المساعد الشخصي الرقمي

مشاهدة النسخة كاملة : مزراتي


VIPLady
06-10-2008, 09:36 PM
مرحبا
انا اول مره ادخل قسم السيارات ... (لاني ماعرف شي فيهم ولا لي اهتمامات فيهم)
بس ابي منكم استفسار عن المرزاتي قبل ما ناخذها ...

ياليت الي عنده جواب على السؤال يجاوب ويفيدني . واكون شاكره لكم..

ايش عيوب و مميزات المزراتي (4 ابواب) بصفه عامه للي عنده خبره او جربها من قبل...

تنصحونا فيها اولا؟؟؟؟؟؟؟

وشكرا
فـــــواز
06-10-2008, 09:46 PM
انا بعد ياليت ابي اعرف لاني ادور بعد سياره ولا اعرف وش اخذ

ياليت الي يعرف سعر السياره والسيرفس والقطع الغيار ياليت يذكرها

للرفع
عليان
06-10-2008, 10:53 PM
الأربعه أبواب الحمرا عجيبه ... ! السفايف الجداميه سعرها تقريباً 7000 ريال والخلفيه تقريباً 4000 ريال , واهم شئ الورنتي السنوي الذي يقدر ب 19000 ريال سنوياً شامل كل شئ بالسياره ماعدا السفايف والجلد المقطوع والتواير
VIPLady
06-10-2008, 10:54 PM
انا بعد ياليت ابي اعرف لاني ادور بعد سياره ولا اعرف وش اخذ

ياليت الي يعرف سعر السياره والسيرفس والقطع الغيار ياليت يذكرها

للرفع



اسعارها موجود بالوكاله كذا وحده
2007 نيو بيضه
وفيه سوده 2008 اسعارهم وايد حلوه

والنيو 2009 على المواصفات بس تقريبا تطلع 600 و اكثر
تقدر تمر عليهم الفردان و تشوف بعد اذا كنت جاد بخصوص نفس السياره ..

بس انا الي ابي اعرفه عيوب هالسياره شنو السعر مو مهم بس ابي اعرف العيوب وشنو المشاكل الي اكثر شي تواجه اصحابها و قطع غيارها متوفره و السيرفس الخاص فيها اوكي او يعلون القلب مثل المرسيدس
؟؟؟

اخر عمري اتكلم عن سيارات... بس احسن ما ناخذ شي و نتحسف و نسال اصحاب الخبره احسن وياليت ما تبخلون علي بمعلوماتكم :)

وياليت تفيدونا الي عنده اي معلومه
VIPLady
06-10-2008, 11:12 PM
الأربعه أبواب الحمرا عجيبه ... ! السفايف الجداميه سعرها تقريباً 7000 ريال والخلفيه تقريباً 4000 ريال , واهم شئ الورنتي السنوي الذي يقدر ب 19000 ريال سنوياً شامل كل شئ بالسياره ماعدا السفايف والجلد المقطوع والتواير

ثانكيو على الاضافه..
الحمره حلوه انا شايفتها بالصور
والسوده بعد راقيه وايد وكشخه
بس الي محصلينا ب قود ديل البيضه

لان السوده الموجوده فيها مواصفات مادري قير عادي و سبورت و حاله .ماعرف مواصفاتكم ومسمياتكم ... يعني ماتناسب استخدام يومي وعادي

بعد باقي الاعضاء بلييز يكتبون لي رايهم اذا ماعليهم امر

كل من يدخل يقرى الموضوع يقول اوكي مو اوكي لو كلمه بليز
السد
06-10-2008, 11:31 PM
تبغين موتر وما تتحسفين منه في اي وقت
تويوتا
VIPLady
06-10-2008, 11:35 PM
تبغين موتر وما تتحسفين منه في اي وقت
تويوتا

ثانكيو على اضافتك السد وعلى هالنصيحه الحلوه
ame32480
06-10-2008, 11:41 PM
احنا تونا ماخذين وحده .. بصراحه رززه واستعمالها حلوو ..

بس مشكلتها نازله .. واايد يعني الواحد لازم يحاسبب ..

ومثل ماقالو الشباب قطع غيارها غالليه واايد .. وبعضها مب متوفره ف الشركه .. يعني بالطلب .. والسياره تطوول ف الوكاله ..

بس بشكل عاام سياره واايد حلووه .. وماعليها كلاام ...

والله يوفقج ..
صمــت البــوح
06-10-2008, 11:43 PM
انا اشوف السياره كشكل خارجي ومن الداخل حلوه بس كأداء وسيرفس مادري
وعموما هالسياره مثل بعض السيارات اعتبرهم ضحايا بسوق قطر لان مالهم سوق
VIPLady
06-10-2008, 11:50 PM
احنا تونا ماخذين وحده .. بصراحه رززه واستعمالها حلوو ..

بس مشكلتها نازله .. واايد يعني الواحد لازم يحاسبب ..

ومثل ماقالو الشباب قطع غيارها غالليه واايد .. وبعضها مب متوفره ف الشركه .. يعني بالطلب .. والسياره تطوول ف الوكاله ..

بس بشكل عاام سياره واايد حلووه .. وماعليها كلاام ...

والله يوفقج ..

عليك بالعافيه و يعطيك خيرا و يكفيك شرها :)

كلامك بعضه يشجع ...

تسلم لي على المرور الحلوووعلى الاضافه
VIPLady
06-10-2008, 11:52 PM
انا اشوف السياره كشكل خارجي ومن الداخل حلوه بس كأداء وسيرفس مادري
وعموما هالسياره مثل بعض السيارات اعتبرهم ضحايا بسوق قطر لان مالهم سوق

مشكور على المرور
والسياره مثل ماقلت الشكل الخارجي حلو وراقي ....

والسيرفس يعني ناس يمدحون و ناس يذمون
فمادري شبيصيرر
السد
06-10-2008, 11:57 PM
عليك بالعافيه و يعطيك خيرا و يكفيك شرها :)

كلامك بعضه يشجع ...

تسلم لي على المرور الحلوووعلى الاضافه

اختي العزيزة
النصيحة النصيحة
اخذي لج اي شي من تويوتا او لكزس
لان اختي مثل هذه السيارات فقط تتصلح في الوكالة
يعني مالج الا الوكالة فقط
يعني لودفعوج من 5000 الى 50000 بتدفعين بتدفعين
بعكس التويوتا اللي كل مكان يصلحونها
صحيح الواحد يحب يتميز يعني بالعربي يحب يزابي ( يوفوشر)
ولكن على فاضي
لان بعض الناس مجرد مظاهر
انا عندي فراري
ذاك يقول عندي بنتلي
وما بنخلص من سالفة المواتر الفارهة
وعاد حسبيها اختي الكريمة لين جيتي تبعين الموتر
صحيح انج ذكرتي عندهم موتر ب 270
لماذا لم تسئلي في نفسج ليش هذا النزول القوي
هناك اسباب ادت الى ذلك
والله يوفقج
وفي اختيار السيارة عليج باهم نظرة وهي النظرة الاقتصادية
وشكرا
مزيون الدوحه
07-10-2008, 12:26 AM
بصراحه موتر حلو لاكن مش للاستخدام اليومي في رأيي .
نصيحتي يا مرسيدس
أو اذا تقدرين تصبرين
BMW الفئه السابعه الشكل الجديد
احتمال تنزل بدايه السنه وسألي اذا ممكن تحجزين من الحين .

والله يوفقك :)
VIPLady
07-10-2008, 01:43 AM
اختي العزيزة
النصيحة النصيحة
اخذي لج اي شي من تويوتا او لكزس
لان اختي مثل هذه السيارات فقط تتصلح في الوكالة
يعني مالج الا الوكالة فقط
يعني لودفعوج من 5000 الى 50000 بتدفعين بتدفعين
بعكس التويوتا اللي كل مكان يصلحونها
صحيح الواحد يحب يتميز يعني بالعربي يحب يزابي ( يوفوشر)
ولكن على فاضي
لان بعض الناس مجرد مظاهر
انا عندي فراري
ذاك يقول عندي بنتلي
وما بنخلص من سالفة المواتر الفارهة
وعاد حسبيها اختي الكريمة لين جيتي تبعين الموتر
صحيح انج ذكرتي عندهم موتر ب 270
لماذا لم تسئلي في نفسج ليش هذا النزول القوي
هناك اسباب ادت الى ذلك
والله يوفقج
وفي اختيار السيارة عليج باهم نظرة وهي النظرة الاقتصادية
وشكرا

