المساعد الشخصي الرقمي

مشاهدة النسخة كاملة : بداء ينزل البنيان الحمدالله رب ضارة نافعه


غير عنهم
10-10-2008, 12:34 AM
سعر بناء متر العظم الان يبداء بسعر 1100ريال
وتشطيب العادي 1800ريال
واتوقع من الاسبوع القادم يبداء النزول بأذن الله
وايشرو بالخير
ونصيحه لا احد يبني الان ولا يشتري عقار
امير القلوب
10-10-2008, 01:10 AM
خل نصيحتك حق نفسك شلون تنصح لاحد يشتري ليكون انت منجم واحنا ماندري غيرك قال ايام ارخص لاحد يشتري يوم كان الفوت عل 60 وطارت الطيور برزاقها والحين اقل ارض 120 للفوت ...
saoud
10-10-2008, 01:38 AM
مرحبا الشيخ على يدك ممكن ترسل لي رقمك ع الخاص عشان نتواصل
انا مب قادر الاقي ارخص واحلى من اسعارك
والتوفيق للجميع
الزعفراني82
10-10-2008, 01:55 AM
الزين غالي لكن الازين اغلا
و لكل شراي بضاعه و سوقي
قلب شاعر
10-10-2008, 02:00 AM
لين الحين ماشوف شي نزل ايجارات نار شوف في قسم العقار في المنتدى على كم تتأجر الفلل القرقور بدون حوش ب 15000 واذا تبي ريحه الحوش ب 20 الف الفله والفوت اللي يقول انه 120 ... وينه في بو سمره رويس على 180 وطالع ليكون قصدك فوت لصبخه في سيلين جايز مع الحدود مع السعوديه اتروحها بطراد

ولا حد ياخذ ياخذ بخاطره من تعليقي فيني حره على الأسعار النار الخياليه اللي رواتبنا ماوصلت 20 الف ولحد يذكرني بالراتب وماادراك ماالراتب بس لقول اقول لك اللي شفته وحصل لنا على الرواتب اللي ناخذها حمله ماجستير وقاعديين يحضرون الدكتوراه وصارلهم من 11 - 15 سنه خدمه ك كبار الموظفين وراوتبهم توها الحين وصلت 20 الف ...غيرهم وصلت 45 الف على خبراتهم وشهاداتهم ...وزيدك اقطريين بعد مو اجانب اللي رواتب داقه... وفي النهايه الحمد لله على كل حال نعمه من رب العالميين وخير وبركه اهم شي الصحه والعافيه
مافيا قطر
10-10-2008, 02:30 AM
ان شاء الله بحق هذه الليله ترجع الاسعار نفس قبل ويصير انهيار فى اسعر العقارات واهل قطر يقدرون يشترون اخوى والله لو راتبك 45 الف وين تقدر تشترى بيت وانت ما عندى دفعه اولى او غيره يارب تنهار اسعار العقارات ويعرضونها ولا يلاقون حد يشترى منهم والحمد لله على كل حال
الزعفراني82
10-10-2008, 02:45 AM
اخوي مافيا قطر عندي لك سوال ؟

انت ترضي تبيع عقار شريته بأقل من المبلغ الي شريته بالاساس ؟
qatar.1995
10-10-2008, 03:35 AM
سبحان الله
عنيــــد
10-10-2008, 06:12 AM
لين الحين ماشوف شي نزل ايجارات نار شوف في قسم العقار في المنتدى على كم تتأجر الفلل القرقور بدون حوش ب 15000 واذا تبي ريحه الحوش ب 20 الف الفله والفوت اللي يقول انه 120 ... وينه في بو سمره رويس على 180 وطالع ليكون قصدك فوت لصبخه في سيلين جايز مع الحدود مع السعوديه اتروحها بطراد

ولا حد ياخذ ياخذ بخاطره من تعليقي فيني حره على الأسعار النار الخياليه اللي رواتبنا ماوصلت 20 الف ولحد يذكرني بالراتب وماادراك ماالراتب بس لقول اقول لك اللي شفته وحصل لنا على الرواتب اللي ناخذها حمله ماجستير وقاعديين يحضرون الدكتوراه وصارلهم من 11 - 15 سنه خدمه ك كبار الموظفين وراوتبهم توها الحين وصلت 20 الف ...غيرهم وصلت 45 الف على خبراتهم وشهاداتهم ...وزيدك اقطريين بعد مو اجانب اللي رواتب داقه... وفي النهايه الحمد لله على كل حال نعمه من رب العالميين وخير وبركه اهم شي الصحه والعافيه


كلامك غير صحيح ..

قبل اسبوعين فله جديده تاجرت في الخريطيات مساحتها 1200 متر على 20 الف ريال ..

و فلل مسحاتها فوق 500 متر ورى كلية شمال الاطلنطي و قبل سنه متاجرين على 11 الف ريال ..

الاجارات بدت تنزل .. صحيح ما نزلت كثير لكن فيه نزول واضح ..
qatar77
10-10-2008, 06:41 AM
خل نصيحتك حق نفسك شلون تنصح لاحد يشتري ليكون انت منجم واحنا ماندري غيرك قال ايام ارخص لاحد يشتري يوم كان الفوت عل 60 وطارت الطيور برزاقها والحين اقل ارض 120 للفوت ...

من قال لك أقل ارض 120 اللحين عندي أقل ارض في المشاف مساحتها 47 ألف متر بسعر 80 أريال للفوت أتحد احد عنده نفس سعري :telephone::telephone: :tease: :victory:
الزعفراني82
10-10-2008, 07:27 AM
47 الف متر يا خبيره اشكثر منها بيروح شوارع و خدمات و الخ الخ ؟ ممكن الرد
barod
10-10-2008, 09:59 AM
47 الف متر يا خبيره اشكثر منها بيروح شوارع و خدمات و الخ الخ ؟ ممكن الرد

نفس الكلام الي كنت بقوله كم بيتم له
قلب شاعر
10-10-2008, 11:09 AM
من قال لك أقل ارض 120 اللحين عندي أقل ارض في المشاف مساحتها 47 ألف متر بسعر 80 أريال للفوت أتحد احد عنده نفس سعري :telephone::telephone: :tease: :victory:

على كثر ماسمعت عن المشاف وانا ماعرفها وين والله بس اذا المنطقه مش بعيده وب 80 ريال للفوت شي عجيب والله والله ياريت تعطيني التفاصيل اكثر عن الموقع لأني جاد اشتري ولك اطيب تحيه
المديرة
10-10-2008, 11:54 AM
الزين غالي لكن الازين اغلا
و لكل شراي بضاعه و سوقي

الزعفراني كلامك دائما درر
خط النار
10-10-2008, 12:30 PM
منهو يقول سعر البيان آنخفض اللة يرحم والديك صارلي سبع شهور آدورعلى مقاول حق البنبان حقي وكل واحد آغلى من الثاني بس ما أقول اللة يعينة على الأيام الجاية واللة المستعان
سهم طايش
10-10-2008, 12:46 PM
على كثر ماسمعت عن المشاف وانا ماعرفها وين والله بس اذا المنطقه مش بعيده وب 80 ريال للفوت شي عجيب والله والله ياريت تعطيني التفاصيل اكثر عن الموقع لأني جاد اشتري ولك اطيب تحيه

المشاف طال عمرك و انت رايح طريق الوكير عن طريق الوكرة قبل لا توصل الوكير بتشوف منبر لمسجد للعيد على يدك اليمين خلف هالمسجد منطقة المشاف 0

بس ما عندي فكرة عل فيها خدمات و لا لا
غير عنهم
10-10-2008, 01:06 PM
خل نصيحتك حق نفسك شلون تنصح لاحد يشتري ليكون انت منجم واحنا ماندري غيرك قال ايام ارخص لاحد يشتري يوم كان الفوت عل 60 وطارت الطيور برزاقها والحين اقل ارض 120 للفوت ...

