مريت شارع النصر واشوف معظم المحلات مخليه ( وش السالفه ( جاهم قصف)

[عليان قطر]

مساء الخير

مريت شارع النصر واشوف معظم المحلات مخليه ( وش السالفه ( جاهم قصف)
شي جيد من البلدية وهيئة اشغال على التجديد والتعديل

بس كل هذا على روسنا
والايجارات ما ارتفعت من عدم

[الخير كله]

الله المستعان بنصير باريس بالقوه

هههههههههههه

[عليان قطر]

يا الليل يا عين

[السامـي]

يقولون جايهم قص.

[قطري vip]

لا جاهم قص اخوي معظم شارع النصر المحلات اللي فيه بتنشال وسمعت بيسون سوق تجاري ضخم

[خالي مشاعر]

لا اخوي ماجاهم قصف

المحلات اللي بين اشارات الصقر واشارات عيادة الدوحه من جهة الجنوب كلها بتنهدم وبيبنون مجمع
هالخبر قديم ولو اتشوف اغلب المحلات حاطه لوحات اتبين اماكن محلاتهم الجديده
بس هم جالسين في المحلات القديمه لين ماتنقطع الكهرباء وعقب كلن بيروح محله الجديد

[عليان قطر]

شكرا ع التوضيح
بس ممكن مش وقته

[ابن قطر]

من اسباب العولمه
اشدخل

[واحد ثقة]

سوق جديد حق الشيخ حمد بن جاسم وبيمتد من التموين العائلي غرباً وحتى إشارة عيادة الدوحة شرقاً ،،،

شفت المخطط والسوق تصميمه تراثي بعض الشيء ،،،،

[عليان قطر]

ترتيب يا ولد
شكرا ع التوضيح

والناس اللي اطلعت وين راحت

[شيزكيك]

انزين وين بيروحون الخياييط

[عليان قطر]

ننتظر العلم من اللي عندهم العلم

[خالي مشاعر]

خياط سانيورا وخياط رفحا مادري رفح في العزيزيه
فرغلي في محطة بترول المانع اللي جنب جسر مدماك
سفريات كونكورد في الجهة المقابله لمحطة بترول المانع
جمبو للالكترونيات مقابل هارديز اللي صوب محطة بترول عزيز
هذا اللي اعرفه :)

[яέέⓜ]

انزين وين بيروحون الخياييط

هههههههههههههه
كل(ن) في قلبه شقا
خخخخخ
لاتخافين هالهنود ابسرعه ينتشر خبر تواجدهم

[ســـهم]

سوق جديد حق الشيخ حمد بن جاسم وبيمتد من التموين العائلي غرباً وحتى إشارة عيادة الدوحة شرقاً ،،،

شفت المخطط والسوق تصميمه تراثي بعض الشيء ،،،،

فيه العافيه :)

[غناتي1]

لا اله الا انت سبحانك اني كنت من الظالمين

ما تلاحظون ان الدوحه صارت كلها مجمعات

و بين السوق والسوق تلقون سوق

[الخفي]

لا اله الا انت سبحانك اني كنت من الظالمين

ما تلاحظون ان الدوحه صارت كلها مجمعات

و بين السوق والسوق تلقون سوق




من اشراط الساعه طال عمرك (( ان تتقارب الاسواق تحصل سوق طوله كيلو سبحان الله


قال تعالى: {وَاللَّهُ خَلَقَكُمْ وَمَا تَعْمَلُونَ} [الصافات:96]، وقال سبحانه: {عَلَّمَ الْإِنسَانَ مَا لَمْ يَعْلَمْ} [العلق:5]، وعن أبي هريرة رضي الله عنه قال: قال رسول الله عليه وسلم: « لا تقوم الساعة حتى تظهر الفتن ويكثر الكذب وتتقارب الأسواق ويتقارب الزمان»

[الدوحه%]

اللي اعرفه ان رويال تويز راح الغرافه

[عليان قطر]

لا اله الا انت سبحانك اني كنت من الظالمين

[مساهم عادي]

لا جاهم قص اخوي معظم شارع النصر المحلات اللي فيه بتنشال وسمعت بيسون سوق تجاري ضخم

هذا صحيح ..يستم عمل مول تجاري
والمكان هو الجهة الجنوبية من الشارع في الجزء اللي بين الاشارتين..اللي فيه مكتبة العائلة ومحل جنتلمان.