المساعد الشخصي الرقمي

مشاهدة النسخة كاملة : ابي حل حق مشكلتي من اهل الجموووس Gmc !!


بوغزلان28
08-10-2008, 12:35 AM
السلام عليكم ورحمة الله وبركاته

كل عام وانتم بخير

سيارتي جمس بيك اب غماره ونص 2500 HD موديله 2003 , جيره عادي , يا جماعه الموتر ما عليه كلام بس اللي ملعوزني الكمبريسر مال المكيف كل ما اغيره يجيم عندي ويطلع صوت وما يبرد 3 مرات مغير الكمبريسر مره من شركة المناعي شاريه بس 3000 ريال ومرتين جايبه من السعوديه لدرجه اني غيرت الرديتر مال المكيف والقرشة مالت الغاز والفلتر بس نفس الوضع والموتر عاجبني وما ابي اخسره بسبت هالمشكله , يا ريت اللي يقدر يفيدني شنو ممكن يكون السبب في هالمشكله يفيدني ويقولي وين اصلحه ؟
الوهاااااج
08-10-2008, 12:38 AM
اخوي عندك الوضاح شارع سلوى مخصوص للامريكي
المخفي
08-10-2008, 01:10 AM
برد الجو الحين ما تحتاج المكيف الا عقب 6 شهور
كنترول
08-10-2008, 01:11 AM
مرحبا الغالي والله اعلم المشكلة يمكن الدقمه مالت الغاز وهذي اذا اختربت تخلي الغاز ( الكمبريسور )
دايما شغال والمفروض يشتغل ويبند وقد صارت معاي واحترق الكمبريسور وبدلتة
لكن بعد مابدلت القمه وهذي اتجي في المكينه صوب المكيف بيعرفه فني التكييف
والله يستر عليك
بوحميد
08-10-2008, 03:12 AM
السلام عليكم
الغالي اذا مبدله في الوكاله اعتقد عليه ضمان والمفروض انهم يصلحون لك المكيف
والله يعينك الغالي

والسموحه منك
الدغناش
08-10-2008, 05:49 AM
اخوي كانت عندي نفس المشكله و وديت موتري عند واحد في فريج المنصوره قلت له مشكلتي مع السياره تقريبا نفس مشكلتك قالي انت غييرت الكمبريسر + فلتر +غسيل الثلاجه بس عندك التمديدات فيها ترسبات من الوصخ وعقب الغسيل الحمدلله كل شي رجع طبيعي

تقبل مروري
أبوسحيم
08-10-2008, 09:00 AM
شارع بن محمود محل أسمه ساري خبير في الكيفات سيارة
ت:4434846
طويل النفس
08-10-2008, 10:27 AM
اخوي كانت عندي نفس المشكله و وديت موتري عند واحد في فريج المنصوره قلت له مشكلتي مع السياره تقريبا نفس مشكلتك قالي انت غييرت الكمبريسر + فلتر +غسيل الثلاجه بس عندك التمديدات فيها ترسبات من الوصخ وعقب الغسيل الحمدلله كل شي رجع طبيعي

تقبل مروري


هذا الكلام الصح :victory:
تأكد من هوزات التدوير الطالع من الكمبريسر واللي يرد للكمبريسر .
فلفل حار
08-10-2008, 03:11 PM
اذا ماتبي تعور راسك بزحمة الصناعيه

عندك واحد من الاثنين

اي سي دلكو يصلحون لك الامريكي

او كراج اسمه ( الامريكي ) في محطة بترول التيسير الصغيره الي عند دوار الكهربا ( مابين الهلال والروضه )
جرناس
08-10-2008, 04:49 PM
بوغزلان مساء الخير
في واحد اسمه عبدالواحد بكستاني هو ماعنده محل حالياا بس شغله احسن من الشركه
بتحصله شفت الركن الرياضي الي عند جسر الجيده في مخبز جنب الركن الرياضي وجنب المخبز محل تصليح مكيفات اسالهم عنه او اخذ رقم جواله من عندهم وبعدها راح تدعيلي
qatar700
08-10-2008, 05:15 PM
اخوي يمكن عندك مثل ما قالوا بعض الاخوان انه في بعض الترسبات في هوز الغاز مما يشكل مانع في عدم سهولة مجرى الهوز الى داخل السيارة وثلاجة التبريد وبالتالي يرجع الغاز الى الكمبريسر ويولد ضغط وبالتالي يخترب : _ نصيحتي انك توديه في المنصوره مثل ما قالوا بعد اشارات الهوندا قديما على ايدك اليمين اول مدخل المحل على يسارك بالضبط !! ويتاكد من :-
1- اتوماتيك المكيف انه يفصل بعد ما يبرد
2- تظيف هوز الغاز والفلتر من الشوائب والترسبات
3-يتاكد من وجود الزيت الخاص في الكمبريسر و مروحة التبريد
اظن ما راح يخلى من هالعيبوب الثلاث اللي ذكرتهم وان شالله افدتك

تقبل مروري
بوغزلان28
09-10-2008, 01:16 PM
مشكوووووووووووووريييييييين يالربع ما قصرتوا بهالخدمة