المساعد الشخصي الرقمي

مشاهدة النسخة كاملة : والله ما قصدي ترى صف الأبيات !!!



sulai6i
22-11-2005, 11:01 PM
السلام عليكم ..




يا غارقين في بحور الملذات
يا بايعين الغالية بالحقيره

يا مضيعين اوقاتكم في تفاهات
وقلوبكم عند الشياطين أسيره

كم واحد مبصر ولكن حسافات
من زود جهله صار أعمى البصيره

الموت واصلكم ترى فيه سكرات
شوفوا المقابر كيف صارت كثيره

زوروا المقابر واسألوا بعض الأموات
اللي عصى الرحمن ما هو مصيره ؟

لو ينطق الأموات نسمع حكايات
حتى الجماد يصاب منها بحيره

لو يكشف المستور عن بعض الأصوات
نسمع صدى صرخات حزن كبيره

يبكون عمر فرطوا فيه وأوقات
راحت هباء منثور في كل ديره

من عقب ما عاشوا سنين طويلات
يرجون لو عادوا ثواني قصيره

ما يستوي من كان يسهر بطاعات
مع الذي يسهر بلهو وغيره

ما يستوي من هو مسيره لحانات
مع الذي صوب المساجد مسيره

ما يستوي من كان نومه سويعات
مع الذي غطى الآذان بشخيره

ما يستوي من يذرف الدمع عبرات
مع الذي يضحك على كل سيره

ما يستوي من يزرع الخير بسكات
مع الذي شرّه غرق فيه خيره

اللي لسانه يذكر الله ساعات
ماهوب مثل اللي فضح به قصيره

تغانموا اللي جاي بعد الذي فات
تذكروا حر العذاب وسعيره

تذكروا يوم ما عاد فيه حيلات
يوم العرق يصبح بحور غزيره

يوم به الأبصار تشخص بحسرات
يلهي العشير بموقفه عن عشيره

ما عاد تنفع بعد ذا اليوم توبات
تطوى الصحايف والمواقف خطيره

ما عاد تنفع بعد ذا اليوم فزعات
من خصمه الرحمن من هو نصيره ؟

لو تعلمون الغيب وأشياء خفيات
كان انصدمتوا من أمور عسيره

والله ما قصدي ترى صف الأبيات
لكن قلبي فيه حرقه وغيره

يالله يا رافع جميع السموات
من تاب من كل الخطايا تجيره

وسلامتكم ..



هذه القصيدة قرأتها منذ حوالي 5 سنوات في إحدى الجرائد فطبعتها على كمبيوتري وحفظتها عندي ..
كاتبها لقبه ( صادق النية ) ..


اللهم أكتب له الأجر


والسلام عليكم ..

relaax
22-11-2005, 11:03 PM
يعطيك العافيه

الرميحي
22-11-2005, 11:07 PM
مثلك يستحق الشكر

ابو الاسهم
22-11-2005, 11:18 PM
قصيده صحيح جميله جدا

يسلم لسانك ولسان قايلها

بربوش
22-11-2005, 11:19 PM
اللهم اكتب لكاتبها وناقلها الاجر الكبير

السهم الاول
22-11-2005, 11:23 PM
اخ واحد في حاله
الله يكتب لك ولكاتبها الاجر
شكرا جزيلا لك

كش ملك!!
22-11-2005, 11:40 PM
رااااااااااااااااااااائعه

صح لسانه وقلبك

sulai6i
23-11-2005, 09:53 PM
السلام عليكم ..

بارك الله فيكم جميعا
وشكرا على حُسن القراءة

دنيا الاسهم
23-11-2005, 10:02 PM
قصيدة مؤثرة وتذكير بنهاية الانسان وحزينة
اللة يرحم كاتبها ويرحم قارئها ويرحم جميع موتى المسلمين
وجزاك اللة خير

سهم طايش
23-11-2005, 10:05 PM
قصيده كلها حكم

الف مليون شكر لك

The Edge
23-11-2005, 11:59 PM
قصيدة رائعة ومعبرة جدا
جزاك الله خير اخوي

عزيز
24-11-2005, 12:01 AM
تسلم أخوي واحد في حاله

صح لسانك أنت وكاتب هالأبيات :nice: :nice:

:app: :app:

ROSE
24-11-2005, 07:49 AM
يزاك واياه كل خير اخوي واحد في حالة

مغروور قطر
24-11-2005, 07:50 AM
صح لسانك كاتبها ولسانك اخوي واحد وشكرا لك

جود
03-12-2005, 01:35 AM
شكرا لك ومأجور انشاءالله انت وكاتبها