هل وضع السوق مطمئن

[ابـو مــحــــمـــــد]

الذي حصل اليوم في السوق هل هو مطمئن لصغار المستثمرين

يعني الوضع اليوم كئنه يقول لصغار المستثمرين بيعو واشردو ترى السوق بيهبط

اليوم في الشغل وحتى المجلس الكل كان يقول السوق اليوم غير مطمئن لصغار المستثمرين

ممكن تفيدونا يا اهل الخبره الذي حصل اليوم ممكن تكراره مع الاسبوع القادم والا هناك ارتفاع قادم

بصراحه الكل وده يتمسك با الي عنده ولكن هل الوضع مطمئن لنا

[بيـــزات]

اخوي الموسيقار

دايم المضارب يكون في وضع عدم استقرار بسبب الترقب والاستماع الا التحليلات التي تكون في اغلب

الاحيان متناقضه.. وبطبيعة الحال يتأثر بها.. وهنا اقول له اذا تحس انك خذت فايدتك لا تطمع

اما اذا انت مو في حاجتها في الوقت الراهن..ممكن تصبر عليها فالصبر زين

تحياتي

[boabdullah]

أخوي الموسيقار ............ أنامع أخوي بيزات ((( السوق واضح أن مايطمن وأنا أرد وأقول أن الفترة الجاية تحتاج قلوب قوية تستحمل ))) ماأدري أنت متى شريت وأي شركة ولكن نصيحة ...... أذا أنت ربحان وبنسبة كبيرة أفظل أنك تستخير وتتوكل على الله دايما" وأحسبها بينك وبين نقسك ..... وصدقني أنت الربحان في النهاية ..........أخوك بوعبدالله

[ابـو مــحــــمـــــد]

شكرآ لكم يا اخوان على الردود السريعه

نعم افضل رد هو الاستخاره فهي راح تبعد الشكوك عن النفس

[بيـــزات]

العفو اخوي

ودايما وابدا اللجوء الى الله خير دواء

[محمد بن حمد]

اخوي الموسيقار ...

الوضع مطمئن وطبيعي المب طبيعي هو الارتفاع الدائم بدون انفتاح في السهم .. يعني اذا تم السهم يرتفع وبدون بيع فراح يكون انتكاسته قويه ليش .. لان الناس اللي شرت السهم فائدتها كبيره فما يهمها .. اما اذا صار عملية بيع وشرا فمعناه ان هناك ناس جدد تملكوا هذا السهم وعلى ها الشي راح تحصلهم راح يتمسكون بالسهم شوي حتى يحققو ارباح من وراه وها الشي طبيعي ومافيه اي خوف ولا اي مشكله .. وطبعا كل سهم له ظروفه الخاصه فيه .. ما تقدر تقارن الاسهم ببعضها ..