مشكور وماقصرت

فبنشوف اذا لنا نصيب بناخذها واذا مالنا نصيب اكيد بنشوف شي ثاني
ومثل ما ذكرت اكيد الشخص بيشوف النظره الاقتصاديه و واحنا رحنا و شفنا و خذنا الكوتيشن الا على شي مقدور عليه فلا تحاتي .........
الفارس
07-10-2008, 05:02 AM
الميزراتي سياره عريقه وحلوه وراقيه ومميزه مع ان اسعارها مبالغ فيها عندنا في الدوحه واذا عن التجربه انا شخصيا ماجربتها بس صديقي عنده وحده يمدحها مدح غير طبيعي ويقول ماتخترب كلش وعمليه وعور راسي من كثر مايمدحها بس فيه نقطه مهمه لازم اذكرها هو عايش في لندن ويمكن الجو يساعد على انها ماتخترب مادري والاختيار لج
mr_qtr
07-10-2008, 09:36 AM
مرحبا

بخصوص المزرااتي سياره وايد حلوه ورزه

عندي وحده بيضه , قير عادي, اسم القير F1

بس قطع الغيار ... ضووووووووووو :)

ومثل ماقالوا الشباب بعض قطع الغيار مب متوفره

والموتر نازل لازم تحاسب في المطبات لأن مشاءالله شوارع الدوحه

مافيها مطبات ولا حفر ولا حتى شوارع امكسره :omg: :rolleyes2: :eek5:

وفي رأيي ان اذا السياره حق البيت .. تكون فور ويل احسن

مثل اللاند كروزر

كل شي متوفر قطع غيار

والتصليح في كل مكان

مايكون محتكرينه الشركه

واقتصاديه ومريحه وتشيل اغراض وتنفع حق كل شي

وآخر شي .. النظره لج والاختيار لج

واسمحولي عالاطاله

يعطيكم العافيه
محيّر الانظار
07-10-2008, 01:29 PM
هي نوعين النوع الأول

كوارتوبورتي (ديو سيلك) هاذي تجي جير F1 وهو قير رياضي يمكن البعض يعتبره غير مريح شوي للي مش متعود عليه بس عقب فترة الواحد يتعود عليه ويحس انه احسن من الاتوماتيك.

النوع الثاني كوارتوبورتي (اتوماتيكا) طبيعا هي التسيمة الإيطالية لكلمة اتوماتيك ويعني انها قير اتوماتيك وهذا النوع نزل في 2007 وسمعت ان هذا النوع اقل في الاعطال.

انا كانت عندي هالسيارة بس من النوع الأول الصراحة هي سيارة ممتعة جداً في السواقة بالرغم من انها وعرة شوي يعني الجنبينات يابسة وطبعاً ما ازيد على كلام الاخوان صيانتها غالية جداً والمشكلة ان اغلب قطع الغيار مش موجودة عندهم لازم تنطلب من إطاليا وتاخذ وقت لين ما توصل.

اخبر بعد ان Cd النفيجيشن لدول الخليج ما كان موجود في الوكالة يعني الشاشة ما فيها الا الراديو.

وكان فيها شي يبط الجبد وهو ان تانكي البترول مايفتح الا اذا السيارة طافية :(

واذا تبين معلومات زيادة احنا حاضرين :)

محيّر الانظار
JoOoOoOoJ
07-10-2008, 01:34 PM
والله انا من رأيي انه حلو الواحد يكون عنده سياره تلفت الانظار تخلي الواحد يحس انه ملك الشارع ...لكن تحكيم العقل مطلوب ...يعني مزراتي لأستخدام يومي والله بشوفها صعبه و بتفقد السياره هيبتها ...و خصوصا بشوارع الدوحه ...انا من رأيي بي ام دبليو X5 موديل 2008 كشخه و رزه و عمليه ..و ارخص من المزراتي بكتير ...و الله يوفقك و يوفق الجميع ...
VIPLady
07-10-2008, 03:15 PM
الميزراتي سياره عريقه وحلوه وراقيه ومميزه مع ان اسعارها مبالغ فيها عندنا في الدوحه واذا عن التجربه انا شخصيا ماجربتها بس صديقي عنده وحده يمدحها مدح غير طبيعي ويقول ماتخترب كلش وعمليه وعور راسي من كثر مايمدحها بس فيه نقطه مهمه لازم اذكرها هو عايش في لندن ويمكن الجو يساعد على انها ماتخترب مادري والاختيار لج

