عندي مشكلة بسيارتي ونفذ صبري :"( ....

[!قطريـة بنت القمـر!]

السلام عليكم ورحمة الله وبركاته ....


عندي مشكله بسيارتي بصراحة عورت راسي من شهور طلعت لي ولا قادرة احلها وكل من عطاني سبب غير .... لما اسوق سيارتي تظل تكسر يمين او يسار بشكل خفيف في البداية ومع الايام قامت تكسر بقو شوي بحيث ان ايدي تعورني الصراحة من مسكة السكان وقالوا ناس ان السبب بميزانية التواير قلت اوكيه بروح مكان يعدل لي هالشغله ورحت وعدل لي يمكن بس تاير واحد وتقريبا راحت المشكله يومين وردت مره ثانيه وحرت مرة ثانيه بشهر وعدلوا ميزانية التواير الاربع والمشكله تقريبا راحت كم يوم وردت قوية الصراحة وحتى في تاير مطلع لي صوت من قلب لما احرك السكان يقولون يمكن يحتك بالربل او شي ماعرف بالضبط غشيمة وايد بهالامور وتعبت الصراحة وبعدين يوم وديتها السيرفس جيكوا على كل شي وكل شي طلع سليم بس طلعت شغلة يوم بدلوا لي السفايف لقوا لي واير مقطوع وهو واير صغير من التاير الايسر ومن زمان الظاهر مقطوع لان قال لي الهندي جي طالعة عندج علامة الـ ABS وهي طالعة عندي من ارمضان اللي طاف يعني صارلها سنة وانا طبعا مادري عبالي هالعلامة اللي طالعة لي عادية فقال لي مانقدر نصلحها لج هني لازم تودينها الصناعية فخاطري اعرف شنو مهمة هالواير بالضبط وخصوصا انه قال لي الهندي لازم تصلحينها وهي مب خطره وايد لكن لو تسوقين بسرعة بتكون مشكله عليج يمكن لا سمح الله تنقلبين مادري ما يمسك معاج البريك مافهمت بالضبط شنو قصده لكن ابي اعرف لو اصلحها كم يبيلها من الوقت ؟ وثاني شي سالفة السكان شاللي يخليه يكسر يمين يسار وان كان يكسر يمين اكثر الحين ؟؟ وكنت مسوية حادث وضاربة رصيف من سنة لكن خذوها الوكالة بالصناعية وتمت عندهم شهر لان ضمانها شامل وصلحوا كل شي فيها تقريبا وماخلوا شي .... بس ياليت اعرف شنهي المشكله لان صج تعبت من هالشغلة وايدي تكسرت:weeping: .... مع العلم السيارة جديدة ماصارلها الا سنة وشوي بس .....

[prince]

شنو نوع السيارة؟

واحتمال الرودات انضربت او الشاصي تعور

[طيب الساس]

مرحبا قطريه..المشكله بسيطه شيكي على الرنقات في رنق فيهم مضروب اليمين الأمامي أو اليسار الأمامي شيكي عليهم وراح يستعدل معاج أذا الرنقات أوكي عندج مافيهم ضربات شيكي على الرود وراح يستعدل معاج السكان

[!قطريـة بنت القمـر!]

شنو نوع السيارة؟

واحتمال الرودات انضربت او الشاصي تعور

هوندا CRV

مافهمت اخوي شنو الرود :shy: ....

[!قطريـة بنت القمـر!]

مرحبا قطريه..المشكله بسيطه شيكي على الرنقات في رنق فيهم مضروب اليمين الأمامي أو اليسار الأمامي شيكي عليهم وراح يستعدل معاج أذا الرنقات أوكي عندج مافيهم ضربات شيكي على الرود وراح يستعدل معاج السكان


الرنقات مافيها شي اخوي بس الرود شنو :shy: .... وديتها كذا مكان كله يقولون ميزانية التواير وعدلوها كم مرة ولا في فايدة ولا اقدر اعرف شسالفة :( ....

[darkuae]

اختي روحي طريق سلوى

في محل مكتوب عليه perrly بيرللي وقوليله أبغي ميزانية رودات (العمود إللي يوصل بين التايرين الأماممين لازم ينضبط في النص) وهاي يتأثر من ضربة الرصيف

بس إذا بتروحين هالمحل خلي رجال يروح لأنه ممكن يخلي السيارة ويرجع لها عقب لأن العادو عندهم زحمة

وإذا كان السكان إذا لفيتيه يمين او يسار يطلع صوت طقطقه مع السواقة جهة اليمين او اليسار، فهاي يكون من الاكسلات يبغيلها تبديل (وهاي تتأثر من ضربة الرصيف)


وأتمنى أكون فدتك

[شاهين]

أختي من شيئين أثنين يخلي سيارتج تروح يمين ويسار

يمكن من ذراع الردو فيه لوز .. علشان تفهمين هو ذراع من التاير لين الباورسترينغ
وهذا يحصل دايما في السيايير الدفع الأمامي
ويمكن من الأكسل وهو عامود الشفت من الجير لين التاير
أنتي جربي لفي يمين بالكامل أو يسار وأمشي أذا طلعت طقطقه السبب يكون منه

[زمن الغدر]

موضوعك واايد سهل في المحطه الي جمب الاند مارك فيها من وره المحطه السي ديلكو فيه عندهم بنشري مال ميزنيت تواير ورودات ويديه عندهم وخبريهم شنو الموضوع لانه عندهم فلبيني وايد شاطر
وفاهم بهاي السوالف ويمكن سعرهم مايطوف 200 ريال
وعندهم جيك بنفس المحل بيشيكلج على السياره وهي فوق

[الراهب]

يمكن من المكيف ,,, انزين حاولي تضربين هرن دقيقتين وبعدها
بتشوفين انج كنتي مزعجه الناس ....
:ok: امزح معاج موفقه

[عنابي]

اختي قطرية بيعي السياره وفتكي منها لان السياره اذا جايها حادث قوي راح تتعبين معها
ملاحضة((لو تقدمون على فيزا سائق يكون احسن))

[السد]

نصيحيتي وديها الوكالة يشكوون على السيارة

[A bin M]

اذا الضمان ساير ..

