مطلووووب أدوات خياطة

[غناتي1]

السلام عليكم

مطلوب أدوات خياطة من خيوط كل الالوان ودانتيلات

وتركيبات للفساتين او الجلابيات او العبايات او ابر ماكينات الخياطة

او فصوص الكريستال أو سحابات00000 الخ

بشرط تكون ارخص من سعرها في السوق

اللي عنده محل ارخص من الرونق يقول لي

وفالكم الجنة

[عاشق الشهادة]

وين الاخوات اخوكم غناتي1 ينادي فهل من مجيب ..

[اهل قطر]

الله يوفقك
بس ارخص من الرونق ما اعتقد تحصلين
انا من اشتري من الرونق اطلع من الباب وادعي ان هالاسعار في ميزان حسناته

لاني جربت في دول الخليج مثله ما فيه
وتلقين الخليجين يروحون له من يطبون قطر

[" روح قطر "]

ما اعتقد ان فية ارخص من الرونق

أو نابينا العالم الجديد قسم أدوات الخياطة

الله يوفق لكم

[القطرية]

إهنيه ما اعتقد تحصلين ..

في دبي عندج في سوق الجملة و سوق عكاظ..

و الله يوفق الجميع

[غناتي1]

الله يجزاكم الجنة

الرونق اسعاره زادت ويمكن لاحظوا اللي يشترون من عنده هالاشياء

[غناتي1]

فوق يا كنترول فوق 000

[كروشيه]

شفت محل اصغير في سوق العلي بس ما اذكر اسمه وما عندي فكره عن الاسعار ، احتمال تكون اسعاره ارخيصه

[غناتي1]

الاخت كروشيه 000

تقصدين محل الذوق الرفيه اللي بسوق العلي

هذا اسعاره أغلى من الرونق

وأشكر مرورج اختي

[شمسة]

هلا غناتي اذا بغتي من دبي
واذا الريال بيشتري بالجمله اسأل عن محل اسمه "التبت " عنده اشياء وايد حلوه واسعاره أحلى ..
وفي منطقة السطوة وايد محلات مثل " ريييجال " وديبكس و ( فدا ) و ( القمزي ) هذيلا يبيعون قطع و قماش بعد ..سوق نايف ( الرخام ) – دبي- بجانب مركز المنال
مركز المنال – نفسه فيه محلات كبيرة
مركز الغرير أيضآ
وفي مركز الكرامة محلات تخصصها قطع كشميريه ..
كشخة بلازا – دبي- بجانب مركز ابو هيل.. و كذلك في " مينا بازار "
وفي ناس تستورد الاقمشة من تايلند .. من " ولتري مول " .. مركز للقطع والاقمشه فقط .. و في مولات غير مثل سنترال و قايسون و سيام ..ويمدحون شارع نانا بعد ..
وعندك سنتر (برقون .. - بالطابق الثاني و الثالث ) .. طبعآ القطعة عنده حرير " فرنسي

يقال ان الاقمشة في دبي و بوظبي ارخص من تايلند و افضل لان اللي عندهم غالي و " نوعيات و موديلات جديمه " ..
طبعآ بشكل عام القطع انواع مثل الشيفون والحرير .. و في منها ينباع بالجملة ومنها ما ينباع بالوار .. و في طلبيات خاصه للحريم بوضع انواع معينه من الاكسسوارات الرائعة .. وفي محلات بدبي بسوق نايف تبيع هالاكسسوارات ..

[غناتي1]

مشكورة اختي شمسة كفيتي ووفيتي 000

بس انا ابغي محلات عندنا في الدوحة

دبي بعيدة علينا وخبرج اجازات ما شي

[شمسة]

ربي ايوفقكم

[غناتي1]

مشكورة الغالية

والله يرحم والديج

[شيزكيك]

كنت بقول الرونق وصج انا لاحظت ان شباصات البنات والخرز كانوا برخص التراب ومافيهم جوده

وفجاة ارتفعت اسعارهم وقلت يمكن الجوده تغيرت بس نفس الشي اول ما اربطها على شعر بنتي تتقطع

في يدي

بس يظل الملجا الوحيد لنا لان اغراضه حلوه ومتنوعه وما اعتقد عندنا محل يضم كل شي مثل الرونق

وتكون اسعاره ارخص منه



وعلى العموم كل شي عندنا سعره نار :weeping::weeping:

[غناتي1]

انا صرت اروح الحسا 00 صارت اسعارة ارخص حتى من دبي

[غناتي1]

ما زال الطلب سااااري

فيه محل يبيع الكروشية بالمتر اللي هابين فيه

ويحطونه للعبايات 00 تدلون وين ؟؟

نبيه للجلابيات