ثانكيو الفارس على هالاضافه ورايك الي يشجع بصراحه ,

بس مادري شبيصير للحين وانشالله تكون من نصيبنا .. بعد هالمدح كله
صاحي لهم
07-10-2008, 11:11 PM
المشكله اختي في وقت البيع نادر تحصلين حد يبي مزراتي
نصيحه مني يامرسيدس ولا بي ام الصراحه شيك اي وقت تبين تبيعين تحصلين الشرااي
اما المرزراتي بيعتها صعبه مثل الاودي
وبالتوفيق اختي
VIPLady
07-10-2008, 11:26 PM
مرحبا

بخصوص المزرااتي سياره وايد حلوه ورزه

عندي وحده بيضه , قير عادي, اسم القير F1

بس قطع الغيار ... ضووووووووووو :)

ومثل ماقالوا الشباب بعض قطع الغيار مب متوفره

والموتر نازل لازم تحاسب في المطبات لأن مشاءالله شوارع الدوحه

مافيها مطبات ولا حفر ولا حتى شوارع امكسره :omg: :rolleyes2: :eek5:

وفي رأيي ان اذا السياره حق البيت .. تكون فور ويل احسن

مثل اللاند كروزر

كل شي متوفر قطع غيار

والتصليح في كل مكان

مايكون محتكرينه الشركه

واقتصاديه ومريحه وتشيل اغراض وتنفع حق كل شي

وآخر شي .. النظره لج والاختيار لج

واسمحولي عالاطاله

يعطيكم العافيه

تسلم على الاضافه والمرور الحلوو خيوو

واستخدام السياره بيكون لمشاوير بسيطه يعني استخدام يومي بسيط وشخصي .. فحلو التمير ..و الاندكروزر صعبه شوي كلش مو ذوقنا بس بعد اقتراح احترمه و من يدري يمكن تتغير الخطه كلها و نغير الستايل :)

ثانكيوووووووو
بوحارب
07-10-2008, 11:29 PM
الموتر رزة وما عليه كلام

بالتوفيق أن شاء الله:)
VIPLady
07-10-2008, 11:30 PM
هي نوعين النوع الأول

كوارتوبورتي (ديو سيلك) هاذي تجي جير F1 وهو قير رياضي يمكن البعض يعتبره غير مريح شوي للي مش متعود عليه بس عقب فترة الواحد يتعود عليه ويحس انه احسن من الاتوماتيك.

النوع الثاني كوارتوبورتي (اتوماتيكا) طبيعا هي التسيمة الإيطالية لكلمة اتوماتيك ويعني انها قير اتوماتيك وهذا النوع نزل في 2007 وسمعت ان هذا النوع اقل في الاعطال.

انا كانت عندي هالسيارة بس من النوع الأول الصراحة هي سيارة ممتعة جداً في السواقة بالرغم من انها وعرة شوي يعني الجنبينات يابسة وطبعاً ما ازيد على كلام الاخوان صيانتها غالية جداً والمشكلة ان اغلب قطع الغيار مش موجودة عندهم لازم تنطلب من إطاليا وتاخذ وقت لين ما توصل.

اخبر بعد ان Cd النفيجيشن لدول الخليج ما كان موجود في الوكالة يعني الشاشة ما فيها الا الراديو.

وكان فيها شي يبط الجبد وهو ان تانكي البترول مايفتح الا اذا السيارة طافية :(

واذا تبين معلومات زيادة احنا حاضرين :)

محيّر الانظار


مشكور وماقصرت وفيت وكفيت على هالمعلومات ..

الي اقصدها اهي هذي كوارتوبورتي (اتوماتيكا) مثل ما ذكرتها ...

