المساعد الشخصي الرقمي

مشاهدة النسخة كاملة : شباب نصيحة مرسيدس S500


Qatari2003
09-10-2008, 11:49 PM
السلام عليكم شباب عندي واحد من الشباب يبغي يبيع موتره مرسيدس س 500 طبعا 8 سلندر موديل 99 ابغي اتاكد عن صيانته حد عنده علم اشلون صيانته وهل يمكن صيانته برع الوكالة وكم يكلف

رفيجي يسوية الصيانه في الوكالة بس يدفع بين 3 الى 6 الف ريال كل 15 الف كيلو بنسبه لي انا مش خاطري ادفع عليه وايد يعني علاشان موديلة راح بس مادري هل محتاج صيانة دورية او ممكن اطنش لاني ناوي اكرف الموتر وكم الصيانة تكلف وين يسونه

في انتظار نصايحكم
حياتي
10-10-2008, 12:27 AM
نصيحه ابعد عن المرسدس اذا انت ماتبي تدفع لاني مجرب وهلكت
شقردي
10-10-2008, 12:34 AM
اخوي انا عندي مرسيدس S500 موديل 99 الموتر ماعليه كلام بس شركته تعبانه ومايضبطون الشغله

شوف انا سويت له تشيك 60000 لان الموتر مخزن يوم اشتريته مامشى شي

غيرت البريكات ودرامات ويل تصدق مطلعه من الوكاله يوم وصلت البيت الا فيه صوت بالبريك يالله مره مرتين ثلاث ليما اضبطوه

مره طاح معي الهودرويليك الخلفي غيرته 7300 مع الخصم قالولي غير الامامي بس قلت لا بعد شهر طاح علي وغيرته 6000 بس الان الحمد لله صارلي اكثر من سنه ماحطيت فيه شي

الشهاده لله اذا السياره نضيفه ونت راعي اخطوط اخذه بس ترا راح ماتتقبل اي موتر بعده

بالنسبه لبرا الوكاله نصحوني ربعي يقولون بعض الكراجات حارميه يسرقون منه شغلات ويركبون في موترك تجاري او مستخدم

والله يوفقك
Qatari2003
10-10-2008, 02:09 AM
مشكورين شباب على الردود صح الهيدروليك انا كنت الاحظ هذي المشكلة بس اذا صلحتة برع كم ممكن يكلف واي كراج يصلحة وايش سبب خرابة؟
فلفل حار
10-10-2008, 02:41 AM
شوف كراج طارق شارع 14 ، شغله كله أللماني ويشتري لك القطع من الوكاله وعنده بعض القطع يجيبهم من دبي ، ومن تجربة رفيجي معاه يمدحه ويقول أمين وشغله نظيف

أو عندك شركة بوش بالصناعيه حق الالماني بشكل عام ، ويقولون اسعارهم ارخص من الوكاله

والله يعينك يالغالي :)
شقردي
10-10-2008, 03:13 AM
مشكورين شباب على الردود صح الهيدروليك انا كنت الاحظ هذي المشكلة بس اذا صلحتة برع كم ممكن يكلف واي كراج يصلحة وايش سبب خرابة؟


اخوي شغله بسيط مايكلف بس الغلاء في قطع الغيار انا رحت محل متخصص في المرسيدس قريب شركة الفهد وشغله ممتاز بس اهو ياخذ قطع الغيار من الشركه طلع اقل من الشركه 1000 ريال قلت اصلحه بالشركه ويعطوني ضمان سنتين بدل الكراج اللي مايعطيني ضمان
الكنج
10-10-2008, 12:37 PM
اخوي هم بعد في محليين في الصناعية حق الالماني
1- محل التخصصية شارع 18 عندة قطع غيار اصلية واشوف سعرها وايد زين
2- توب كار شارع 24 شغلة اوكية بس سعرة يعني شوي فوق.

والله يوفقك ان شاء الله في الموتر....
Qatari2003
10-10-2008, 01:47 PM
يعطيكم العافية شباب شكلي اهون احسن الله يخلي الكروزر حتى وهو خربان ابرك من وايد سيارات صاحية 100%
وحيد-الشوق
10-10-2008, 06:10 PM
السلام عليكم شباب عندي واحد من الشباب يبغي يبيع موتره مرسيدس س 500 طبعا 8 سلندر موديل 99 ابغي اتاكد عن صيانته حد عنده علم اشلون صيانته وهل يمكن صيانته برع الوكالة وكم يكلف

رفيجي يسوية الصيانه في الوكالة بس يدفع بين 3 الى 6 الف ريال كل 15 الف كيلو بنسبه لي انا مش خاطري ادفع عليه وايد يعني علاشان موديلة راح بس مادري هل محتاج صيانة دورية او ممكن اطنش لاني ناوي اكرف الموتر وكم الصيانة تكلف وين يسونه

في انتظار نصايحكم

صيانه 3 او 6 الاف :eek5: وموديل الموتر 99

من صجك انت ؟ والله دامك تبي تكرف الموتر خذلك موتر كرف غيره

نصيحه ابعد عن الشر وغنيله :tease: