ومافي فايده ذاك اليوم ساعه الاربع واحنا رايحين مكه نحااول نعبيه ماقدرنا

وذاك اليوم نفس الشي يبي يرووح العديد يبي يعبيه فل يعبي لين النص وبس

رايح العديد وتانكيه تحت النص والله حاله

[kemo1981]

السلام عليكم
أخوي انا سمعت انك تقدر تشتري الضمان من شركة عبد الغني بـ (5000 ريال) وبعدها تقدر تشيك على الموتر اول بأول ويستحسن تسأل الشركه الله لا يهينك بخصوص هالشي

والله أعلم

[رقم مميز]

انا قبل اقرا المشكله ولاجاتني في موتري

بس قبل العيد جاتني ورجع التانكي عادي

يوم العيد جيت اعبي موتر ي ماعبي ..ز

عرفت ان المشكله هواء في التانكي

وكل يوم على نفس الحاله انزل انا اعبي بنفسي في المحطه سويت زحمه للعالم ..

بس واحد من الربع جات المشكله راح الوكاله بدلوله على الضمان التانكي ..


ان مافيه حل الا ترووح التيسير الان اكثر السيارات الى وارد الخليج المعارض يفتحون لها

ضمان في التيسير ...

[بوسعود180]

الحل انك اذا جيت تعبي بنزين افتح غطى التانكي مدة 10 دقايق الين يطلع الهوا واذا جيت تعبي عب على اول دقه

[مزيون الدوحه]

والله مب حاله اشتري موتر ب 200 الف واكثر
واتبهدل ولا اقدر اسافر فيه ولا اروح العديد
هاذي مشكله لدفعه الاولى من المواتر لا ويقولون
بعد طلعت مشكله في الشفت .

والله يعينك اخوي

[لاداعي]

الوكاله يسونه لك على الضمان

[المغترب 123]

والله مب حاله اشتري موتر ب 200 الف واكثر
واتبهدل ولا اقدر اسافر فيه ولا اروح العديد
هاذي مشكله لدفعه الاولى من المواتر لا ويقولون
بعد طلعت مشكله في الشفت .

والله يعينك اخوي



:nice::nice::nice:

[المارونـــي]

اخوي بومناعي موترك هذا مثل موتر واحد من الربع اذا انصب له بترول ايفول على النص بس يكون هذا هو الموجود فعلياً الله يعينك يعني اذا تبي تفول الموتر يبيلك تننظر ربع ساعه لين ايفول ولا هالعيب وارد فيه
تقبل مروري اخوي

[Qa6ar]

الله يعينك على ابوشربت

[Qatari2003]

شباب ممكن تكون المشكلة انكم تعبون الظهر وانتو عارفين ان البترول يتبخر بسرعة وتعبي بسرعة بعد اكيد هذا يسبب بسحب الغازات الموجوده في خزان المحطة وتدخل التنكي السيارة :(
احسن حل ممكن انكم تعبون الموتر في الليل لم الجو يبرد فيقل الغازات الي تطلع مع البترول ودش التنكي واعتقد هذي الطريقة ممكن تساعد في حل جزء من المشكلة. وممكن انكم تجربون ان ماتسكرون غطة البترول بالكامل علاشان لم ينترس بالغاز يحصل الغاز منفذ له ولما تعبي انشاء الله يكون التنكي مافي اي مشكلة حق الغاز.

[slooom]

الموضوع مكررر وعدت مرات في كل المنتديات ارجع وشوف .
باختصار يتصلح على الضمان ويم تبديل التانكي او قطعه فيه وينتهي الامر ولاتفتحون باب للمطبلين على الاستيشن الجديد لانهم لكم بالمرصاد .

[oqbah]

ارسل ايميلي للمدير الاقليمي لشركة نيسان
وصدقني ان يصلحها لك المناعي لانه وكاله وملزم بالصيانه
سواء اشتريتها منه ولا من غيره
تبقى السياره نيسان

[Qatari2003]

:omg:

نيسان المناعي

:anger1:

[فلفل حار]

الحل انك اذا جيت تعبي بنزين افتح غطى التانكي مدة 10 دقايق الين يطلع الهوا واذا جيت تعبي عب على اول دقه

جزاك الله خير يا بوسعود ، وهذا هو الحل الي سويته لما صارت لي نفس المشكله

لاتستعجل ، للعلم انا خليت الموتر شهر علي حاله وعقب شفت موضوع بالمنتدي من زمان عن نفس المشكله ورحت جربت طريقة اخونا بوسعوود وفعلا انجحت معاي والحمدلله:victory:

لاتكدر عمرك كل شي وله حل يالغالي :)

[مساهم متوهق]

السلام عليكم ياخوان فيه حل قاله لي واحد من الربع مجرب هالشي في سيارته والحل ياشباب اذا جيت بترقد افتح الخزان ورح ارقد وبكره بعد ماتقعد سكره وان شاء الله تفتك من هالعنا والدوشه اللي متعبتك واتمنى اني قدرت اساعدكم

[على نياته]

الموضوع مكررر وعدت مرات في كل المنتديات ارجع وشوف .
باختصار يتصلح على الضمان ويم تبديل التانكي او قطعه فيه وينتهي الامر ولاتفتحون باب للمطبلين على الاستيشن الجديد لانهم لكم بالمرصاد .

لا زال فااااااااشل اسمح لي انا من الله خلقني اشتري جيات من فضل الله الا هالموديل وقفت لين يعدلونه (( مصخرة الارض ))

[بوبندر]

الموضوع مكررر وعدت مرات في كل المنتديات ارجع وشوف .
باختصار يتصلح على الضمان ويم تبديل التانكي او قطعه فيه وينتهي الامر ولاتفتحون باب للمطبلين على الاستيشن الجديد لانهم لكم بالمرصاد .

الله يصلحك..ماخاب من استشار...لايكون انت ولد عبد الغني