اكتشفت خلية نحل في بيتنا بس شلون اخذها ^_^

[روح الاطلس]

اليوم وانا طالعه الظهر في حديقة البيت لقيت في وحده من النخل على سعفها متكونه خلية نحل سبحااان الله ابداااع الخالق كأنها مرسومه بفرجار .. :omg:

بس احترت شلون اخذها والنحل حواليها :( مدري احد عنده خبره او معرفه في هالامور ؟!! مدري هل تنقص كامله ام يبقى جزء منها عشان تتكون مره ثانيه ؟ وشنو احسن وقت اقدر اقصها فيه ؟ :nice:

[مليت]

افا عليك الحين البس ملت هريس واشب لي جذع نخله واجيك

[روح الاطلس]

ههههههههههه ماتقصر مليت

بس كني كني كني فهمت ان الموضوع فيه شب ونار ؟؟

[ورقــة أمــل]

اختي احنا قبل كنا نولع قراطيس وجرايد تحت الشجرة
عشان النحل يبتعد لما يشم الدخنه
مادري النحل يشم ولا شسالفه
المهم وعقب ناخذ الخليه

[نورFROM قطر]

ايييييييييييي الله ابي منه يجنن

تلثم والبس نظاره وامسك بيد نار والثانيه شي تطيح فيه الخليه وخلوا لي منه

والله اني اذكر طعم عسل الخليه في بيتنا من زماااااان من بعده ولا ذقت عسل مثله(:

[Fahad Alqahtani]

طريقتين
الاولى ماينصح بها الاطباء مع اني جربها 3 مرات والله ستر وهي بف باف رشه او بخه على الخلية تبذبح النحل وتاخذ العسل بس اذا صار لك شئ لاسمح الله مالي خص
الطريقة الثانيه تجيب كيس زباله وتغطي الخلية 3 ايام لين يختنق النحل ويموت او يموت جوعا وتاخذ العسل ماجربتها بس طرت على بالي اذا النحل يتنفس نفسنا .
الطريقة الثالثه تجيب بيب طويل ويكون نظيف وتضرب الخلية من تحت وتحط البيب في الخلية عشان العسل ينزل من الخلية طبعا تحط تحت البيباي شئ ينزل العسل فيه وتكون بعيد
الطريقة الرابعه طريقة اخونا مليت بس خل عندك طفاية حريق وهي الطريقة المتبعه عند الوالد الله يحفظه وياكم
هذا اللي طرأ على بالي الحين وان شالله تلاقي حد عنده خبره في هالامور

[روح الاطلس]

اختي احنا قبل كنا نولع قراطيس وجرايد تحت الشجرة
عشان النحل يبتعد لما يشم الدخنه
مادري النحل يشم ولا شسالفه
المهم وعقب ناخذ الخليه


ههههههههههههه حلوه طريقتك شكلي بجربها بس ياويلك ان قرصتني نحله وانتي السبب

[روح الاطلس]

ايييييييييييي الله ابي منه يجنن

تلثم والبس نظاره وامسك بيد نار والثانيه شي تطيح فيه الخليه وخلوا لي منه

والله اني اذكر طعم عسل الخليه في بيتنا من زماااااان من بعده ولا ذقت عسل مثله(:


ابششري لو نفعت الطريقه وطلعت منها بالسلامه بدون ولا لدغه لك أحلى عسسسل انتي وكل اهل المنتدى ^_^

[روح الاطلس]

طريقتين
الاولى ماينصح بها الاطباء مع اني جربها 3 مرات والله ستر وهي بف باف رشه او بخه على الخلية تبذبح النحل وتاخذ العسل بس اذا صار لك شئ لاسمح الله مالي خص
الطريقة الثانيه تجيب كيس زباله وتغطي الخلية 3 ايام لين يختنق النحل ويموت او يموت جوعا وتاخذ العسل ماجربتها بس طرت على بالي اذا النحل يتنفس نفسنا .
الطريقة الثالثه تجيب بيب طويل ويكون نظيف وتضرب الخلية من تحت وتحط البيب في الخلية عشان العسل ينزل من الخلية طبعا تحط تحت البيباي شئ ينزل العسل فيه وتكون بعيد
الطريقة الرابعه طريقة اخونا مليت بس خل عندك طفاية حريق وهي الطريقة المتبعه عند الوالد الله يحفظه وياكم
هذا اللي طرأ على بالي الحين وان شالله تلاقي حد عنده خبره في هالامور

والله كل طرقك تخوووووف وخطيره انا ابي عسل صافي ما ابي اكل عسل عليه فليت ووووع:secret:

اما باقي الطرق لا تعليق هههههههههههههه


ولازلت انتظر اقتراحاتكم الخطيره بس ما ابي بيف باف ولا طفاية حريق بتودونا في داهيه:telephone:

[المارونـــي]

وقتها متاخر واجد الا اخبره موعدها عندنا في قطر من بداية السنه االى شهر 2 او 3 وهذا والعلم عند الله
اما عن طريقة شل الخليه حرقي جرايد ا او كراتين تحتها علشان النحل يطير عنها وعقب الله يعينج على الدفاع المدني بيطفونج مع الخليه يمكن
ههههههه
تقبلي مروري اختي

[غدير البورصه]

انا عندي منحل كبير وايد
اخذي قطعة من يونية العيش وحطيها في مدخن واسع ولبسي شي على ويهج ونظاره ويكون عندج طشت وسيع . وسجين طويله.و يكون الهوز الي تسقون به الزرع جاهز للطواري اذا هاج النحل.

الوقت يكون الصبح بدري لان النحل يكونونسارحين يدورون حبوب اللقاح.
وتحذري من المغرب لاتحاولين انج تتقربين من النحل لانهم يكونون راجعين وبيباتون في المنحل.
الحيت طريقة جني العسل :
شبي الظو في اليونيه وحطي المدخن تحت الشمع بمسافة نص متر شو بصير ؟ النحل بيشرب الدخان وبيثقل وبيبتعد او بييلس فوق الشمع.
بكل هدوء ولازم حد يساعدج حد يمسك الطشت تحت الشمعه وانتي قصي الشمعه بشوي شوي
ولازم بكل هدوء عشان مايهيج النحل وتشوفين شي ما يعجبج.
او تقصين السعفه بكبرها
.معلومات اذا هاج النحل رشي عليه ماي بينزل في الارض اوعلى النخله.
اذا كان في بيتكم سدر او في فريجكم سدر بيكون هذا عسل سدر ويا سلام على عسل السدر مال قطر يهبل لذيذ دليشز.

[al.majal]

الطريقة عندي ...بس بعد الصلاة انشاءالله

[al.majal]

عدنا
هذي الطريقة جربتها مرتين ونجحت.
المتطلبات:
1- بخاخ ماء( مثل اللي عند الحلاق حق الشعر) مش حالك:yes:
2: سكين لقطع الغصن (اذا على شجرة)
3- كيس كبير .
4-شخصين لضمان السرعه والجودة والسلامة

-عب البخاخ ماي بارد عشان يجمد النحل ورش دار ما دار الخلية رش خفيف
- نزل النحل بالسكين او باي شي اخر طويل جلدي جلدي:) بيطيح النحل على شكل كتل لانه متاثر بالماي
والشخص الثاني يقطع الغصن بسرعة ويحط الخلية في الكيس :)
وبالهنا والشفا:p

[Riku3]

"غدير البورصه" و "al.majal" ماشاء الله ردودهم تكفي ^^ ..

بس لاتنسين ان السرعه مطلووووبه .... ترى لو طولتي النحل بيشيل ثلاث ارباع العسل في دقايق ويمكن بالنهاية ماتطلعين بشيء الا الخليه نفسها وتكون فاااااضيه من العسل .

الحمد لله في بيتنا طول الوقت ماشاء الله خلايا نحل وكل كم شهر اشوفهم منزلين وحده :] .. الوالد يجيب واحد باكستاني ماشاء الله عليه , يتلثم وينزلها بسرعه لا ماي ولا حريق ههههه .

[روح الاطلس]

مشكووورين ماقصرتوا ويعطيكم العافيه

بس شكلي هووونت بصراحه خفت ما عندي خبره في هالسوالف واخاف يهيج النحل ويقرصني واصبح متورمه :(

بخليها لين تكبر الخلية وتثقل وتطيح بروحها ^_^

بس استغربت من كلام العضو اللي يقول ان النحل ممكن ياخذ العسل ويطير فيه هههههههه توني ادري بهالمعلومه

والنحل اللي عندنا شكله متغذي على أزهار المشموم ( الريحان ) دايما اشوفه يحوم حواليه مدري عاد اذا يستاهل كل هالمخاطره ام لا

بس سمعت ان النحل لو قرص واحد 100 مره ممكن يجيه تسمم ويموت :omg: يا إلهي

[طارق]

خلها في حالها يارجال , في الجمعيه ب 7 ريال تشتري كميه اكثر من الي في الخليه 10 مرات

خلهم لين يتركون الخليه وسو الي تبي , والله ابركه هالنحل

[مؤثر]

مشكووورين ماقصرتوا ويعطيكم العافيه

بس شكلي هووونت بصراحه خفت ما عندي خبره في هالسوالف واخاف يهيج النحل ويقرصني واصبح متورمه :(

بخليها لين تكبر الخلية وتثقل وتطيح بروحها ^_^

بس استغربت من كلام العضو اللي يقول ان النحل ممكن ياخذ العسل ويطير فيه هههههههه توني ادري بهالمعلومه

والنحل اللي عندنا شكله متغذي على أزهار المشموم ( الريحان ) دايما اشوفه يحوم حواليه مدري عاد اذا يستاهل كل هالمخاطره ام لا

بس سمعت ان النحل لو قرص واحد 100 مره ممكن يجيه تسمم ويموت :omg: يا إلهي

العسل في قطر شهر نوفمبر وفي منتصف الشهر
أحسن طريقة هي رش الخلية بالماء البارد صباحا وثم ازاجة النحل عنها بكل سهولة الى كلك أو ماشابه
قطع الخليه من جانب الجذع مباشرة وبسرعة قبل ما النحل يحترون
المعروف النحل من ذوات الدم البارد يعني اذا بردوا تقل حركتهم ويمكن تنعدم
وممكن احراق خيشة تحت الخلية لطرد النحل
وحرام قتل النحل بالفليت وماشابه

[حقيقه]

خليه ابرك
عاد اشكثر بيطلع لس ماعتقد بيكون كثير
روحي اقرب محل عسل واشتري اللي بخاطرس :nice:

[فـــــواز]

حرام تقتلون النحل

هذي نفس

مثل ما قالوا الشباب خليها لين تطيح الخليه بعدين اخذيها ولا قارص ولا مقروص

[a7SaaS]

الغاليه روحي مشتل وخذي من عندهم زراع ابرك
بيكون هو على معرفه اكثر

لانه الله يستر ماتدرين يمك يدش داخل البيت ولا شي
بعدين صحيح النحل في دقايق
يقدر يفضي الخليه سبحان الله
اذكر ابوي مره شب في كرتون وخله الدخان يتصاعد صوب الخليه
وبعدين خذنا العسل وصفينه بغتره
وعلى فكره حتى الشمع مفيد
بعدين خلو من الشمع شوي في مكانه
لان النحل يرد في مكانه سحان الله
اذا حس بل أمان

:shy:
وهني وعافيه

[PRINCESS]

ههههههههههه تذكرت يوم اكتشف زوجي خليه نحل عندنا
صار عرس عند العيال بهذاك اليوم وزفه قسم يشعلون نار عشان النحل يهرب وقسم escapeescape اتبعو المثل ال يقول الهزيمه ثلثين المرجله لما شافو النحل عصب وبده يتطاير

[509]

عادي روحي واخذيها بيدج

ترى النحل حيوان اليف لوووووووووووووووول

المهم العسل لاتقصرين على اهل المنتدى

الله يوفقج

[سهم طالع]

ما شاء الله الدوحة متروسة خبراء عسل .. وأنا لله الحمد ياما تفرجت عليهم لكن محد مثل عاشور الصعيدي.. ماشاء الله عليه .. انسان رائع .. يوم شاف الخلية ترك الحفار وهجم عليها ولا عنده فيها .. ويدخل صبعة المتحجر من بين النحل ويكسر الخلية وياكل منها ويقول حلوة قوي .. وعقب ما شبع جاب له خيشه وولعها تحتهم .. وكل ما اقوله حاسب حاسب يقول انا مباخافش من النحل ... ويكرر هالجمله باستمرار .. ونا على خبري الربع يلبسون لبس خاص وينقرصون .. ايقنت عقبها أن النحل مسير بأمر الله يقرص ولا ما يقرص

[شاي كرك]

اناعندي شخص ممكن يقوم بالمهمة ...؟؟؟

[غناتي1]

استخدمي طريقة اخونا مليت 000 هي الطريقة الصحيحة