أحسن مكان للحداق في قطر؟؟؟؟

[قطر95]

بسم الله الرحمن الرحيم

كل عام وأنتم بخير والموضوع باختصار أنه ودنا نطلع مع الشباب رحلةحداق من على السيف يعني ماعندنا طراد وودنا نستفيد من خبرة الاعضاء عن أحسن مكان للصيد في قطر يعني صوب الشمال أو دخان ووين موقعه بالتفصيل ويفضل مكان غير سيلين والعديد .

أتمنى تجاوب الأعضاء اللي عندهم خبرة في الحداق وجزاكم الله خير

[المخفي]

اعتقد الغارية

[Most Wanted]

روووح فويرط بس الصيد بيكون كله سمج صغار كنا بالعيد هناك كله قرقفان والا بدح
يعني يبغيلك حدك خيط 40

بس روووح الراس مع السقيه وانشالله خير

[قطر95]

مشكور أخوي بوأحمد بس ممكن تشرح لي وين الراس في فويرط لاني ماقد رحت فويرط ووين لفتها بالضبط من طريق الشمال القديم ولا الجديد؟

[A.L.I]

الغارية اخوي

[قطر95]

يعطيكم العافية ياشباب وبالنسبة للغارية وين بالضبط صوب الشاليهات ولا فيها راس الواحد ممكن يحدق صوبه ياريت توضحون أكثر ومشكورين

[M-OH-A-ME-D]

يعطيكم العافية ياشباب وبالنسبة للغارية وين بالضبط صوب الشاليهات ولا فيها راس الواحد ممكن يحدق صوبه ياريت توضحون أكثر ومشكورين

يسار الشاليهات في فشوت زينه بالنسبه للغاريه

وعند دخان وبالأخص الساحلي الغربي من الزباره لين دخان

وعندك صوب جزيرة متيس أن ما خاب ظني

[Most Wanted]

مشكور أخوي بوأحمد بس ممكن تشرح لي وين الراس في فويرط لاني ماقد رحت فويرط ووين لفتها بالضبط من طريق الشمال القديم ولا الجديد؟


حالتك وايد صعبه :secret:
امسك خط الشمال القديم وتقريبا عقب 80 كيلو بتجيك لافته مكتوب عليها فويرط ادخل معاها
بس كانك رايح جبل فويرط راس فويرط بيكون جنوب الجبل

[اّل ثاني 77]

بروق
احسن مكان

[قطر95]

مشكور أخوي بوأحمد يعطيك العافية وماقصرت على التوضيح وبالنسبة لبروق أخوي ال ثاني فيها مكان زين للحداق ولا بس حق الغزول

[ح.الملا.ح]

بيني وبينك اذا انت راعي طراد

ياخوي اوصيك بالشعله بس مالي خص اذا صادوك هههههه

اخوي المناطق الشماليه والجنوبيه

يعني العديد وضواحيها والشمال وضواحيها ( الغاريه وفويرط وكل مارحت دخل بطراد كل ماصدت اكثر )

وربي يوفقك الغالي

[اّل ثاني 77]

مشكور أخوي بوأحمد يعطيك العافية وماقصرت على التوضيح وبالنسبة لبروق أخوي ال ثاني فيها مكان زين للحداق ولا بس حق الغزول

وانت صادق اخوي حق اغزول بس احلى سيف في قطر وممكن تنصب لك خية واولا واخيرا الرزق من الله
بعدن تعال ليش ماتا خذ معاك غزول؟؟ بتصيد بإذن الله وبتستانس :victory:
وبالتوفيق وبعدين بروق وناسة لو ماتصيد شئ:nice:

[قطر95]

بالنسبة للغزول سالفتها سالفة ويبي لها تنظيف وعوار راس مع انه صيدها حلو ولكن حاب اطقطق شوي في الحداق لين ماتملل منه عقب ان شاء الله اشتري غزول ويعطيكم العافيه على المعلومات الحلوة

[قطر95]

يعطيكم العافيه ياشباب وحبيت أخبركم أني رحت الغارية ولكن الصيد خفيف وكله قرقفان ونسير صغار اللي يخبر مكان غير فيه صيد أفضل يدلنا يعني يكون فرضة أو لسان داخل البحر وجزاكم الله خير