وديها الشركه وفكي عمرج :)

[عـيـون قـطـر]

الوكاله ابرك لج

[فهد111]

روحي الوكاله وخليهم يشيكون على كل شي الاكسل ولاذرعه والبرييك والدرام ويل يمكن منعوج انا نفس الشي صار معاي وطلع الدرام ويل منعوج شوي من دعمه بس قلتي انتي علامه البريك طالعه يعني في شي وتحملي تمشين فيها واذا مشيتي لاتسرعين ووديها في اقرب وقت يمكن يفصل البريك وخطر عليج لاسمح الله
وتقبلو مروري

[ولد-قطر]

السبب الرئيسي لهذي المشكله هي ممكن انتي ضربتي الرصيف او ضربتي في حفره ضربه قويه ممكن خرب عليج مزانية التواير او الرودات الي تمسك التواير

الحل روحي محلات الإطارات منها ميشلان الي في سلوى او الوكره او ممكن تروحين محل اسمه أمالكو هذا عندهم جهاز كمبيوتر يركب قطع على كل أطار ويشوف ميزانيتهم وعقب هو راح يعرف شنو المشكله بالضبط واذا المشكله تحتاج تروحين الشركه راح يقول لج وراح يوفر عليج وقت

[مستثمر 999]

غيري التواير اول شي لان احتمال يكون التاير الي على اليمين اكبر من اليسار 99.99%

طبعا مثل ما نوهو الشباب يمكن من الرودات ولكن سيارتج 4x4 يعني ما فيها رودات
والدفرنش هو الي يمشي التواير

احسن واسرع وارخص حل هي الوكاله والفحص ما يكلف 100 ريال

وعلى فكره السياره ما فيها شي اذا بعد الميزانيه تطلع اوكي
وخذيها من حكمه انا صار لي اكثر من 20 سنه اصلح في هالسيارات

اعتقد شركة المفتاح الي عند مغسلة الظبيانيه هي احسن شركه للفورويل

[مستثمر 999]

اوووووووووووووووه تذكرت

انا من فتره صارت معاي نفس المشكله وسيارتي كانت نيسان ارمادا وغيرت بعض القطع في الوكاله وطلعت لي هالمشكله

دليت كراج رهيب وياخذ تقريبا من 100 - 200 ريال بس مضمون وشغله نظيف

بطرش لج العنوان واسم الكراج على الخاص

[وحيد-الشوق]

الله يكون في عونج اختي

احسن حل وديها الوكالة

[Qa6ar]

يبي لها ميزانيه رود وقبل وزن الرود الامامي يبي لها توايرجديده عشان تضبط

هذا اذا ماصادها حادث اصلا السياره

[moschino8]

روحي عند مال الميزان وقولييله انه الموتر جاته ضربه من هالصوب وخل يشيكلج عليه عدل احسن من كل مره تردينله لان يمكن مو مبين معاه انه في شي متعور لو بتحديدينله بيكون احسن وانشاءالله تنحل مشكلتج..

[فلفل حار]

اخذي الكلام الاكيد اختي

اسباب كثيره انذكرت لج وكلها يمكن له علاقه ويمكن لا والاسباب كثيره من رودات ومقصات ويمكن حتي درامويل او حتي الشاصي منعوي من الحادث الي سويتيه ولا عدلوه عدل ، لكن طبعا استبعد السبب الاخير لانج ذكرتي انه تيبس السكان زاد من سنه ، معناها انه المشكله في شي قاعد يصير

ويمكن يطلع لج السبب تافهه جدا مثل انعواج بسيط في الرنقات او نقص آيل الباور او التواير تعبانه ويبيلها تغيير (توقعي اي شي ) السياره يبيلها واحد فنان يسوقها ويقولج شخرابها بالضبط

ودام السياره علي ضمانها لاتخسرين فلوسج ولا تعورين راسج مع الكراجات وقطيها الوكاله وقوليلهم بالحرف واحد انج ماتبين ترجعين تستلمين السياره وهي علي هالحال

واذا ماتصلحت لج قوليلنا وبنقوم بالواجب ان شاء الله ، والله يكون بعونج

[الرايــق]

صارت عندي هالمشكلة على كامري 2002 ..

وكل ما رحت مكان يقولي الهندي ميزانية رودات ..

المهم رحت للتيسير اللي بالمطار ةلقى في جنبين مكسمشكلة بالجنبين..
مادري شدخل الجنبين .. بس بصراحة ما رجعت هالمشكلة أبدا ..

[!قطريـة بنت القمـر!]

اختي روحي طريق سلوى

في محل مكتوب عليه perrly بيرللي وقوليله أبغي ميزانية رودات (العمود إللي يوصل بين التايرين الأماممين لازم ينضبط في النص) وهاي يتأثر من ضربة الرصيف

بس إذا بتروحين هالمحل خلي رجال يروح لأنه ممكن يخلي السيارة ويرجع لها عقب لأن العادو عندهم زحمة

وإذا كان السكان إذا لفيتيه يمين او يسار يطلع صوت طقطقه مع السواقة جهة اليمين او اليسار، فهاي يكون من الاكسلات يبغيلها تبديل (وهاي تتأثر من ضربة الرصيف)


وأتمنى أكون فدتك

جزاك الله خير ماقصرت اخوي وتسلم على المساعدة :) ....