معليش ماكنت اتوقع ان رواد هالموقع شريطيه عقار

العالم كله في أنهيار ياحبيبي الناس اصحاب المليارات الي لهم تاثير في ارتفاع العقار راحت افلوسهم راحت يعني افلوس ماكو عقار ينزل سامان مافيه يشتري نفر لازم كلش تحت معلوم كلام
سوق واقف
10-10-2008, 01:12 PM
لا تعليق

بس بعلق على أخوي الزعفراني وبدون زعل

أنت تقول ترضى تشتري عقار مثلا بمليونين وتبيع بمليون أقولكم نعم

شرينا أسهم المصرف الإسلامي 500 وبعنا 100 ريال
شرينا الأسلامية 350 ريال وبعنا 80 ريال
شرينا الصناعات 200 ريال وبعنا 140 ريال
لا تقول مايصر
بس بقولك العقار نازل لا محالة
واصلني على الأميل عرض خاص في بريطانيا أشتر شقة والثانية مجانا
لا تزعل ولك خالص حبي
saoud
10-10-2008, 01:20 PM
انا مازلت انطر المقاول اللي ييبني المتر العظم ب 1100
و لراعي الارض 47000 و ب 80 لو سمحت ارسل التفاصيل ع الخاص
و حبيت ابين المواقع
المشاف بين الوكره و الوكير و بالظبط جنوب الحضارمه وقريبه من جنوب الدوحه
وتم تسمية مشروع عقار على انه فالمشاف بينما بالاصل و بالعوده لموقع المنطقه فهذا يسمى الوكير
والدوحه اكسبرس سيفصل بين المشاف والوكير حيث سيصبح الوكير بما فيه مخطط عقار غرب الاكسبرس
والمشاف الحالي والوكره بما فيه مستشفى الجنوب شرق الاكسبرس
هذا للعلم
anything99
10-10-2008, 03:21 PM
معليش ماكنت اتوقع ان رواد هالموقع شريطيه عقار

العالم كله في أنهيار ياحبيبي الناس اصحاب المليارات الي لهم تاثير في ارتفاع العقار راحت افلوسهم راحت يعني افلوس ماكو عقار ينزل سامان مافيه يشتري نفر لازم كلش تحت معلوم كلام

فعلا .. لم يستوعبوا الاعصار المالي ومدى تأثيره على العالم وعلى السيولة المالية بعد .. وبالاخص وما هو معلوم بان جهاز قطر للاستثمار ضخ الملايين في استثمارات عقارية في برطانيا ودول اوروبية كثيرة .. ودعم بنوك اوروبية من عدة شهور .... هل ستستطيع الدولة تمويل مشاريعها العقارية .. لم تتضح الصورة بعد .. ولكن بدأت التصريحات الرسمية تظهر قليل من الصورة .. وبأننا لسنا بمعزل عن العالم .. وسنتأثر سلبا .. وما نحن الا في البداية ..

http://www.qatarshares.com/vb/showthread.php?t=207844
الزعفراني82
10-10-2008, 04:40 PM
لا تعليق

بس بعلق على أخوي الزعفراني وبدون زعل

أنت تقول ترضى تشتري عقار مثلا بمليونين وتبيع بمليون أقولكم نعم

شرينا أسهم المصرف الإسلامي 500 وبعنا 100 ريال
شرينا الأسلامية 350 ريال وبعنا 80 ريال
شرينا الصناعات 200 ريال وبعنا 140 ريال
لا تقول مايصر
بس بقولك العقار نازل لا محالة
واصلني على الأميل عرض خاص في بريطانيا أشتر شقة والثانية مجانا
لا تزعل ولك خالص حبي

عزيزي سوق واقف اعتقد انت اكثر واحد شرحت له هالموضوع و اعتقد انت ماخذ المسئله شخصيه اول شي انت يوم شريت المصرف بقيمه 500 ريال هل كان يستاهل هالسعر و الاسلاميه 350 هل كان سعره الواقعي و اصلا شنو الي وداه و خلاه 350 ريال
المضاربه و ليس الاستثمار عزيزي و اعتقد لازم الناس تتعلم فرق بين الاسهم و العقار
اذا علا كلامك قبل كرتون الطماط كان ب 3 ريال الحين صار 10 ريال و ما نزل

عزيزي قارن العقار بالعقار و الاسهم بالاسهم و انت بعت بالخساره اسهمك لانك مجبور و خايف ينزل اكثر و لا تنسي مافي عائد علا الاسهم بالاخير اوراق في سوق الدوحه للاوراق الماليه اما العقار شي ملموس و موجود علا ارض الواقع و اتمني انت ما تزعل مني و تفهمني غلط
الوعد2016
10-10-2008, 04:46 PM
من قال لك أقل ارض 120 اللحين عندي أقل ارض في المشاف مساحتها 47 ألف متر بسعر 80 أريال للفوت أتحد احد عنده نفس سعري :telephone::telephone: :tease: :victory:

هذا السعر للتحدي ولساعه فقط ام مازال مستمر العرض
medosss
10-10-2008, 04:59 PM
الله يعين الاجنبي العربي الي راتبه 2500 ريال ومطلوب منه مصاريف شهريه 25 الف ريال
فتى الجود
10-10-2008, 07:07 PM
لاتعليق
الصيـاد
10-10-2008, 07:24 PM
اذا امريكا بكبرها انهارات عقاراتها

وبريطانيا اليوم مسجلة انخفاص حاد بالعقارات

لزم تاثيرها يوصل هنا او بدء بالوصول ولا مفكرين عقاراتكم بكوكب زحل

اقول اللي عندة عقار يبيع ويشرد لا يسوي نفسة بطل الابطال انهاروا وبقيت انت يا بطل من ورق
سعادة الوزير
10-10-2008, 08:42 PM
الله يعين الاجنبي العربي الي راتبه 2500 ريال ومطلوب منه مصاريف شهريه 25 الف ريال

اسمحلي في هاذي. الاجنبي العربي هذا مب ملزوم يعيش في بلد غالي. الي مب قادر يعيش هني يرجع بلاده.

المسكين الحقيقي هو القطري الي مب قادر يعيش في بلاده.
بنت قطر202
10-10-2008, 08:59 PM
ياااااااااااااااااااااارب الاسعار تنزل
محمد2
10-10-2008, 09:52 PM
المشاف طال عمرك و انت رايح طريق الوكير عن طريق الوكرة قبل لا توصل الوكير بتشوف منبر لمسجد للعيد على يدك اليمين خلف هالمسجد منطقة المشاف 0

بس ما عندي فكرة عل فيها خدمات و لا لا

ها المنطقة على ما اعتقد خارج التخطيط وما فيها خدمات (اعتقادي هذا قبل 3 او 4 سنوات )
المخفي
10-10-2008, 09:55 PM
التجارة ربح و خسارة يا ما ناس من كبار العقاريين و فلسوا و هذه الدنيا
nor85
10-10-2008, 10:01 PM
خل نصيحتك حق نفسك شلون تنصح لاحد يشتري ليكون انت منجم واحنا ماندري غيرك قال ايام ارخص لاحد يشتري يوم كان الفوت عل 60 وطارت الطيور برزاقها والحين اقل ارض 120 للفوت ...

الريال ماقال شيء حق هذا كله ياتقبل كلامه او ترفضه
medosss
10-10-2008, 10:13 PM
اذا امريكا بكبرها انهارات عقاراتها

وبريطانيا اليوم مسجلة انخفاص حاد بالعقارات

لزم تاثيرها يوصل هنا او بدء بالوصول ولا مفكرين عقاراتكم بكوكب زحل

اقول اللي عندة عقار يبيع ويشرد لا يسوي نفسة بطل الابطال انهاروا وبقيت انت يا بطل من ورق
واسعو في مناكبها وكلو من رزقها
وفر شوية خدم اخوي راح تقدر تعيش انشاء الله الدوله مو مقصره وياك كل شي ببلاش عندك
وشكرا
medosss
10-10-2008, 10:15 PM
اسف اخ صياد انت كلامك صحيح انا كنت قاصد في ردي علي الاخ سعادة الوزير مو انت وشكرا
غير عنهم
10-10-2008, 11:54 PM
مرحبا الشيخ على يدك ممكن ترسل لي رقمك ع الخاص عشان نتواصل
انا مب قادر الاقي ارخص واحلى من اسعارك
والتوفيق للجميع

مادري هل انت صاحب شركة مقاولات او انك ماتدري عن سعر السوق
على العموم الاسعار الي قلتها متوفره لدي الكثير من الشركات وبامكانك ادور وتحصل
المغترب 123
11-10-2008, 02:02 AM
منهو يقول سعر البيان آنخفض اللة يرحم والديك صارلي سبع شهور آدورعلى مقاول حق البنبان حقي وكل واحد آغلى من الثاني بس ما أقول اللة يعينة على الأيام الجاية واللة المستعان