واكيد اذا احتجت او دار في بالي اي سؤال بسال دام لك خبره بالسياره .. سواء الحين قبل ما ناخذها او بعد ما ناخذها اذا لنا نصيب فيها..........
بالنسبه للنفيجيشن الخاص بدول الخليج ما نحتاجه كلش ولا عمرنا سافرنا بالسياره لدول الخليج يعني مو مشكله :)

بس شغله اطفي السياره وقت البترول . اتوقع شي ممل ويبط الجبد على قولتك بس بعد نستحمل :)
VIPLady
07-10-2008, 11:33 PM
والله انا من رأيي انه حلو الواحد يكون عنده سياره تلفت الانظار تخلي الواحد يحس انه ملك الشارع ...لكن تحكيم العقل مطلوب ...يعني مزراتي لأستخدام يومي والله بشوفها صعبه و بتفقد السياره هيبتها ...و خصوصا بشوارع الدوحه ...انا من رأيي بي ام دبليو X5 موديل 2008 كشخه و رزه و عمليه ..و ارخص من المزراتي بكتير ...و الله يوفقك و يوفق الجميع ...

رايك على عيني و راسي واشكرك على اضافته للموضوع

وبالنسبه للسيارات الحين الدوحه كلها سيارات لها هيبه استخدام يومي شهري سنوي يعني 90 بالميه من السيارات الحين راقيه ...... والمزراتي صارت عاديه ومثل ماذكرت استخدامنا احنا قليل لنا مشاوير معينه وبسيطه ما تحتاج سياره قويه و حاله ..

والبي ام كشخه وماعليها كلام واقتراح حلوو ... بس نبي شي نيووووووو :)

ثانكيووو
VIPLady
07-10-2008, 11:40 PM
المشكله اختي في وقت البيع نادر تحصلين حد يبي مزراتي
نصيحه مني يامرسيدس ولا بي ام الصراحه شيك اي وقت تبين تبيعين تحصلين الشرااي
اما المرزراتي بيعتها صعبه مثل الاودي
وبالتوفيق اختي


كلامك عين العقل و المزراتي ماعليها طلب وايد على حسب ما سمعت..وحتى وقت البيع تنزل نص السعر... اصلا البريطاني الي في الوكاله يتصل في اليوم الف مره يبي يبعها باسرع وقت لانها طايحه في جبده ....وسعرها يقل واحتمال بعد ندخل 2009 يعني بعد شهرين ويقل السعر وايد وايد عن الحين ويبي يتخلصون منها باسرع وقت ممكن .. بس احنا منطرينه شوي

والمزراتي مميزه صج المرسيدس والبي ام كشخه وايد بس المزراتي مانشوفها وايد بالشارع ..

بس بعد احتمال تتغير الخطه كلها من يدري ..
دعواتكم والي الله كاتبه لنا بيصير واذا لنا نصيب فيها بناخذها :)

ثانكيو على الاضافه خيوو
VIPLady
07-10-2008, 11:40 PM
الموتر رزة وما عليه كلام

بالتوفيق أن شاء الله:)

يوفق الجميع و يوفقك بوحارب

تسلم لي على المرور والراي الحلوو الي يشجع :)
VIPLady
08-10-2008, 11:02 AM
بصراحه موتر حلو لاكن مش للاستخدام اليومي في رأيي .
نصيحتي يا مرسيدس
أو اذا تقدرين تصبرين
BMW الفئه السابعه الشكل الجديد
احتمال تنزل بدايه السنه وسألي اذا ممكن تحجزين من الحين .

والله يوفقك :)


ثانكيوو مزيون الدوحه على الراي والاقتراح ..
واستخدامها بيكون بسيط حتى لو يومي مانطلع وايد يعني واذا نطلع مشاوير عاديه ...دوام طلعه بيتنا او كوفي شوب ومطاعم حدنا يعني....ان كثر عزايم بالسنه مره :)

وفي الاخير يمكن نرجع ونغير راينا كلش من المزراتي لوحده من اقتراحاتكم

ماقصرت خيوو
فلفل حار
08-10-2008, 03:23 PM
الله يوفقج ان شاء الله
:)
VIPLady
08-10-2008, 05:21 PM
اشكر كل من شارك في الموضوع واستفدنا وايد طبعا من اقتراحتكم و ارائكم عن السياره..
وبعد المناقشات مع شباب العايله الكريمه والزوج الفضيل

قررنا نشوف مزراتي مستعمله ...
الاسباب:
سعرها يطيح من تطلع من الوكاله يطيح من ربع الي نص السعر.. والكل يقول وقت البيعه محد يبيها يعني الحين الي عنده يبي شراي... فانشالله نحصل مزراتي اوكي و نظيفه و مو مستهلكه وايد ووالف عله فيها..وبسعرها الي في الوكاله اطلع لك مزراتي مستعمله وكيان من الوكاله فوقها بعد........

