حدث في سوق واقف

[maskalrose]

السلام عليكم ،،،،


بكتب الي حدث لي شخصيا في سوق واقف ثالث يوم العيد لا لفتح باب النقاش العقيم أنما لتقع عين أنسان مسئول يخاف الله ...

عندنا ضيوف من الامارات وخذيت الحريم وطلعنا سوق واقف عصر ثالث يوم العيد ..وتمشينا وعجبهم المكان وايد ...ولما وصلنا صوب المطاعم ناحية طجين وغيره ..ألا واحد شامي قاعد مع حرمه في الطاولات الاولية ناحية الساحة يصور قلنا بكيفه يصور الساحة ..الا ساعة قربنا قدامه الا الحرمه الي معه تلز صوب المطعم والاخ يصور :eek5:..الا قالنا ما في مجال الاخ قاعد يصورنا ..والحمد لله كلنا ملتزمات ومنقبات ..وما كان قدامي الا العسكري وأخبره وقالي وينهم وعلى طول رحنا صوبهم وهم أول ما شافونا مع العسكري الا تأخذ البنت الموبايل وتقعد تمسح ما أدري شو تقلب فيه ..عاد كل الا فات عادي يصير الا هذا الموقف ..الاخ قاعدعلى الكرسي وما طاع يحترم الناس الي وقفه عنده والاخت الي معه تطالع بنظره تعالي وقرف ..وأعطى الموبايل حق العسكري ويقول أنا بصور زوجتي وبس وما صورت حداا تاني ..قت له ..أحنا ندري أننا في مكان سياحي ونحترم الوضع أهني وكنا بنمر عادي الا لما مالت حرمتك ناحية المطعم وأحنا قريب طاولتكم وأنت تصور والواجب عليك تحترم وضع البلد وتحترم عاداته وأهله ...قام قال وبعده قاعد ..أنا بصور زوجتي يا عسكري وهذا الجهاز وشوف ..قام العسكري عطاني الجهاز وقال هذي الصور طالعي ..قلت المفروض أنه الجهاز ينكسر على راسه ..لان الله العالم وين الصوره هي مسحت أو نقلتها حرمته لملف أو غيره .. الا قال العسكري في صوره وحده لكم من بعيد .وخذيت الجهاز وطالعت في قسم الصور وطلعت صوره وحده ومن بعييد ... قلت له أمسحها وحسبنا الله ونعم الوكيل ...

ومشينا الا قالت صديقتي الامارتية ..ليه ما عندكم قانون حق هاي الحركات ..أخبر أهل قطر غيوررين وأهل دين وحشمة ...

قالت ..الله المستعان ..:weeping:

بس صدق

هل في قانون ينص على أحترام عادات وتقاليد البلد ؟؟

[غزلان]

لازم فيه قانون وكتبوا كم مره عن التصوير في المجمعات لكن لاحياة لمن تنادي

[ابوالجازي]

اختي اكيد في قانون

وجدامي صار نفس الموقف وكان التصوير عفوي وفعلا اللى كان يصور مب قاصد اي شي وشوي الا واحد من اخونا اللى لابسين ثياب :secret: خذ الكاميرا من يده وقعد يشوف الصور .

[المشتاقه الى الجنه]

والله ما حد يسأل عن قانون ولا يهمهم شي كل الموبايلات بكاميرا والله يعينا

[الساهرة]

قانون يحمي العادات والتقاليد خليها على ربج
زين اخذتيها لسوق واقف مب للاند او فيلاجيو جان شافت العجب
واللي يبط الجبد انه اخوانا العرب العن من الاجانب






الساهره

[الايرباص320]

حسبي الله عليهم

ماعاد في مكان يروحون الحريم

[Riku3]

ذيل عندهم كل شي عادي فما اتوقع يقصدون تصوير احد ..

اصلاً مكان المطاعم كله يرفع الضغط وما احسه مكان مناسب للقطريات >_< .. كله عرب وقرف واجانب وحريم يشيشون وانا اتضايق لما امر بذاك المكان لدرجة اني احس اني مب في قطر @_@ .

[M-OH-A-ME-D]

الصراحه الموضوع حلو ويستاهل الطرح ومؤيد لكلام الجميع , بغض النظر عن طريقة الألقاء .

وأتمنا يوصل صوتنا وليس صوتكم بس للمسؤليين , مع أني متأكد أنه في قانون يحمي هذا الحق في العادت والتقاليد وفي القانون .

لكن من بعد أذنكم في سؤال :

لو كان ( العرب ) في نفس الموقف السابق ذكره و حد منكم شهد الموقف وش بكون تعليقه !!!

[بنت سعادة السفير]

الله المستعااان

[AmOuR]

" يقولون ان في قانون "

بس ما أظن ..

[NASEER]

الشاميين وخصوصا السوريين مسخوها ترى فيهم قله ادب ماصارت ولا استوت

العالم جايه الدوحه تترزق وهم جايين ينهبون ويصورون ويتحرشون في العالم ياعالم

ياوزاره الداخليه المجتمع القطري بكبره متضاقين من السوريين بشكل اخص لازم يشوفون لهم حل

هالعالم مادري ايش هالجرائه فيهم هل احد مطمنهم ولا شسالفه ياجماعه انقذونا من المتطفلين

[نبض الحياه]

الصراحه الموضوع حلو ويستاهل الطرح ومؤيد لكلام الجميع , بغض النظر عن طريقة الألقاء .