أختي من شيئين أثنين يخلي سيارتج تروح يمين ويسار

يمكن من ذراع الردو فيه لوز .. علشان تفهمين هو ذراع من التاير لين الباورسترينغ
وهذا يحصل دايما في السيايير الدفع الأمامي
ويمكن من الأكسل وهو عامود الشفت من الجير لين التاير
أنتي جربي لفي يمين بالكامل أو يسار وأمشي أذا طلعت طقطقه السبب يكون منه


بجرب وجزاك الله خير ماقصرت اخوي شاهين :) ....


موضوعك واايد سهل في المحطه الي جمب الاند مارك فيها من وره المحطه السي ديلكو فيه عندهم بنشري مال ميزنيت تواير ورودات ويديه عندهم وخبريهم شنو الموضوع لانه عندهم فلبيني وايد شاطر
وفاهم بهاي السوالف ويمكن سعرهم مايطوف 200 ريال
وعندهم جيك بنفس المحل بيشيكلج على السياره وهي فوق

شكلي بجرب وجزاااااااك الله خير ماقصرت اخوي يعطيك الف عافيه :) ....



يمكن من المكيف ,,, انزين حاولي تضربين هرن دقيقتين وبعدها
بتشوفين انج كنتي مزعجه الناس ....
:ok: امزح معاج موفقه

هههههههههههه ....



نصيحيتي وديها الوكالة يشكوون على السيارة

وديتها والله بس ماعرفوا لها ومرتين بعد :( ....

[!قطريـة بنت القمـر!]

اذا الضمان ساير ..

وديها الشركه وفكي عمرج :)


الوكاله ابرك لج


الله يكون في عونج اختي

احسن حل وديها الوكالة



الضمان خلص و وديتها للشركة مافي فايده والله ....



روحي الوكاله وخليهم يشيكون على كل شي الاكسل ولاذرعه والبرييك والدرام ويل يمكن منعوج انا نفس الشي صار معاي وطلع الدرام ويل منعوج شوي من دعمه بس قلتي انتي علامه البريك طالعه يعني في شي وتحملي تمشين فيها واذا مشيتي لاتسرعين ووديها في اقرب وقت يمكن يفصل البريك وخطر عليج لاسمح الله
وتقبلو مروري


السبب الرئيسي لهذي المشكله هي ممكن انتي ضربتي الرصيف او ضربتي في حفره ضربه قويه ممكن خرب عليج مزانية التواير او الرودات الي تمسك التواير

الحل روحي محلات الإطارات منها ميشلان الي في سلوى او الوكره او ممكن تروحين محل اسمه أمالكو هذا عندهم جهاز كمبيوتر يركب قطع على كل أطار ويشوف ميزانيتهم وعقب هو راح يعرف شنو المشكله بالضبط واذا المشكله تحتاج تروحين الشركه راح يقول لج وراح يوفر عليج وقت


غيري التواير اول شي لان احتمال يكون التاير الي على اليمين اكبر من اليسار 99.99%

طبعا مثل ما نوهو الشباب يمكن من الرودات ولكن سيارتج 4x4 يعني ما فيها رودات
والدفرنش هو الي يمشي التواير

احسن واسرع وارخص حل هي الوكاله والفحص ما يكلف 100 ريال

وعلى فكره السياره ما فيها شي اذا بعد الميزانيه تطلع اوكي
وخذيها من حكمه انا صار لي اكثر من 20 سنه اصلح في هالسيارات

اعتقد شركة المفتاح الي عند مغسلة الظبيانيه هي احسن شركه للفورويل


اوووووووووووووووه تذكرت

انا من فتره صارت معاي نفس المشكله وسيارتي كانت نيسان ارمادا وغيرت بعض القطع في الوكاله وطلعت لي هالمشكله

دليت كراج رهيب وياخذ تقريبا من 100 - 200 ريال بس مضمون وشغله نظيف

بطرش لج العنوان واسم الكراج على الخاص




يبي لها ميزانيه رود وقبل وزن الرود الامامي يبي لها توايرجديده عشان تضبط

هذا اذا ماصادها حادث اصلا السياره


روحي عند مال الميزان وقولييله انه الموتر جاته ضربه من هالصوب وخل يشيكلج عليه عدل احسن من كل مره تردينله لان يمكن مو مبين معاه انه في شي متعور لو بتحديدينله بيكون احسن وانشاءالله تنحل مشكلتج..


جزاكم الله خير ماقصرتوا وبيض الله وجيهكم وان شاء الله الاقي حل قريب يا رب ....

[!قطريـة بنت القمـر!]

اختي قطرية بيعي السياره وفتكي منها لان السياره اذا جايها حادث قوي راح تتعبين معها
ملاحضة((لو تقدمون على فيزا سائق يكون احسن))

الحادث لا قوي ولا شي دعمة رصيف عادية جدا والسبب اني كنت لاهية بشي ثاني وطبعا هالشي صار ببداية السواقة اما سالفة ملاحضتك مو مقدور عليها :) .... وسواقتي احسن من سواقة الهنود وناس وايد الحمدلله لكن هالسالفة الوحيده اللي معوره راسي بسيارتي وماعندي غيرها وع العموم جزاك الله خير :) ....



اخذي الكلام الاكيد اختي

اسباب كثيره انذكرت لج وكلها يمكن له علاقه ويمكن لا والاسباب كثيره من رودات ومقصات ويمكن حتي درامويل او حتي الشاصي منعوي من الحادث الي سويتيه ولا عدلوه عدل ، لكن طبعا استبعد السبب الاخير لانج ذكرتي انه تيبس السكان زاد من سنه ، معناها انه المشكله في شي قاعد يصير

ويمكن يطلع لج السبب تافهه جدا مثل انعواج بسيط في الرنقات او نقص آيل الباور او التواير تعبانه ويبيلها تغيير (توقعي اي شي ) السياره يبيلها واحد فنان يسوقها ويقولج شخرابها بالضبط

ودام السياره علي ضمانها لاتخسرين فلوسج ولا تعورين راسج مع الكراجات وقطيها الوكاله وقوليلهم بالحرف واحد انج ماتبين ترجعين تستلمين السياره وهي علي هالحال

واذا ماتصلحت لج قوليلنا وبنقوم بالواجب ان شاء الله ، والله يكون بعونج

الضمان خلص من شهور والكراجات عورني راسي منهم وانا بالغصب بالزور ادخل كراج والوكالة يأست منهم :rolleyes2: .... جزاك الله خير اخوي ما قصرت والله :) ....



صارت عندي هالمشكلة على كامري 2002 ..

وكل ما رحت مكان يقولي الهندي ميزانية رودات ..

المهم رحت للتيسير اللي بالمطار ةلقى في جنبين مكسمشكلة بالجنبين..
مادري شدخل الجنبين .. بس بصراحة ما رجعت هالمشكلة أبدا ..

احتمال اخر يمكن انفذه وباذن الله بحاول بكل هالشغلات وجزاك الله خير اخوي ماقصرت :) ....

[!قطريـة بنت القمـر!]

حبيت اشكر كل اللي ردوا على الموضوع وحاولوا يساعدوني الصراحة والله فيكم الخير والبركة وشي يشرح الصدر انلاقي كل هالخير فيكم واشكر من قلب كل اللي تعبوا نفسهم وكتبوا يحاولون يشرحون لي المشكله ويحاولون يعطوني الحل واشكر الناس اللي راسلتني تحاول تساعدني بصراحة بيض الله وجيهم وماقصرتوا جعلها في ميزان حسناتكم يوم القيامة امين اخجلتموني بهالطيب اخواني :shy: .... واشكركم مرة اخرى ....:

[مستثمر تحت التعليم]

أنا في المجال الميكانيكي والمشكله في ثلاث أشياء يمكن تكون مشتركه ويمكن شيء منها
1 ــ الرودات مثل ماقالو الشباب وبنسبة 50% بسبب الحادث أو تلف الربلات ومن الشوارع الطيبه الي عندنا وأحنا متعودين كل سنه نعمل ميزانية رودات عند تبديل الأطاران من باب الأحتياط
2 ــ الأكسل وبنسبة 70% مثل مانصحك أحد الأخوان أيضاً فضربت الرصيف لابد أن تترك أثر وفي اليسارات الصالون والتي عزمها أمامي تكون هذه المشكله مزمنه ودائمه وبالخصوص سيارات الهوندا والسوبارو ومن هم على شاكلتهم والتجربه سهله أكسري السكان (لفي السكان) في أتجاه الضربه للنهايه وحركي السياره ببطء واسمعي الصوت كما قال أحد الأخوان والطقطقه دليل 100% أكسل وبدون نقاش ونصيحه لكي أختي حاولي أثناء السواقه ألا تديري العجله (السكان ) للآخر أبدا فهذا يؤثر على ربلات الأكسل والصيانه الدوريه كل 8شهور الى سنه ضروري
3 ــ الأطارات حتي لوكانت شبه جديده فبعد سنه ونصف أو سنتين تحتاج لتبديل فالحراره والتي تصل 50 أو أكثر ومع كثرة الأستعمال تتلف حتى لو الشكل الخارجي ممتاز فأنصحك بتبديل الأطارات بعد النقطتين الأوليتين والله يوفقك

[الكواري 1972]

الله يعينج

بيعي السياره

[فلفل حار]

الله يعينج

بيعي السياره

هههههههههه:omg:

[فلفل حار]

اختي

اذا تبين ، برسل لج سايق ياخذ السياره من باب بيتكم وبوديها اشوف شفيها وبارجعها لج :)

واذا تبين ضمانه بخلي السايق يعطيج بطاقتي الشخصيه والليسن مقابل السياره

واذا عرفت خرابها بشتريلها قطع الغيار أصليه من الوكاله وبخلي الكراج يركبها لج وعقب بخلي السايق يرد السياره مع فواتير الاغراض وفواتير شغل يد الكراج ، سلم واستلم مع بطاقاتي الشخصيه ، مافيها زعل طبعا :tease:

وانا جاد وعند كلامي ومابي ريال واحد زياده ، باخذ حقي وبعتبر الي سويته أجر ، وكان الله غفورا رحيم:victory:

[روح الاطلس]

اختي

اذا تبين ، برسل لج سايق ياخذ السياره من باب بيتكم وبوديها اشوف شفيها وبارجعها لج :)

واذا تبين ضمانه بخلي السايق يعطيج بطاقتي الشخصيه والليسن مقابل السياره

واذا عرفت خرابها بشتريلها قطع الغيار أصليه من الوكاله وبخلي الكراج يركبها لج وعقب بخلي السايق يرد السياره مع فواتير الاغراض وفواتير شغل يد الكراج ، سلم واستلم مع بطاقاتي الشخصيه ، مافيها زعل طبعا :tease:

