كوب " فائض ".. سكـّر " زيادة " !

[أثر الفراشة]

كوب " فائض ".. سكـّر " زيادة "



للناس اللي تظن إنها حية ولا ماتت
للناس اللي تحلف ..
إنها للحين تبكي وتحس
صباحكم مؤتمر " أنابولس "
صباحكم سلام وحمام ..
وكلام ..
أوله كلام .. وآخره كلام !

صباجكم ثياب وبشوت
وناسِ تموت ولا تموت

صباحكم " زيادة رواتب "
وزيادة أسعار .. عيش ودجاج !
تنحني جبهة .. وتضحك حْجاج

صباحكم فوضى عقار
و" فائض ميزانية "
تقارير واخبار !

صباحكم هَم .. وصباحنا همين
بيبسينا صار بريالين !

يا وطن ..
والله ما علينا .. لو أحمال الدنيا علينا
بنشيل .. حتى الحتوف
بس ..
عطينا كتوف !


خارج النص :
آمنت بالله رباً .. وكفرت بالـ " الزيادة "







( صباح الليل )
مجرد دعابة
:D

[قطريه ماركه]

مشكوره على الدعابه .. يا سكر زياده ^__^

[Marriott]

صباحكم هَم .. وصباحنا همين
بيبسينا صار بريالين ! :tease:

ههههه ، ابدعتي يا أثر الفراشــة :nice:

[الكواري]

اللي في الجدر يطلعه الملاس (==== اشدخل:yawn:

[joOoreee]

الله يعين الجميع
يارررررررررررب

[ضوى]

مشكووووووووورة على هذه الصباحات المؤثرة والواقعية جداااااااااااااا

[عاشق الشهادة]

صباحج فل وياسمين دمشقي :nice:.

[الخيميائي]

نفس دعابة نهاية الجلسة الصباحية :)

[الألماسي]

البيبسي لين الحين بريال يا اثر الفراشه . . لاتفاولين بس :anger1:

[أثر الفراشة]

قطرية ماركة
مشكوورة على المرور والرد السكر زيادة



Marriott
شكلي بانكب بالعالم ويصير الببسي بريالين صدق !
مشكور أخوي



الكواري
المثل اللي حطيته في محله .. يعني اللي في القدر اللي هو الرصيد
يطلعه الملاس .. اللي هو الصراف الآلي .. :)



joOoreee
آمين .. شاكرة لك



ضوى
أشكر لك مرورك .. سعيدة انها نالت استحسانك



الشهاده لي
صباحك جلسة تداول .. وأسهم حمراء ووجوه صفراء << لا زالت حاقدة وشمتانة :nice:
صباحك مثل ما تحب .. شكراً لك


الخيميائي
أشوف السوق قفل بوجهي على طول .. من أثر الدعابة الظاهر :)



الألماسي
اعتبرها إشاعة مغرضة << (صاحبة دكان متقاعدة) :)

[بوحارب]

البيبسي لين الحين بريال يا اثر الفراشه . . لاتفاولين بس :anger1:

this is the first time i see you angery :omg: