لـطائف وعبـر حصـلت لإبي ريـان مع شوية ملح وفلفل وربيـان ...... ضع مالديك...

[أبو ريان المدني]

أحبتـــي الفضـــلاء ... //


أيـــها الأكـــارم ... /


هذه بعض المواقف التي حصلت لي في سفري ورحلاتي ....


وستكون ... بسيطة ومختصرة ... وسهله ... كي يستطيع القــارىء ....

التبحر معـــاها ...


وبتكون المواقف ... متسلسلها ....


مع الردود ...



ولكل من لديه موقف ... يستحق .. ان يتواجد في الصفحة ... فمرحبا به ....


ملاحظة وتنبيه ورجاء : - بعدم قلب الموضوع إلى شــات ... سولف بس لا تطولها ...

على العلم أن ما بين "" القوسين كلام في النفس وخراج الحوار ..."



أبــو ريــان المدنــي ... :ai:

[أبو ريان المدني]

الموقف الأول


سفـــر ٌ إلى الريــاض ... D



هــذا الموقف من أعجب وأغرب المواقف الي ... صارت ...


لي قريب يحضر الماجستير في الرياض .... واخوكم في المدينة ...


والقريب ما خذ بنت خالت زوجتي .... وطبعــا ً من قطر إلى المدينة لازم تمر

على الريـاض ... إذا كنت بالسيارة فديما نمر عليهم واحنا في الطريق ...

او نطلع معاهم ....


المهم ... هل المرة أنا في المدينة ... وطالع من الجامعة كلمت الأهل ....

شرايكم نروح الريـاض ....

ردوا علي :- على راحتك ...

رديت :- خلاص باتصل بحجز ... عز الظهر والشمس في راسي وطالع

مصدع ...


المهم ...

يصير تحجز بالتلفون إذا كنت بتسافر بالخطوط السعودية .. بشرط تدفع الفلوس

خلال 24 ساعة ... هذا النظام لكن السعودية ماعندهم شي اسمه نظام ...


لا يزعلون علينا السعوديين ... :17:




المهم .... أتصــلت .....

ترن ترن ...


الموظف :- السلام عليكم ورحمة الله وبركاته ...


أبو ريـان :- ألو .. كنتاكي ...

الموظف :- نعم ؟!

أبو ريان :- أسف الشيخ .. في رحلات للرياض ؟


الموظف :- نعم أخي العزيز ... في بعد ساعتين بس ...

أبو ريـان:- توكل على الله .... " طبعا انا افكر الحين باقي ساعتين وعلشان اوصل البيت 7 سبع دقايق ومن البيت للمطار 7 دقايق ... زين ان شاء الله نلحق ...

الموظف :- أبو ريان البيانات .. مع بينات الزوجة ...

أبو ريان :- هذه البيانات ..................................

الموظف :-متى العودة؟

أبو ريان :- الجمعة بالليل ... " كان يوم الاربعاء الظهر .. "


الموظف :- رحلة سعيدة ....

أبو ريــان :- كل يوم تعال يالغالي .....


ما خلصت وعطيته البيانات إلا انا عند البيت ....

ادخل على الاهل جهز الشنطة يلة سريع سريع ... طبعا الاهل يحسبوني أمزح

أبو ريـان :- أقول يلة بسرعة ...


شك بك ... مرت ساعة وربع ...

ركبنا السيارة ؟

الجوزات ... أبو ريــان وين الجوزات ....


الأهل :- طيب لحظة لازم اروح معاك ؟!


أبو ريان :- ليش؟

الأهل :- في الخزانة ؟! " التوجري"

أبو ريان :- صح نسيت كنز علي بابا موجود داخل ..... " طارة الطيـارة الحريم "


يلة بسرعة ....

فتحنا المغارة بعد ربع ساعة ... سكر يا سمسم بعد ربع ساعة ....

مرت وعدت ساعة ونص .... يلة بسرعة بسرعة أنواع الزحمة في الطريق ..


وصلنا المطار بعد ربع ساعة ....



الفلم الهندي ... الي صـار ...

عند دخولنا المطــار ....


استطراد ...

طبعا يا اخوان كل ما اسافر محد يقولي وقف ولا حد يحد يفتش العادة امر ...

...


عودة :-

وصلنا المطار عند ... تفتيش قبل المطار ....


الا جاك العسكري السعودي ............. النفس كلش... شوي ويتضارب معاك

طبعا باقي من الزمن 13 دقيقة ....


العسكري :- بطاقتك ..

أبو ريان :- أبشر .. طلعت له بطاقة الجامعة الكندية قديمة قبل أكثر من 5 سنوات

وكلها بالانجليزي ..؟ أنا ما انتبهت إلا يوم سألني اللوحة قطرية .. اقول شفيه

الحبيب زين في البطاقة مكتوب إني من قطر ...

العسكري :- اللوحة قطرية وانت سعودي ..؟

أبو ريـان :- "مادري اصيح ولا اضحك .. هذا عسكري ما شاء الله مثقف ..."

أبوريـان :- رايح الريــاض الله يسلمك ....

العسكري :- هذا المطـــار ؟؟

أبوريــان :- لا شعوريا .. اتصدق احسب محطة القطار... أدري أن القطار ...

وأقولك رايح الرياض ...

العسكري :- واللوحة قطرية يمكن مضيع ...

أبو ريــان :- لا الله يسلمك بخلي السيارة في المواقف ....

العسكري : - هذه بطاقة وين ؟؟

أبو ريان :- " هذا وقته " وباقي .. 9 دقايق ... هذه بطاقة الجامعة ...

العسكري :- طيب توكل على الله ليش غيروها .. ....


بسرعة بسرعة .....

حط الاغراض ...


الكونتر :- سكرنا ...

أبوريان :- حاول يالغالي ...

الكونتر :- أبشر ... " ويكلم الطيار ويقول له أهلي توهم واصلني أخواني واهلي ...

أبوريان :- ماقصرت يالغالي " فرق بينك وبين العسكري الي من شوي ذبحنا "



والحمد لله ... وصلنا الرياض بسلام ......




يتــبع .... مع موقف جديد ...

[سيف قطر]

ههههههههههههههههههههههههههههههههه

والله قصة ... قراءة ممتعة للواقع .. ممكن ينفس الواحد شوي عن نفسة بهذه الذكرايات ؟؟

لي عودة أخوي ابو ريان

[لاداعي]

يعطيك العافيه :nice:

[(الفيصل)]

:)
أرجعك الله سالماً غانماً ياأبي ريان
وطالما أن الشيء للشيء يذكر
أذكر موقفين مع عجوز بالطائرة
سأذكر أحدهما
وهو أنني كنت متعباً جداً ومسافر (ليلاً) وبجانبي سيدة عجوز(قطريه)
وكل (ماغطت عيني اشوي) الا العجوز تقول (لا اله الا الله)
فاأقوم وأذكر الله معاها
وهكذا ...وانا متعب جداً جداً
وبعدها سألتني (يابوك اشلون هالطيار يشوف بالليل الله يستر علينا)
قلت لها(ارتاحي يمه ورقدي فيه ليتات من أهنيه لين لندن)
قالت لي (اي اشوى طمنتني لا اله الا الله).
:)

[أبو ريان المدني]

العنوان : أول مرة أسافر في حيـاتي أدرس لغة ...

المكـان : فوكستن تبعد عن لندن ساعتين ...

الزمـان : 1996 / 7 / 7




قبل ما أرجع بيومين ... طبعا ... ما أبغي أذكر البدايات الحزينة .. والايام العجيبة ...


لكن ............




أبو ريــان كون صــداقات ....



أكثر من عشرة .....


متنوعين من دول الخليج ....


الأغلب سعودين وأماراتي .. وكويتي ...













كلموني ... قبل ما رحلة " لندن الدوحة " بيومين ....



الشباب :- بوريان شرايك نروح لندن ؟

أبو ريان : يا جماعة أخـاف أتأخر ... على الرحلة ....


الشباب :- ما عليك بترجع قبل


أبوريان :- طيب توكلنا على الله ...



فاصل إعلاني

كنت ساكن عند عائلة ...

كان فيها بنت عمرها 6 سنين ... كانت تحب بوريان ...


تدرون ليش ؟؟


لاني كل يوم داش بكيس كافي ... وهي لها نصيب من الكافي هذا ....


وكان في العايلة ولد عمره 9 سنوات ... كنت انام والقرآن في اذني .. "مسجل صغير"

يوم اقوم ابطل عيني .. " أشوفه جدامي ومشغل المسجل وقاعد يسمع " ويهز رأسه .. ليش ماتدري"

طبعا كل يوم بطارية والسبب هذا الصغير .....



عودة ...


المهم ....


أبوريـان حديث مع النفس ...

المبلغ الي تم في جيبي ......

" 200 باوند من أصل ...... مهب لازم تعرفون لاني كنت اقط الفلوس قط وكانت صدمة المبلغ الي بقى لي ... "


لازم أرجع ويكون عندي 150 باوند حق التكسي من فوكستن الى لندن ....


المهم خليت 150 باوند في الغرفة مع الجواز ....


تخيلوا : - 150 الجواز في فوكستن مع شنطة الملابس ......

المهم .....................


السفر يوم الاحد الصبح تقريبا الساعة 7 ... واليوم كان السبت 11 الصبح ...

محطة القـطار " تذكرة العسكري السعودي الي فوق "...

أبوريان :- كم المبلغ ؟؟

الشباب :- 17 باوند رايح راجع ... اذا ما خانتني الذاكرة ...

المهم وصلنا لندن الساعة 1 الظهر ...


كانت اول مرة اطب فيها لندن ....

تمشينا ... في لندن ...


وبعد اربع ساعات ...



السـاعة خمس


الشاب الاماراتي :- هاا ما جعتوا


الشباب وانا معاهم :- اي والله يلة نتغدى ...


مطعم شوارما ....


الشوارما بــ 7 باوند اذا ما خاب ظني ..

كم تبقى من الفلوس ...

17+7 = 24 ..

50 - 24 = 26 ...




المهم تغدينا ...


بعد الغدا ...


تمشينا شوي ..


الساعة 7:30

في شباب سعودين يعرفهم واحد من الشباب راح تقويهنا عندهم ....



جلسنا مايقارب الا اربع ساعات ....


الساعة 11:35



القطار يتحرك الساعة 12:30


والمحطة قريبة من سكن الشاب الي كنا عنده ......


وصلنا المحطة 11:50 ...


أبوريان :- شباب .. بروح اشتر لي ماي من يخلي تذكرتي عنده " وكانت عندي شنطة على الكتف فيها التذكرة "..


"قطعنا التذكرة من فوكستن رايح جاي "


فلان الاماراتي : - انا يابوريان ...


أبوريان : - خلاص خلكم موجودين لا تتحركون


بوريان :- "وهو رايح يشتري الماي والله لو اضيع في هذه المحطة راحت علي "


أشتريت الماي وبقى معاي تقريبا في الاخير 2 باوند او اقل .. وما بقى لي

إلا ال150 باوند في مدينتي ...


المهم رجعت .....



الصدمة ..؟!!!! وين الشباب ؟؟


بو ريــان :-" طلع الجوال " -- ما في رصيــد "


بوريان :- "مهب مشكلة بروح القطار بنفسي "

بوريان :- " التذاكر في الشنطة .. / الشنطة عند فلان " وش اسوي ؟؟؟؟



بوريان : " لاا راحت عليك .."


بوريان :- "خلني اروح حق الموظف اسأله اكيد بيدليني على القطار ."

بوريان :- "لو سمحت وين القطار حق فوكستن ؟؟"

الموظف :- " في خمس قطارات تروح فوكستن ما بين كل قطار خمس دقايق مشي "

بوريان :- " لااا راحت علي "


بوريان :- " تحطم ... جلس حزين .. "


شوي اماراتي شافني وشاف الدمعه وكان معاها ولده ...


الاماراتي :- شفيك ياولدي ...


بوريان :- والله ضيعت الشباب الي معاي وتذكرتي معاي

الاماراتي :- اي مدينة رايحين ياولدي ..

بوريان :" متحطم فوكستن ... وخلااص " أقول في نفسي بقعد في لندن

المع جواتي وقاعد على كرسي والمع في الجواتي "

الاماراتي : تعال ياولدي انا بوصلك فوكستن انا رايح علشان ولدي يدرس فيها

بوريان : " لحظة تأمل " الله يجـــــزاك خير يالشيخ ماقصرت "


الاماراتي : - يلة مابقي الا عشر دقايق علشان نلحق ... وشلون المدينة ....

بوريان : " يالله الحمد لله الحمد لله " ماقصرت يالغالي ... المدينة جميلة

بس نصيحة لا يطلع منها ولدك ....


دخلنا القطار .. :

الساعة 12:31 وقت ما يتحرك القطار ...


شوي ..... الشباب قداااااامي ...


الشبــاب : وينك تاخرت .. قلنا أكيد ركبت القطار قبلنا ..

بوريان :" مع حقد وانواع الربكة شلون اركب القطار والتذكرة عندكم "

اوقول لولا الله عزوجل ثم هذا الاماراتي كان بوريان الحين يلمع جواتي

الشباب : اوووه تعال

بوريـان : " شاسوي فيهم " ....


المهم وصلنا المدينة الساعة 2:35 ...

بسرعة بسرعة على العايلة جهز الاغراض ...


سبحة سريعة ... ولين الحين الربكة والخوف ...

وعلى المطار ....


وصل التكسي الساعة 2:56



ركبت التكسي وصلنا المطار 5 ...


وبوريان عند الكاونتر من الساعة خمس لين مافتح ....




وسبحان الله تعلمت درس .... ناس ماتعرفهم ... لا تأمن لهم .........

[أبو ريان المدني]

ههههههههههههههههههههههههههههههههه

والله قصة ... قراءة ممتعة للواقع .. ممكن ينفس الواحد شوي عن نفسة بهذه الذكرايات ؟؟

لي عودة أخوي ابو ريان


عزيزي الغالي .. سيف قطر ...

مرحبا بك .. أنارت الصفحة ...

ننتظر موقف من مواقفك ... :victory:

[أبو ريان المدني]

يعطيك العافيه :nice:

عزيزي لا داعي عافك الله يالغاي ... انتظر موقف منك ... :nice:

[أبو ريان المدني]

:)
أرجعك الله سالماً غانماً ياأبي ريان
وطالما أن الشيء للشيء يذكر
أذكر موقفين مع عجوز بالطائرة
سأذكر أحدهما
وهو أنني كنت متعباً جداً ومسافر (ليلاً) وبجانبي سيدة عجوز(قطريه)
وكل (ماغطت عيني اشوي) الا العجوز تقول (لا اله الا الله)
فاأقوم وأذكر الله معاها
وهكذا ...وانا متعب جداً جداً
وبعدها سألتني (يابوك اشلون هالطيار يشوف بالليل الله يستر علينا)
قلت لها(ارتاحي يمه ورقدي فيه ليتات من أهنيه لين لندن)
قالت لي (اي اشوى طمنتني لا اله الا الله).
:)






اخي الحبيب الفيصل ... اضحكتني حتى ادمعتني ....


ولي عودة مطولة ... مع موقف شبيه ...

[Affable Lady]

أشكرررررررررررك أخوي بو الريان على موضوعك الرايق :)

أحب ذكريات السفر والرحلات

متااااابعة بشغف :)

[أبو ريان المدني]

أشكرررررررررررك أخوي بو الريان على موضوعك الرايق :)

أحب ذكريات السفر والرحلات

متااااابعة بشغف :)


أختي الفاضلة .. صاحبة الاخلاق العالية والمشاعر الجمة ... وفقها الله

ننتظر موقف منك إذن ...

[!الشايمه!]

يامرحبا الساع اخونا ابو ريان......

اول مره اشوفك تطلع عن المواضيع الرسمية.....

الموضوع حلو....واسلوبه حلو......لي عودة للقراءة بقية المواقف......

......

الفيصل ..... يحليلها العجوز :)

تحية

[أبو ريان المدني]

يامرحبا الساع اخونا ابو ريان......

اول مره اشوفك تطلع عن المواضيع الرسمية.....

الموضوع حلو....واسلوبه حلو......لي عودة للقراءة بقية المواقف......

......

الفيصل ..... يحليلها العجوز :)

تحية


أختي العزيزة الشايمة ... خبرج ..

يقولون هالمطاوعه مايضحكون .. ولا ينامون .. وكله مكشرين ومبوزين ...

لازم نغير ....


وونتتظر منج موقف .... جديد ..

[أبو ريان المدني]

مواقف ... من منتدى آخر .... عجبتني ...



السلام عليكم و رحمة الله و بركاته


هلا و غلا بابو ريان .. موقفك ذكرني بموقف مشابه صار لي قبل 4 سنين

.
.

العنوان : اول مره تطير عني الطياره
المكان : مطار ملبورن الدولي
الزمان : 5\10\2004

.
.
.

مطار ميلبورن .. الساعه 5:40 AM

وصول الطائره رحله رقم EK 406 الى مطار ملبورن الدولي قادمه من دبي

عند النزول

قرصان: سرك في بير .. وين الربع؟؟ خلنا نخلص امورنا بسرعه عشان نلحق على الطياره الداخليه اللي بتودينا Adelaide ((المحطه الاخيره))

سرك في بير: و الله ما ادري عنهم .. نصهم رقود و حالتهم حاله .. خلنا نسبقهم و نخلص امورنا و بننطرهم عند عند باب الخروج

قرصان: اوكي

رحت انا و سرك في بير .. خذنا شنطنا .. و عبينا استمارة الجمارك اللي تكتب فيها وشو عندك و وشو ما عندك .. و نبهني الوالد انه مهما كان خلق صادق واله بيسوون لك مشاكل لانه هذا امن دوله .. الحمد لله كنت صادق و فتشونا تفتيش .. لازم اول مره تنحط رجلنا في استراليا .. و خلصنا و طلعنا و ننطر باقي الشباب عند البوابه

طبعا في الجمارك كل واحد يخلص اموره بروحه و شوي شوي يطلع لنا واحد من الشباب و نقوله وشو سوولك و اللي مشوه و اللي فتشوه كانه خاش مخدرات في شنطته الخ

احنا كنا 7 تقريبا .. انا و سرك كنا اول ناس طالعين .. بعدها طلعوا 2 من الشباب و 3 من الشباب طولوا في الطلعه .. نطرناهم و نطرناهم .. اله واحد يطلع

يا فلان .. شبلاك تأخرت؟؟ .. و الله ابد بس طلعت من الطياره متأخر .. كنت تعبان حدي في الطياره .. و قبل ساعه من الوصول تذكرت اني جايب معاي حبوب منومه حق الطياره .. شخطتهم و ما وعيت اله المضيفه تقعدني و تقولي قم يالله .. و اشوف الطياره كلها فاضيه و كلهم نازلين لووووووول ((ما الومه .. الطياره مدتها 13 ساعه تقريبا دايركت .. و كانت قبلها طياره من الدوحه لين دبي و كانت الساعه 3:45 الفجر و قعدنا في دبي ترانزيت 5 ساعات .. عليكم الحسبه))

و بعدها نطرنا و نطرنا الاثنين الباقين .. اله واحد طلع .. قلناله سلامات شالسالفه تأخرت!!!! .. قالنا لا بس يوم عطوني استمارة الجمارك قريت اول سطر و كان مكتوب فيه اذا معاك مخدرات و اسلحه لازم تقول .. و اللي تحتها ادوات حاده الخ .. قمت حطيت كله اكس على انه ما عندي .. و يوم فتشوني طلعت بلاوي كان المفروض اعلمهم عنها مثل البهارات و الاكل و جواتي الرياضه الخ .. و صكوني بتعهد و انه ان صار هالشي مره ثانيه بيودوني للمسائله القانونيه !!! .. هذا الشخص واجد متهور و كله عنده الامور سهالات الله يهديه

باقي واحد .. نطرناه و نطرناه و نطرناه .. و لين الحين ما طلع .. خفنا امسكوه داخل واله شي .. لين ما بقى على طيارتنا الداخليه نص ساعه بس .. قلنا ننطره واله نحرك و نسافر عنه !! .. تقريبا 10 دقايق نقاش في الموضوع لين ما اتفقنا نسافر عنه و هو بيدبر نفسه

رحنا نركض ب 6 عربات ندور الكاونتر عشان نسوي جيك ان .. و يوم وصلنا عند الكاونترات .. و رويناهم تذاكرنا .. قالي .. يالطيب انت في المطار الدولي .. و طيارتك في المطار المحلي .. المطار المحلي من هالطريق .. و حياتك سباق بالعربات .. و يوم دخلنا المطار المحلي .. اله نشوف طيارتنا .. final call .. النداء الاخير .. و يوم وصلنا عند الكاونتر

قرصان: ان شاء الله بس لحقنا الطياره؟؟

الكاونتر: لا والله للاسف تسكرت الرحله .. بس نقدر نحطك في الرحله اللي بعد 6 ساعات .. اوكي؟؟

قرصان: اوكي ((وشو نقدر نقول))

الكاونتر: بس في واحد منكم دخل الطياره .. ليش ما كنتوا معاه؟؟

قرصان: !!!!؟؟؟؟@@@@

الكاونتر: فلان الفلاني سوى تجيك ان و ركب الطياره ((فلان الفلاني هو اللي كنا ننطره عند الباب و قررنا نخليه وهو بيدبر نفسه))

قرصان: مشكور اخوي


كنا ننتظره عشان نروح كلنا مع بعض .. و اخر شي هو طلع و ما شافنا موجودين و قال انا بخلص نفسي بنفسي .. كنا بنروح 6 و نخلي واحد يلحقنا بعدين .. بس هالواحد راح و خلانا نلحقه بعدين لوووووول

اول ما وصلنا .. كليناه اكل و شلون تروح الخ من الكلام .. بس في الاخير ما سوى اله اللي المفروض يصير لوووووول

كانت ذكرى حلوه و لحظات ما انساها .. اتمنى اني ما ثقلت عليكم خخخخخخ


و اشكرك اخوي ابو ريان بانك عطيتنا الفرصه بذكر هالموقف



اخوكم

قرصان قطر

[أبو ريان المدني]

موقف آخر ...


