ايهم افضل

[ابوفهاد]

السلام عليكم ورحمة الله وبركاته
اريد اشتري لاندكروزر 2009 Gxrلكن محتار ايهم افضل
وارد قطر او البريمي
وماهي الفروقات بينهم وكيفية الضمان
وكذلك نصيحة المجربين

[العقـرب]

إن شاء الله يوفيدونك أهل الخبرة

[ابوفهاد]

مشكور الاخ العقرب
منتظرين اهل الخبره
لازال البحث جارياً

[فلفل حار]

الفرق بالضبط

اول شي بقولك عن المواصفات الداخليه

وارد البريمي فيه دي في دي بالسقف

واعتقد الجكسار فيه تشغيل عن بعد بالريموت بس مب متأكد ، لكن هالميزه تجيك اكيد في الفكسار وارد البريمي

وفيه الله يسلمك دف لوك اجباري ( عكس وارد الدوحه الي لازم انت تطلب الدف لوك )

والمواصفات الخارجيه

فيه السله ( العرشه ) وطبعا شباب الدوحه مايحبونها ، وتقدر تشيلها بنفسك الا فك كم برغي وخلاص

وتجيك القطعه المربعه الاماميه والشباب يسمونها ( سكسوكه ) وبعد مب حلوه بالنسبه لشباب الدوحه

لكن احلى شي انه تجيك قطعة الغليت تحت الخطوط ( نفس اللكزس الفورويل ) وطبعا من الوكاله من اليابان

والدواسات طبعا فيبر من اول مانزل الكروزر الشكل الجديد ، عكس وارد قطر الي توهم قامو ينزلون دواسات فيبر حق موديلات 2009 بس ( من جكسار وطالع)

والموتر بدون خطوط طبعا ( وطبعا ماوصيك باللون الاسود :) )

وسعره غالي اظن تطلبه من وكالتهم يمكن مابين 205 لي 210 الاف ، ولو فيك شده علي التعني والله روح واشقله ، ابرك من وارد قطر المفصخ الي الجكسار مايفرق عن الجي الا بكم اكسسوار بسيط

خل حد من اهل الامارات يتصلك في وكالة دنيا تريد الي بالشارجه ، اظني هذول فرع تويوتا من البريمي عمان

يعني اسهل لك تروح تاخذه من الامارات بدال ماتقبض خط عمان ، والله يحفظك يالغالي

[بن درويش]

خذ وارد قطر لانه ضمان ووقت البيعه يروح لانه فى ضمان وكلشي
والله ليقول يسيره شي يكون عليه ضمان بقطر

[البدر 8]

vx-r
2009
وارد السعودية
مخمل فل اوبشن
231 الف ريال سعودي

[bindarwish73]

خذ وارد قطر لانه ضمان ووقت البيعه يروح لانه فى ضمان وكلشي
والله ليقول يسيره شي يكون عليه ضمان بقطر

أسمحلي الشيخ اتقول ضمان خل يخترب شئ عندك يقولون سؤاستعمل وعلى شان أتحافظ على الظمان المزعوم لازم أتسوي فحص دوري كل 5000 كلم.
يعني راح تدفع كل مره مو أقل من 500 ريال أما وراد البريمي ظمان التيسير ولا يحتاج غير بدل أويل وفلتر وانت مرتاح.
بالتوفيق.