سؤال ضروري بخصوص (اللاجون )

[قلم صادق]

السلام عليكم

معروض علي شقه للبيع في شقق اللاجون بمبلغ مليون و800 الف وتسليم الشقق شهر 2

الشقه فيها غرفتين وغرفه صغيره للخدم وصاله

بغيت اسأل اصحاب الخبره السعر زين وتصلح للأستثمار

وانتظر ردكم ضروري ومشكورررين

[الزعفراني82]

كم مساحه الشقه اخوي و تطل علا وين ؟

[قلم صادق]

المساحه 168م في الدور الخامس وتطل على البحر والبحيره وفيها غرفتين نوم وصاله

ومطعم ومطبخ وغرفه للخدم و4 حمامات وفيها رخام ومكيف مركزي

ارجوا للي عنده خبره بالسوق يقول تسوى وجيده للاستثمار ولا زي ما يقولون ان على اخر

السنه العقار بطيح اسعاره

وانتظر ردودكم

[الزعفراني82]

اخر سنه العقار بيطيح سعره وين بيروح يعني ؟

اخوي العقلانيه اساس التعامل في البيع و حبيت اقولك دام العقار الي شريته بسعر معقول و جيد مهما يصير بالسوق راح يتم علا سعره و يزيد بعد و حتي راح يكون له مدخول ثابت شهري عكس الاسهم

[ام شهد قطر]

أنا شاريه من عندهم شقه من سبع شهور من المعرض الي كان في أرض المعارض وقالوا لي التسليم شهر ثمانيه وبعدين قالوا بيتأخر لين شهر تسعة فقلت مارح نفرق شهر بعدين قالوا لا بيتأخر بسبب الماء و الكهربا لين شهر أثنى عشر والحين أنت كاتب أن التسليم شهر أثنين وما يندرى بيسلونها صج في هذا التاريخ والا لا صراحه شبه ندمة أني شريتها لان الشركه ما عندها مصداقيه وأشوف الي بيشتريها بيحقق ربح اذا بيأجرها فبتكون كمصدر دخل لان أحنا خذناها بعد ما غلت لان الي قبلنا شروها ب500 ألف وباعوها علينا بالملايين فهم الربحانين . وفي أيام المعرض قال لنا أن الشقق الكبيرة تقريبا بمليون و 800 الف يعني سعرها ثابت تقريبا غير أنهم موقف السياره له سعر بروحه تقريبا 50 ألف تضيفها على سعر الشقه