:17:ابو ريان .. موضوع حلو
يعطيك العافيه =)


العنوان .. بداية تعقدي من اللفتات (الاصنير)
المكان .. احد فنادق مكه
الزمن .. الساعه 11 الظهر .. يوم الجمعه .. حزة الروحه للصلاه في الحرم

.. الضحايا .. ساندي . خالتي . بنت خالتي

.. بعد ماركبنا الاصنصير متوجهين للدور الارضي
تأخر ومافتح


خالتي .. شسالفه يا بنات ماجنه طول توها ماخلصت كلمتها
تسكرت الليتات وفجأه ظلم المكان:17:

ساندي .. لا شكلهاااااا صارت فينا

بنت خالتي .. يعني شنو ؟ لاتقولون وقف الاصنصير علينا

خالتي .. لاتخافون الحين دقايق وبيعدلونه لنا
وين الجرس .. يا بنات تراني ماشوف شي

ساندي .. خالتي يعني احنا اللي نشوف:21:

خالتي .. الظاهر هذا هو .. تررررررررررن<< صوت الجرس

نطرنا :17: نطرنا:17: ونطرنا:17: ونطرنا:17:

يلا الصلاه بتروح علينا:17:

صلوا الناس:17:

وللحين احنا بظالم مانشوف بعض

ساعه ونص ياناس بنختنق بنموت:17:

ساندي .. ياخالتي بديت احاتي والله .. محد يسمعناااا

.. خالتي .. حاولت تتصل بالجوال .. مافي ارسال:17:

وفجأه .. انفتح الأصنصير
وجدامنا جداااااااااررر طووويل
وفتحه فوق صغيره

الا العامل .. يا اخوات والله مادرينا ان في اصنصير عالق

حاولوا تتطاولون الجدار

واحنا مب عارفين شسالفه
والله انا ماشوف جدامي الا جدار طوووووووويل
والريال اشوفه فوق

قالنا انتو عالقين بين دورين
لاانكم فوق ولا تحت في النص
ومانقدر نساعدكم اكثر من جذي
اول مره يعلق بهالطريقه

مسكين ماسك لنا الاصنصير بكل قوته
للحين مانعرف شلون ياتنا هالقوه وقدرنا نتطاول الجدار

وقدر الله وماشاء فعل

ومن بعدها ماذكر اني ركبت اصنصير

ويعطيك العافيه مره ثانيه

[أبو ريان المدني]

هذا موقف غريب جدا ...



مدري اذا هالموقف يصلح سرده او لا ...

كانت منتشرة موضة دراجات ( النينجا ) وكانت عندي وحده متى ما تمللت طلعت فيها على ما قالوا ( طقيت فيها فررره ) ... اذكر اليوم هذي كنه أمس ... كنا على وجه الشتا والجو بدا يبرد .... دخلت الكورنيش من اتجاه دوار الشيراتون ... ووقفت بالمواقف الجانبيه على اليمين .... شلت الخوذه وجلست على الرصيف .. في ذيك الايام كانت الزراعة اللي وراي مقلمه على شكل مربعات والشارع كان شبه فاضي يغالبه الهدوء نوعا ما ... فجأة سمعت صوت غريب .. ولا شعوريا نقزت ووقفت على حيلي ... بيني وبينكم خفت يكون حيه او شي جذي يعني .. وقفت أتأمل الزرع والصوت لا زال موجود .. صوت غريب صعب علي تمييزه .. الصوت مستمر بدون اي حركة غريبة ... توكلت على ربي وقررت اني اقرب استكشف مصدره... لاحظت انه جاي من ورى الزرع بديت اقرب واقرب واقرب وقلبي الله لا يراويكم حالته ...الين ما قربت من الزرع وطليت وراه وكانت الصدمة بالنسبة لي والمنظر اللي لليوم ماقدرت امحيه من ذاكرتي .... طفل .. رضيع .. بمهاده ... موضوع فوق جريده .. لقيت نفسي لا شعوريا اشيله بيديني ... ما خطر في بالي ان اهله نسوه بهالمكان وفي نفس اللحظة راودتني فكرة ان الشخص اللي حطه بهالمكان لازال موجود ولا تحرك الا بعد ما تأكد ان في شخص انتبه للطفل ... تميت اتلفت واتلفت عل وعسى المح حد مع الأسف ... الشارع فاضي

توهقت ... ماعرفت اتصرف .. ولعب الشيطان بعقلي ... خفت ابلغ الشرطة ويتهموني بإني والد هالطفل ما استبعدت هالفكرة أبدا ... لكني قررت وبالفعل اتصلت بالشرطة وخلال دقايق كانت 3 دوريات في الشارع وسيارة اسعاف .. خذوا الطفل ... وخذوا بياناتي .. وتميت يومين رايح ياي للمركز بسبة التحقيق .. وانتهى الموضوع على خير ...


هذا الموقف اللي بحياتي ... اللي لليوم ما أنساه .. يمكن خالف عنوان الموضوع كونه مب شي لطيف الواحد يذكره .. لكن مافي شك ان الموقف يحمل عبره في طياته


عساكم ع القوة

[أبو ريان المدني]

العنوان : - بعد العمرة كسر الشنطة ...

المكان :- مكة المكرمة ...

الزمان :- 2004 / 6/ 24


يتــبع ...

[بنت المنتدى]

بوريان :" متحطم فوكستن ... وخلااص " أقول في نفسي بقعد في لندن

المع جواتي وقاعد على كرسي والمع في الجواتي "


:funny::funny::funny:



هههههههههههههههههههههههه




والله وسعت صدورنا بهالموضوع الرائع والمتميز والبعيد كل البعد عن المشاكل اليوميه وروتين الحياه المُمل ...

الله لايهينك والله يعطيك الصحه والعافيه








والله تدري يا اخوي ذكرتني بآخر سفره لي قبل رمضان رحنا جزيره وضعت في الفندق (نظامه نفس الشاليهات فلل وسط الأشجار وشكثرها كأنك في غابه)
وجاتني الصيحه وكان الجوال مابه شاحن :( .. تميت اتمشى والعبره خانقتني ولاعندي فلوس ولاشي واقول ياربي لو ضعت وشلون بعيش :rolleyes2:

كسر خاطري زوجي مسكين تم يدورني دواره مع ستاف الفندق وانا اتنافض من الخوف في الغربه :weeping:

بس اول ماشفته سويت نفسي قويه وقلت له شفيك على بالك انا بزر تدورني انا كنت قاعده اصور ومستمتعه بالمناظر :tease:










بكل شوق ننتظرك روعة بوح قلمك الراقي


وموضوع البيبي يكسر الخاطر والله للأخ ولهان قطر :(


تقبل مروري

[أبو ريان المدني]

العنوان : - بعد العمرة كسر الشنطة ...

المكان :- مكة المكرمة ...

الزمان :- 2004 / 6/ 24




كانت عندي إجازة لمدت شهر ...

واحاول في هذه الفترة .. إني أعتمر مع أي حد ما اعتمر من قبل ...


المهم كلموني اثنين من الشباب ...


فهد + منصور ... بنروح مكة ونعتمر ....



أبوريـان :- أبرك السـاعات ....



جهزنــا للسفر ..اتفقنا .. حجزنا التذاكر .....


إقلاع ....

إلى مكة المكرمة ...


طبعا الشبــاب أول مرة يعتمرون في الطيـارة ....