وانا جاد وعند كلامي ومابي ريال واحد زياده ، باخذ حقي وبعتبر الي سويته أجر ، وكان الله غفورا رحيم:victory:

ماشاء الله رد اقتراح جميل جدا
أقول فلفل حار كيف حالك

[فلفل حار]

ماشاء الله رد اقتراح جميل جدا
أقول فلفل حار كيف حالك

االحمدلله طيب:telephone:

وانت شحالك:tease:

[شاهين]

اختي

اذا تبين ، برسل لج سايق ياخذ السياره من باب بيتكم وبوديها اشوف شفيها وبارجعها لج :)

واذا تبين ضمانه بخلي السايق يعطيج بطاقتي الشخصيه والليسن مقابل السياره

واذا عرفت خرابها بشتريلها قطع الغيار أصليه من الوكاله وبخلي الكراج يركبها لج وعقب بخلي السايق يرد السياره مع فواتير الاغراض وفواتير شغل يد الكراج ، سلم واستلم مع بطاقاتي الشخصيه ، مافيها زعل طبعا :tease:

وانا جاد وعند كلامي ومابي ريال واحد زياده ، باخذ حقي وبعتبر الي سويته أجر ، وكان الله غفورا رحيم:victory:




فلفل حار

سيارتي مادري شفيها ياخي:(

[وطن]

اختي
بالأول لازم ما تهملين أي اشارة تطلع لج في السيارة
مافي اشارة تطلع وتكون عاديه
وانتي اهملتي الـ Abs سنة
والضمان حتى لو منتهى
ودي السيارة الوكاله
عط الخباز خبزه ولو أكل نصه

مشكلتج تقولين تنحل كل ما سويتي ميزانية لكن ترد بسرعه
ما تمرين على مطبات او حفر بسرعه ؟؟






ماشاء الله رد اقتراح جميل جدا
أقول فلفل حار كيف حالك

هاهاهاهاهاها

[فلفل حار]

فلفل حار

سيارتي مادري شفيها ياخي:(

هلا والله شاهين:telephone:

انت امر تدلل:victory:










عندك الصناعيه شكبرها وشعرضها ، طيب وتخير فديت خشمك:shy:

[الرايــق]

اختي

اذا تبين ، برسل لج سايق ياخذ السياره من باب بيتكم وبوديها اشوف شفيها وبارجعها لج :)

واذا تبين ضمانه بخلي السايق يعطيج بطاقتي الشخصيه والليسن مقابل السياره

واذا عرفت خرابها بشتريلها قطع الغيار أصليه من الوكاله وبخلي الكراج يركبها لج وعقب بخلي السايق يرد السياره مع فواتير الاغراض وفواتير شغل يد الكراج ، سلم واستلم مع بطاقاتي الشخصيه ، مافيها زعل طبعا :tease:

وانا جاد وعند كلامي ومابي ريال واحد زياده ، باخذ حقي وبعتبر الي سويته أجر ، وكان الله غفورا رحيم:victory:

وفي ميزان حسناتك يا فلفل حار
يعطيك العافية : )

[فلفل حار]

اقووول يا شباب ياحلوين :telephone:

ماله داعي الرسايل الخاصه والنغزات علي ردي للعضوه الاخت قطريه قمر

اعتقد يبين انه البنت محتاره ومتوهقه ويبين انه ماعندها اخوان تعتمد عليهم والدليل بنفسها قالت ماعندها حد يقط سيارتها بالكراجات ، والله يعينها علي ظروفها وانا حبيت اخدمها بسيطه بحكم خبرتي في سوالف الصناعيه ، وبدبر نفسي وبصلح سيارتها في نفس اليوم وشغل عدل بعد :victory:

بس ترا كل واحد ونيته ، وتبين نية كل واحد فيكم من طريقة الرد والنغزات :omen2:

الي في خاطره شي علي لايسويلي حركات بنوتات من ورى شاشه ، خل يطرش لي رقمه وانا اعزمه علي كرك النعيمي وخله يفضفض لي الخاطر :shy:

[فلفل حار]

وفي ميزان حسناتك يا فلفل حار
يعطيك العافية : )

الله يعافيك ويرحم والدينك يالشيخ :shy:

تسلملي والله :nice:

[!قطريـة بنت القمـر!]

أنا في المجال الميكانيكي والمشكله في ثلاث أشياء يمكن تكون مشتركه ويمكن شيء منها
1 ــ الرودات مثل ماقالو الشباب وبنسبة 50% بسبب الحادث أو تلف الربلات ومن الشوارع الطيبه الي عندنا وأحنا متعودين كل سنه نعمل ميزانية رودات عند تبديل الأطاران من باب الأحتياط
2 ــ الأكسل وبنسبة 70% مثل مانصحك أحد الأخوان أيضاً فضربت الرصيف لابد أن تترك أثر وفي اليسارات الصالون والتي عزمها أمامي تكون هذه المشكله مزمنه ودائمه وبالخصوص سيارات الهوندا والسوبارو ومن هم على شاكلتهم والتجربه سهله أكسري السكان (لفي السكان) في أتجاه الضربه للنهايه وحركي السياره ببطء واسمعي الصوت كما قال أحد الأخوان والطقطقه دليل 100% أكسل وبدون نقاش ونصيحه لكي أختي حاولي أثناء السواقه ألا تديري العجله (السكان ) للآخر أبدا فهذا يؤثر على ربلات الأكسل والصيانه الدوريه كل 8شهور الى سنه ضروري
3 ــ الأطارات حتي لوكانت شبه جديده فبعد سنه ونصف أو سنتين تحتاج لتبديل فالحراره والتي تصل 50 أو أكثر ومع كثرة الأستعمال تتلف حتى لو الشكل الخارجي ممتاز فأنصحك بتبديل الأطارات بعد النقطتين الأوليتين والله يوفقك

يعطيك العافية وجزاك الله خير ماشاء الله شرح وافي مشكور اخوي ماقصرت :) ....