هذا ما اقوله انا كذلك لكن استغرب من صاحب الموضوع اتمنى ان يرسل لنا ارقام الشركات التي يتحدث عن اسعارها 1800 تشطيب للامانه سعر مغري جدا
اسعار البناء الان في ازدياد والسعر للشركات الجيدة تشطيب تجاري الان بين 2200 الى 2800 وهذا من ملامستي للسوق فعليا ببناء مجموعة كبيرة من المساكن وبعض شركات المقاولات ترفض اخذ شغل جديد بحكم الضغط الكبير عليها والله يوفق الجميـــــــــــــــــــــــــــــــــــــــــــــ ـــــــع
ماتركس
11-10-2008, 06:59 AM
اليوم السبت انا اكلم واحد بمريكااااااا يقول الايجار ماطااااااااااااح يعني لجيت بتأجر نفس
ماكاااان بصيف
رحال
11-10-2008, 11:43 AM
عزيزي سوق واقف اعتقد انت اكثر واحد شرحت له هالموضوع و اعتقد انت ماخذ المسئله شخصيه اول شي انت يوم شريت المصرف بقيمه 500 ريال هل كان يستاهل هالسعر و الاسلاميه 350 هل كان سعره الواقعي و اصلا شنو الي وداه و خلاه 350 ريال
المضاربه و ليس الاستثمار عزيزي و اعتقد لازم الناس تتعلم فرق بين الاسهم و العقار
اذا علا كلامك قبل كرتون الطماط كان ب 3 ريال الحين صار 10 ريال و ما نزل

عزيزي قارن العقار بالعقار و الاسهم بالاسهم و انت بعت بالخساره اسهمك لانك مجبور و خايف ينزل اكثر و لا تنسي مافي عائد علا الاسهم بالاخير اوراق في سوق الدوحه للاوراق الماليه اما العقار شي ملموس و موجود علا ارض الواقع و اتمني انت ما تزعل مني و تفهمني غلط

أسمعت اذا ناديت حيا ولكن لا حياة لمن تنادي !!!
باتريوت
11-10-2008, 11:54 AM
لا تعليق

بس بعلق على أخوي الزعفراني وبدون زعل

أنت تقول ترضى تشتري عقار مثلا بمليونين وتبيع بمليون أقولكم نعم

شرينا أسهم المصرف الإسلامي 500 وبعنا 100 ريال
شرينا الأسلامية 350 ريال وبعنا 80 ريال
شرينا الصناعات 200 ريال وبعنا 140 ريال
لا تقول مايصر
بس بقولك العقار نازل لا محالة
واصلني على الأميل عرض خاص في بريطانيا أشتر شقة والثانية مجانا
لا تزعل ولك خالص حبي


تأكد اخوي من هاذول احتمال يبيعون ملابس
غير عنهم
11-10-2008, 10:25 PM
هذا ما اقوله انا كذلك لكن استغرب من صاحب الموضوع اتمنى ان يرسل لنا ارقام الشركات التي يتحدث عن اسعارها 1800 تشطيب للامانه سعر مغري جدا
اسعار البناء الان في ازدياد والسعر للشركات الجيدة تشطيب تجاري الان بين 2200 الى 2800 وهذا من ملامستي للسوق فعليا ببناء مجموعة كبيرة من المساكن وبعض شركات المقاولات ترفض اخذ شغل جديد بحكم الضغط الكبير عليها والله يوفق الجميـــــــــــــــــــــــــــــــــــــــــــــ ـــــــع
كلامك صحيح اخوي المغترب سعر التشطيب 2200 الى 2800بس قبل رمضان او قبل الازمه الاقتصاديه ولاكن الان السعر نزل ووقسم بالله ان فيه الان مكتب وقبل يومين قايلي سعر العظم طلع بعد ماقسمته على عدد امتار البناء1112ريال قطري ولاكن للامانه لايوجد ديكورات كثيره سوى مدخل الصاله فقط .
وانا والله القصد في هالشيء الناس اصحاب الدخل المحدود الي مالهم في البناء يكونو على علم
والعقار نازل نازل نازل بأذن الله
وبذكركم بعد شهر
(لان خسارة المليارات وعلان الفلاس راح يبين تاثيرها)
عاد اتصدقون او ماتصدقون كيفكم والي مابائع ايام الغلاء راحت عليه كاان اسهم او عقار وماينفع الترقيع فالمنتدى
غير عنهم
11-10-2008, 10:34 PM
نداء عاجل لاحد يشتري لمدة شهر فقط ولا يقوم بالبناء ابشرو بالخير
العقار نازل نازل نازل