فالله يعيني معاهم في لبس الاحرام ...

طبعا انا لابس الاحرام الاول تحت الثوب ...

القطعة الاولى ..

وانصح أي واحد من الشباب بحج أو بيعتمر يسوي نفس هذه الحركة ..


يلبس القطعه الاولى في البيت ويخليها تحت الثوب مثل الوزار ...

والقطعة الثانية ياخذها .. معاه ... يبدل لما يقولون له .. قربنا من الاحرام ...


ويلبس الاحرام وينوي الدخول في النسك ......


المهم لا تسألون أشلون الشباب عدت سالفتهم في الطيارة واشلون لبسوا

الاحرام ... طبعا .. انواع الاحراجات ....







المهم وصلــنا أعتمرنــا .......


كل شي تمام ...

رجعنا الفندق ...

الموقف الأول ...


يوم ركبنا الاصنصير كان جدامنا ..عائلتنا ...


العايلة الاولى تبي الدور الـ 6

والعايلة الثـانية تبي الـدور الــ 10

واحــنا نبي الدور الــ 15


المهم ... وصلنا الدور .. الـ 6


العايلة الأولى .. تبي تنزل نزلنا الثالثة علشان يطلعون ..


دخل منصور .. ودخل وراه .. فهد ... يوم جيت بدخل .. ويتسكر الاصنصير على يدي

وانا طبعا انواع الالم .. ومن الحرج ... احم احم ... ..وطبعا انواع الكحة ... شوي


ويتسكر الاصنصير ... ويضكون العايلة علي ... وربعي اول ماوصلوا الطابق الـ 15


انواع الضحك علي ...


تميت يومين متلثم علشان محد يعرفني ...



الحمد لله كانت أيــام حلوة .. وجميلة ...



الموقف الثاني وهو المصيبة ......


في الرجعة ...

الحين أعتمرنا وكل شي تمام ورجعنا ...... أسأل الله عزوجل أن يتقبل منا


المهم ركبنا الطيــارة ....


وش الي صار ....


في أربع كراسي ....

آخر كرسي فيه فلبينه .....


والطيــارة فل .... مالك أمل تغير ......


ويجيك بوريان بسرعة يجلس في الصوب المقابل ...


يعني شوف اشلون ..

وجاك منصور قعد جنبي ... طبعا فهد توهق .. ماله الا الكرسي الا عند الاخت الفاضلة ... هدانا الله واياها ..


الكرسي الاول.... الكرسي الثاني ...الكرسي الثالث....الكرسي الرابع


الفلبنية ............. قعد فهد ........ قعد منصور ............قعد بوريان


وخد بال حضرتك معايا .. بالمصري ....


المهم ...


طبعا بوريان في نفسه : " الحمدلله ووششووو فطرت "


منصور : ميت من الضحك ...

فهد : شفيكم ؟؟

واحنا في الطيارة

قاعدين نسولف انا ومنصور فهد نااام ....


شوي ورانا بنات قطريات مع ابوهم يقولون يااخي هذا ما يستحي

وانا اقول حق منصور ياخي تصدق حتى في الطيارة وجاينا من العمرة

بعد في شباب يضايقون البنت ...


<<<----- احسب في واحد يلعوز البنات ويغازلهم


شووي والا منصور يضربني بقوووو ...


منصــور :- بوريان شوف شوف يأشر على فهــد ...


بوريان:- صدمة وعلامات تعجب ....


الاخ فهد شنو مسوي .. وهو نايم نسى نفسه نايم على الفلبينة وقاعد يلعب في

شعرها مسوووي لها دوووااايررررررررررر




شوي صوت البنات يرتفع .. صج صج مايستحون لا ومعاهم مطوع ...


باااااال خذ عـااااد مهب مترقعين .... فهد ...قووووم


فهد : - شفيكم توه

تعليق :- الاخ توه قايم وشعرها في يده وقاعد يلعب فيه ... لا شعوريا


منصور :- شوف يدك ...


فهد :- اوووه شنو هذا ...

بوريان :- شنو هذا ؟؟ فشلتنا

فهد:- يالربع والله مادري....


المهم اول مانزلت الطيارة بسرعة حط رجلك ...


واشناطنا فوق راس الفلبنية ونطلع الشناط ...

واخر شنطة شنطة فهد يوووم طلعهاا..... بووووووووم على راسهاااا......

طبعا القطريات ... شنو هذه الوقاحة .............


طبعــاا حط رجلك وبسرعة .... على الجوازت .......




وكان موقف عجيب غريب ...... ماينسني ...

[بــو فهــد]

مواقف طريفه ..
الله يعطيك العافيه اخوي ابو ريان .. واخر قصه " ذبحتني " ههههه
انا صارلي موقف .. من فتره بسيطه ..

في نص رمضان واحد من الشباب يبي ياخذ له موتر من كليفورنيا .. واحنا في كولورادو .. فـ قلت بروح وياه عان ما يرجع بروحه بالسياره وطريق طويل وايد! " 16 ساعه "
المهم
قررنا نروح 3 .. نتعاون في طريق الرجعه ..
المراد ان رحنا حق الكاونتر متأخرين .. واحنا فطرنا على اساس ان احنا مسافرين !
قالو لنا سكرنا .. لكن بنحطكم على الطياره الجايه اللي هي بعد 3 ساعات ..
قلنا لاحول ولا قوة الا بالله ننطر شنقدر نسوي ..
تغدينا ونطرنا الطياره ..
سوينا اجرائات التفتيش .. الخ الخ .. ونطرنا عند البوابه ..
بدا البوردنق .. وقالو لنا انطر .. اذا في سيتات فاضيه بنركبكم .. نطرنا نطرنا نطرنا .. وفي الاخير قالو لنا اسفين الطياره فل .. روحو جربو الطياره اللي بعدها " 3 ساعات "
رحنا غيرنا التذاكر ونطرنا 3 ساعات .. ورحنا نبي ندخل الطياره ..
نفس الكلام .. اسفين الطياره فل جربو اخر رحله .. بعد 4 ساعات ..
رحنا بعد 4 ساعات حق اخر طياره للمطار اللي نبيه .. ومن التعب والملل .. شرنا لنا ورقه وقعدنا نلعب هند عند البوابه :rolleyes2:
بدا البوردنق .. وصار نفس الكلام :weeping:
.. قالو لنا اخر امل لكم .. تغيرون المطار وتجربون مطار دولي دوم تكون الطياره كبيره وفي امل انكم تركبون ..
قلنا توكلنا على الله ..
وبعد انتظار 3ساعات ثانيه .. ركبنا الطياره ..
ما تتصور اخوي شلون كان شعوري وانا اركب الطياره .. قعدت عـ السيد ربطت الحزام وطيت راسي قبل الاقلاع وما قمت الا والطياره عند البوابه !!! ..

وبحسبه بسيطه .. دخلنا مطار دنفر الساعه 11 الظهر .. وطارت الطياره اللي " قدرنا نركبها " الساعه 9 الليل !! ..
ومن يومها حرمت اسافر في رحلات داخليه :rolleyes2:

[بنت المنتدى]

دخل منصور .. ودخل وراه .. فهد ... يوم جيت بدخل .. ويتسكر الاصنصير على يدي

وانا طبعا انواع الالم .. ومن الحرج ... احم احم ... ..وطبعا انواع الكحة ... شوي


شوي ورانا بنات قطريات مع ابوهم يقولون يااخي هذا ما يستحي

وانا اقول حق منصور ياخي تصدق حتى في الطيارة وجاينا من العمرة

بعد في شباب يضايقون البنت ...