بكتب موضوع ثاني بقسمكم هذا مطلوب مزراتي وياليت الي يعرف احد يكتب لي مواصفات السياره اذا صاحبها ناوي يبيعها....

ويعطيكم الف الف الف عافيه
boamir
08-10-2008, 05:56 PM
اشكر كل من شارك في الموضوع واستفدنا وايد طبعا من اقتراحتكم و ارائكم عن السياره..
وبعد المناقشات مع شباب العايله الكريمه والزوج الفضيل

قررنا نشوف مزراتي مستعمله ...
الاسباب:
سعرها يطيح من تطلع من الوكاله يطيح من ربع الي نص السعر.. والكل يقول وقت البيعه محد يبيها يعني الحين الي عنده يبي شراي... فانشالله نحصل مزراتي اوكي و نظيفه و مو مستهلكه وايد ووالف عله فيها..وبسعرها الي في الوكاله اطلع لك مزراتي مستعمله وكيان من الوكاله فوقها بعد........

بكتب موضوع ثاني بقسمكم هذا مطلوب مزراتي وياليت الي يعرف احد يكتب لي مواصفات السياره اذا صاحبها ناوي يبيعها....

ويعطيكم الف الف الف عافيه

:nice::nice::nice:
شقردي
09-10-2008, 02:25 AM
الصراحه المزراتي حلوه كثير سياره معجبتني وماعليها كلام بس مادري عن استخدامها مع الايام

لكن اذا بخاطرج وقادره على سعرها اخذيها واذا تخافي من اسعار القطع الغيار او العطلات شوفي الالماني

والله يوفقج

لكن سياره روعه كثير
VIPLady
09-10-2008, 08:10 AM
الصراحه المزراتي حلوه كثير سياره معجبتني وماعليها كلام بس مادري عن استخدامها مع الايام

لكن اذا بخاطرج وقادره على سعرها اخذيها واذا تخافي من اسعار القطع الغيار او العطلات شوفي الالماني

والله يوفقج

لكن سياره روعه كثير


ثانكيو شقردي على مرورك ورايك

انشالله بنتوكل على الله بس قلت بدل النيوو ومن الوكاله الي من اطلعها يطيح نص سعرها .. بناذخ مستعمله ..
والخوف مو من قطع الغيار مقدور عليها .. بس حرام يعني اقط مبلغ وفيه نفس السياره مجرد استخدام خفيف ادفع فيها نص السعرر :)

ودعواتكم اذا لنا نصيب انشالله بناخذها واذا لا بعد مادري.. كل شي جايزز
شقردي
10-10-2008, 12:45 AM
بالتوفيق اختي
فلفل حار
10-10-2008, 02:24 AM
ماعندي خلفيه عن اسعاره ولا قطع غياره بس حبيت اقولج انه صج موتر مميز لي مشى بالشارع ما شاء الله عليه:victory:

بالتوفيق اختي ويعطيكم خيره ويكفيكم شره مقدما

وعقبالج مانا اتشجع وابيع كروزري واخذ لي الكورفيت او الزد الي بخاطري

ان شاء الله في سنة 2300 لما تتسنع شوارعنا :)
VIPLady
10-10-2008, 10:38 AM
بالتوفيق اختي

ثانكيووو شقردي
ويوفقك و يوفق الجميع

دعواتك :)
VIPLady
10-10-2008, 10:39 AM
ماعندي خلفيه عن اسعاره ولا قطع غياره بس حبيت اقولج انه صج موتر مميز لي مشى بالشارع ما شاء الله عليه:victory:

بالتوفيق اختي ويعطيكم خيره ويكفيكم شره مقدما

وعقبالج مانا اتشجع وابيع كروزري واخذ لي الكورفيت او الزد الي بخاطري

ان شاء الله في سنة 2300 لما تتسنع شوارعنا :)

تسلم على رايك الحلوو الي يشجع :)

وانشالله تاخذ كل الي في خاطررك في 2010 مو 2300... واذا على الشوارع بتم كل السيارات في خاطر الشباب ..الله يعينكم
بن مسلم
10-10-2008, 11:01 AM
هي سيارة ماعليها كلام موتر فخم بس هل انتي من النوع الي يتم عندج المورتر فتره طولية ولا بس فترة قصيرة لانه مثل هالسيارات مالها سوق في قطر علي سبيل المثال انا كانت عندي جاكور سبورت قيمتها
385 الف موديلها 2007 بعتها من فتره قصيرة ب 250 الف وماشيه بس 5000 كيلو فقط يعني سعراها وااااااااايد يطيح بس هاذي عيبها الوحيد
VIPLady
10-10-2008, 11:33 AM
هي سيارة ماعليها كلام موتر فخم بس هل انتي من النوع الي يتم عندج المورتر فتره طولية ولا بس فترة قصيرة لانه مثل هالسيارات مالها سوق في قطر علي سبيل المثال انا كانت عندي جاكور سبورت قيمتها
385 الف موديلها 2007 بعتها من فتره قصيرة ب 250 الف وماشيه بس 5000 كيلو فقط يعني سعراها وااااااااايد يطيح بس هاذي عيبها الوحيد

همم
سؤالك منطقي
بس اتوقع اتم السياره 4 سنوات تقريبا .. السياره الي عندنا حاليا و بنبيعها يعني في خطوات البيع لحد الحين . اليوم وبكره بتنباع انشالله...... تمت 4 سنوات
بس بخصوص المزراتي يعني احتمال ما تنباع بس يمكن بعد سنه تكون معاها سياره ثانيه يعني تصير كسكند كارر مثل ما يقولون...

ومثل ماقلت من قبل هالسيارات سوقهم قليل بقطر .. فعلى شان جذي بناخذ مستعمله استعمال خفيف احسن ما ناخذ من الوكاله واغلى بوايد ..على شان حتى لو بعد سنه او سنتين بعناها ما نكون دافعين فيها مبلغ كبير وايد..

وثانكيووو خيوو على المرور والاضافه للموضوع

دعواتك .. تمللنا ابي اشوفها في البيت :)
بن مسلم
10-10-2008, 12:19 PM
همم
سؤالك منطقي
بس اتوقع اتم السياره 4 سنوات تقريبا .. السياره الي عندنا حاليا و بنبيعها يعني في خطوات البيع لحد الحين . اليوم وبكره بتنباع انشالله...... تمت 4 سنوات
بس بخصوص المزراتي يعني احتمال ما تنباع بس يمكن بعد سنه تكون معاها سياره ثانيه يعني تصير كسكند كارر مثل ما يقولون...

ومثل ماقلت من قبل هالسيارات سوقهم قليل بقطر .. فعلى شان جذي بناخذ مستعمله استعمال خفيف احسن ما ناخذ من الوكاله واغلى بوايد ..على شان حتى لو بعد سنه او سنتين بعناها ما نكون دافعين فيها مبلغ كبير وايد..

وثانكيووو خيوو على المرور والاضافه للموضوع

دعواتك .. تمللنا ابي اشوفها في البيت :)

انشاء الله بتشوفينها في البيت بس اهم شي تري هالنوع من السيارات قطع غيرها غاليه

يعني يعني شوفيلج موديل 2008 علشان الضمان مالهم ومن يقرب ينتهي الضمان بيعها
VIPLady
10-10-2008, 04:56 PM
انشاء الله بتشوفينها في البيت بس اهم شي تري هالنوع من السيارات قطع غيرها غاليه

يعني يعني شوفيلج موديل 2008 علشان الضمان مالهم ومن يقرب ينتهي الضمان بيعها

انشالله خير
واذا حصلنا 2008 بعد افضل اكيد واحسن ...

وبنشوف شبيصير :)

ثانكيوو خيوو بن مسلم
بوميثه
10-10-2008, 06:50 PM
اموفق ان شاءالله
شمسة
18-02-2009, 10:15 AM
بالتوووووووووفيق
AbdullA-Qtr
18-02-2009, 12:38 PM
السياره عمليييه وكل مافيها حلو .. وانا مجربها وكانت عند ولد عمي وحده حمراء (( اربع بيبان ))

لكن يعيبها حاجتين
قطع غيارها ضو

وبيعتها صعبه صعبه
مالها سوق
ومايشتري الا الهاوي فقط...