والعلم عندالله
saoud
11-10-2008, 10:59 PM
مرحبا اخوي انا مايخصني العقار
بس ارجو تعطيني اسم لشركتين او اكثر لاني ابي ابني وانا والله مالقيت حد يبني بسعرك بديكورات او بدون
وجزاك الله خير و لكل من يقرا هلمواضيع الله يوفقنا وياكم ويبعد عنا الخساير
الزعفراني82
12-10-2008, 01:04 AM
نداء عاجل لاحد يشتري لمدة شهر فقط ولا يقوم بالبناء ابشرو بالخير
العقار نازل نازل نازل

والعلم عندالله


اخوي انت متنبيء جوي شكلك

لو سمحت لو عندك اي دليل علا نزول اسعار العقار و هبوطه ممكن تتكرم و تشرحه لنا ؟
فويرط
12-10-2008, 05:16 AM
نبي الشركات اللي تبي بهذه الاسعار

وجزاك الله خير
غير عنهم
12-10-2008, 08:27 AM
مرحبا الشيخ الزعفراني اخوي فيه عدة عوامل ما تخفى على احد

اولاً: امر الله ورحمته على عباده من عباده المفتريين الي ينفخون في غربه مشقوقه وشفنا بوادرها جميعا.

ثانيا: مواد البناء اسعارها في نزول .

ثالثا: شوف العرض في المنتدى ومافيه طلب الا طلبات وهميه من بعض الشريطيه من اصحاب العقارات لرفع العقار.

رابعا: توفر مواد البناء هاليومين بسبب تخوف الجميع من الاسثمار اياً كان عقاري أو غيره
اتمنى اتشوف كم قيمة سهم بروة صاحبة اكبر المشاريع العقاريه قبل شهر والحين كم ونفس الشيء العقاريه.

خامسا: اصحاب التاثير في السوق نوعيين نوع متضرر بالدرجة الإولى واخر متضرر ولكن باقل ولن يقدمو على اي استثمارات عقارية والدليل الردكوووووود الحالي.

سادساً: البنوك هاليومين اوقفت التمويل طويل الاجل بعد ازمة الرهن العقاري
باستثاء القليل وبحذر وبنسبه اقل من 30%من الاصل كان الثابت او الدخل الجاري وبشروط
غير عنهم
12-10-2008, 08:30 AM
ولك مني الف شكر للمرور
يالزعفراني
بـن عدوان
12-10-2008, 11:12 AM
واصلني على الأميل عرض خاص في بريطانيا أشتر شقة والثانية مجانا



العررض ماااااله حل

عقبال نشوفه في قطر
وهم قطر
12-10-2008, 11:39 AM
الاسعار نزلت والله اسعار البيع واسعار الايجارااااااااات

ان شاءالله من مزيد الى مزيد يارب
غير عنهم
12-10-2008, 02:15 PM
الاسعار نزلت والله اسعار البيع واسعار الايجارااااااااات

ان شاءالله من مزيد الى مزيد يارب

امين يارب العالمين
saoud
12-10-2008, 03:43 PM
الاخ الزعفراني ممكن ترسل لي رقمك عالخاص للتواصل اذا سمحت
hamoor4ever
13-10-2008, 07:04 AM
الله اعلم اخواني ، بس اعتقد اذا بتنزل بتاخذ لها فتره لان اخواني هاذي مهب اسهم ، تنزل بسرعه الصاروخ ، بعدين للحين فيه اقبال على العقار من الكل سواء قطري او مستثمرين وناس وايد تنتظر الفرصه واغلب الشركات عندها مشاريع لين سنتين قدام يعني ماهمهم وناس وايد موقعين عقود ، النزول ياخذ وقت ومب مثل الارتفاع انا برأيي الشخص وحتى لو انا عندي عقار بمليونين بنزل من سعره ماراح انزل سعره كثير لان هاذه عقار مب اسهم اخاف تطيح بجبدي واصلا اغلب القطريين اللي عندهم عقار مايفكرون يبيعون

بالتوفيق للجميع ، واللي اعرفه ان سعر التشطيب بروحه ه الايام مايقل عن ال ١٠٠٠ ريال هاذه في احسن الاحوال ، معقول التشطيب الكامل ١٨٠٠ ياليت مانبي اشاعات
بوعليان
13-10-2008, 08:30 AM
انا عندي مؤسسه غير مصنفه ابني العضم 1250 وتشطيب تجاري 1250 يعني 2500للفله من الألف لين الياء وشكرا"
ولدينا اعمال بناء للمعاينه على ارض الواقع
غير عنهم
13-10-2008, 08:51 AM
انا عندي مؤسسه غير مصنفه ابني العضم 1250 وتشطيب تجاري 1250 يعني 250 للفله من الألف لين الياء وشكرا"
ولدينا اعمال بناء للمعاينه على ارض الواقع

اظاهر كل رواد المنتدى شريطيه
على العموم يمكن كلامك صحيح بس الي اعرفه ان شركة الاختيار تبني ايام الغلاء قبل 3شهور
2000ريال تشطيب
وترى هاليومين الاسعار تختلف ونازله بشكل غير طبيعي فيه ياربع مشاريع كثير توقفت بسبب
شح السيولة في السوق
والا انتم في عالم اخر
على العموم الله يخلف عليكم جميع
بوعليان
13-10-2008, 09:21 AM
اظاهر كل رواد المنتدى شريطيه
على العموم يمكن كلامك صحيح بس الي اعرفه ان شركة الاختيار تبني ايام الغلاء قبل 3شهور
2000ريال تشطيب
وترى هاليومين الاسعار تختلف ونازله بشكل غير طبيعي فيه ياربع مشاريع كثير توقفت بسبب
شح السيولة في السوق
والا انتم في عالم اخر
على العموم الله يخلف عليكم جميع

بنيت اول فلتين ب 2000 ريال للمفتاح بصراحه تعب وهم وشقى والفايده ماتسوى تقعد اخوي على اعصابك 8 شهور والنتيجه ماتسوى الشركات الكبرى ترضى بالسعر 2000 لسبب على الكميه تفرق معاهم هنا يكمن الفرق
الـمـحـنـك
13-10-2008, 02:00 PM
ان شاءالله تنزل اسعار العقار ونشوف كل شريطي حافي منتف يارب

هم سبب الغلاء
vip-30003
13-10-2008, 02:19 PM
السلام عليكم ...

بخصوص متر البناء 1100 .. هذا فورمان مب شركة ..

سعر التكلفه مايتعدى 900 لو الحديد العادي والخرسانه العاديه ..

بس في عوامل تأثر بالسعر .. وترجع لشركة نفسها ..

في بعض الشركات غير مصنفه وعدد عمالها على القد فا امورها سهالات .. ماعليها عبء شهري

اما الشركات الكبيرة لا تفرق معاها السعر ..

اتكلم عن الفلل اما اذا مجمع فلل عمارة .. لا السعر بيكون اقل .. لان مساحة البناء اكثر ..

فا السعر الطبيعي عظم من 1300 الى 1400
وفي مواصفات لازم اتكون في العظم ..

احتمال 1200 بدون بلستر .. او كهرباء ..او او ..

وموضوع العقار ... (( عندك سيوله ومرتاح اشتر اراضي وخزن راح ترتفع بس مب الحين ..))

في عوامل تأثر في العقار .. منها البورصه ومنها ظهور مدن جديده .. ونزولها طبيعي .. بس بترتفع
ahmad79
13-10-2008, 05:19 PM
:omg::omg::omg::omg::omg:
سحر الليالي
13-10-2008, 05:21 PM
الله كريم
البندر
14-10-2008, 12:25 AM
يا جماعة الرجال ما غلط في شي مجرد نصائح لوجه الله

جزاكم الله خير