الله الله في محارمنا " ما هو لبسهم في الاعراس "

[اهل قطر]

سؤال احمله لك انت ايه الراعي

" كلكم راع وكلكم مسؤل عن رعيته "

انت يا من حملت الامانه

امانة من تعول زوجة او اخت او ام

امانه ستسئل عنها يوم القيامه
لكم انتم اقول هل تعلم ما تلبس نساؤنا في الاعراس

انتشرت هذه الايام الملابس الخليعه التي لا تليق بمسلمه , لا تقولوا مجتمع نساء
الفتنه موجوده

حتى ظهرت الصدور والظهور والنحور
والسيقان
واللهم سترك

ومن حافظ على ستره كان لبسه ضيقا حتى شف عما تحته
من منكم قد را اهله حين مغادرتهم للعرس , وما تحت العباءة

هل هؤلاء هم حفدة عائشه وخديجه رضي الله عنهما

هل ماتت القلوب

حتى اصبحنا لا ننكر شيئا

هل حقا ترضى بذلك

اعانك الله ان قبلت بذلك

اللهم استر على بنات المسلمين
وزينهم بلباس التقوى

[al7oooot]

وانت ليش راز عيونك تقز بنات خلق الله وتطالع صدورهم

غض النظر اول بعدين تعال تكلم

[miss-qatr]

اذا الوحده ما تستحي يعني اتظن في شي بيمنعها !!!!



في لبس سهره معقول

وفي لبس بعيد عن الحيااااء



والواحد اش بيلحق ؟؟ بيقعد يبطل عبايه كل وحده ويشوف هي شلابسه !!



الرقابه الداخليه اولاً



جزاااك الله خير

[مستثمره جديده]

وانت ليش راز عيونك تقز بنات خلق الله وتطالع صدورهم

غض النظر اول بعدين تعال تكلم

لاتظلم الرجال يمكن هو يسمع من قريباته عن هالشي .. وبعدين فيه اسلوب احسن من

هالاسلوب ترد فيه على الاعضاء ..

بالنسبه لكلامك اخوي اهل قطر فهو فعلا صارت غالبية اعراسنا استعراض للاجسام من

بعد ماكانت استعراض بالفساتين واخر مره رحت فيها حفل زواج من يومين شفت العجب

في اللبس .. شفت بنات عوايل واكثرهم من غير المتزوجات ولابسين ملابس مايلبسونها

الا المومسات والعياذ بالله .. ملابس نستحي نلبسها حتى قدام خواتنا او امهاتنا في البيت

والمصيبه بعض الأمهات لبسهم افضح من بناتهم ( اذا كان رب البيت للدف ضاربا .. )

امحق قدوه :tease:..

وين التربيه وين الاحتشام اللي وصى عليه دينا الحنيف ..

بنات بطونهم طالعه .. ظهرهم مكشوف بالكامل .. فتحات على طول الفستان

اماميه وخلفيه فاضحه تظهر اكثر مما تخفي ..

ماقول غير الله يهديهم ويستر علينا وعلى بنات المسلمين ..

[شيزكيك]

الله يستر علي وعلى خواتي وبناتي والحمدلله اللبس العاري مرفوض عندنا

والله يجزيك خير يا اختي على كلامك وتنبيهك

[سوق واقف]

موضوع جميل يا رجال الحين حتى الي يطقون رجال مب حريم والحريم رقص وسمردحه كل شيء صار عادي عندهم

واذا قلت لهم شيء قالوا عادي والله والله حاسبوا أسئلوا حريمكم الي يطقون حريم ولا رجال قبل لا تودونهم العرس ....

اللهم أرحمنا برحمتك

[بولينجر]

جزاج الله خير اختي اهل قطر... وكلامج صحيح والكل بينسأل يوم القيامة عن رعيته

[الزعفراني82]

وانت ليش راز عيونك تقز بنات خلق الله وتطالع صدورهم

غض النظر اول بعدين تعال تكلم

اخوي العزيز اتمني مستقبليا يكون ردك اكثر لباقه و ارقي من هالاسلوب و الرجل طرح الموضوع بكل واقعيه و امانه و مشكله واقعه بالمجتمع و لو ما كان مهتم في عدم انتشار الفتنه و الفساد و الحد من أثاره ما كان كتب الموضوع بالمنتدي و بالاخير انت ترد عليه باسلوبك الجارح و غير حضاري

علا العموم حصل خير

تحياتي و تقديري

[اهل قطر]

وانت ليش راز عيونك تقز بنات خلق الله وتطالع صدورهم

غض النظر اول بعدين تعال تكلم

اسمح لي اخوي
بس انا مع اني من الجنس النسائي بس ما احضر هالاعراس بس سمعت من الاقرباء

[بنت المزن]

وانت ليش راز عيونك تقز بنات خلق الله وتطالع صدورهم

غض النظر اول بعدين تعال تكلم



على ما أظن أن (أهل قطر) أنثى......!!!!!
التسرع في الرد يدل على.............................؟؟؟؟؟؟؟؟؟

[سداوي&مدريدي]

اللهم استر على بنات المسلمين
وزينهم بلباس التقوى

اللهم آميـن

[غزلان]

الله يهديهم اللبس تعدى الحدود عند البعض وليس الكل بصراحه احنا نستحى نشوف ملابسهم

[أم الجوري]

وانت ليش راز عيونك تقز بنات خلق الله وتطالع صدورهم

غض النظر اول بعدين تعال تكلم



اول شي اللي اعرفه ان اهل قطر بنت مب ولد
وثاني شي حتى لو كان ولد دام هالبنات ما تسترو ويبون خلق الله يشوفونهم خلاص
بعد انت ما راح تقدر تمنع احد من النظر
وهذا اللي فعلا حاصل بمجتمعنا لبس خليييييييييييع
وربي استحي لما اشوفهم يلبسون جذي

[ذيبه مزاجيه]

الغريب في الامر ان في بنات متسترين بالكامل عن الشباب و اعتقد انهم يروحون من باب البيت لين باب القاعه مال العرس !!!!

هو صحيح غلط و لكن يظنون و الله اعلم انهم جذي في السيف سايد يعني اعتقد وانا طبعا ما اعلم الغيب انهم يقولون نكشخ قدام حريم حتى لو لبسو لبس فاضح احسن مما يطلعون به قدام الكل !!

انا بهالكلام ما ادافع عنهم والله يستر عليهم و على كل مسلمه ان شاء الله و لكن اتوقع تفكيرهم جذي !!!! وانا طبعا ما اعلم الغيب و لكن اظن و انا مجرد انسانه قد تخطئ او تصيب ..

والحمدلله انا لا اروح اعراس ولا البس هاللبس .. انا في عرس اخوي صايره كأني بطريق مسكر من فوق لين تحت يقولون لي الناس شبلاج كأنج عجووز هههههههههههه بس عادي انا متعوده جذي الحمدلله ماحب العريان و اللبس هذي اللي حق الاجانب !!! مب حلو و لا يصلح لنا الصراحه .. ولا احب اسوي نفسي فرجه للي يسوى و اللي ما يسوى لان مع احترامي محد يستاهل و ما فيني شده حق القيل و القال !!

وبالنهايه ما اقول الا الله يستر على البنات و يردهم الى طريق الصواب ان شاء الله

وشكرا على الموضوع اختي لا هنتي