الله يعينج

بيعي السياره

ماصارلها سنة كم شهر :eek5: ....

[!قطريـة بنت القمـر!]

اختي

اذا تبين ، برسل لج سايق ياخذ السياره من باب بيتكم وبوديها اشوف شفيها وبارجعها لج :)

واذا تبين ضمانه بخلي السايق يعطيج بطاقتي الشخصيه والليسن مقابل السياره

واذا عرفت خرابها بشتريلها قطع الغيار أصليه من الوكاله وبخلي الكراج يركبها لج وعقب بخلي السايق يرد السياره مع فواتير الاغراض وفواتير شغل يد الكراج ، سلم واستلم مع بطاقاتي الشخصيه ، مافيها زعل طبعا :tease:

وانا جاد وعند كلامي ومابي ريال واحد زياده ، باخذ حقي وبعتبر الي سويته أجر ، وكان الله غفورا رحيم:victory:


بيض الله ويهك عز الله ماتقصر وان دل هذا على شي دل على اخلاقك العالية اخوي فلفل ومب بعيدة عنك هالشغلة جزاك الله خير والله يعطيك على قد نيتك :victory: ....

[!قطريـة بنت القمـر!]

اختي

اذا تبين ، برسل لج سايق ياخذ السياره من باب بيتكم وبوديها اشوف شفيها وبارجعها لج :)

واذا تبين ضمانه بخلي السايق يعطيج بطاقتي الشخصيه والليسن مقابل السياره

واذا عرفت خرابها بشتريلها قطع الغيار أصليه من الوكاله وبخلي الكراج يركبها لج وعقب بخلي السايق يرد السياره مع فواتير الاغراض وفواتير شغل يد الكراج ، سلم واستلم مع بطاقاتي الشخصيه ، مافيها زعل طبعا :tease:

وانا جاد وعند كلامي ومابي ريال واحد زياده ، باخذ حقي وبعتبر الي سويته أجر ، وكان الله غفورا رحيم:victory:


ماشاء الله رد اقتراح جميل جدا
أقول فلفل حار كيف حالك


:) ....

[!قطريـة بنت القمـر!]

اختي
بالأول لازم ما تهملين أي اشارة تطلع لج في السيارة
مافي اشارة تطلع وتكون عاديه
وانتي اهملتي الـ Abs سنة
والضمان حتى لو منتهى
ودي السيارة الوكاله
عط الخباز خبزه ولو أكل نصه

مشكلتج تقولين تنحل كل ما سويتي ميزانية لكن ترد بسرعه
ما تمرين على مطبات او حفر بسرعه ؟؟



انا ماكنت ادري عن علامة الاي بي اس الا من فترة بسيطه نبهني لها الهندي بالسيرفس عقبها عرفت سالفته اما امر على مطبات او حفر بسرعة يعني نادر تقريبا وتسلمين الغالية على هالمرور الجميل ^_^ ....

[!قطريـة بنت القمـر!]

اقووول يا شباب ياحلوين :telephone:

ماله داعي الرسايل الخاصه والنغزات علي ردي للعضوه الاخت قطريه قمر

اعتقد يبين انه البنت محتاره ومتوهقه ويبين انه ماعندها اخوان تعتمد عليهم والدليل بنفسها قالت ماعندها حد يقط سيارتها بالكراجات ، والله يعينها علي ظروفها وانا حبيت اخدمها بسيطه بحكم خبرتي في سوالف الصناعيه ، وبدبر نفسي وبصلح سيارتها في نفس اليوم وشغل عدل بعد :victory:

بس ترا كل واحد ونيته ، وتبين نية كل واحد فيكم من طريقة الرد والنغزات :omen2:

الي في خاطره شي علي لايسويلي حركات بنوتات من ورى شاشه ، خل يطرش لي رقمه وانا اعزمه علي كرك النعيمي وخله يفضفض لي الخاطر :shy:

والله كنت متوقعة هالشي لان ماشاء الله تبارك الرحمن وايد اعضاء هني ظنهم دايما في خلق الله ظن السوء اتمنى يا جماعة تحطون ببالكم ان بعض الظن سوء وثاني شي كلن يرى الناس بعين طبعه ان كان هو له بالسوالف النص كم اكيد بيكون ظنه بالناس انهم مثله والريال ماقصر الصراحة ولد اجاويد وفيه الخير وصج لو انا عندي احد جان ماحطيت الموضوع بالاساس هني لكن ماطلبت ان احد يصلح لي سيارتي اللهم بغيت المشورة واحاول بكل جهدي ان اصلحها بروحي لكن هالاماكن يدخلونها الرياييل درجة اولى وكنت كل ما اروح مكان احصله متروس شباب استحي وارد بيتنا وما ادخل سيارتي عشان التصليح او الفحص والله المستعان .... وترى ماهو عيب ولا حرام واذكروا على ايام الرسول علية الصلاة والسلام لو في مرة مسلمة تحتاج المساعدة وماعندها من محارمها احد يساعدونها اخوانها المسلمين ومحد يتكلم بالعكس اللي ما يساعد هالمره ينقدون عليه ومن صفات الحمية والغيره للرجل انه مو بس يخاف على اهله يخاف حتى على بنات بلاده وبنات المسلمين كلهم بغض النظر حتى عن جنسياتهم .... ذكرت هالكلام كله بس بشكل عام مو بشكل خاص لان سوء الظن غالب على اكثر الناس بدون ما تقولون جزاه الله خير ماقصر طلع ولد اجاويد مو غرضه الا انه يساعد ويشيل العباله عن بنت يمكن مالها حد وتستحي تطلب المساعده من اي شخص غريب يعني الظن الحسن ماجا على البال :) .... ما نقول الا الله يهدي هالنوعية بس واكبروا يرحم والديكم ترى مو يهال احنا كلن طايف الـ 25 سنة يعني ناضجين من قلب يرحم والديكم ارحموا نفسكم شوي ترى هو قالها على العلن يبي يساعد وغيره يمكن دازين رسايل خاصة بنفس المضمون ويمكن حتى من اللي دزوا هم اللي يقطون عليك النغزات يا فلفل ماتدري ؟؟ :) .... اخوي فلفل حار بالعكس رايتك بيضا وموقفك ما يدل الا على اخلاقك العالية الله يخليك لاهلك ويكفي انك قلتها بلسانك وتاخذ عليها اجر من رب العالمين لان الله يحاسب بالنية وعساك في الجنه ما تقصر :) ....

[شقردي]

اختي مشكلت سيارتج مثل ماقالو الاعضاء الرودات اوالتواير الرنج اذا مطعوج يبين تحصلين فيه رجه مش ميلان بس

شوفي اي مكان تواير بريلي اللي على طريق سلوى وخليه يعمل ميزانيه رود وشيك على التواير

واذا ماتعدلة مافيه ال الوكاله اهم اللي يراح يضمنون الشغل والضامن الله لكن الله يعينج على قطع غيار الهوندا والله يوفقج

بس لاتنسين تخبرينى بالعام اذا اصلحة سيارتج

[فرغلي]

اختي

اذا تبين ، برسل لج سايق ياخذ السياره من باب بيتكم وبوديها اشوف شفيها وبارجعها لج :)

واذا تبين ضمانه بخلي السايق يعطيج بطاقتي الشخصيه والليسن مقابل السياره

واذا عرفت خرابها بشتريلها قطع الغيار أصليه من الوكاله وبخلي الكراج يركبها لج وعقب بخلي السايق يرد السياره مع فواتير الاغراض وفواتير شغل يد الكراج ، سلم واستلم مع بطاقاتي الشخصيه ، مافيها زعل طبعا :tease:

وانا جاد وعند كلامي ومابي ريال واحد زياده ، باخذ حقي وبعتبر الي سويته أجر ، وكان الله غفورا رحيم:victory:





ممكن يابني تبعت لي السايئ اللي عندك ؟؟؟؟

عاوز اغير كراسي المكينة للديهاتسو اللي عندي

بس مستخسر اروح الصناعيه منت عارف الداخل هناك مفقود والخارج مولود

ربنا يفتحها ف وشك يابني

وما تخفش ح ادي الواد الهندي 50 ريال بتاع المشوار

بس يخلصني م المشكله دي

[hamoor4ever]

شكله عندج البايرنجات منكسر او يبون تغيير ، لان الموتر افتكر فورويل والمشكله بسيطه بس تبي ميكانيكي شوي زين

طبعا هاذه بعد ماتتأكدين ان الميزانيه والرودات مافيهم شي

[فقط قطر]

انتي ليش معورة راسك....وديها الوكالة...وبيقولن لك ايش اللي فيها..وبيصلحونها لك وبيعطونك ضمان على التصليح...

[بوحارب]

ماشاء الله رد اقتراح جميل جدا
أقول فلفل حار كيف حالك


االحمدلله طيب:telephone:

وانت شحالك:tease:



فلفل حار

سيارتي مادري شفيها ياخي:(




ممكن يابني تبعت لي السايئ اللي عندك ؟؟؟؟

عاوز اغير كراسي المكينة للديهاتسو اللي عندي

بس مستخسر اروح الصناعيه منت عارف الداخل هناك مفقود والخارج مولود

ربنا يفتحها ف وشك يابني

وما تخفش ح ادي الواد الهندي 50 ريال بتاع المشوار

بس يخلصني م المشكله دي







هههههههههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههههههههههههههههههه هه

يالله صباح خير :shy:

[وحيد-الشوق]

والله كنت متوقعة هالشي لان ماشاء الله تبارك الرحمن وايد اعضاء هني ظنهم دايما في خلق الله ظن السوء اتمنى يا جماعة تحطون ببالكم ان بعض الظن سوء وثاني شي كلن يرى الناس بعين طبعه ان كان هو له بالسوالف النص كم اكيد بيكون ظنه بالناس انهم مثله والريال ماقصر الصراحة ولد اجاويد وفيه الخير وصج لو انا عندي احد جان ماحطيت الموضوع بالاساس هني لكن ماطلبت ان احد يصلح لي سيارتي اللهم بغيت المشورة واحاول بكل جهدي ان اصلحها بروحي لكن هالاماكن يدخلونها الرياييل درجة اولى وكنت كل ما اروح مكان احصله متروس شباب استحي وارد بيتنا وما ادخل سيارتي عشان التصليح او الفحص والله المستعان .... وترى ماهو عيب ولا حرام واذكروا على ايام الرسول علية الصلاة والسلام لو في مرة مسلمة تحتاج المساعدة وماعندها من محارمها احد يساعدونها اخوانها المسلمين ومحد يتكلم بالعكس اللي ما يساعد هالمره ينقدون عليه ومن صفات الحمية والغيره للرجل انه مو بس يخاف على اهله يخاف حتى على بنات بلاده وبنات المسلمين كلهم بغض النظر حتى عن جنسياتهم .... ذكرت هالكلام كله بس بشكل عام مو بشكل خاص لان سوء الظن غالب على اكثر الناس بدون ما تقولون جزاه الله خير ماقصر طلع ولد اجاويد مو غرضه الا انه يساعد ويشيل العباله عن بنت يمكن مالها حد وتستحي تطلب المساعده من اي شخص غريب يعني الظن الحسن ماجا على البال :) .... ما نقول الا الله يهدي هالنوعية بس واكبروا يرحم والديكم ترى مو يهال احنا كلن طايف الـ 25 سنة يعني ناضجين من قلب يرحم والديكم ارحموا نفسكم شوي ترى هو قالها على العلن يبي يساعد وغيره يمكن دازين رسايل خاصة بنفس المضمون ويمكن حتى من اللي دزوا هم اللي يقطون عليك النغزات يا فلفل ماتدري ؟؟ :) .... اخوي فلفل حار بالعكس رايتك بيضا وموقفك ما يدل الا على اخلاقك العالية الله يخليك لاهلك ويكفي انك قلتها بلسانك وتاخذ عليها اجر من رب العالمين لان الله يحاسب بالنية وعساك في الجنه ما تقصر :) ....

:(


الله يكون في عونج اختي وييسر امورج يارب

ياشباب ان بعض الظن اثم لو متابعين بعض من ردوده بتعرفون ان يحب يساعد الكل

اخوي فلفل جزاك الله خير ماقصرت وجعل الي تسويه في ميزان حسناتك ان شاء الله

[كلنا قطر]

أخوي فلفل كثر الله خيرك يالنشمي
والله يزاك كل خير يارب

[..عاشق قطر..]

فلفل حاار

كثر الله خيرك ع المسااعده

وانت الصرآآحه ماعليك كلام..

اخلاق واحترام.. ونعم فيك..

..

والله يعينج..؟!

[alsooja]

السلام عليكم ورحمة الله وبركاته ....


عندي مشكله بسيارتي بصراحة عورت راسي من شهور طلعت لي ولا قادرة احلها وكل من عطاني سبب غير .... لما اسوق سيارتي تظل تكسر يمين او يسار بشكل خفيف في البداية ومع الايام قامت تكسر بقو شوي بحيث ان ايدي تعورني الصراحة من مسكة السكان وقالوا ناس ان السبب بميزانية التواير قلت اوكيه بروح مكان يعدل لي هالشغله ورحت وعدل لي يمكن بس تاير واحد وتقريبا راحت المشكله يومين وردت مره ثانيه وحرت مرة ثانيه بشهر وعدلوا ميزانية التواير الاربع والمشكله تقريبا راحت كم يوم وردت قوية الصراحة وحتى في تاير مطلع لي صوت من قلب لما احرك السكان يقولون يمكن يحتك بالربل او شي ماعرف بالضبط غشيمة وايد بهالامور وتعبت الصراحة وبعدين يوم وديتها السيرفس جيكوا على كل شي وكل شي طلع سليم بس طلعت شغلة يوم بدلوا لي السفايف لقوا لي واير مقطوع وهو واير صغير من التاير الايسر ومن زمان الظاهر مقطوع لان قال لي الهندي جي طالعة عندج علامة الـ ABS وهي طالعة عندي من ارمضان اللي طاف يعني صارلها سنة وانا طبعا مادري عبالي هالعلامة اللي طالعة لي عادية فقال لي مانقدر نصلحها لج هني لازم تودينها الصناعية فخاطري اعرف شنو مهمة هالواير بالضبط وخصوصا انه قال لي الهندي لازم تصلحينها وهي مب خطره وايد لكن لو تسوقين بسرعة بتكون مشكله عليج يمكن لا سمح الله تنقلبين مادري ما يمسك معاج البريك مافهمت بالضبط شنو قصده لكن ابي اعرف لو اصلحها كم يبيلها من الوقت ؟ وثاني شي سالفة السكان شاللي يخليه يكسر يمين يسار وان كان يكسر يمين اكثر الحين ؟؟ وكنت مسوية حادث وضاربة رصيف من سنة لكن خذوها الوكالة بالصناعية وتمت عندهم شهر لان ضمانها شامل وصلحوا كل شي فيها تقريبا وماخلوا شي .... بس ياليت اعرف شنهي المشكله لان صج تعبت من هالشغلة وايدي تكسرت:weeping: .... مع العلم السيارة جديدة ماصارلها الا سنة وشوي بس .....

في واحد اعرفه صارت معاه نفس المشكلة بس سيارته مرسيدس. وبس خلال يوم واحد قالواله الشركة ان العيب في الجامبينات مب الميزانية. يرجى فحصها والله الموفق.

[الخييلي]

الرجال يبين من افعاله

ونعم فلفل

[حمد الكعبي]

اختي قطريه

في رنج من الرنقات مضروب

ممكن من الداخل مب من الخارج نيجة ضرب رصيف او ضربت حصاه كبيره

واذا كان الرنق مضروب ماينفع ميزانيه لانه رنق صغير

فيحتاج انج تغيرينه