<<<----- احسب في واحد يلعوز البنات ويغازلهم :taunt::taunt::taunt:


شووي والا منصور يضربني بقوووو ...


منصــور :- بوريان شوف شوف يأشر على فهــد ...


بوريان:- صدمة وعلامات تعجب ....


الاخ فهد شنو مسوي .. وهو نايم نسى نفسه نايم على الفلبينة وقاعد يلعب في

شعرها مسوووي لها دوووااايررررررررررر :funny::funny::funny:




شوي صوت البنات يرتفع .. صج صج مايستحون لا ومعاهم مطوع :eek2:...


باااااال خذ عـااااد مهب مترقعين .... فهد ...قووووم


فهد : - شفيكم توه

تعليق :- الاخ توه قايم وشعرها في يده وقاعد يلعب فيه ... لا شعوريا :funny::funny::funny:


منصور :- شوف يدك ...


فهد :- اوووه شنو هذا ...

بوريان :- شنو هذا ؟؟ فشلتنا

فهد:- يالربع والله مادري:D:D:D....





واخر شنطة شنطة فهد يوووم طلعهاا..... بووووووووم على راسهاااا...... :funny::funny::funny:








بو ريان


والله العظيم مواضيع المفروض ما اقراها وانا في الدوام








مت مت مت مت من الضحك والله الحين اكتب لك ودموعي تخرررر من الضحك اللي ضحكته
:funny::funny::funny::funny::funny:






الله يسعد ويشرح صدرك يارب

ويعطيك مليار الف عافيه

[Affable Lady]

العنوان : - بعد العمرة كسر الشنطة ...

المكان :- مكة المكرمة ...

الزمان :- 2004 / 6/ 24




كانت عندي إجازة لمدت شهر ...

واحاول في هذه الفترة .. إني أعتمر مع أي حد ما اعتمر من قبل ...


المهم كلموني اثنين من الشباب ...


فهد + منصور ... بنروح مكة ونعتمر ....



أبوريـان :- أبرك السـاعات ....



جهزنــا للسفر ..اتفقنا .. حجزنا التذاكر .....


إقلاع ....

إلى مكة المكرمة ...


طبعا الشبــاب أول مرة يعتمرون في الطيـارة ....



فالله يعيني معاهم في لبس الاحرام ...

طبعا انا لابس الاحرام الاول تحت الثوب ...

القطعة الاولى ..

وانصح أي واحد من الشباب بحج أو بيعتمر يسوي نفس هذه الحركة ..


يلبس القطعه الاولى في البيت ويخليها تحت الثوب مثل الوزار ...

والقطعة الثانية ياخذها .. معاه ... يبدل لما يقولون له .. قربنا من الاحرام ...


ويلبس الاحرام وينوي الدخول في النسك ......


المهم لا تسألون أشلون الشباب عدت سالفتهم في الطيارة واشلون لبسوا

الاحرام ... طبعا .. انواع الاحراجات ....







المهم وصلــنا أعتمرنــا .......


كل شي تمام ...

رجعنا الفندق ...

الموقف الأول ...


يوم ركبنا الاصنصير كان جدامنا ..عائلتنا ...


العايلة الاولى تبي الدور الـ 6

والعايلة الثـانية تبي الـدور الــ 10

واحــنا نبي الدور الــ 15


المهم ... وصلنا الدور .. الـ 6


العايلة الأولى .. تبي تنزل نزلنا الثالثة علشان يطلعون ..


دخل منصور .. ودخل وراه .. فهد ... يوم جيت بدخل .. ويتسكر الاصنصير على يدي

وانا طبعا انواع الالم .. ومن الحرج ... احم احم ... ..وطبعا انواع الكحة ... شوي


ويتسكر الاصنصير ... ويضكون العايلة علي ... وربعي اول ماوصلوا الطابق الـ 15


انواع الضحك علي ...


تميت يومين متلثم علشان محد يعرفني ...



الحمد لله كانت أيــام حلوة .. وجميلة ...



الموقف الثاني وهو المصيبة ......


في الرجعة ...

الحين أعتمرنا وكل شي تمام ورجعنا ...... أسأل الله عزوجل أن يتقبل منا


المهم ركبنا الطيــارة ....


وش الي صار ....


في أربع كراسي ....

آخر كرسي فيه فلبينه .....


والطيــارة فل .... مالك أمل تغير ......


ويجيك بوريان بسرعة يجلس في الصوب المقابل ...


يعني شوف اشلون ..

وجاك منصور قعد جنبي ... طبعا فهد توهق .. ماله الا الكرسي الا عند الاخت الفاضلة ... هدانا الله واياها ..


الكرسي الاول.... الكرسي الثاني ...الكرسي الثالث....الكرسي الرابع


الفلبنية ............. قعد فهد ........ قعد منصور ............قعد بوريان


وخد بال حضرتك معايا .. بالمصري ....


المهم ...


طبعا بوريان في نفسه : " الحمدلله ووششووو فطرت "


منصور : ميت من الضحك ...

فهد : شفيكم ؟؟

واحنا في الطيارة

قاعدين نسولف انا ومنصور فهد نااام ....


شوي ورانا بنات قطريات مع ابوهم يقولون يااخي هذا ما يستحي

وانا اقول حق منصور ياخي تصدق حتى في الطيارة وجاينا من العمرة

بعد في شباب يضايقون البنت ...


<<<----- احسب في واحد يلعوز البنات ويغازلهم


شووي والا منصور يضربني بقوووو ...


منصــور :- بوريان شوف شوف يأشر على فهــد ...


بوريان:- صدمة وعلامات تعجب ....


الاخ فهد شنو مسوي .. وهو نايم نسى نفسه نايم على الفلبينة وقاعد يلعب في

شعرها مسوووي لها دوووااايررررررررررر




شوي صوت البنات يرتفع .. صج صج مايستحون لا ومعاهم مطوع ...


باااااال خذ عـااااد مهب مترقعين .... فهد ...قووووم


فهد : - شفيكم توه

تعليق :- الاخ توه قايم وشعرها في يده وقاعد يلعب فيه ... لا شعوريا


منصور :- شوف يدك ...


فهد :- اوووه شنو هذا ...

بوريان :- شنو هذا ؟؟ فشلتنا

فهد:- يالربع والله مادري....


المهم اول مانزلت الطيارة بسرعة حط رجلك ...


واشناطنا فوق راس الفلبنية ونطلع الشناط ...

واخر شنطة شنطة فهد يوووم طلعهاا..... بووووووووم على راسهاااا......

طبعا القطريات ... شنو هذه الوقاحة .............


طبعــاا حط رجلك وبسرعة .... على الجوازت .......




وكان موقف عجيب غريب ...... ماينسني ...



:funny::funny::funny:

وسعت صـــ(س)ـــدورنا الله يوسع صــ(س)ـــدرك بالعافية


لي عودة مع عبرة إن شاءالله

[أبو ريان المدني]

:funny::funny::funny:



هههههههههههههههههههههههه




والله وسعت صدورنا بهالموضوع الرائع والمتميز والبعيد كل البعد عن المشاكل اليوميه وروتين الحياه المُمل ...