وأتمنا يوصل صوتنا وليس صوتكم بس للمسؤليين , مع أني متأكد أنه في قانون يحمي هذا الحق في العادت والتقاليد وفي القانون .

لكن من بعد أذنكم في سؤال :

لو كان ( العرب ) في نفس الموقف السابق ذكره و حد منكم شهد الموقف وش بكون تعليقه !!!


اخوي هذه الاشياء تكرر كتير في سوق واقف سواء المصور عربي ولا خليجي

خاصة الشباب الب يجلسون في المقاهي الشعبيه

العاطل عاطل سواء عربي ولا خليجي ومو كل اصابعك سواء يعني الخليجي مو معصوم من الخطأ الانبياء كانوا يغلطوا اللهم لا تشبيه

[الخفي]

نعم في سوق واقف ترى انواع المعاصي والعري وكأننا في شاطئ هونولولو

ياجماعه سياحه ماقلنا شي بس سياحه بهالشكل وخصوصا الاخوان اللي جايين من سوريا

ولابسين لي اثياب وغتر يابلفيت قطريين ولا خليجيين وشفتهم بعيني عيونهم على النساء والعوايل

وكأنهم جايين يبون يغازلون موب يترزقون الله وتراهم مسخوها زياده عن اللزوم هذا غير اللي

في المجمعات التجاريه لابد من وقفه من هالاشخاص هم وغيرهم لكن هم بزياده

[فلفل حار]

الشاميين وخصوصا السوريين مسخوها ترى فيهم قله ادب ماصارت ولا استوت

العالم جايه الدوحه تترزق وهم جايين ينهبون ويصورون ويتحرشون في العالم ياعالم

ياوزاره الداخليه المجتمع القطري بكبره متضاقين من السوريين بشكل اخص لازم يشوفون لهم حل

هالعالم مادري ايش هالجرائه فيهم هل احد مطمنهم ولا شسالفه ياجماعه انقذونا من المتطفلين

ابشرك

حاطين العين عليهم:victory:

من يصيدون غلطه علي حد ، يكشونه بلاده :secret:

[غناتي1]

لو كل واحد غيور صار له نفس هالموقف راح ووقفهم عند حدهم

كان ما فكروا حتى مجرد تفكير لا هم ولا غيرهم انهم يصورون شوفاتنا

لان حتى الاجانب انا شايفهم يصورون الحريم الكبار وبراقعهم والنقابات

وغيره على اساس انه شئ تراثي ***** زين استأذنوا أول منهم

[سوق واقف]

الي يبي يصور يصور في وقت ما في أحد

[ابن قطر]

الله يستر علينا حتى بالمنتديات يسون فتن
ومعروفين

[qatar.com]

تقريبا نفس الشي اختي

http://qatarshares.com/vb/showthread.php?t=206771

[relaax]

لا تمرون من قدامه

[أمة الله]

سكتوا بس لحّد يقولكم عنصريين الحين.....والله وضع يبّط الجبد ياشيخ

[برق قطر]

الشكوى لله الواحد ماعاد يدري هو من اهل البلد ولا الاجانب هم اهل البلد

[التيما]

صارت لي مره في السيتي من اخوان سوريين زوج وزوجته واحنا قاعدين صوب المطاعم وتوقف المره احذانا تبي ريلها يصورها ووراها بيتزا هت ... شالحكمه مادري يمكن مافي بيتزا هت عندهم مناك ..عصبت انا وطالعته بس والله طلع محترم اعتذر وجاب لنا الجوال يروينا الصوره وانا وضحت له انه مب مشكله تصور بس مب صوب الناس والحريم ..

[maskalrose]

شاكرة للجميع التفاعل ...بس النقطة الي أبي أوصل لها ..

القانون ..هل هو مفعل أم مجرد كلمات على ورق في مكاتب المسئولين ..

والي أتمنا يطبق عندنا أنه كل وافد من أي جنسية كانت وعند حصوله على فيزة الاقامة في هذه البلد الطيبة يوقع على موفقته على مراعاه وأحترام عادات وتقاليد البلد وتكون مكتوبه وعاداتنا وتقاليدنا معروفه للقاصي والداني ...

والي سمعته من صديقتي الاماراتية أنه في أمارة الشارقة هذا القانون موجود وكل وافد للبلد يعطونه كتيب فيه العادات والتقاليد العربية الاسلامية للبلد وعليه مراعاه مشاعر أهلها وعدم المساس بها ...

[" روح قطر "]

لاحول ولاقوة الا بالله

الواحد قام يخاف من هالأجانب وكثرة مشاكلهم

الله يستر علينا وعلى بلادنا منهم

[restricted_1]

والله قهر وشي يبط الجبد

عيال الحمره ماعليهم شرهه

المفروض يجرجرونه من اذنه هو ومرته لأن هالاشكال مايتصرفون معاهم بأحترام

لانه عادي يصور مرته وهي في وضع مخل ويروي ربعه ماعندهم مشكله هالوصاخه
والله قهر 1كمنقتبمث2قنخه>>>>من القهر قامت يدي تخبط على الكيبورد

لادين

لاعادات

لاتقاليد

شتنطرون منهم

الشرهه على الي يشوف الغلط ويسكت