بشتري تنكر ماي وابي النصيحه

[arcon]

السلام عليكم
انا يا شباب بشتري تنكر ينقل الماي من مكان لمكان يا ريت لو حد يعرف وعنده خبره في هل مجال يفيدني اذا فيها فايده ولا لا ويا ريت حد يعرف كم متوسط ادخل في الشهر وجزاكم الله كل خير

[المغامر2]

الدنكر زين بس ابعد عن الماي العادي

حول الدنك حق مجاري وانت بكرامه

فايدته اكبر

وبالتوفيق اخوووووي

[arcon]

الدنكر زين بس ابعد عن الماي العادي

حول الدنك حق مجاري وانت بكرامه

فايدته اكبر

وبالتوفيق اخوووووي

مشكور اخوي بس يا ريت لو تعرف شركة اتأجر مني هل تنكر وكم ممكن اجاره اذا مافي كلافه عليك

[arcon]

يا ريت يا شباب إلي يبي يفيدني يبعت على الخاص

[عيون]

مرحبا اخوي شوف وانا اختك كنت ابي ادخل في المشروع من كثر مازوج اختي قنعني فيه وفي فايدته لانه مقاول ويفهم في هالسوالف ونصحني بالمجاري وانت بكرامه احسن من ماي الشرب وانشالله انتم السابقون ونحن اللاحقون

[بولينجر]

ليش المجاري احسن؟
بالتوفيق

[Qtr Denver]

انا اقوول خذ لك تنكر دبل لأنه في سيلين بكبره مافي الا تنكر واحد يدخل داخل
وداخل سيلين الاقبال اكثر

في تناكر توقف برع عند الشاليهات وماتدخل مدخول زين

في تنكر هذا اللي يدخل داخل سيلين تطلبه بالحجز مره طلبته قال لي بعد اسبوعين بجيب لك !! عليه ضغط كبير

انا يعبي لي دراام 800 جالون بـ 500 ريال

[الألماسي]

ليش المجاري احسن؟
بالتوفيق


لأن أغلب المناطق الجديده تكون بدون خدمات للصرف الصحي. . وطبعا هـ الخدمه تقعد تقريباً في المناطق الجديده و البعيده نوعا ما عن الدوحه سنين على ماتجيهم الخدمه . . وتنكر البلديه يوم يجيك و شهر مطنش لك فالناس تشوف التناكر الخاصه و تتصل فيها و تتفق معاها على نظام معين بعيداً عن عوار راس البلديه . .

الله يوفقك اخوي

[جروحي افضحتني]

مشكور اخوي بس يا ريت لو تعرف شركة اتأجر مني هل تنكر وكم ممكن اجاره اذا مافي كلافه عليك

مرحبا اخوي .. اذا عندك الدنكر ياليت اعرف كم جالون ..

وبخصوص الاجار انا راح استأجر منك الدنكر

[arcon]

مرحبا اخوي شوف وانا اختك كنت ابي ادخل في المشروع من كثر مازوج اختي قنعني فيه وفي فايدته لانه مقاول ويفهم في هالسوالف ونصحني بالمجاري وانت بكرامه احسن من ماي الشرب وانشالله انتم السابقون ونحن اللاحقون

تسلمين يا اختي وان شاء الله تعم الفايده

[تاجره]

ماعندي خلفية ..

حبيت ارفع لك الموضوع


بالتوفيق ان شاءالله

[arcon]

ماعندي خلفية ..

حبيت ارفع لك الموضوع


بالتوفيق ان شاءالله

حياكي الله اختي الكريمه

[الجنتل]

الله يوفق

[S T E]

شوف ياخوي تنكر الماي الي حجمه 6500 يدخلك شهرياا صاااافي 12الف تقريبا هاي عقب ماطلع المصاريف ومانصحك فيه لان انت بتشتري ماي قبل التشغيل يعني تشتري وصولا 30 يوم قيمتها 10650

انا قبل شغال في الماي وحولت كل تناكري وانت بكرامه مجاري بس الماي الحلو لابأس فيه بس اذا عندك ميزانيه قبل لاتشغله يعني اتجهزلك بعطيك مثال الوصل الواحد حق الماي بتشتريه 128 وعندك الديزل 50 ريال احسب وصلين وتريبين يعني بيطلعلك 280 ريال صرفية كل يوم واما عن التشغيل مر على ريدي مكسات الي في الصناعيه واعرض عليهم كوتيشن وربك كريم وعلى طاري السيلين السيلين موسم كمن شهر بس لاتعب نفسك والله يوفقك

[rashid700]

وأنا بعد عندي تنكر شغال في الوره 3000 جالون ويطلع في الشهر 8000 مع المصاريف بس الشهر هذا قالوا ما راح يشتغل إلا موديل 1990 وفوق أفكر أبيعه او أحوله تنكر مجاري

[غناتي1]

تاجير دناكر للمجاري يكون دخله فوق ال 10 الاف ريال شهريا

[التميز]

بالتوفيييييييق

[طبـ الود ـعي]

السلام عليكم :)
انا الصراحة ماعندي اي خلفيه عن التناكر بس حبيت أعرف بكم سعر
التنكر الجديد والمستعمل النظيف منهم وهل سوقها ماشي ولى لا

[armani**]

و انا بعد حبيت أعرف بكم سعر
التنكر الجديد والمستعمل النظيف و اسعارهم و منين اشتريهم .
و جزاكم الله خير .

[ابو خليفه]

وانا كان عندي دنكرين مجاري وماي حلو وبعت الاثنين بصراحه ،، وانصح اي واحد قبل ما يدخل هالمجال اذا ماعندك سواق على كفالتك ولا عندك عقد من سنه وفوق انصحه مايدخل ويخلي فلوسه حق مجال يفهم فيه اكثر وبالتوفيق للجميع انشاءالله ...