الله لايهينك والله يعطيك الصحه والعافيه








والله تدري يا اخوي ذكرتني بآخر سفره لي قبل رمضان رحنا جزيره وضعت في الفندق (نظامه نفس الشاليهات فلل وسط الأشجار وشكثرها كأنك في غابه)
وجاتني الصيحه وكان الجوال مابه شاحن :( .. تميت اتمشى والعبره خانقتني ولاعندي فلوس ولاشي واقول ياربي لو ضعت وشلون بعيش :rolleyes2:

كسر خاطري زوجي مسكين تم يدورني دواره مع ستاف الفندق وانا اتنافض من الخوف في الغربه :weeping:

بس اول ماشفته سويت نفسي قويه وقلت له شفيك على بالك انا بزر تدورني انا كنت قاعده اصور ومستمتعه بالمناظر :tease:










بكل شوق ننتظرك روعة بوح قلمك الراقي


وموضوع البيبي يكسر الخاطر والله للأخ ولهان قطر :(


تقبل مروري



الاخت الفاضلة الموقرة بنت المنتدى وفقها ...


خلج .. مع الدوام .. :anger1:

وبعــدين .. أقري على راحتج في البيت .....


والحمد لله ان ريلج حصلج وكنتي ..قوية ..


شكرا على حضورج ....

[أبو ريان المدني]

:funny::funny::funny:

وسعت صـــ(س)ـــدورنا الله يوسع صــ(س)ـــدرك بالعافية


لي عودة مع عبرة إن شاءالله





مرحبار لك أختي الفاضلة ..

ننتظر رجعتك ...

[سداوي&مدريدي]

العنوان : - بعد العمرة كسر الشنطة ...

المكان :- مكة المكرمة ...

الزمان :- 2004 / 6/ 24




كانت عندي إجازة لمدت شهر ...

واحاول في هذه الفترة .. إني أعتمر مع أي حد ما اعتمر من قبل ...


المهم كلموني اثنين من الشباب ...


فهد + منصور ... بنروح مكة ونعتمر ....



أبوريـان :- أبرك السـاعات ....



جهزنــا للسفر ..اتفقنا .. حجزنا التذاكر .....


إقلاع ....

إلى مكة المكرمة ...


طبعا الشبــاب أول مرة يعتمرون في الطيـارة ....



فالله يعيني معاهم في لبس الاحرام ...

طبعا انا لابس الاحرام الاول تحت الثوب ...

القطعة الاولى ..

وانصح أي واحد من الشباب بحج أو بيعتمر يسوي نفس هذه الحركة ..


يلبس القطعه الاولى في البيت ويخليها تحت الثوب مثل الوزار ...

والقطعة الثانية ياخذها .. معاه ... يبدل لما يقولون له .. قربنا من الاحرام ...


ويلبس الاحرام وينوي الدخول في النسك ......


المهم لا تسألون أشلون الشباب عدت سالفتهم في الطيارة واشلون لبسوا

الاحرام ... طبعا .. انواع الاحراجات ....







المهم وصلــنا أعتمرنــا .......


كل شي تمام ...

رجعنا الفندق ...

الموقف الأول ...


يوم ركبنا الاصنصير كان جدامنا ..عائلتنا ...


العايلة الاولى تبي الدور الـ 6

والعايلة الثـانية تبي الـدور الــ 10

واحــنا نبي الدور الــ 15


المهم ... وصلنا الدور .. الـ 6


العايلة الأولى .. تبي تنزل نزلنا الثالثة علشان يطلعون ..


دخل منصور .. ودخل وراه .. فهد ... يوم جيت بدخل .. ويتسكر الاصنصير على يدي

وانا طبعا انواع الالم .. ومن الحرج ... احم احم ... ..وطبعا انواع الكحة ... شوي


ويتسكر الاصنصير ... ويضكون العايلة علي ... وربعي اول ماوصلوا الطابق الـ 15


انواع الضحك علي ...


تميت يومين متلثم علشان محد يعرفني ...



الحمد لله كانت أيــام حلوة .. وجميلة ...



الموقف الثاني وهو المصيبة ......


في الرجعة ...

الحين أعتمرنا وكل شي تمام ورجعنا ...... أسأل الله عزوجل أن يتقبل منا


المهم ركبنا الطيــارة ....


وش الي صار ....


في أربع كراسي ....

آخر كرسي فيه فلبينه .....


والطيــارة فل .... مالك أمل تغير ......


ويجيك بوريان بسرعة يجلس في الصوب المقابل ...


يعني شوف اشلون ..

وجاك منصور قعد جنبي ... طبعا فهد توهق .. ماله الا الكرسي الا عند الاخت الفاضلة ... هدانا الله واياها ..


الكرسي الاول.... الكرسي الثاني ...الكرسي الثالث....الكرسي الرابع


الفلبنية ............. قعد فهد ........ قعد منصور ............قعد بوريان


وخد بال حضرتك معايا .. بالمصري ....


المهم ...


طبعا بوريان في نفسه : " الحمدلله ووششووو فطرت "


منصور : ميت من الضحك ...

فهد : شفيكم ؟؟

واحنا في الطيارة

قاعدين نسولف انا ومنصور فهد نااام ....


شوي ورانا بنات قطريات مع ابوهم يقولون يااخي هذا ما يستحي

وانا اقول حق منصور ياخي تصدق حتى في الطيارة وجاينا من العمرة

بعد في شباب يضايقون البنت ...


<<<----- احسب في واحد يلعوز البنات ويغازلهم


شووي والا منصور يضربني بقوووو ...


منصــور :- بوريان شوف شوف يأشر على فهــد ...


بوريان:- صدمة وعلامات تعجب ....


الاخ فهد شنو مسوي .. وهو نايم نسى نفسه نايم على الفلبينة وقاعد يلعب في

شعرها مسوووي لها دوووااايررررررررررر




شوي صوت البنات يرتفع .. صج صج مايستحون لا ومعاهم مطوع ...


باااااال خذ عـااااد مهب مترقعين .... فهد ...قووووم


فهد : - شفيكم توه

تعليق :- الاخ توه قايم وشعرها في يده وقاعد يلعب فيه ... لا شعوريا


منصور :- شوف يدك ...


فهد :- اوووه شنو هذا ...

بوريان :- شنو هذا ؟؟ فشلتنا

فهد:- يالربع والله مادري....


المهم اول مانزلت الطيارة بسرعة حط رجلك ...


واشناطنا فوق راس الفلبنية ونطلع الشناط ...

واخر شنطة شنطة فهد يوووم طلعهاا..... بووووووووم على راسهاااا......

طبعا القطريات ... شنو هذه الوقاحة .............


طبعــاا حط رجلك وبسرعة .... على الجوازت .......




وكان موقف عجيب غريب ...... ماينسني ...

هههههههههههههههههههههههههههههههههه

ههههههههههههههههههههههههههههههه

هههههههههههههههههههههههههههههه

ههههههههههههههههههههههههههههههههه

ههههههههههههههههههههههههههههههههه

مواااااااااااقف عجييييبه ههههههههههههههه

متاااااااااابعكم

:nice:

[أبو ريان المدني]

مواقف طريفه ..
الله يعطيك العافيه اخوي ابو ريان .. واخر قصه " ذبحتني " ههههه
انا صارلي موقف .. من فتره بسيطه ..

في نص رمضان واحد من الشباب يبي ياخذ له موتر من كليفورنيا .. واحنا في كولورادو .. فـ قلت بروح وياه عان ما يرجع بروحه بالسياره وطريق طويل وايد! " 16 ساعه "
المهم
قررنا نروح 3 .. نتعاون في طريق الرجعه ..
المراد ان رحنا حق الكاونتر متأخرين .. واحنا فطرنا على اساس ان احنا مسافرين !
قالو لنا سكرنا .. لكن بنحطكم على الطياره الجايه اللي هي بعد 3 ساعات ..
قلنا لاحول ولا قوة الا بالله ننطر شنقدر نسوي ..
تغدينا ونطرنا الطياره ..
سوينا اجرائات التفتيش .. الخ الخ .. ونطرنا عند البوابه ..
بدا البوردنق .. وقالو لنا انطر .. اذا في سيتات فاضيه بنركبكم .. نطرنا نطرنا نطرنا .. وفي الاخير قالو لنا اسفين الطياره فل .. روحو جربو الطياره اللي بعدها " 3 ساعات "
رحنا غيرنا التذاكر ونطرنا 3 ساعات .. ورحنا نبي ندخل الطياره ..
نفس الكلام .. اسفين الطياره فل جربو اخر رحله .. بعد 4 ساعات ..
رحنا بعد 4 ساعات حق اخر طياره للمطار اللي نبيه .. ومن التعب والملل .. شرنا لنا ورقه وقعدنا نلعب هند عند البوابه :rolleyes2:
بدا البوردنق .. وصار نفس الكلام :weeping:
.. قالو لنا اخر امل لكم .. تغيرون المطار وتجربون مطار دولي دوم تكون الطياره كبيره وفي امل انكم تركبون ..
قلنا توكلنا على الله ..
وبعد انتظار 3ساعات ثانيه .. ركبنا الطياره ..
ما تتصور اخوي شلون كان شعوري وانا اركب الطياره .. قعدت عـ السيد ربطت الحزام وطيت راسي قبل الاقلاع وما قمت الا والطياره عند البوابه !!! ..

وبحسبه بسيطه .. دخلنا مطار دنفر الساعه 11 الظهر .. وطارت الطياره اللي " قدرنا نركبها " الساعه 9 الليل !! ..
ومن يومها حرمت اسافر في رحلات داخليه :rolleyes2:

ههههههههههههه

اخوي الغالي بوفهد ... الصراحة مادري كم ساعة نطرت ...



بس اذا هذا موقفك .. فانت تصلح رفيج ...


والصراحة يعطيك ألف عافية ... :nice:

[الفريق أول ركن]

المكان : الخبر ( المملكه العربيه السعوديه)

السنه : ربيع 2006 م

كنت راجع من الريـاض للدوحه عن طريق البر وفي أثناء عودتي هطلت امطار الخير على المنطقه الشرقيه فـ خوفا من وقوع حوادث جلست ادور على مسجد الين ماتوقف هطول الامطار .. مرت عدت ساعات والامطار تهطل وانا داخل المسجد انتظر توقف الامطا .. شوي ماوعيت نفسي الا نااااااااااايم وامام المسجد يصحيني لصلاة الفجر :)

[!الشايمه!]

:) والله مواقف عجيبه.........بس فهد النكبة عجيب......لاعاد تودونه...وياكم

وباقي المواقف....فعلا مؤثرة.....

بخصوص المواقف لازم سوالف سفر والا عادي.....

مره رايحين عرس في ابوظبي.....العروس من قطر....والمعرس من الامارات
في العرس.....لما دخل المعرس.....دخلوا اخوانه واهله ......يولون ويرزفون<<< رزيف
اهل الامارات بالخيزران ...المهم واحد من خوان العروس.....شاط عمره.....ويدخل في السالفة
وياخذ خيزرانه اونه بيرزف..قطري مايعرف رزيفهم........شوي ويفلت الخيزرانه .....الا هي بوجه الطباله ههههههههههه
هو الظاهر مادرى ايش صار.....يلتفت يدور الخيزرانه الا بحضن الطباله....احنا نشوفه
والطباله ماعطتنا ظهرها.........هو شاف وجهها ويقلب احمر اصفر اخضر زين ما اغمى
عليه ههههههههههه.....ويصد يسوي نفسه مامسوي شئ......بس الكل انتبه للي صار... متنا من الضحك...
والله ماتتصورون تعابير وجهة .....شكله حرم يحضر عروس بعدها :)

و <<<متابعة

تحية

[ALKASER]

ههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه

الله يجزاك الف خير اخوي ويرزقك جنة الفردوس

صج صج مت من الضحك على موقف فهد

جزاك الله خير صج وسعت صدورنا بهالموقف

دمتم بود

والسلام ختام

[وطن]

موضوع حلووو

تسلم اخوي


متابعة


:)

[بــو فهــد]

ههههههههههههه

اخوي الغالي بوفهد ... الصراحة مادري كم ساعة نطرت ...



بس اذا هذا موقفك .. فانت تصلح رفيج ...


والصراحة يعطيك ألف عافية ... :nice:

ههههههههههههه
10 ساعات بالتمام والكمال .. الله لا يعوده من يوم :tease:
الله يعافيك يالغالي
وناطرين مواقفك :nice:

[أبو ريان المدني]

هههههههههههههههههههههههههههههههههه

ههههههههههههههههههههههههههههههه

هههههههههههههههههههههههههههههه

ههههههههههههههههههههههههههههههههه

ههههههههههههههههههههههههههههههههه

مواااااااااااقف عجييييبه ههههههههههههههه

متاااااااااابعكم

:nice:



اخوي العزيز .. الحبيب يا مرحبا بك والله ...

عساها دوم ..

[أبو ريان المدني]

المكان : الخبر ( المملكه العربيه السعوديه)

السنه : ربيع 2006 م

كنت راجع من الريـاض للدوحه عن طريق البر وفي أثناء عودتي هطلت امطار الخير على المنطقه الشرقيه فـ خوفا من وقوع حوادث جلست ادور على مسجد الين ماتوقف هطول الامطار .. مرت عدت ساعات والامطار تهطل وانا داخل المسجد انتظر توقف الامطا .. شوي ماوعيت نفسي الا نااااااااااايم وامام المسجد يصحيني لصلاة الفجر :)


هلا والله اخوي الفريق الاول ...

الحمد لله على السلامة ...

لو مكانك ... كملت في المطر ...

حلتها ...

ولا تدعس ...

[أبو ريان المدني]

:) والله مواقف عجيبه.........بس فهد النكبة عجيب......لاعاد تودونه...وياكم

وباقي المواقف....فعلا مؤثرة.....

بخصوص المواقف لازم سوالف سفر والا عادي.....

مره رايحين عرس في ابوظبي.....العروس من قطر....والمعرس من الامارات
في العرس.....لما دخل المعرس.....دخلوا اخوانه واهله ......يولون ويرزفون<<< رزيف
اهل الامارات بالخيزران ...المهم واحد من خوان العروس.....شاط عمره.....ويدخل في السالفة
وياخذ خيزرانه اونه بيرزف..قطري مايعرف رزيفهم........شوي ويفلت الخيزرانه .....الا هي بوجه الطباله ههههههههههه
هو الظاهر مادرى ايش صار.....يلتفت يدور الخيزرانه الا بحضن الطباله....احنا نشوفه
والطباله ماعطتنا ظهرها.........هو شاف وجهها ويقلب احمر اصفر اخضر زين ما اغمى
عليه ههههههههههه.....ويصد يسوي نفسه مامسوي شئ......بس الكل انتبه للي صار... متنا من الضحك...
والله ماتتصورون تعابير وجهة .....شكله حرم يحضر عروس بعدها :)

و <<<متابعة

تحية


اختي الفاضلة الغالية الشايمة ..

مع اني ضد دخول الرجال عند النساء ...

لكن كان ودي تضربه .. الطباله ... :nice: